ထွက်​မြောက် 15:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ လူမျိုးတကာ​တို့​သည်​ကြား​၍ ထိတ်လန့်တုန်လှုပ်​ကြ​လိမ့်မည်​။ ဖိလိတ္တိ​ပြည်သား​တို့​သည် ဝေဒနာ​ကို​မချိမဆံ့ ခံစား​ရ​လိမ့်မည်​။

Common Language Bible

¹⁴ လူ​မျိုး​အ​ပေါင်း​တို့​သည်​ထို​သ​တင်း​ကို​ကြား​၍ ကြောက်​ရွံ့​တုန်​လှုပ်​ကြ​၏။ ဖိ​လိတ္တိ​အ​မျိုး​သား​တို့​သည်​ထိတ်​လန့်​ကြ​၏။

Garrad Bible

¹⁴ လူ မျိုး များ သည် သ တင်း ကြား၍ တုန် လှုပ် ကြ၏။ ဖိ လိ တ္တိ ပြည် သူ ပြည် သား တို့ သည် နာ ကျင် ခြင်း ဝေ ဒ နာ ခံ ရ ကြ ၏။

Judson Bible

¹⁴ လူ​မျိုး​တို့​သည်​သ​တင်း​ကြား​၍ ကြောက်​လန့်​ကြ​လိမ့်​မည်။ ပါ​လေ​တ္တိ​န​ပြည်​သူ​ပြည်​သား​တို့​သည် ပူ​ပန်​ခြင်း​သို့​ရောက်​ကြ​လိမ့်​မည်။

ထွက်​မြောက် 15:14 Referencias Cruzadas

၁ ရာ​ချုပ် 14:17

ဤသို့ဖြင့် ဒါဝိဒ်​မင်းကြီး​၏​ဂုဏ်သတင်း​သည် တိုင်းပြည်​အရပ်ရပ်​သို့ ပျံ့နှံ့​သွား​ပြီး လူမျိုး​တကာ​တို့​သည် သူ့​ကို ကြောက်ရွံ့ရိုသေ​လာ​အောင် ထာဝရဘုရား ပြု​တော်မူ​လေ​၏​။

ဆာ​လံ 48:6

ထို​အရပ်​တွင် ထိတ်လန့်တုန်လှုပ်​ခြင်း​သည် သူ​တို့​ကို​ဖမ်းဆုပ်​ထား​၍ သူ​တို့​သည် သားဖွား​နေ​သော​အမျိုးသမီး​ကဲ့သို့ ဝေဒနာ​ခံစား​ကြ​ရ​၏​။

ဆာ​လံ 48:7

ကိုယ်တော်​သည် တာရှု​သင်္ဘော​တို့​ကို အရှေ့​လေ​ဖြင့်​ကျိုးပဲ့​စေ​တော်မူ​၏​။

ဟေ​ရှာ​ယ 14:29

ဖိလိတ္တိ​ပြည်သား​အပေါင်း​တို့​၊ သင့်​ကို ရိုက်​သော​ကြိမ်လုံး​ကျိုး​သောကြောင့် ဝမ်းမြောက်​ခြင်း​မ​ရှိ​နှင့်​။ အကြောင်းမူကား မြွေ​အမျိုး​ထဲက မြွေပွေး​ပေါက်လာ​လိမ့်မည်​။ သူ​၏​သားပေါက်​သည်​လည်း ပျံသန်း​တတ်​သော​မီးမြွေ​ဖြစ်​လိမ့်မည်​။

ဟေ​ရှာ​ယ 14:31

အို မြို့​တံခါး​၊ ညည်းတွားငိုကြွေး​လော့​။ အို မြို့​၊ အော်ဟစ်​လော့​။ မြောက်အရပ်​မှ​မီးခိုး​ထွက်လာ​၏​။ စစ်သည်​အလုံးအရင်း​တွင် တစ်ယောက်တည်း​ကွဲထွက်​သွား​သော​သူ​မ​ရှိ​။ ထို့ကြောင့် ဖိလိတ္တိ​ပြည်သား​အပေါင်း​တို့​သည် စိတ်အားလျော့​ကြ​၏​။

