ထွက်​မြောက် 12:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ သင်​တို့​သည် ပထမ​နေ့​နှင့်​သတ္တမ​နေ့​၌ သန့်ရှင်း​သော​ဓမ္မစည်းဝေး​ခြင်း​ကို ပြုလုပ်​ရ​မည်​။ ထို​နေ့​တို့​၌ လူ​တိုင်း စားစရာ​များ​ကို​ချက်ပြုတ်​ခြင်း​မှတစ်ပါး အခြား​မည်သည့်​အလုပ်​ကို​မျှ​မ​လုပ်​ရ​။

Common Language Bible

¹⁶ ပ​ထ​မ​နေ့​နှင့်​သတ္တမ​နေ့​၌​ဝတ်​ပြု​အ​စည်း အ​ဝေး​ကို​ကျင်း​ပ​ရ​မည်။ ထို​နေ့​ရက်​များ တွင်​စား​စ​ရာ​ပြင်​ဆင်​ခြင်း​အ​လုပ်​မှ​တစ် ပါး​အ​ခြား​အ​လုပ်​မ​လုပ်​ရ။-

Garrad Bible

¹⁶ ပ ထ မ နေ့၌ လည်း ကောင်း၊ သ တ္တ မ နေ့ ၌ လည်း ကောင်း ဓ မ္မ အ စည်း အ​ဝေး ကို ပြု ရ မည်။ ထို နေ့ များ၌ လူ တိုင်း စား သောက် ရေး မှ တစ် ပါး အ ခြား အ လုပ် ကို မ လုပ် မ ဆောင် ရ။

Judson Bible

¹⁶ ပ​ထ​မ​နေ့၌​လည်း​ကောင်း၊ ခု​နစ်​ရက်​နေ့၌​လည်း​ကောင်း၊ ဓ​မ္မ​စည်း​ဝေး​ခြင်း​ကို​ပြု​ရ​မည်။ ထို​နေ့​ရက်၌ လူ​တိုင်း​စား​ခြင်း​ကိ​စ္စ​နှင့်​ဆိုင်​သော အ​လုပ်​အ​ဆောင်​မှ​တစ်​ပါး အ​ခြား​သော​အ​လုပ်​ကို မ​လုပ်​မ​ဆောင်​ရ။

ထွက်​မြောက် 12:16 Referencias Cruzadas

ထွက်​မြောက် 16:23

မောရှေ​က​လည်း “​ဤ​အရာ​ကား ထာဝရဘုရား​မိန့်ဆို​တော်မူ​သော​အရာ​ဖြစ်​၏​။ မနက်ဖြန်​သည် ငြိမ်ဝပ်​စွာ​နေ​ရ​သော​နေ့​၊ ထာဝရဘုရား​၏​သန့်ရှင်း​သော​ဥပုသ်နေ့​ဖြစ်​၏​။ ထို​မုန့်​ကို သင်​တို့​ဖုတ်​လို​လျှင် ဖုတ်​လော့​။ ပြုတ်​လို​လျှင် ပြုတ်​လော့​။ ပို​သမျှ​ကို သင်​တို့​အတွက် ချန်ထား​ပြီး နံနက်​တိုင်အောင်​သိမ်း​ထား​လော့​”​ဟု သူ​တို့​အား​ဆို​၏​။

ထွက်​မြောက် 16:29

ငါ​ထာဝရဘုရား​သည် သင်​တို့​အား ဥပုသ်နေ့​ကို သတ်မှတ်​ပေး​တော်မူ​ပြီ​။ ထို့ကြောင့် ဆဋ္ဌမ​နေ့​၌ သင်​တို့​အား မုန့်​ကို နှစ်​ရက်​စာ​ပေး​တော်မူ​၏​။ လူ​တိုင်း​မိမိ​နေရာ​၌​နေ​ကြ​လော့​။ သတ္တမ​နေ့​၌ မည်သူမျှ မိမိ​နေရာ​မှ​မ​ထွက်သွား​ကြ​နှင့်​”​ဟု မိန့်​တော်မူ​၏​။

