တ​ရား​ဟော 4:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ အို အစ္စရေး​လူမျိုး​တို့​၊ သင်​တို့​အား သင်​တို့​ဘိုးဘေး​တို့​၏​ဘုရားသခင်​ထာဝရဘုရား​ပေး​တော်မူ​သော​ပြည်​သို့ သင်​တို့​သည် အသက်ချမ်းသာ​ရာ​ရ​၍ ဝင်ရောက်​ပိုင်ဆိုင်​ရ​မည့်​အကြောင်း သင်​တို့​လိုက်နာ​ရ​မည့် ငါ​သွန်သင်​သော ပြဋ္ဌာန်းချက်​နှင့်​စီရင်ထုံးဖွဲ့ချက်​တို့​ကို နားထောင်​ကြ​လော့​။

Common Language Bible

¹ ထို့​နောက်​မော​ရှေ​က​ဣ​သ​ရေ​လ​အ​မျိုး​သား တို့​အား``သင်​တို့​အား​ငါ​သွန်​သင်​သော​ပညတ် တို့​ကို​လိုက်​နာ​လျှင် သင်​တို့​သည်​အ​သက်​ရှင်​၍ သင်​တို့​ဘိုး​ဘေး​တို့​၏​ဘု​ရား​သ​ခင်​ထာ​ဝ​ရ ဘု​ရား ပေး​တော်​မူ​မည့်​ပြည်​ကို​လည်း​သိမ်း ပိုက်​ရ​ရှိ​ကြ​လိမ့်​မည်။-

Garrad Bible

¹ ယ ခု မှာ အို ဣ သ ရေ လ လူ မျိုး၊ ဘိုး ဘေး တို့ ဘု ရား သ ခင် ထာ ဝ ရ ဘု ရား ပေး သ နား တော် မူ သည့် ပြည် ကို ဝင် ရောက် ပိုင် ရ လျက် ရှင် နေ ခွင့် ရ ခြင်း ငှာ၊ ငါ သွန် သင် သော ထုံး ဖွဲ့ ဆုံး ဖြတ် ချက် များ ကို နား ထောင် လိုက် နာ ကြ လော့။

Judson Bible

¹ အို ဣ​သ​ရေ​လ​အ​မျိုး​သား​တို့၊ သင်​တို့​သည် အ​သက်​ရှင်၍၊ သင်​တို့​ဘိုး​ဘေး​ကိုး​ကွယ်​သော ဘု​ရား​သ​ခင်​ထာ​ဝ​ရ​ဘု​ရား ပေး​တော်​မူ​သော​ပြည်​ကို ဝင်​စား​မည်​အ​ကြောင်း၊ သင်​တို့​ကျင့်​စ​ရာ​ဖို့ ငါ​သွန်​သင်​သော စီ​ရင်​ထုံး​ဖွဲ့​ချက်​တို့​ကို နား​ထောင်​ကြ​လော့။

တ​ရား​ဟော 4:1 Referencias Cruzadas

ဆာ​လံ 105:45

ဤသည်ကား သူ​တို့​သည် ကိုယ်တော်​၏​ပြဋ္ဌာန်းချက်​တို့​ကို စောင့်ထိန်း​၍ တရားတော်​တို့​ကို လိုက်နာကျင့်သုံး​ကြ​မည့်​အကြောင်း​တည်း​။ ဟာလေလုယ​။

ဆာ​လံ 119:4

ကိုယ်တော်​သည် တစ်သမတ်တည်း​စောင့်ထိန်း​ရ​မည့် မိမိ​၏​ဥပဒေသ​တို့​ကို ချမှတ်​ထား​တော်မူ​၏​။

ထွက်​မြောက် 18:20

ပြဋ္ဌာန်းချက်​များ​၊ ဥပဒေသ​များ​နှင့်​ပတ်သက်၍ သူ​တို့​အား သတိပေး​ရ​မည်​။ သူ​တို့​သွား​ရ​မည့်​လမ်း​၊ လုပ်ဆောင်​ရ​မည့်​အလုပ်​ကို သူ​တို့​အား​သိ​စေ​ရ​မည်​။

