တ​ရား​ဟော 5:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ သင်​သည် အီဂျစ်​ပြည်​၌ ကျွန်​ဖြစ်​ခဲ့​ကြောင်း​ကို​လည်းကောင်း​၊ သင်​၏​ဘုရားသခင်​ထာဝရဘုရား​သည် အားကြီး​သော​လက်​နှင့် လက်ရုံး​တော်​ကို​ဆန့်​လျက် သင့်​အား ထို​ပြည်​မှ​ထုတ်ဆောင်​တော်မူ​ခဲ့​ကြောင်း​ကို​လည်းကောင်း အောက်မေ့​လော့​။ ထိုအကြောင်းကြောင့် ဥပုသ်နေ့​ကို​စောင့်ထိန်း​ရန် သင်​၏​ဘုရားသခင်​ထာဝရဘုရား​သည် သင့်​အား​မိန့်မှာ​တော်မူ​ခဲ့​ခြင်း​ဖြစ်​၏​။

Common Language Bible

¹⁵ သင်​တို့​သည်​အီ​ဂျစ်​ပြည်​တွင်​ကျွန်​ခံ​ခဲ့​ဖူး ကြောင်း​ကို​လည်း​ကောင်း၊ သင်​တို့​ဘု​ရား​သ​ခင် ထာ​ဝ​ရ​ဘု​ရား​သည် သင်​တို့​ကို​မ​ဟာ​တန်​ခိုး တော်​ဖြင့်​ကယ်​တင်​ခဲ့​ကြောင်း​ကို​လည်း​ကောင်း သ​တိ​ရ​ကြ​လော့။ ထို​အ​ကြောင်း​ကြောင့်​ငါ သည်​သင်​တို့​အား​ဥ​ပုသ်​နေ့​ကို​စောင့်​ရန် မိန့်​မှာ​တော်​မူ​၏။

Garrad Bible

¹⁵ အိ ဂျစ် ပြည် တွင် ကျွန် ခံ ရ သော သင့် ကို သင့် ဘု ရား သ ခင် ထာ ဝ ရ ဘု ရား သည် အား ကြီး သော လက် ရုံး တော် ဆန့် တန်း ၍ ထုတ် ဆောင် တော် မူ ခဲ့ ကြောင်း အောက် မေ့ ရ မည်။ ထို အ ကြောင်း ကြောင့် သင့် ဘု ရား သ ခင် ထာ ဝ ရ ဘု ရား သည် ဥ ပုသ် နေ့ ကို စောင့် ရှောက် ရန် မိန့် မှာ တော် မူ ခဲ့ သ တည်း။

Judson Bible

¹⁵ သင်​သည် အဲ​ဂု​တ္တု​ပြည်၌ ကျွန်​ခံ​ကြောင်း​ကို​လည်း​ကောင်း၊ သင်၏​ဘု​ရား​သ​ခင် ထာ​ဝ​ရ​ဘု​ရား​သည် အား​ကြီး​သော လက်​ရုံး​တော်​ကို​ဆန့်၍၊ ထို​ပြည်​မှ သင့်​ကို​နုတ်​ဆောင်​တော်​မူ​ကြောင်း​ကို​လည်း​ကောင်း အောက်​မေ့​လော့။ ထို​အ​ကြောင်း​ကြောင့်၊ သင်​သည် ဥ​ပုသ်​နေ့​ကို​စောင့်​ရ​မည်​ဟု သင်၏ ဘု​ရား​သ​ခင်​ထာ​ဝ​ရ​ဘု​ရား​မှာ​ထား​တော်​မူ၏။

တ​ရား​ဟော 5:15 Referencias Cruzadas

ကမ္ဘာ​ဦး 15:13

ထိုအခါ ထာဝရဘုရား​က အာဗြံ​အား “​သင်​၏​သားမြေးစဉ်ဆက်​တို့​သည် မိမိ​တို့​မ​ပိုင်​သော​ပြည်​၌ ဧည့်သည်​ဖြစ်​ရ​၍ ထို​ပြည်​၌ ကျွန်ခံ​ရ​ကြ​မည်​ဖြစ်ကြောင်း​နှင့် ထို​ပြည်သား​တို့​သည် သူ​တို့​ကို အနှစ်​လေး​ရာ​ပတ်လုံး နှိပ်စက်​ကြ​မည်​ဖြစ်ကြောင်း အမှန်​သိမှတ်​လော့​။

ကမ္ဘာ​ဦး 19:16

သို့သော် လောတ​သည် တုံ့ဆိုင်း​နေ​၏​။ ထာဝရဘုရား​သည် သူ့​ကို​သနား​တော်မူ​သဖြင့် ကောင်းကင်တမန်​တို့​သည် သူ​နှင့် သူ့​မယား​၊ သူ့​သမီး​နှစ်​ယောက်​တို့​၏​လက်​ကို​ဆွဲ​၍ သူ​တို့​ကို မြို့​အပြင်ဘက်​သို့ ခေါ်ထုတ်​လာ​၏​။