ထွက်​မြောက် 16:5

ဆဋ္ဌမ​နေ့​၌ နေ့စဉ်​ထက် နှစ်ဆ​ကောက်​၍ ယူဆောင်​လာ​ပြီး ပြင်ဆင်​ထား​ရ​မည်​”​ဟု မိန့်​တော်မူ​၏​။

ထွက်​မြောက် 20:10

သတ္တမ​နေ့​သည် သင်​၏​ဘုရားသခင်​ထာဝရဘုရား​၏​ဥပုသ်နေ့ ဖြစ်​၏​။ ထို​နေ့​၌ သင်​မှစ၍ သင်​၏​သား​သမီး​၊ သင်​၏​ကျွန်ယောက်ျား​ကျွန်မိန်းမ​၊ သင်​၏​တိရစ္ဆာန်​နှင့် သင့်​မြို့​အတွင်း​ရှိ​တိုင်းတစ်ပါးသား​တို့​သည် မည်သည့်​အလုပ်​ကို​မျှ​မ​လုပ်​ရ​။

ထွက်​မြောက် 34:18

တဆေးမဲ့မုန့်​ပွဲတော်​ကို စောင့်ထိန်း​ရ​မည်​။ အဗိဗ​လ​၌ အီဂျစ်​ပြည်​မှ သင်​ထွက်လာ​သည်​ဖြစ်၍ သင့်​အား​ငါ​မိန့်မှာ​ထား​သည့်​အတိုင်း သတ်မှတ်​ထား​သော​အချိန်​၊ အဗိဗ​လ​၌ ခုနစ်​ရက်​ပတ်လုံး တဆေးမဲ့မုန့်​ကို​စား​ရ​မည်​။

ဟေ​ရှာ​ယ 1:13

အချည်းနှီး​သော​ပူဇော်သက္ကာ​ကို နောက်တစ်ဖန်​မ​ယူဆောင်​လာ​ကြ​နှင့်​။ နံ့သာပေါင်း​သည် ငါ့​အတွက်​စက်ဆုပ်ရွံရှာဖွယ်​ရာ​ဖြစ်​၏​။ လဆန်းနေ့​၊ ဥပုသ်နေ့​၊ ဓမ္မစည်းဝေးပွဲ​နေ့​စသည့် ဒုစရိုက်​နှင့်​ရောပြွမ်း​နေ​သည့်​စည်းဝေး​ခြင်း​နေ့​မျိုး​ကို ငါ​သည်း​မ​ခံ​နိုင်​တော့​ချေ​။

ဝတ်​ပြု 23:21

သန့်ရှင်း​သော​ဓမ္မစည်းဝေး​ခြင်း​ကို ပြု​ရ​မည်​ဟု ထို​နေ့​၌​ပင် ကြေညာ​ရ​မည်​။ မည်သည့်​အလုပ်​ကို​မျှ မ​လုပ်​ရ​။ သင်​တို့​နေထိုင်​ရာ​အရပ်ရပ်​၌ သင်​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့် ပြဋ္ဌာန်းချက်​ဖြစ်​၏​။

ဝတ်​ပြု 23:27

“​သတ္တမ​လ​၊ ဆယ်​ရက်​နေ့​သည် အပြစ်ဖြေလွှတ်​ခြင်း​နေ့​ဖြစ်​၏​။ သင်​တို့​အတွက် သန့်ရှင်း​သော​ဓမ္မစည်းဝေး​ခြင်း​နေ့​ဖြစ်၍ မိမိ​တို့​၏​စိတ်ဆန္ဒ​ကို​ငြင်းပယ်​ရ​မည်​။ ထာဝရဘုရား​ထံ မီး​ဖြင့်​ပူဇော်​သော​ယဇ်​ကို ပူဇော်​ရ​မည်​။

