တ​ရား​ဟော 7:26 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁶ စက်ဆုပ်ရွံရှာဖွယ်​သော​အရာ​ကို သင့်​အိမ်​ထဲသို့ မ​ယူလာ​ရ​။ ထို​အရာ​သည် ကျိန်​ခြင်း​ခံရ​သော​အရာ​ဖြစ်၍ ယူလာ​လျှင် သင်​သည် ထို​အရာ​ကဲ့သို့ ကျိန်​ခြင်း​ခံရ​လိမ့်မည်​။ ထို​အရာ​ကို လုံးလုံး​ရွံမုန်း​ရ​မည်​။

Common Language Bible

²⁶ ထို​ရုပ်တု​များ​ကို​သင်​တို့​၏​နေ​အိမ်​များ​သို့​မ ယူ​ဆောင်​ခဲ့​ရ။ ယင်း​သို့​ယူ​ဆောင်​ခဲ့​လျှင်​ရုပ်​တု များ​ကဲ့​သို့ သင်​တို့​သည်​လည်း​ကျိန်​စာ​သင့်​လိမ့် မည်။ ရုပ်​တု​များ​သည်​ထာ​ဝ​ရ​ဘု​ရား​၏​ကျိန် စာ​သင့်​သော​ကြောင့် ရုပ်​တု​များ​ကို​သင်​တို့​ရွံ ရှာ​မုန်း​တီး​ကြ​ရ​မည်။''

Garrad Bible

²⁶ မြေ လှန် ဖွယ် ရာ ဖြစ် သော ကြောင့်၊ လုံး လုံး စက် ဆုပ် ရွံ ရှာ လျက်၊ ထို ရွံ ရှာ ဖွယ် ကဲ့ သို့ မြေ လှန် ရာ ကိုယ် တိုင် မ ပါ မ ရောက် အောင်၊ အိမ် တွင်း သို့ မ သွင်း ကြ ရ။

Judson Bible

²⁶ စက်​ဆုပ်​ရွံ​ရှာ​ဖွယ်​သော​အ​ရာ​ကို သင့်​အိမ်​ထဲ​သို့​မ​သွင်း​ရ။ သွင်း​လျှင်၊ သင်​သည် ထို​အ​ရာ​ကဲ့​သို့ ကျိန်​အပ်​သော​အ​ရာ​ဖြစ်​မည်​ဟု စိုး​ရိမ်​စ​ရာ​ရှိ၏။ ထို​သို့​သော​အ​ရာ​ကို သင်​သည် အ​ကြွင်း​မဲ့​စက်​ဆုပ်​ရွံ​ရှာ​ရ​မည်။ ကျိန်​အပ်​သော​အ​ရာ​ပင် ဖြစ်​ပေ၏။

တ​ရား​ဟော 7:26 Referencias Cruzadas

ဟေ​ရှာ​ယ 2:20

ထို​နေ့ရက်​၌ လူ​တို့​သည် မိမိ​တို့​ရှိခိုးကိုးကွယ်​ရန် ထုလုပ်​ထား​သော ငွေ​ရုပ်တု​၊ ရွှေ​ရုပ်တု​တို့​ကို ပွေး​များ​၊ လင်းနို့​များ​အလယ်​၌ ပစ်ထား​ကြ​မည်​။

ဟေ​ရှာ​ယ 30:22

သင်​တို့​သည် ငွေ​ဖြင့်​မွမ်းမံ​သော​ရုပ်တု​၊ ရွှေ​ဖြင့်​သွန်းလုပ်​သော​ရုပ်တု​တို့​ကို ညစ်ညူး​သည်​ဟု​မှတ်​လျက် ရာသီသွေး​စွန်း​သော​အဝတ်​ကဲ့သို့ လွှင့်ပစ်​၍ “​သွား​တော့​”​ဟု ဆို​လိမ့်မည်​။

ဟေ​ရှာ​ယ 41:24

သင်​တို့​သည် ဘာမျှမဟုတ်​သော​အရာ​ဖြစ်​၏​။ သင်​တို့​၏​လုပ်ဆောင်ချက်​သည် အချည်းနှီးသက်သက်​ဖြစ်​၏​။ သင်​တို့​ကို ရွေးချယ်​သော​သူ​သည် စက်ဆုပ်ရွံရှာဖွယ်​ဖြစ်​၏​။

ယေ​ဇ​ကျေ​လ 11:18

ဘုရားရှင်​ထာဝရဘုရား​က ‘သူ​တို့​ပြန်လာ​ကြ​သောအခါ ထို​ပြည်​ရှိ စက်ဆုပ်​ရွံရှာဖွယ်​အမှု​ရှိသမျှ​တို့​ကို ဖယ်ရှား​ပစ်​ကြ​လိမ့်မည်​။