ယေ​ရ​မိ 11:6

ထာဝရဘုရား​က ငါ့​အား “​ဤ​စကား​အလုံးစုံ​တို့​ကို ယုဒ​မြို့​များ​၊ ဂျေရုဆလင်​မြို့​လမ်း​များ​ပေါ်၌ ကြွေးကြော်​လော့​။ ‘​သင်​တို့​သည် ဤ​ပဋိညာဉ်​ပါ​စကား​တို့​ကို နားထောင်​ရ​မည်​၊ လိုက်လျှောက်​ရ​မည်​။

ယေ​ဇ​ကျေ​လ 11:20

သို့ဖြစ်၍ သူ​တို့​သည် ငါ​၏​ပြဋ္ဌာန်းချက်​တို့​ကို​လိုက်လျှောက်​၍ ငါ​၏​စီရင်ထုံးဖွဲ့ချက်​ကို လိုက်နာ​စောင့်ထိန်း​ကြ​လိမ့်မည်​။ သူ​တို့​သည် ငါ​၏​လူမျိုး​တော်​ဖြစ်​မည်​။ ငါ​သည်​လည်း သူ​တို့​၏​ဘုရား​ဖြစ်​မည်​။

ယေ​ဇ​ကျေ​လ 20:11

‘လိုက်နာ​သော​သူ​တိုင်း အသက်ချမ်းသာ​ရာ​ရ​မည်’​ဟူသော ပြဋ္ဌာန်းချက်​တို့​ကို သူ​တို့​အား ချမှတ်​ပေး​၍ စီရင်ထုံးဖွဲ့ချက်​တို့​ကို သိ​စေ​ခဲ့​၏​။

ယေ​ဇ​ကျေ​လ 20:21

သို့သော် သူ​တို့​၏​သားသမီး​တို့​သည် ငါ့​ကို​ပုန်ကန်​ကြ​၏​။ ‘လိုက်နာ​သော​သူ​တိုင်း အသက်ချမ်းသာ​ရာ​ရ​မည်’​ဟူသော ပြဋ္ဌာန်းချက်​တို့​ကို မ​လိုက်လျှောက်​ကြ​၊ စီရင်ထုံးဖွဲ့ချက်​တို့​ကို မ​စောင့်ထိန်း​ကြ​။ ဥပုသ်နေ့​ကို​လည်း ညစ်ညူး​စေ​ကြ​၏​။ ထို့ကြောင့် တောကန္တာရ​တွင် ငါ​၏​ဒေါသ​ကို သူ​တို့​အပေါ်​သို့​သွန်ချ​၍ သူ​တို့​ကို ငါ့​အမျက်မီး လောင်ကျွမ်း​သွား​စေ​မည်​ဟု ငါ​မိန့်ဆို​ခဲ့​၏​။

ယေ​ဇ​ကျေ​လ 36:27

ငါ့​ဝိညာဉ်​ကို​လည်း သင်​တို့​အထဲ​သို့ သွင်းပေး​၍ ငါ​၏​တရားလမ်း​များ​သို့ လိုက်လျှောက်​စေ​မည်​။ ငါ​၏​စီရင်ထုံးဖွဲ့ချက်​တို့​ကို လိုက်နာ​စောင့်ထိန်း​စေ​မည်​။

ယေ​ဇ​ကျေ​လ 37:24

ငါ့​အစေအပါး​ဒါဝိဒ်​သည် သူ​တို့​ကို​အုပ်စိုး​သည့်​ဘုရင်​ဖြစ်​မည်​။ သူ​တို့​အားလုံး သိုးထိန်း​တစ်ပါးတည်း​သာ​ရှိ​မည်​။ သူ​တို့​သည် ငါ​၏​စီရင်ထုံးဖွဲ့ချက်​တို့​ကို လိုက်နာ​၍ ငါ​၏​ပြဋ္ဌာန်းချက်​တို့​ကို စောင့်ထိန်း​ကြ​လိမ့်မည်​။

