ထွက်​မြောက် 14:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ထာဝရဘုရား​သည် သင်​တို့​အတွက် စစ်တိုက်​တော်မူ​မည်​ဖြစ်၍ သင်​တို့​သည် ငြိမ်ဝပ်​စွာ​နေ​ရ​မည်​”​ဟု ဆို​လေ​၏​။

Common Language Bible

¹⁴ ထာ​ဝ​ရ​ဘု​ရား​သည်​သင်​တို့​အ​တွက်​စစ် တိုက်​တော်​မူ​လိမ့်​မည်။ စိတ်​မ​ပူ​ကြ​နှင့်'' ဟု ပြန်​ပြော​လေ​၏။

Garrad Bible

¹⁴ ထာ ဝ ရ ဘု ရား သည် သင် တို့ အ ဖို့ စစ် တိုက် တော် မူ မည် ဖြစ်၍ သင် တို့ ဆိတ် ဆိတ် နေ ကြ ရ မည် ဟု လူ မျိုး အား ဆို ၏။

Judson Bible

¹⁴ သင်​တို့​ဘက်၌ ထာ​ဝ​ရ​ဘု​ရား​သည်​စစ်​တိုက်​တော်​မူ​လိမ့်​မည်။ သင်​တို့​သည် ငြိမ်​ဝပ်​စွာ​နေ​ရ​ကြ​မည်​ဟု လူ​များ​တို့​အား​ဆို​၏။

ထွက်​မြောက် 14:14 Referencias Cruzadas

၂ ရာ​ချုပ် 20:15

“​အို ယောရှဖတ်​မင်းကြီး​နှင့် ယုဒ​ပြည်သူ​ဂျေရုဆလင်​မြို့သား​အပေါင်း​တို့​၊ နားထောင်​ကြ​ပါ​လော့​။ ထာဝရဘုရား​က သင်​တို့​အား ‘​ဤ​စစ်တပ်ကြီး​ကြောင့် သင်​တို့​မ​ကြောက်​ကြ​နှင့်​၊ စိတ်​မ​ပျက်​ကြ​နှင့်​။ စစ်မှု​သည် သင်​တို့​အရေး​မ​ဟုတ်​။ ဘုရားသခင်​၏​အရေး​သာ ဖြစ်​၏​။

၂ ရာ​ချုပ် 20:17

ဤ​တိုက်ပွဲ​ကို သင်​တို့​တိုက်စရာ​မ​လို​။ ခိုင်မာ​စွာ​ရပ်တည်​၍ ထာဝရဘုရား သင်​တို့​ကို​မည်သို့ ကယ်တင်​မည်​ကို စောင့်ကြည့်​ကြ​လော့​။ အို ယုဒ​ပြည်သူ ဂျေရုဆလင်​မြို့သား​တို့​၊ မ​ကြောက်​နှင့်​။ စိတ်​မ​ပျက်​နှင့်’​ဟု မိန့်​တော်မူ​၏​။ မနက်ဖြန်​နေ့​တွင် သူ​တို့​နှင့် ရင်ဆိုင်​တိုက်ခိုက်​ဖို့ စစ်ချီထွက်​လော့​။ ထာဝရဘုရား​သည် သင်​တို့​နှင့်အတူ ရှိ​တော်မူ​၏​”​ဟု မိန့်ဆို​၏​။

၂ ရာ​ချုပ် 20:29

အစ္စရေး​လူမျိုး​တို့​၏​ရန်သူ​တို့​အား ထာဝရဘုရား​တိုက်ခိုက်​သည့်​အကြောင်း​ကို မြေကြီး​ပေါ်ရှိ​တိုင်းနိုင်ငံ​အပေါင်း​တို့ ကြားသိ​ကြ​လျှင် ဘုရားသခင်​ကို ကြောက်ရွံ့​ကြ​လေ​၏​။

နေ​ဟ​မိ 4:14

ငါ​သည် အခြေအနေ​သုံးသပ်​ကြည့်​ပြီးနောက် ခေါင်းဆောင်​များ​၊ ကြီးကြပ်​သူ​များ​နှင့် ကျန်​လူ​တို့​အား “​ရန်သူ​တို့​ကို မ​ကြောက်​ကြ​နှင့်​။ ကြီးမြတ်​၍​ကြောက်ရွံ့ရိုသေ​ရ​သော​ဘုရားသခင်​ကို သတိရ​ကြ​လော့​။ သင်​တို့​၏​ညီအစ်ကို​၊ သား​သမီး​၊ ဇနီး​များ စသော​ကိုယ့်​အိမ်သား​များ​အတွက် တိုက်ပွဲဝင်​ကြ​လော့​”​ဟု ဆို​၏​။

နေ​ဟ​မိ 4:20

ထို့ကြောင့် တံပိုးမှုတ်သံ​ကို​ကြား​လျှင် ရှိ​သည့်​နေရာ​မှ ငါ့​ထံသို့​စုရုံး​လာ​ကြ​လော့​။ ငါ​တို့​၏​ဘုရားသခင်​သည် ငါ​တို့​အတွက် စစ်တိုက်​တော်မူ​မည်​”​ဟု မှာကြား​၏​။

