တ​ရား​ဟော 4:39 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁹ ထို့ကြောင့် အထက်​မိုးကောင်းကင်​၌​လည်းကောင်း​၊ အောက်​မြေကြီး​၌​လည်းကောင်း ထာဝရဘုရား​သည် ဘုရားသခင်​ဖြစ်​တော်မူ​၍ အခြား​ဘုရား​မ​ရှိ​ကြောင်း​ကို ယနေ့ သင်​တို့​သိမှတ်​၍ နှလုံး​သွင်း​ကြ​လော့​။

Common Language Bible

³⁹ သို့​ဖြစ်​၍​ထာ​ဝ​ရ​ဘု​ရား​သည်​ကောင်း​ကင် မြေ​ကြီး​ပေါ်​မှာ​ဘု​ရား​ဖြစ်​တော်​မူ​ကြောင်း၊ အ​ခြား​သော​ဘုရား​မ​ရှိ​ကြောင်း​ကို​အ​စဉ် အ​မြဲ​စွဲ​မှတ်​သ​တိ​ရ​ကြ​လော့။-

Garrad Bible

³⁹ ထာ ဝ ရ ဘု ရား သည် အ ထက် ကောင်း ကင်၌ လည်း ကောင်း၊ အောက် မြေ ကြီး၌ လည်း ကောင်း၊ ဘု ရား သ ခင် မှန် ကြောင်း၊ ကိုယ် တော့် ပြင် အ ခြား မ ရှိ ကြောင်း များ ကို ယ နေ့ ပင် သိ မှတ် နှ လုံး သွင်း ကြ သည့် ပြင်၊

Judson Bible

³⁹ သို့​ဖြစ်၍ ထာ​ဝ​ရ​ဘု​ရား​သည် အ​ထက်​ကောင်း​ကင်​ပေါ်၊ အောက်​အ​ရပ် မြေ​ကြီး​ပေါ်​မှာ ဘု​ရား​သ​ခင်​ဖြစ်​တော်​မူ​ကြောင်း​ကို​လည်း​ကောင်း၊ အ​ခြား​တစ်​ပါး​သော​ဘု​ရား မ​ရှိ​ကြောင်း​ကို​လည်း​ကောင်း၊ ယ​နေ့​သိ​မှတ်၍ နှ​လုံး၌​သွင်း​မိ​ကြ​လော့။

တ​ရား​ဟော 4:39 Referencias Cruzadas

၂ ရာ 7:22

သို့ဖြစ်၍ အို ဘုရားရှင်​ထာဝရဘုရား​၊ ကိုယ်တော်​သည် ကြီးမြတ်​တော်မူ​ပါ​၏​။ အကျွန်ုပ်​တို့​ကြားသိဖူး​သမျှ​တို့​တွင် ကိုယ်တော်​နှင့်​တူ​သော​ဘုရား​မ​ရှိ​။ ကိုယ်တော်​မှတစ်ပါး အခြား​သော​ဘုရား မ​ရှိ​ပါ​။

၁ ရာ​ချုပ် 17:20

အို ထာဝရဘုရား​၊ အကျွန်ုပ်​တို့ ကြားသိ​ဖူး​သမျှ​တို့​တွင် ကိုယ်တော်​နှင့်​တူ​သော​ဘုရား​မ​ရှိ​။ ကိုယ်တော်​မှတစ်ပါး အခြား​သော​ဘုရား​မ​ရှိ​ပါ​။

၁ ရာ​ချုပ် 28:9

ငါ့​သား​ရှောလမုန်​၊ သင့်​ခမည်းတော်​ကိုးကွယ်​သော​ဘုရားသခင်​နှင့် သိကျွမ်း​အောင်​ပြု​လော့​။ စိတ်နှလုံး​အကြွင်းမဲ့​၊ စိတ်ဆန္ဒ​ရှိသမျှ​နှင့် အစေခံ​လော့​။ ထာဝရဘုရား​သည် စိတ်နှလုံး​ရှိသမျှ​ကို စစ်ဆေး​၍ တွေးတော​ကြံစည်​သမျှ​တို့​ကို သိနားလည်​တော်မူ​၏​။ သင်​သည် ကိုယ်တော်​ကို​ရှာ​လျှင် အတွေ့ခံ​တော်မူ​မည်​။ ကိုယ်တော်​ကို စွန့်ပယ်​လျှင်​မူကား သင်​လည်း ထာဝစဉ်​အစွန့်ပယ်​ခံရ​မည်​။

