ထွက်​မြောက် 1:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ သို့ရာတွင် အစ္စရေး​အမျိုးသား​တို့​သည် တိုးပွားသည်ထက်တိုးပွား​လာ​ကြ​၏​။ ထိုသို့ တိုးပွား​လာ​ကြ​သဖြင့် လူဦးရေ​များသည်ထက်များ​လာ​၍ တစ်ပြည်လုံး သူ​တို့​နှင့် ပြည့်​လေ​၏​။

Common Language Bible

⁷ သို့​ရာ​တွင်​ဣ​သ​ရေ​လ​အ​မျိုး​သား​တို့​သည်​သား​သ​မီး​မြောက်​မြား​စွာ​မွေး​ဖွား​၍ အ​လွန်​တိုး​ပွား​များ​ပြား​လာ​သ​ဖြင့်၊ တစ်​တိုင်း​တစ်​ပြည်​လုံး​တွင်​အ​နှံ့​အ​ပြား​နေ​ထိုင်​ကြ​လေ​သည်။

Garrad Bible

⁷ ဣ သ ရေ လ အ မျိုး သား တို့ သည် ပေါက် ပွား များ ပြား အင် အား ကြီး မား၍ တစ် ပြည် လုံး ပြည့် ကြ ကုန် ၏။

Judson Bible

⁷ ဣ​သ​ရေ​လ​အ​မျိုး​သား​တို့​သည် သား​ကို​ဖွား၍ အ​လွန်​တိုး​ပွား​များ​ပြား​သ​ဖြင့်၊ အ​လွန်​အား​ကြီး​၍ တစ်​ပြည်​လုံး၌ နှံ့​ပြား​ကြ​လေ၏။

ထွက်​မြောက် 1:7 Referencias Cruzadas

ကမ္ဘာ​ဦး 1:20

တစ်ဖန် ဘုရားသခင်​က “​ရေ​သည် အုပ်စုလိုက်​နေထိုင်​သွားလာ​သော​သက်ရှိသတ္တဝါ​များ​နှင့်​ပြည့်နှက်​စေ​။ ငှက်​တို့​သည် မြေကြီး​အထက် မိုးကောင်းကင်​မျက်နှာကြက်​အနှံ့ ပျံသန်း​ကြ​စေ​”​ဟု မိန့်​တော်မူ​၏​။

ကမ္ဘာ​ဦး 1:28

ထို့နောက် ဘုရားသခင်​သည် သူ​တို့​ကို​ကောင်းချီးပေး​တော်မူ​၏​။ ဘုရားသခင်​က “​များစွာ​မွေးဖွား​၍ တိုးပွား​ကြ​လော့​။ မြေကြီး​ကို​ပြည့်​စေ​၍ ၎င်း​ကို​နိုင်နင်း​ကြ​လော့​။ ပင်လယ်​ငါး​တို့​ကို​လည်းကောင်း​၊ မိုးကောင်းကင်​ငှက်​တို့​ကို​လည်းကောင်း​၊ မြေကြီး​ပေါ်မှာ လှုပ်ရှားသွားလာ​တတ်​သော သက်ရှိသတ္တဝါ​အပေါင်း​တို့​ကို​လည်းကောင်း အုပ်စိုး​ကြ​လော့​”​ဟု သူ​တို့​အား မိန့်​တော်မူ​၏​။

ကမ္ဘာ​ဦး 12:2

ငါ​သည် သင့်​ကို ကြီးမြတ်​သော​လူမျိုး​ဖြစ်​စေ​မည်​။ သင့်​ကို ငါ​ကောင်းချီးပေး​၍ သင်​၏​အမည်နာမ​ကို ကြီးမြတ်​စေ​သဖြင့် သင်​သည် ကောင်းချီးမင်္ဂလာ​ဖြစ်​လိမ့်မည်​။

ကမ္ဘာ​ဦး 13:16

ငါ​သည် သင်​၏​သားစဉ်မြေးဆက်​ကို မြေမှုန့်​ကဲ့သို့​များပြား​စေ​မည်​။ သို့ဖြစ်၍ တစ်စုံတစ်ယောက်​သည် မြေမှုန့်​ကို​ရေတွက်​နိုင်​လျှင် သင်​၏​သားစဉ်မြေးဆက်​ကို​လည်း ရေတွက်​နိုင်​လိမ့်မည်​။