နေ​ဟ​မိ 9:11

သူ​တို့​ရှေ့​၌​ပင် ကိုယ်တော်​သည် ပင်လယ်​ကို​ခွဲ​တော်မူ​၍ ပင်လယ်​အလယ် ခြောက်သွေ့​သော​မြေ​ပေါ်တွင် သူ​တို့​ကို ဖြတ်ကူး​စေ​၏​။ သူ​တို့​ကို လိုက်​သော​သူ​တို့​အား ကျောက်တုံး​ကို ရေနက်​ထဲ​ပစ်ချ​သကဲ့သို့ ပင်လယ်နက်​ထဲသို့​ပစ်ချ​တော်မူ​၏​။

ဆာ​လံ 35:1

အို ထာဝရဘုရား​၊ အကျွန်ုပ်​ကို​ဆန့်ကျင်ဘက်​ပြု​သော​သူ​တို့​ကို ဆန့်ကျင်ဘက်​ပြု​တော်မူ​ပါ​။ အကျွန်ုပ်​ကို​တိုက်ခိုက်​သော​သူ​တို့​ကို တိုက်ခိုက်​တော်မူ​ပါ​။

ဆာ​လံ 50:3

ငါ​တို့​၏​ဘုရားသခင်​သည် ကြွလာ​တော်မူ​မည်​။ ကိုယ်တော်​သည် တိတ်ဆိတ်​စွာ​နေ​တော်မူ​မည်​မ​ဟုတ်​။ ကိုယ်တော်​၏​ရှေ့​တော်​၌ ဝါးမျို​တတ်​သော​မီး​ရှိ​၍ ကိုယ်တော်​၏​ပတ်လည်​၌ ပြင်းထန်​သော​မုန်တိုင်း​ရှိ​၏​။

ဆာ​လံ 83:1

အို ဘုရားသခင်​၊ နှုတ်ဆိတ်​နေ​တော်​မ​မူ​ပါ​နှင့်​။ အို ဘုရားသခင်​၊ တိတ်ဆိတ်​စွာ​နေ​တော်​မ​မူ​ပါ​နှင့်​။ ငြိမ်သက်​စွာ​နေ​တော်​မ​မူ​ပါ​နှင့်​။

ထွက်​မြောက် 14:15

ထာဝရဘုရား​က မောရှေ​အား “​သင်​သည် အဘယ်ကြောင့် ငါ့​ထံ​အော်ဟစ်​နေ​သနည်း​။ အစ္စရေး​အမျိုးသား​တို့​အား ဆက်၍​ခရီးပြု​ကြ​ရန် ဆင့်ဆို​လော့​။

ထွက်​မြောက် 14:25

သူ​တို့​၏​ရထား​များ​ကို​လည်း မောင်း​ရ​ခက်ခဲ​စေရန် ဘီး​များ​ကို ကျွတ်ထွက်​စေ​တော်မူ​၏​။ သို့ဖြစ်၍ အီဂျစ်​လူမျိုး​တို့​က “​အစ္စရေး​လူမျိုး​တို့​ထံ​မှ ငါ​တို့​ထွက်ပြေး​ကြ​စို့​။ အကြောင်းမူကား ထာဝရဘုရား​သည် သူ​တို့​ဘက်​မှ​နေ​၍ အီဂျစ်​လူမျိုး​တို့​ကို စစ်တိုက်​တော်မူ​ပြီ​”​ဟု ဆို​ကြ​၏​။

ထွက်​မြောက် 15:3

ထာဝရဘုရား​သည် စစ်သူရဲ​ဖြစ်​တော်မူ​၏​။ နာမ​တော်​ကား ထာဝရဘုရား​ပေတည်း​။

ဟေ​ရှာ​ယ 30:15

အကယ်စင်စစ် အစ္စရေး​လူမျိုး​၏​သန့်ရှင်း​သော​အရှင် ဘုရားရှင်​ထာဝရဘုရား​က “​သင်​တို့​သည် နောင်တရ​၍ ငြိမ်းချမ်း​စွာ​နေ​လျှင် ကယ်တင်​ခြင်း​ခံရ​မည်​။ ငြိမ်ဝပ်​ခြင်း​သည် သင်​တို့​၏​ခွန်အား​၊ ယုံကြည်​ခြင်း​သည် သင်​တို့​၏​ခွန်အား​ဖြစ်​မည်​”​ဟု မိန့်​တော်မူ​၏​။ သို့သော် သင်​တို့​သည် ထိုသို့ အလို​မ​ရှိ​ကြ​။

မြည်​တမ်း​စ​ကား 3:26

ထာဝရဘုရား​၏​ကယ်တင်​ခြင်း​ကို ငြိမ်ဝပ်​စွာ​မျှော်လင့်စောင့်စား​သော​သူ​သည် ကောင်းကျိုး​ကို ခံစား​ရ​၏​။