၁ ရာ​ချုပ် 29:11

အို ထာဝရဘုရား​၊ ကိုယ်တော်​သည် ကြီးမြတ်​တော်မူ​ပါ​၏​။ အစွမ်းတန်ခိုး​၊ ဘုန်း​တော်​၊ ဂုဏ်​တော်​နှင့်​ပြည့်စုံ​ပါ​၏​။ ခန့်ညားထည်ဝါ​ပါ​၏​။ ကောင်းကင်​နှင့် မြေကြီး​ပေါ်ရှိ​အရာ​အားလုံး​ကို ပိုင်သ​တော်မူ​ပါ​၏​။ နိုင်ငံ​တော်​သည် ထာဝရဘုရား​ပိုင်​တော်မူ​ရာ​ဖြစ်​ပါ​၏​။ ကိုယ်တော်​သည် အရာ​ခပ်သိမ်း​၏​ဦးခေါင်း​ထက်​တွင် ချီးမြှောက်​ခြင်း​ခံရ​သော​အရှင် ဖြစ်​တော်မူ​ပါ​၏​။

၂ ရာ​ချုပ် 20:6

“​ဘိုးဘေး​တို့​၏​ဘုရားသခင်​ထာဝရဘုရား​၊ ကိုယ်တော်​သည် ကောင်းကင်ဘုံ​တွင်​စံမြန်း​၍ လူမျိုးတကာ​တို့​နေထိုင်​ရာ​တိုင်းနိုင်ငံ​အလုံးစုံ​ကို အုပ်စိုး​ပိုင်သ​တော်မူ​သည်​မ​ဟုတ်​လော​။ ကိုယ်တော်​၏​လက်​တော်​၌ အစွမ်းသတ္တိ​တန်ခိုး ရှိ​တော်မူ​သည်​ဖြစ်​၍ ကိုယ်တော်​နှင့်​ဆန့်ကျင်​လျှင် မည်သူ​မျှ​မ​ခံ​မ​ရပ်​နိုင်​ပါ​။

ဆာ​လံ 100:3

ထာဝရဘုရား​သည် ဘုရားသခင်​ဖြစ်​တော်မူ​ကြောင်း​ကို သိမှတ်​ကြ​လော့​။ ကိုယ်တော်​သည် ငါ​တို့​ကို ဖန်ဆင်း​တော်မူ​၏​။ ငါ​တို့​သည်​လည်း ကိုယ်တော်​၏​ပိုင်ဆိုင်​ရာ​၊ ကိုယ်တော်​၏​လူမျိုး​တော်​၊ ကိုယ်တော်​၏​စားကျက်​မှ သိုးစု​ဖြစ်​ကြ​၏​။

ဆာ​လံ 115:3

ငါ​တို့​၏​ဘုရားသခင်​သည် ကောင်းကင်ဘုံ​၌​ရှိ​တော်မူ​၏​။ ကိုယ်တော်​သည် အလို​တော်​ရှိသမျှ​အတိုင်း ပြု​တော်မူ​၏​။

ဆာ​လံ 135:6

ထာဝရဘုရား​သည် ကောင်းကင်​နှင့်​မြေကြီး​ပေါ်၌​လည်းကောင်း​၊ ပင်လယ်​နှင့်​နက်ရှိုင်း​ရာ​အရပ်​ရှိသမျှ​တို့​၌​လည်းကောင်း အလို​တော်​ရှိ​သော​အရာ​အားလုံး​ကို ပြု​တော်မူ​၏​။

ထွက်​မြောက် 8:10

ဖာရော​မင်းကြီး​က “​မနက်ဖြန်​”​ဟု ဆို​လျှင် မောရှေ​က “​အကျွန်ုပ်​တို့​၏​ဘုရားသခင်​ထာဝရဘုရား​နှင့်​တူ​သော​ဘုရား​မ​ရှိ​ကြောင်း အရှင်​သိမြင်​စေရန် အရှင်​၏​စကား​အတိုင်း ဖြစ်​လိမ့်မည်​။

ဟေ​ရှာ​ယ 1:3

နွား​သည် မိမိ​ပိုင်ရှင်​ကို​သိ​၏​။ မြည်း​သည်​လည်း သခင်​ကျွေး​သော​စားခွက်​ကို​သိ​၏​။ သို့သော် အစ္စရေး​လူမျိုး​သည် မ​သိ​။ ငါ​၏​လူမျိုး​တော်​သည် နား​မ​လည်​ပါတကား​”​ဟု မိန့်​တော်မူ​၏​။