ကမ္ဘာ​ဦး 15:5

ထို့နောက် ကိုယ်တော်​သည် သူ့​ကို အပြင်​သို့​ခေါ်ဆောင်​သွား​ပြီးလျှင် “​မိုးကောင်းကင်​ကို​မော့ကြည့်​လော့​။ ကြယ်​များ​ကို ရေတွက်​နိုင်​လျှင် ရေတွက်​လော့​”​ဟု မိန့်​တော်မူ​၏​။ တစ်ဖန် ကိုယ်တော်​က “​သင်​၏​သားစဉ်မြေးဆက်​သည် ထိုသို့​ဖြစ်​လိမ့်မည်​”​ဟု သူ့​အား​မိန့်​တော်မူ​၏​။

ကမ္ဘာ​ဦး 17:16

ငါ​သည် သူ့​ကို​ကောင်းချီးပေး​မည်​။ ထိုမျှမက သူ့​အားဖြင့် သင့်​အား သား​ကို​ပေး​မည်​။ ငါ​သည် သူ့​ကို​ကောင်းချီးပေး​သဖြင့် သူ​သည် လူမျိုး​များ​၏​မိခင်​ဖြစ်လာ​မည်​။ သူ့​အားဖြင့် လူမျိုး​တကာ​တို့​၏​ရှင်ဘုရင်​များ​ပေါ်ထွန်း​လာ​ကြ​လိမ့်မည်​”​ဟု မိန့်​တော်မူ​၏​။

ကမ္ဘာ​ဦး 22:17

ငါ​သည် သင့်​ကို အမှန်ပင်​ကောင်းချီးပေး​၍ သင်​၏​အမျိုးအနွယ်​ကို ကောင်းကင်​ကြယ်​နှင့်အမျှ​၊ ပင်လယ်​ကမ်းခြေ​ရှိ​သဲပွင့်​နှင့်အမျှ အလွန်​များပြား​စေ​မည်​။ သင်​၏​အမျိုးအနွယ်​သည် ရန်သူ​တို့​၏​မြို့​တံခါး​ကို သိမ်းပိုက်​လိမ့်မည်​။

ကမ္ဘာ​ဦး 26:22

ထို့ကြောင့် သူ​သည် ထို​အရပ်​မှ​ရွှေ့ပြောင်း​၍ အခြား​သော​ရေတွင်း​ကို​တူး​၏​။ ထို​ရေတွင်း​အတွက်ကြောင့် ရန်​မ​တွေ့​ကြ​တော့​သဖြင့် သူ​က “​အကယ်စင်စစ် ထာဝရဘုရား​သည် ငါ​တို့​နေရာ​ကို ယခု​ကျယ်ဝန်း​စေ​တော်မူ​သည်​ဖြစ်၍ ငါ​တို့​သည် ဤ​ပြည်​၌​ပွားများ​ကြ​လိမ့်မည်​”​ဟု ဆို​လျက် ထို​ရေတွင်း​၏​အမည်​ကို ရဟောဘုတ် ဟု​ခေါ်​၏​။

ကမ္ဘာ​ဦး 26:4

ငါ​သည် သင်​၏​သားစဉ်မြေးဆက်​ကို ကောင်းကင်​ကြယ်​နှင့်အမျှ​များပြား​စေ​၍ သင်​၏​သားစဉ်မြေးဆက်​အား ဤ​မြေ​ရှိသမျှ​တို့​ကို ပေး​မည်​။ ကမ္ဘာမြေကြီး​ပေါ်​ရှိ​လူမျိုး​အပေါင်း​တို့​သည် သင်​၏​အမျိုးအနွယ်​အားဖြင့် ကောင်းချီးမင်္ဂလာ​ခံစား​ရ​ကြ​လိမ့်မည်​။

ကမ္ဘာ​ဦး 28:14

သင်​၏​သားစဉ်မြေးဆက်​သည် မြေမှုန့်​ကဲ့သို့​များပြား​၍ အရှေ့​၊ အနောက်​၊ တောင်​၊ မြောက် အရပ်ရပ်​သို့​ပျံ့နှံ့​လိမ့်မည်​။ ကမ္ဘာမြေကြီး​ပေါ်​ရှိ​လူမျိုး​အပေါင်း​တို့​သည် သင့်​အားဖြင့်​လည်းကောင်း​၊ သင်​၏​အမျိုးအနွယ်​အားဖြင့်​လည်းကောင်း ကောင်းချီးမင်္ဂလာ​ခံစား​ရ​ကြ​လိမ့်မည်​။