ဆာ​လံ 116:16

အို ထာဝရဘုရား​၊ အကယ်စင်စစ် အကျွန်ုပ်​သည် ကိုယ်တော်​၏​အစေအပါး​ဖြစ်​ပါ​၏​။ အကျွန်ုပ်​သည် ကိုယ်တော်​၏​အစေအပါး​၊ ကိုယ်တော့်​ကျွန်မ​၏​သား​ဖြစ်​ပါ​၏​။ ကိုယ်တော်​သည် အကျွန်ုပ်​ခံရ​သော အချည်အနှောင်​များ​မှ ကျွန်ုပ်​ကို​လွတ်မြောက်​စေ​တော်မူ​ပြီ​။

ဆာ​လံ 136:12

တန်ခိုးကြီး​သော​လက်​တော်​နှင့် ဆန့်တန်း​သော​လက်ရုံး​တော်​ဖြင့် ထုတ်ဆောင်​တော်မူ​၏​။ အကြောင်းမူကား ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​၏​။

ထွက်​မြောက် 13:14

နောင်ကာလ​၌ သင်​တို့​၏​သား​များ​က ‘​ဤ​အမှု​ကား မည်သို့​ဆိုလို​သနည်း​’​ဟု သင်​တို့​အား မေးမြန်း​ကြ​သောအခါ သင်​တို့​က​လည်း ‘​ထာဝရဘုရား​သည် အားကြီး​သော​လက်​တော်​ဖြင့် ငါ​တို့​ကို ကျွန်ခံရာ​အိမ်​အီဂျစ်​ပြည်​မှ ထုတ်ဆောင်​တော်မူ​ခဲ့​၏​။

ထွက်​မြောက် 13:16

ထာဝရဘုရား​သည် အားကြီး​သော​လက်​တော်​ဖြင့် ငါ​တို့​ကို အီဂျစ်​ပြည်​မှ ထုတ်ဆောင်​တော်မူ​သောကြောင့် ဤ​အမှု​သည် သင်​တို့​၏​လက်​၌ အမှတ်လက္ခဏာ​၊ သင်​တို့​၏​မျက်မှောင်​၌ အမှတ်သင်္ကေတ​အဖြစ် ရှိ​ရ​မည်​”​ဟု ပြောကြား​လေ​၏​။

ထွက်​မြောက် 13:3

ထို့နောက် မောရှေ​က အစ္စရေး​လူမျိုး​တို့​အား “​ကျွန်ခံရာ​အိမ်​အီဂျစ်​ပြည်​မှ သင်​တို့​ထွက်လာ​သော ဤ​နေ့ရက်​ကို အောက်မေ့​လော့​။ အကြောင်းမူကား ထာဝရဘုရား​သည် အားကြီး​သော​လက်​တော်​ဖြင့် သင်​တို့​ကို ဤ​အရပ်​မှ ထုတ်ဆောင်​တော်မူ​ခဲ့​၏​။ တဆေးပါသောမုန့်​ကို​မ​စား​ရ​။

ထွက်​မြောက် 13:9

ထာဝရဘုရား​သည် အားကြီး​သော​လက်​တော်​ဖြင့် သင်​တို့​ကို အီဂျစ်​ပြည်​မှ​ထုတ်ဆောင်​တော်မူ​သောကြောင့် ထာဝရဘုရား​၏​တရားတော်​သည် သင်​တို့​၏​နှုတ်​၌​တည်​မည့်​အကြောင်း သင်​တို့​အတွက် ဤ​အမှု​သည် သင်​တို့​၏​လက်​၌ အမှတ်လက္ခဏာ​၊ သင်​တို့​၏​မျက်မှောင်​၌ အမှတ်ရစရာ​အဖြစ် ရှိ​ရ​မည်​။

ထွက်​မြောက် 20:11

အကြောင်းမူကား ထာဝရဘုရား​သည် ကောင်းကင်​၊ မြေကြီး​၊ ပင်လယ်​နှင့် ၎င်း​တို့​၌​ရှိသမျှ​သော​အရာ​တို့​ကို ခြောက်​ရက်​ပတ်လုံး​ဖန်ဆင်း​၍ သတ္တမ​နေ့​၌ ငြိမ်ဝပ်​စွာ​နေ​တော်မူ​၏​။ ထို့ကြောင့် ထာဝရဘုရား​သည် ဥပုသ်နေ့​ကို ကောင်းချီးပေး​၍ သန့်ရှင်း​စေ​တော်မူ​၏​။

ထွက်​မြောက် 6:6

သို့ဖြစ်၍ အစ္စရေး​အမျိုးသား​တို့​အား ‘​ငါ​သည် ထာဝရဘုရား​ဖြစ်​၏​။ အီဂျစ်​လူမျိုး​တို့​၏​ထမ်းပိုး​အောက်​မှ သင်​တို့​ကို ဆွဲထုတ်​၍ သူ​တို့​၏​ကျွန်ပြု​ခြင်း​မှ​လည်း သင်​တို့​ကို ငါ​ကယ်နုတ်​မည်​။ လက်ရုံး​ကို​ဆန့်​လျက် သူ​တို့​ကို​ကြီးလေး​သော​အပြစ်ဒဏ်​ပေး​ခြင်း​ဖြင့် သင်​တို့​ကို ငါ​ရွေးနုတ်​မည်​။