ဝတ်​ပြု 23:35

ပထမ​နေ့​၌ သန့်ရှင်း​သော​ဓမ္မစည်းဝေး​ခြင်း​ကို ပြု​ရ​မည်​။ သင်​တို့​သည် မည်သည့် အလုပ်​ကို​မျှ မ​လုပ်​ရ​။

တော​လည် 28:18

ပထမ​နေ့​၌ သန့်ရှင်း​သော​ဓမ္မစည်းဝေး​ခြင်း​ကို​ပြု​ရ​မည်​။ မည်သည့်​အလုပ်​ကို​မျှ မ​လုပ်​ရ​။

တော​လည် 28:25

ခုနစ်​ရက်​မြောက်​သော​နေ့​၌ သန့်ရှင်း​သော​ဓမ္မစည်းဝေး​ခြင်း​ကို ပြု​ရ​မည်​။ မည်သည့်​အလုပ်​ကို​မျှ မ​လုပ်​ရ​။

တော​လည် 28:26

ခုနစ်သီတင်း​မြောက်​ပွဲတော်​တွင် အဦးဆုံးသီးနှံ​ပူဇော်​သော​နေ့​၌ ထာဝရဘုရား​အဖို့ သီးနှံ​အသစ်​ပူဇော်သက္ကာ​ကို ပူဇော်​သောအခါ သင်​တို့​သည် သန့်ရှင်း​သော​ဓမ္မစည်းဝေး​ခြင်း​ကို ပြု​ရ​မည်​။ မည်သည့်​အလုပ်​ကို​မျှ​မ​လုပ်​ရ​။

တော​လည် 29:1

သတ္တမ​လ​၊ ပထမ​နေ့​တွင် သန့်ရှင်း​သော​ဓမ္မစည်းဝေး​ခြင်း​ကို ပြု​ရ​မည်​။ မည်သည့်​အလုပ်​ကို​မျှ မ​လုပ်​ရ​။ ထို​နေ့​သည် သင်​တို့ တံပိုးမှုတ်​ရ​သော​နေ့​ဖြစ်​၏​။

တော​လည် 29:12

သတ္တမ​လ​၊ တစ်ဆယ့်​ငါး​ရက်​နေ့​၌ သင်​တို့​သည် သန့်ရှင်း​သော​ဓမ္မစည်းဝေး​ခြင်း​ကို ပြု​ရ​မည်​။ မည်သည့်​အလုပ်​ကို​မျှ​မ​လုပ်​ရ​။ ခုနစ်​ရက်​ပတ်လုံး ထာဝရဘုရား​အဖို့ ပွဲတော်​ကျင်းပ​ရ​မည်​။

ရှင်ယောဟန် 19:31

ထို​နေ့​သည် ပြင်ဆင်​ရာ​နေ့​ဖြစ်​ပြီး နောက်တစ်နေ့​သည် ကြီးမြတ်​သော​ဥပုသ်နေ့​ဖြစ်​သောကြောင့် ဂျူး​လူမျိုး​တို့​သည် ထို​ဥပုသ်နေ့​တွင် လက်ဝါးကပ်တိုင်​ပေါ်မှာ အလောင်း​များ​မ​ရှိ​စေ​လို​သဖြင့် လက်ဝါးကပ်တိုင်​ပေါ်၌ တင်​ထား​ခြင်း​ခံရ​သော​သူ​များ​၏​ခြေ​တို့​ကို​ချိုး​ပြီး အလောင်း​များ​ကို​ယူ​သွား​ခွင့်​ပေး​ရန် ပိလတ်​မင်း​ထံ တောင်းဆို​ကြ​၏။

တ​ရား​ဟော 16:8

ခြောက်​ရက်​ပတ်လုံး တဆေးမဲ့မုန့်​ကို​စား​ရ​မည်​။ သတ္တမ​နေ့​၌ သင်​၏​ဘုရားသခင်​ထာဝရဘုရား​အဖို့ ဓမ္မစည်းဝေးပွဲကြီး​ကို ကျင်းပ​ရ​မည်​။ အလုပ်​မ​လုပ်​ရ​။