ဟေ​ရှာ​ယ 43:10

ထာဝရဘုရား​က “​သင်​တို့​သည် ငါ​၏​သက်သေ​များ​ဖြစ်​ကြ​၏​။ သင်​တို့​သည် ငါ့​ကို​သိ​၍​ယုံကြည်​မည့်​အကြောင်း​၊ ငါ​သည် ထို​အရှင်​ဖြစ်​သည်​ကို​နားလည်​မည့်​အကြောင်း ငါ​ရွေးချယ်​သော ငါ​၏​အစေအပါး​လည်း​ဖြစ်​ကြ​၏​။ ငါ့​အလျင် မည်သည့်​ဘုရား​မျှ​မ​ရှိ​။ ငါ့​နောက်၌​လည်း မည်သည့်​ဘုရား​မျှ ရှိ​မည်​မ​ဟုတ်​။

ဟေ​ရှာ​ယ 44:8

မ​ကြောက်​ကြ​နှင့်​။ မ​စိုးရိမ်​ကြ​နှင့်​။ ရှေးယခင်​ကတည်းက သင်​တို့​ကို ငါ​ပြောကြား​ခဲ့​ပြီ​၊ ကြားသိ​စေ​ခဲ့​ပြီ​မ​ဟုတ်​လော​။ သင်​တို့​သည် ငါ​၏​သက်သေ​များ​ဖြစ်​ကြ​၏​။ ငါ​မှတစ်ပါး အခြား​ဘုရား​ရှိ​သလော​။ အခြား​ကျောက်ဆောင်​မ​ရှိ​၊ ရှိ​သည်​ကို ငါ​မ​သိ​။

ဟေ​ရှာ​ယ 5:12

သူ​တို့​၏​စားသောက်ပွဲ​များ​၌ စောင်းကောက်​၊ စောင်းပြား​၊ ပတ်သာ​၊ ပလွေ​၊ စပျစ်ဝိုင်​တို့​ပါရှိ​၏​။ သူ​တို့​သည် ထာဝရဘုရား​ပြု​သော​အမှု​ကို အလေး​မ​ထား​ကြ​။ ကိုယ်တော်​၏​လက်​တော်​ဖြင့်​လုပ်​သော​အရာ​ကို​လည်း မ​မြင်​ကြ​။

ဒံ​ယေ​လ 4:35

မြေကြီးသား​တို့​ကို ဘာမျှ​မ​ဟုတ်​သော​အရာ​ကဲ့သို့ မှတ်​တော်မူ​၏​။ ကောင်းကင်သား​ကို​ဖြစ်စေ​၊ မြေကြီးသား​ကို​ဖြစ်စေ အလိုရှိ​သည့်​အတိုင်း ပြု​တော်မူ​၏​။ ကိုယ်တော်​၏​လက်​တော်​ကို ဆီးတား​နိုင်​သော​သူ​မ​ရှိ​။ “ကိုယ်တော် မည်သို့​ပြု​ဘိ​သနည်း​”​ဟု ဆို​နိုင်​သော​သူ​မ​ရှိ​။

ဟော​ရှေ 7:2

သူ​တို့​ပြု​သော​မကောင်းမှု​အားလုံး​ကို ငါ​မှတ်ထား​ကြောင်း သူ​တို့​၏​စိတ်​ထဲ၌ မ​တွေးမိ​ကြ​။ ယခုမှာ သူ​တို့​ပြု​သော​အမှု​သည် သူ​တို့​ကို​ဝိုင်း​ထား​လေ​ပြီ​။ သူ​တို့​လုပ်​သမျှ​ကို ငါ​မြင်​လေ​ပြီ​။

၁ ကော 8:4

ထို့ကြောင့် ရုပ်တု​အား​ပူဇော်​ထား​သော​အရာ​များ​ကို စား​သောက်​ခြင်း​နှင့်​ပတ်သက်၍ ရုပ်တု​သည် ဤ​လောက​၌ ဘာမျှ​မ​ဟုတ်​ကြောင်း​နှင့် တစ်ဆူတည်း​သော​ဘုရားသခင်​မှတစ်ပါး မည်သည့်​ဘုရား​မျှ​မ​ရှိ​ကြောင်း ငါ​တို့​သိ​ကြ​၏။