ဟေ​ရှာ​ယ 23:5

တိုင်ရာ​မြို့​၏​သတင်း​သည် အီဂျစ်​ပြည်​သို့​ရောက်လာ​သောအခါ ထို​သတင်း​ကြောင့် သူ​တို့​တုန်လှုပ်​ကြ​လိမ့်မည်​။

ယေ​ဇ​ကျေ​လ 32:9

သင်​မ​သိ​သော​လူမျိုး​တို့​နေရာ​အရပ်ရပ်​သို့ သင်​ပျက်စီး​သော​သတင်း​ကို ငါ​လွှင့်​သောအခါ လူ​အမြောက်အမြား စိတ်ပျက်​အားလျော့​ကြ​လိမ့်မည်​။

ဟ​ဗက္ကုတ် 3:6

ရပ်​တော်မူ​လျှင် မြေကြီး​လှုပ်​၍ ကြည့်​တော်မူ​လျှင် တိုင်းနိုင်ငံ​တို့ တုန်လှုပ်​ကြ​လေ​၏​။ ရှေး​တောင်ကြီး​များ​လည်း ကွဲလွင့်​၍ ရှေး​တောင်ကုန်း​များ​လည်း နိမ့်ဝင်​ကုန်​၏​။ နည်းလမ်း​တော်​တို့​မူကား ထာဝရ​တည်​၏​။

ဟ​ဗက္ကုတ် 3:7

ကုရှန်​ပြည်​၏​တဲ​တို့​သည် စုတ်ပြတ်​၍ မိဒျန်​ပြည်​၏​ရွက်ထည်​တို့​သည် လှုပ်ခတ်​နေ​သည်​ကို ငါ​မြင်​ရ​၏​။

တော​လည် 14:14

ဤ​ပြည်​၌​နေထိုင်​သော​သူ​တို့​အား ပြောပြ​ကြ​ပါ​လိမ့်မည်​။ အို ထာဝရဘုရား​၊ ကိုယ်တော်​သည် ဤ​လူမျိုး​အလယ်​၌ ရှိ​တော်မူ​ကြောင်း​ကို​လည်းကောင်း​၊ အို ထာဝရဘုရား​၊ သူ​တို့​သည် ကိုယ်တော်​ကို ကိုယ်တိုင်​မြင်​ရ​၍ ကိုယ်တော်​၏​မိုးတိမ်​သည် သူ​တို့​အပေါ်​၌​တည်​လျက် နေ့​အချိန်​၌ မိုးတိမ်​တိုင်​၊ ညအချိန်​၌ မီး​တိုင်​အားဖြင့် ကိုယ်တော်​သည် သူ​တို့​၏​ရှေ့​မှ ကြွ​တော်မူ​ကြောင်း​ကို​လည်းကောင်း ဤ​ပြည်သား​တို့​ကြား​ထား​ကြ​ပါ​ပြီ​။

တော​လည် 22:5

ဗာလက်​မင်းကြီး​သည် ယူဖရေးတီး​မြစ်​အနီး မိမိ​အမျိုးသားချင်း​တို့​၏​ပြည်​ရှိ ပေသော်​မြို့​နေ ဗောရ​၏​သား​ဗာလမ်​ကို ခေါ်​ရန် စေတမန်​တို့​ကို​စေလွှတ်​လျက် “​လူမျိုး​တစ်​မျိုး​သည် အီဂျစ်​ပြည်​မှ​ထွက်လာ​၍ မြေ​မျက်နှာ​တစ်ပြင်လုံး​ပျံ့နှံ့​နေ​ပြီ​။ အကျွန်ုပ်​အနား​၌​လည်း နေထိုင်​ကြ​ပြီ​။

တ​ရား​ဟော 2:25

မိုးကောင်းကင်​တစ်ခွင်​အောက်​ရှိ လူမျိုး​တို့​သည် သင်​တို့​သတင်း​ကို​ကြား​၍ သင်​တို့​ရှေ့​၌​တုန်လှုပ်​ချောက်ချား​မည့်​အကြောင်း သင်​တို့​ကို​ထိတ်လန့်​ကြောက်ရွံ့​သော​သဘော​ကို ယနေ့ သူ​တို့​အပေါ်​သို့ ငါ​စတင်​ကျရောက်​စေ​မည်​’​ဟု မိန့်​တော်မူ​၏​။