ကမ္ဘာ​ဦး 35:11

တစ်ဖန် ဘုရားသခင်​က “​ငါ​သည် အနန္တတန်ခိုးရှင်​ဘုရားသခင်​ဖြစ်​၏​။ တိုးပွား​များပြား​လော့​။ သင့်​ထံမှ လူမျိုး​တစ်​မျိုး​သာမက လူမျိုးပေါင်း​များစွာ ဆင်းသက်​လာ​ကြ​လိမ့်မည်​။ သင်​၏​အမျိုးအနွယ်​ထဲမှ ရှင်ဘုရင်​များ​လည်း ပေါ်ထွန်း​လိမ့်မည်​။

ကမ္ဘာ​ဦး 46:3

ဘုရားသခင်​က “​ငါ​သည် ဘုရားသခင်​ဖြစ်​၏​။ သင့်​ဖခင်​၏​ဘုရား​ဖြစ်​၏​။ အီဂျစ်​ပြည်​သို့ သင်​ဆင်းသွား​ရ​မည်​ကို မ​ကြောက်​နှင့်​။ အကြောင်းမူကား ငါ​သည် ထို​အရပ်​၌ သင့်​ကို လူမျိုး​ကြီး​ဖြစ်​စေ​မည်​။

ကမ္ဘာ​ဦး 47:27

အစ္စရေး​လူမျိုး​တို့​သည် အီဂျစ်​ပြည်​၊ ဂေါရှင်​အရပ်​၌ နေထိုင်​လေ​၏​။ ထို​ပြည်​၌ သူ​တို့​သည် ကြီးပွားချမ်းသာ​၍ အလွန်​တိုးပွား​များပြား​လာ​ကြ​၏​။

ကမ္ဘာ​ဦး 48:16

ဘေးအန္တရာယ်​အပေါင်း​မှ ငါ့​ကို​ရွေးနုတ်​တော်မူ​သော ကောင်းကင်တမန်​သည် ဤ​သူငယ်​တို့​ကို​ကောင်းချီးပေး​တော်မူ​ပါစေသော​။ သူ​တို့​ကို ငါ​၏​အမည်​ဖြင့်​လည်းကောင်း​၊ ငါ့​ဘိုးဘ​အာဗြဟံ​နှင့်​ဣဇက်​တို့​၏​အမည်​ဖြင့်​လည်းကောင်း မှည့်ခေါ်​ပါစေသော​။ သူ​တို့​သည် မြေကြီး​ပေါ်၌ အလွန်​ပွားများ​ကြ​ပါစေသော​”​ဟု ဆို​လေ​၏​။

ကမ္ဘာ​ဦး 48:4

‘​ငါ​သည် သင့်​ကို တိုးပွား​များပြား​စေ​၍ လူမျိုးကြီး​ဖြစ်​စေ​မည်​။ ဤ​ပြည်​ကို နောင်လာမည့်​သင်​၏​သားစဉ်မြေးဆက်​အား အစဉ်အမြဲ​ပိုင်ဆိုင်​ရာ​အဖြစ် ငါ​ပေး​မည်​’​ဟု ငါ့​အား​မိန့်​တော်မူ​ခဲ့​၏​။

ကမ္ဘာ​ဦး 9:1

ဘုရားသခင်​သည် နောဧ​နှင့် သူ​၏​သား​တို့​ကို​ကောင်းချီးပေး​လျက် “​များစွာ​မွေးဖွား​၍ တိုးပွား​ကြ​လော့​။ မြေကြီး​ကို​ပြည့်​စေ​ကြ​လော့​။

နေ​ဟ​မိ 9:23

သူ​တို့​၏​သားမြေး​များ​ကို မိုးကောင်းကင်​ကြယ်​ကဲ့သို့ များပြား​စေ​တော်မူ​၏​။ ဘိုးဘေး​တို့​ဝင်ရောက်​ပိုင်ဆိုင်​ရန် ကိုယ်တော်​မိန့်မှာ​သည့်​ပြည်​သို့ သူ​တို့​ကို​ပို့ဆောင်​တော်မူ​၏​။

ဆာ​လံ 105:24

ထို့နောက် ကိုယ်တော်​သည် မိမိ​လူမျိုး​တော်​ကို အလွန်​ပွားများ​စေ​၍ သူ​တို့​၏​ရန်သူ​များ​ထက် ပို၍​အားကြီး​စေ​တော်မူ​၏​။