၁ ကော 8:6

ငါ​တို့​အတွက်​မူကား ခမည်းတော်​တည်းဟူသော ဘုရားသခင်​တစ်ပါးတည်း​သာ​ရှိ​၍ အရာ​ခပ်သိမ်း​တို့​သည် ကိုယ်တော်​ထံမှ​ဖြစ်လာ​ပြီး ငါ​တို့​သည် ကိုယ်တော်​၌​တည်​ကြ​၏။ ထို့ပြင် ငါ​တို့​အတွက် ယေရှု​ခရစ်တော်​တည်းဟူသော သခင်​တစ်ပါးတည်း​သာ​ရှိ​၍ အရာ​ခပ်သိမ်း​တို့​သည် ထို​သခင်​အားဖြင့်​ဖြစ်လာ​ပြီး ငါ​တို့​သည် ထို​သခင်​၌​တည်​ကြ​၏။

တ​ရား​ဟော 32:12

သူ့​ကို​ပို့ဆောင်​ပေး​သူ​မှာ တိုင်းတစ်ပါးသား​၏​ဘုရား​မ​ဟုတ်​၊ ထာဝရဘုရား​တစ်ပါးတည်း​သာလျှင် ဖြစ်​၏​။

တ​ရား​ဟော 32:29

သူ​တို့​သည် ဉာဏ်ပညာရှိ​လျှင် ဤ​အမှု​ကို​နားလည်​ကြ​လိမ့်မည်​။ သူ​တို့​၏​နိဂုံး​ကို​ဆင်ခြင်​မိ​ကြ​လိမ့်မည်​။

တ​ရား​ဟော 4:35

ထာဝရဘုရား​သည် ဘုရားသခင်​ဖြစ်​တော်မူ​ကြောင်း​၊ ကိုယ်တော်​မှတစ်ပါး အခြား​ဘုရား​မ​ရှိ​ကြောင်း သင်​တို့​သိမြင်​ရန် ဤ​အမှု​တို့​ကို သင်​တို့​အား​ပြသ​တော်မူ​ခြင်း​ဖြစ်​၏​။

တ​ရား​ဟော 6:4

အို အစ္စရေး​လူမျိုး​၊ နားထောင်​လော့​။ ငါ​တို့​၏​ဘုရားသခင်​ထာဝရဘုရား​သည် တစ်ဆူတည်း​သော​ထာဝရဘုရား​ဖြစ်​တော်မူ​၏​။

တ​ရား​ဟော 7:9

သို့ဖြစ်၍ သင်​၏​ဘုရားသခင်​ထာဝရဘုရား​သာလျှင် ဘုရား​ဖြစ်​တော်မူ​ပြီး ကိုယ်တော်​ကို​ချစ်​သော​သူ​တို့​နှင့် ပညတ်တော်​တို့​ကို​စောင့်ထိန်း​သော​သူ​တို့​အပေါ် မျိုးဆက်​တစ်ထောင်​တိုင်အောင် ပဋိညာဉ်​တည်​၍ မေတ္တာကရုဏာ​ကို ပြ​တော်မူ​သည့် သစ္စာရှိ​သော​ဘုရား​ဖြစ်​တော်မူ​ကြောင်း​၊

ယော​ရှု 2:11

ထိုသို့ သင်​တို့​သတင်း​ကို​ကြားသိ​ရ​သောကြောင့် ကျွန်မ​တို့​စိတ်ပျက်အားလျော့​ကြ​ပါ​၏​။ လူတိုင်း​အလွန်​ကြောက်ရွံ့​လျက်​ရှိ​ပါ​၏​။ သင်​တို့​၏​ဘုရားသခင်​ထာဝရဘုရား​သည် အထက်​မိုးကောင်းကင်​တွင်​လည်းကောင်း​၊ အောက်​မြေကြီး​တွင်​လည်းကောင်း ဘုရားသခင်​ဖြစ်​တော်မူ​၏​။

၁ ရာ 2:2

ထာဝရဘုရား​ကဲ့သို့ သန့်ရှင်း​သော​သူ​မ​ရှိ​။ အကယ်စင်စစ် ကိုယ်တော်​မှတစ်ပါး အခြားသူ​မ​ရှိ​ပြီ​။ အကျွန်ုပ်​တို့​၏​ဘုရားသခင်​ကဲ့သို့သော​ကျောက်ဆောင် မ​ရှိ​ပြီ​။