ယော​ရှု 10:2

အလွန်​ကြောက်​လေ​၏​။ အကြောင်းမူကား ဂိဗောင်​မြို့​သည် မင်းနေပြည်တော်​မြို့​ကဲ့သို့ ခမ်းနားကြီးကျယ်​သော​မြို့​ဖြစ်​၏​။ အာဣ​မြို့​ထက်​ကြီး​၍ ထို​မြို့​ရှိ​ယောက်ျား​အပေါင်း​တို့​သည်​လည်း စစ်သူရဲ​များ​ဖြစ်​ကြ​၏​။

ယော​ရှု 2:11

ထိုသို့ သင်​တို့​သတင်း​ကို​ကြားသိ​ရ​သောကြောင့် ကျွန်မ​တို့​စိတ်ပျက်အားလျော့​ကြ​ပါ​၏​။ လူတိုင်း​အလွန်​ကြောက်ရွံ့​လျက်​ရှိ​ပါ​၏​။ သင်​တို့​၏​ဘုရားသခင်​ထာဝရဘုရား​သည် အထက်​မိုးကောင်းကင်​တွင်​လည်းကောင်း​၊ အောက်​မြေကြီး​တွင်​လည်းကောင်း ဘုရားသခင်​ဖြစ်​တော်မူ​၏​။

ယော​ရှု 9:24

သူ​တို့​က​လည်း ယောရှု​အား “​အရှင်​တို့​ရှေ့မှောက်​တွင် ဤ​ပြည်သား​တို့​ကို သုတ်သင်ပယ်ရှင်း​ပြီး ပြည်​တစ်ပြည်လုံး​ကို အရှင်​တို့​အား​ပေး​မည်​ဟု အရှင်​တို့​၏​ဘုရားသခင်​ထာဝရဘုရား​က မိမိ​အစေအပါး​မောရှေ​အား မိန့်​တော်မူ​ခဲ့​သည်​ကို အရှင့်​အစေအပါး​တို့ ကောင်း​စွာ​သိ​ထား​ပြီ​။ အကျွန်ုပ်​တို့​လည်း အသတ်​ခံရ​မည်​ကို ကြောက်​လွန်း​သဖြင့် ဤသို့​ပြု​ခြင်း​ဖြစ်​ပါ​၏​။

ယော​ရှု 9:9

သူ​တို့​က​လည်း “​အကျွန်ုပ်​တို့​သည် သခင်​၏​ဘုရားသခင်​ထာဝရဘုရား​၏​နာမ​တော်​အကြောင်း​ကို​ကြား​၍ အလွန်​ဝေး​သော​ပြည်​မှ​လာ​သော သခင်​၏​ကျွန်​များ​ဖြစ်​ပါ​၏​။ အကျွန်ုပ်​တို့​သည် ထာဝရဘုရား​၏​ဂုဏ်​သတင်း​တော်​ကို​လည်းကောင်း​၊ အီဂျစ်​ပြည်​၌​ပြု​တော်မူ​ခဲ့​သမျှ​တို့​ကို​လည်းကောင်း​၊

၁ ရာ 4:7

ဖိလိတ္တိ​လူမျိုး​တို့​သည် ကြောက်ရွံ့​ကြ​၍ “​တပ်စခန်း​အတွင်း​သို့ ဘုရားသခင် ရောက်​လေ​ပြီ​။ ငါ​တို့​၌ အမင်္ဂလာ​ဖြစ်​လေ​ပြီ​။ ယခင်က ဤသို့​တစ်ခါ​မျှ​မ​ဖြစ်​စ​ဖူး​။

၁ ရာ 4:8

ငါ​တို့​၌ အမင်္ဂလာ ဖြစ်​လေ​ပြီ​။ ဤ​တန်ခိုးကြီး​သော​ဘုရား​၏​လက်​မှ ငါ​တို့​ကို မည်သူ​ကယ်တင်​မည်နည်း​။ ဤ​ဘုရား​ကား တောကန္တာရ​၌ အီဂျစ်​လူမျိုး​တို့​ကို ကပ်ရောဂါ​အမျိုးမျိုး​ဖြင့် ဒဏ်ခတ်​တော်မူ​သော​ဘုရား​ဖြစ်​၏​။