ဆာ​လံ 107:38

ကိုယ်တော်​သည် သူ​တို့​ကို ကောင်းချီးပေး​တော်မူ​သဖြင့် သူ​တို့​သည် အလွန်​တိုးပွား​ကြ​၏​။ သူ​တို့​၏​တိရစ္ဆာန်​ကို​လည်း လျော့နည်း​စေ​တော်​မ​မူ​ခဲ့​ပေ​။

ထွက်​မြောက် 1:12

သို့သော် သူ​တို့​ကို နှိပ်စက်​လေ ပို၍​တိုးပွား​ပျံ့နှံ့​လာ​လေ​ဖြစ်​သောကြောင့် အီဂျစ်​လူမျိုး​တို့​သည် အစ္စရေး​အမျိုးသား​တို့​ကြောင့် စိုးရိမ်ပူပန်​ခြင်း​သို့​ရောက်​ကြ​ရ​၏​။

ထွက်​မြောက် 12:37

ကလေး​များ​အပြင် အစ္စရေး​အမျိုးသား ယောက်ျား​ခြောက်သိန်း​ခန့်​တို့​သည် ရာမသက်​အရပ်​မှ သုကုတ်​အရပ်​တိုင်အောင် ခြေကျင်​ခရီးပြု​ကြ​၏​။

ထွက်​မြောက် 5:5

တစ်ဖန် ဖာရော​မင်းကြီး​က “​ကြည့်​လော့​။ ယခု ဤ​ပြည်​၌ ဤ​လူမျိုး​အများအပြား​ရှိ​၏​။ သူ​တို့​အလုပ်​ရပ်သွား​အောင် သင်​တို့​ပြု​ကြ​ပြီ​တကား​”​ဟု ဆို​၏​။

ယေ​ဇ​ကျေ​လ 16:7

သင့်​ကို တော​ထဲမှ​အပင်​ကဲ့သို့ ကြီးထွား​စေ​၏​။ သင်​သည် ကြီးထွား​ဖွံ့ဖြိုး​လာ​ပြီး လှပ​သော​အဆင်တန်ဆာ ဖြစ်လာ​၏​။ ရင်သား​စူ​လာ​၏​။ ဆံပင်​ရှည်​လာ​၏​။ သို့သော် အဝတ်မပါ​အချည်းစည်း ဖြစ်​နေ​၏​။

တမန်တော်ဝတ္ထု 13:17

အစ္စရေး​လူမျိုး​၏​ဘုရားသခင်​သည် ငါ​တို့​ဘိုးဘေး​များ​ကို ရွေးကောက်​တော်မူ​၍ အီဂျစ်​ပြည်​၌ ဧည့်သည်​အဖြစ်​နေထိုင်​စဉ် ဤ​လူမျိုး​တော်​ကို ချီးမြှောက်​တော်မူ​၏။ ထို့နောက် အားကြီး​သော​လက်ရုံး​တော်​အားဖြင့် သူ​တို့​ကို ထို​တိုင်းပြည်​မှ ထုတ်ဆောင်​တော်မူ​ပြီး

တ​ရား​ဟော 10:22

သင်​၏​ဘိုးဘေး​တို့​သည် အီဂျစ်​ပြည်​သို့​ဆင်းသွား​သောအခါ အယောက်​ခုနစ်ဆယ်​သာ​ရှိ​၏​။ ယခုမှာ သင်​၏​ဘုရားသခင်​ထာဝရဘုရား​သည် သင့်​ကို ကောင်းကင်​ကြယ်​နှင့်အမျှ များပြား​စေ​တော်မူ​ပြီ​။

တ​ရား​ဟော 26:5

ထိုအခါ သင်​သည် သင်​၏​ဘုရားသခင်​ထာဝရဘုရား​၏​ရှေ့​တော်​၌ ‘​အကျွန်ုပ်​၏​ဘိုးဘေး​သည် လှည့်လည်​သွားလာ​နေ​သူ အာရံ​လူမျိုး​ဖြစ်​ပါ​၏​။ သူ​သည် အီဂျစ်​ပြည်​သို့ လူ​အနည်းငယ်​နှင့် ဆင်းသွား​၍ ထို​ပြည်​၌​တည်းခိုနေထိုင်​ပါ​၏​။ သို့သော် ထို​ပြည်​၌ပင် အင်အားကြီး​၍​များပြား​သော​လူမျိုး​ကြီး​ဖြစ်လာ​ပါ​၏​။