ယေ​ဇ​ကျေ​လ 14:7

ငါ​နှင့်​ဝေးကွာ​၍ မိမိ​စိတ်​ထဲတွင် ရုပ်တု​များ​ကို နေရာပေး​လျက်​၊ မိမိ​တို့​ရှေ့​တွင် ဒုစရိုက်​ခလုတ်တံသင်း​ကို ချထား​လျက်​နှင့် ပရောဖက်​ထံသို့​လာရောက်​မေးမြန်း​သော မည်သည့်​အစ္စရေး​လူမျိုး​မ​ဆို​၊ အစ္စရေး​လူမျိုး​တို့​နှင့်အတူ​နေထိုင်​သော မည်သည့်​တိုင်းတစ်ပါးသား​မ​ဆို ငါ​ထာဝရဘုရား​ကိုယ်တိုင် တုံ့ပြန်​မည်​။

ဟော​ရှေ 14:8

ဧဖရိမ်​က ‘ငါ​သည် ရုပ်တု​တို့​နှင့် မည်သို့​ဆိုင်​သေး​သနည်း’​ဟု ဆို​လိမ့်မည်​။ ငါ​သည် သူ့​စကား​ကို​ကြား​၍ သူ့​ကို​ကြည့်ရှုစောင်မ​မည်​။ ငါ​သည် စိမ်းလန်း​သော​ထင်းရှူးပင်​ကဲ့သို့ ဖြစ်၍ သင်​တို့​သည် ငါ့​ထံမှ အသီး​ကို ရရှိ​လိမ့်မည်​။”

ဇာ​ခ​ရိ 5:4

ကောင်းကင်​ဗိုလ်ခြေ​အရှင်​ထာဝရဘုရား​က “​ဤ​စာလိပ်​ကို ငါ​စေလွှတ်​သဖြင့် သူခိုး​၏​အိမ်​ထဲ၌​လည်းကောင်း​၊ ငါ့​နာမ​ဖြင့် မဟုတ်မမှန်​ကျိန်ဆို​သူ​၏​အိမ်​ထဲ၌​လည်းကောင်း ဝင်​နေ​၍ သစ်သား​၊ ကျောက်တုံး​တို့​ပါ​မ​ကျန် ထို​အိမ်​ကို ဖျက်ဆီး​ပစ်​လိမ့်မည်”​ဟု ငါ့​အား ပြောပြ​၏​။

ရော​မ 2:22

အိမ်ထောင်ရေး​ဖောက်ပြန်​မှု​ကို မ​ကျူးလွန်​ရ​ဟု​ဆို​လျက်​ပင် သင်​ကိုယ်တိုင်​ကျူးလွန်​ရ​သလော။ ရုပ်တု​များ​ကို​ရွံရှာ​လျက်​ပင် ၎င်း​တို့​၏​ဗိမာန်​များ​ကို သင်​ကိုယ်တိုင်​ဖောက်ထွင်း​လုယူ​ရ​သလော။

တ​ရား​ဟော 13:16

ထို​မြို့​မှ​တိုက်ယူ​သော​ပစ္စည်း​ရှိသမျှ​တို့​ကို လဟာပြင်​အလယ်​၌​စုပုံ​၍ သင်​၏​ဘုရားသခင်​ထာဝရဘုရား​ထံ ထို​မြို့​နှင့်တကွ တိုက်ယူ​သော​ပစ္စည်း​ရှိသမျှ​တို့​ကို အကုန်အစင်​မီး​ရှို့​ပူဇော်​ရ​မည်​။ ထို​မြို့​သည် အပျက်အစီးပုံကြီး အစဉ်​ဖြစ်​ရ​မည်​။ နောက်တစ်ဖန် မ​တည်ဆောက်​ရ​။

တ​ရား​ဟော 13:17

ထာဝရဘုရား​၏​ပြင်းထန်​သော​အမျက်​တော်​သည်​ပြေ​၍ သင့်​ကို သနားစုံမက်​တော်မူ​မည့်​အကြောင်း​၊ သင့်​ကို သနားစုံမက်​၍ သင်​၏​ဘိုးဘေး​တို့​အား ကျိန်ဆို​တော်မူ​ခဲ့​သည့်​အတိုင်း သင့်​ကို​တိုးပွား​စေ​တော်မူ​မည့်​အကြောင်း သင်​သည် ကျိန်​ခြင်း​ခံရ​သော​အရာ​တစ်စုံတစ်ခု​ကို​မျှ သင်​၏​လက်​ထဲ၌ မ​ထား​ရ​။

တ​ရား​ဟော 13:18

ထိုသို့ သင်​၏​ဘုရားသခင်​ထာဝရဘုရား​၏​မျက်မှောက်​တော်​၌ ဖြောင့်မှန်​သော​အမှု​ကို​ပြု​၍ ယနေ့ သင့်​အား ငါ​မှာကြား​သော ကိုယ်တော်​၏​ပညတ်တော်​ရှိသမျှ​တို့​ကို​စောင့်ထိန်း​ခြင်း​ဖြင့် သင်​၏​ဘုရားသခင်​ထာဝရဘုရား​၏​စကား​တော်​ကို​နားထောင်​ရ​မည်​။