ဟေ​ရှာ​ယ 63:9

သူ​တို့​ခံရ​သမျှ​သော​ဆင်းရဲဒုက္ခ​ကို ကိုယ်တော်​လည်း ခံ​တော်မူ​ခဲ့​၏​။ မျက်မှောက်​တော်​ရှိ ကောင်းကင်တမန်​သည် သူ​တို့​ကို ကယ်တင်​ခဲ့​၏​။ ကိုယ်တော်​သည် မေတ္တာ​ကရုဏာ​တော်​ဖြင့် သူ​တို့​ကို ရွေးနုတ်​တော်မူ​ခဲ့​၏​။ ရှေး​ကာလ​ပတ်လုံး သူ​တို့​ကို​ချီ​ဆောင်​တော်မူ​ခဲ့​၏​။

ဒံ​ယေ​လ 9:15

တန်ခိုးကြီး​သော​လက်​တော်​ဖြင့် လူမျိုး​တော်​ကို အီဂျစ်​ပြည်​မှ​ထုတ်ဆောင်​တော်မူ​ခဲ့​ခြင်း​ဖြင့် နာမ​တော်​ကို ထင်ရှား​စေ​ခဲ့​သော​အကျွန်ုပ်​တို့​၏​အရှင် ဘုရားသခင်​၊ အကျွန်ုပ်​တို့​သည် ယနေ့​တိုင် အပြစ်​ပြု​လျက်​၊ ဆိုးယုတ်​လျက်​သာ ရှိ​ပါ​၏​။

တ​ရား​ဟော 15:15

သင်​သည် အီဂျစ်​ပြည်​၌ ကျွန်​ဖြစ်​ခဲ့​၍ သင်​၏​ဘုရားသခင်​ထာဝရဘုရား​သည် သင့်​ကို ရွေးနုတ်​တော်မူ​ခဲ့​ကြောင်း​ကို အောက်မေ့​လော့​။ ထို့အတွက်ကြောင့်​လည်း ဤ​ပညတ်တော်​ကို ယနေ့ သင့်​အား ငါ​မှာကြား​ခြင်း​ဖြစ်​၏​။

တ​ရား​ဟော 16:12

သင်​သည် အီဂျစ်​ပြည်​၌ ကျွန်​ဖြစ်​ခဲ့​ကြောင်း​ကို အောက်မေ့​၍ ဤ​ပြဋ္ဌာန်းချက်​များ​ကို လိုက်နာ​စောင့်ထိန်း​ရ​မည်​။

တ​ရား​ဟော 26:8

ထိုအခါ ထာဝရဘုရား​သည် အားကြီး​သော​လက်​နှင့် လက်ရုံး​တော်​ကို​ဆန့်​လျက်​၊ ကြောက်မက်ဖွယ်​အမှု​ကြီး​များ​ပြု​လျက်​၊ နိမိတ်လက္ခဏာ​များ​ပြ​လျက်​၊ အံ့ဩဖွယ်အမှု​များ​ပြု​လျက် အကျွန်ုပ်​တို့​ကို အီဂျစ်​ပြည်​မှ ထုတ်ဆောင်​တော်မူ​၏​။

တ​ရား​ဟော 5:6

‘​ငါ​သည် သင့်​ကို ကျွန်ခံရာ​အိမ်​အီဂျစ်​ပြည်​မှ​ထုတ်ဆောင်​ခဲ့​သည့် သင်​၏​ဘုရားသခင်​ထာဝရဘုရား​ဖြစ်​၏​။

တ​ရား​ဟော 9:12

ထာဝရဘုရား​က ‘​ထ​၍ ဤ​နေရာ​မှ အလျင်အမြန်​ဆင်းသွား​လော့​။ အီဂျစ်​ပြည်​မှ သင်​ထုတ်ဆောင်​လာ​သော​လူ​တို့​သည် ဖောက်ပြန်​ကြ​ပြီ​။ သူ​တို့​အား ငါ​မိန့်မှာ​ထား​သော​လမ်း​မှ မြန်မြန်ဆန်ဆန်​လွဲသွား​ကြ​ပြီ​။ မိမိ​တို့​အတွက် ရုပ်တု​ကို​သွန်းလုပ်​ကြ​ပြီ​’​ဟု မိန့်​တော်မူ​၏​။

တိ​တု 2:14

ခရစ်တော်​သည် ငါ​တို့​ကို ခပ်သိမ်း​သော​တရားမဲ့​ခြင်း​ထဲမှ ရွေးနုတ်​ကယ်တင်​ရန်​နှင့် ကောင်း​သော​အမှု​၌ စိတ်အား​ထက်သန်​သည့် မိမိ​ပိုင်​တော်မူ​သော​လူမျိုး​ကို မိမိ​အတွက်​စင်ကြယ်​စေ​ရန် ငါ​တို့​အတွက် မိမိကိုယ်ကို​စွန့်​တော်မူ​၏။