တ​ရား​ဟော 1:30

သင်​တို့​ရှေ့​မှ​ကြွ​တော်မူ​သော သင်​တို့​၏​ဘုရားသခင်​ထာဝရဘုရား​သည် အီဂျစ်​ပြည်​၌ သင်​တို့​မျက်မှောက်​တွင် သင်​တို့​အဖို့​ပြု​ပေး​သကဲ့သို့​၊

တ​ရား​ဟော 20:4

အကြောင်းမူကား သင်​တို့​၏​ဘုရားသခင်​ထာဝရဘုရား​သည် သင်​တို့​နှင့်အတူ​ကြွချီ​၍ သင်​တို့​အတွက် သင်​တို့​၏​ရန်သူ​တို့​ကို တိုက်ခိုက်​တော်မူ​မည်​ဖြစ်​သောကြောင့် သင်​တို့​အောင်ပွဲ​ခံရ​လိမ့်မည်​’​ဟု ပြောကြား​ရ​မည်​။

တ​ရား​ဟော 3:22

သင်​တို့​၏​ဘုရားသခင်​ထာဝရဘုရား​သည် သင်​တို့​အတွက် စစ်တိုက်​တော်မူ​မည်​ဖြစ်၍ သူ​တို့​ကို​မ​ကြောက်​နှင့်​’​ဟု ဆို​၏​။

ယော​ရှု 10:10

ထာဝရဘုရား​သည် ထို​သူ​တို့​ကို အစ္စရေး​စစ်သည်​တို့​ရှေ့​၌ ကစဥ့်ကလျား​ဖြစ်စေ​တော်မူ​၏​။ အစ္စရေး​စစ်သည်​တို့​သည် ဂိဗောင်​မြို့​၌ ရန်သူ​အမြောက်အမြား​ကို တိုက်ခိုက်​သတ်ဖြတ်​ပြီး ဗေသောရုန်​မြို့​သို့​တက်သွား​သော​လမ်း​အတိုင်း အဇေကာ​မြို့​၊ မက္ကဒါ​မြို့​တိုင်အောင် လိုက်လံ​တိုက်ခိုက်​ကြ​၏​။

ယော​ရှု 10:14

ထာဝရဘုရား​သည် ထို​နေ့​ကဲ့သို့ လူ​၏​စကား​ကို နားညောင်း​သော​အဖြစ်​မျိုး ယခင်က မ​ဖြစ်​ဖူး​၊ နောင်​လည်း ဖြစ်​မည်​မ​ဟုတ်​။ စင်စစ် ထာဝရဘုရား​သည် အစ္စရေး​လူမျိုး​တို့​အတွက် စစ်တိုက်​တော်မူ​ခဲ့​၏​။

ယော​ရှု 10:42

အစ္စရေး​လူမျိုး​၏​ဘုရားသခင်​ထာဝရဘုရား​သည် အစ္စရေး​လူမျိုး​အတွက် စစ်တိုက်​တော်မူ​သောကြောင့် ယောရှု​သည် ရှင်ဘုရင်​တို့​နှင့်တကွ သူ​တို့​၏​တိုင်းပြည်​များ​ကို တစ်ချီတည်း​သိမ်းပိုက်​အောင်မြင်​ခဲ့​လေ​၏​။

ယော​ရှု 23:10

သင်​တို့​ကို ကတိပြု​တော်မူ​ခဲ့​သည့်​အတိုင်း သင်​တို့​၏​ဘုရားသခင်​ထာဝရဘုရား​သည် သင်​တို့​အဖို့​စစ်တိုက်​တော်မူ​သည်​ဖြစ်၍ သင်​တို့​တွင်​တစ်​ယောက်​သည် အယောက်​တစ်ထောင်​ကို​လိုက်​လိမ့်မည်​။

ယော​ရှု 23:3

သင်​တို့​၏​ဘုရားသခင်​ထာဝရဘုရား​သည် သင်​တို့​အတွက် ဤ​လူမျိုးခြား​အပေါင်း​တို့​အား မည်သို့​ပြု​တော်မူ​ခဲ့​သည်​ကို သင်​တို့​တွေ့မြင်​ခဲ့​ကြ​ပြီ​။ သင်​တို့​အတွက် စစ်တိုက်​ပေး​တော်မူ​သော​အရှင်​ကား သင်​တို့​၏​ဘုရားသခင်​ထာဝရဘုရား​ပေတည်း​။

သူ​ကြီး 5:20

ကြယ်​တို့​သည် ကောင်းကင်​မှ​စစ်တိုက်​ကြ​ပြီ​။ မိမိ​တို့​ပတ်လမ်း​မှ သိသရ​ကို​စစ်တိုက်​ကြ​ပြီ​။

၁ ရာ 4:7

ဖိလိတ္တိ​လူမျိုး​တို့​သည် ကြောက်ရွံ့​ကြ​၍ “​တပ်စခန်း​အတွင်း​သို့ ဘုရားသခင် ရောက်​လေ​ပြီ​။ ငါ​တို့​၌ အမင်္ဂလာ​ဖြစ်​လေ​ပြီ​။ ယခင်က ဤသို့​တစ်ခါ​မျှ​မ​ဖြစ်​စ​ဖူး​။