ထွက်​မြောက် 14:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ ထိုသို့ မိုးတိမ်​သည် အီဂျစ်​တပ်​နှင့် အစ္စရေး​တပ်​ကြား​သို့​ရောက်​၍ တစ်ဖက်​၌​အမှောင်​ကို​ဖြစ်​စေ​ပြီး တစ်ဖက်​၌​ညအချိန်​တွင် အလင်း​ကို​ပေး​၏​။ ထို့ကြောင့် တစ်ညလုံး တစ်ဖက်​နှင့်​တစ်ဖက်​မ​ချဉ်းကပ်​နိုင်​ကြ​။

Common Language Bible

²⁰ အီ​ဂျစ်​တပ်​နှင့်​ဣသ​ရေ​လ​တပ်​တို့​အ​ကြား သို့​ရောက်​ရှိ​လေ​၏။ မိုး​တိမ်​တိုင်​သည်​အီ​ဂျစ် အ​မျိုး​သား​တို့​ဘက်​တွင်​အ​မှောင်​ကျ​စေ​၍ ဣ​သ​ရေ​လ​အ​မျိုး​သား​တို့​ဘက်​တွင်​မူ အ​လင်း​ရောင်​ရ​စေ​၏။ သို့​ဖြစ်​၍​ထို​ည တစ်​ည​လုံး​တစ်​တပ်​နှင့်​တစ်​တပ်​မ​ချဉ်း ကပ်​နိုင်​ကြ​ချေ။

Garrad Bible

²⁰ ထို သို့ အိ ဂျစ် တပ် နှင့် ဣ သ ရေ လ တပ် ကြား တွင် ဝင် ရောက် ပြီး မှ ညဉ့် အ ခါ လင်း စေ လျက် ပင် တိမ် တိုက် နှင့် တ ကွ မှောင် ကျ သ ဖြင့် တစ် ညဉ့် ပတ် လုံး တစ် တပ် နှင့် တစ် တပ် မ ချဉ်း ရာ။

Judson Bible

²⁰ ထို​သို့ အဲ​ဂု​တ္တု​တပ်​နှင့် ဣ​သ​ရေ​လ​တပ်​စပ်​ကြား​သို့​ရောက်​လျှင်၊ အဲ​ဂု​တ္တု​လူ​တို့၌ မိုက်​သော​မိုး​တိမ်​ဖြစ်၍၊ ဣ​သ​ရေ​လ​လူ​တို့​အား အ​လင်း​ကို​ပေး​လျက်​နေ​သ​ဖြင့်၊ တစ်​ည​လုံး တပ်​တစ်​ဦး​နှင့် တစ်​ဦး​မ​ချဉ်း​နိုင်​ရာ။

ထွက်​မြောက် 14:20 Referencias Cruzadas

ဆာ​လံ 18:11

ကိုယ်တော်​သည် အမှောင်​ကို မိမိ​၏​လျှို့ဝှက်​သော​နေရာ​ဖြစ်​စေ​တော်မူ​၏​။ မိုး​ရေ​ဖွဲ့​ထား​သော​တိမ်တိုက်ထု​ကြီး​၏​အမှောင်ထု​သည် ကိုယ်တော်​၏​ပတ်လည်​၌​ရှိ​သော အခြံအရံ​ဖြစ်​၏​။

ဆာ​လံ 78:53

ကိုယ်တော်​သည် သူ​တို့​ကို ဘေးကင်းလုံခြုံ​စွာ​ပို့ဆောင်​တော်မူ​သဖြင့် သူ​တို့​သည် မ​ကြောက်​ကြ​ရ​ပေ​။ သို့သော် ပင်လယ်​ရေ​သည် သူ​တို့​၏​ရန်သူ​များ​ကို ဖုံးလွှမ်း​ခဲ့​၏​။

ထွက်​မြောက် 14:19

အစ္စရေး​တပ်​ရှေ့​မှ​သွား​သော​ဘုရားသခင်​၏​ကောင်းကင်တမန်​သည် သူ​တို့​နောက်​သို့​ပြောင်း​၍​လိုက်​လေ​၏​။ မိုးတိမ်​တိုင်​သည်​လည်း သူ​တို့​၏​ရှေ့​မှ နောက်​သို့​ပြောင်း​၍ ရပ်​လေ​၏​။

ထွက်​မြောက် 14:21

မောရှေ​သည် မိမိ​၏​လက်​ကို ပင်လယ်​အပေါ်​သို့​ဆန့်​လိုက်​သော် ထာဝရဘုရား​သည် အားကြီး​သော​အရှေ့​လေ​ဖြင့် ပင်လယ်​ကို တစ်ညလုံး တိုက်ထုတ်​တော်မူ​၏​။ ထိုအခါ ပင်လယ်​သည် ခြောက်သွေ့​သော​မြေ​ဖြစ်သွား​၍ ရေ​သည်​ကွဲပြတ်​လေ​၏​။

ဟေ​ရှာ​ယ 52:12

သင်​တို့​သည် အလျင်စလို​မ​ထွက်သွား​ရ​ကြ​။ ပြေး​၍​လည်း​မ​သွား​ရ​ကြ​။ အကြောင်းမူကား ထာဝရဘုရား​သည် သင်​တို့​ရှေ့​၌​ကြွ​တော်မူ​မည်​။ အစ္စရေး​လူမျိုး​၏​ဘုရားသခင်​သည် အနောက်​မှ​လည်း သင်​တို့​ကို ကာကွယ်​တော်မူ​မည်​။

ဟေ​ရှာ​ယ 8:14

ကိုယ်တော်​သည် သန့်ရှင်းရာဌာန​ကဲ့သို့​ဖြစ်​တော်မူ​မည်​။ သို့သော် အစ္စရေး​အမျိုးအနွယ်​နှစ်မျိုးစလုံး​အတွက် ခလုတ်တိုက်စရာ​ကျောက်​၊ ထိမိ​၍​လဲစရာ​ကျောက်​ကဲ့သို့​ဖြစ်​တော်မူ​မည်​။ ဂျေရုဆလင်​မြို့သား​တို့​အတွက် ကျော့ကွင်း​၊ ထောင်ချောက်​ကဲ့သို့​ဖြစ်​တော်မူ​မည်​။

ယော​ရှု 24:7

ထိုအခါ သူ​တို့​သည် ထာဝရဘုရား​ထံ​အော်ဟစ်​တောင်းလျှောက်​ကြ​သဖြင့် ငါ​သည် သင်​တို့​နှင့်​အီဂျစ်​လူမျိုး​တို့​ကြား​၌ အမှောင်ထု ခြား​စေ​၏​။ အီဂျစ်​လူမျိုး​တို့​ကို ပင်လယ်ရေ​လွှမ်းမိုး​သွား​စေ​၏​။ အီဂျစ်​လူမျိုး​တို့​အား ငါ ဒဏ်ခတ်​ခဲ့​သည်​ကို သင်တို့ကိုယ်တိုင်​မျက်စိ​ဖြင့်​မြင်​ခဲ့​ကြ​၏​။ ထို့နောက်မှ သင်​တို့​သည် တောကန္တာရ​၌ ကာလ​ကြာမြင့်​စွာ​နေထိုင်​ကြ​ရ​၏​။