ဝတ်​ပြု 18:5

သင်​တို့​သည် ငါ​၏​ပြဋ္ဌာန်းချက်​များ​နှင့် စီရင်ထုံးဖွဲ့ချက်​များ​ကို စောင့်ထိန်း​ရ​မည်​။ ထို​အရာ​တို့​ကို​ပြုကျင့်​လျှင် ထို​အရာ​တို့​အားဖြင့် အသက်ရှင်​လိမ့်မည်​။ ငါ​သည် ထာဝရဘုရား​ဖြစ်​၏​။

ဝတ်​ပြု 19:19

သင်​သည် ငါ​၏​ပြဋ္ဌာန်းချက်​တို့​ကို စောင့်ထိန်း​ရ​မည်​။ အမျိုးမတူ​သော​တိရစ္ဆာန်​ကို မိတ်​မ​လိုက်​စေ​ရ​။ သင်​၏​လယ်​ထဲ၌ အမျိုးမတူ​သော​မျိုးစေ့​ကို ရော​မ​ကြဲ​ရ​။ အမျိုးမတူ​သော​ချည်​ဖြင့် ရက်​ထား​သော​အဝတ်​ကို မ​ဝတ်​ရ​။

ဝတ်​ပြု 19:37

ငါ​၏​ပြဋ္ဌာန်းချက်​၊ ငါ​၏​စီရင်ထုံးဖွဲ့ချက်​ရှိသမျှ​တို့​ကို စောင့်ထိန်း​ရ​မည်​။ လိုက်နာ​ရ​မည်​။ ငါ​သည် ထာဝရဘုရား​ဖြစ်​၏​”​ဟု မိန့်​တော်မူ​၏​။

ဝတ်​ပြု 20:8

သင်​တို့​သည် ငါ​၏​ပြဋ္ဌာန်းချက်​တို့​ကို စောင့်ထိန်း​ရ​မည်​။ လိုက်နာ​ရ​မည်​။ ငါ​သည် သင်​တို့​ကို သန့်ရှင်း​စေ​သော​ထာဝရဘုရား​ဖြစ်​၏​။

ဝတ်​ပြု 22:31

သင်​တို့​သည် ငါ​၏​ပညတ်တော်​များ​ကို လိုက်နာ​စောင့်ထိန်း​ရ​မည်​။ ငါ​သည် ထာဝရဘုရား​ဖြစ်​၏​။

မဿဲ 28:20

သင်​တို့​အား ငါ​ပညတ်​ထား​သမျှ​သော​အရာ​အားလုံး​တို့​ကို​စောင့်ထိန်း​ရန် သူ​တို့​ကို သွန်သင်​ကြ​လော့။ ငါ​သည်​လည်း ကပ်ကမ္ဘာ​ကုန်ဆုံး​သည့်​တိုင်အောင် သင်​တို့​နှင့်အတူ အစဉ်မပြတ်​ရှိ​၏”​ဟု မိန့်​တော်မူ​၏။

လုကာ 1:6

သူ​တို့​နှစ်ဦးစလုံး​သည် ထာဝရ​ဘုရား​၏​ပညတ်​တော်​နှင့်​ပြဋ္ဌာန်း​ချက်​ရှိသမျှ​တို့​ကို တစ်သဝေမတိမ်း​လိုက်လျှောက်​လျက် ဘုရားသခင်​ရှေ့​တော်​၌ ဖြောင့်မတ်​သော​သူ​များ​ဖြစ်​ကြ​၏။

ရှင်ယောဟန် 15:14

သင်​တို့​အား ငါ​ပညတ်​သည့်​အရာ​တို့​ကို သင်​တို့​ကျင့်သုံး​လျှင် သင်​တို့​သည် ငါ​၏​မိတ်ဆွေ​များ​ဖြစ်​ကြ​၏။

ရော​မ 10:5

မောရှေ​က​လည်း ပညတ်​တရား​နှင့်ဆိုင်သော ဖြောင့်မတ်​ခြင်း​နှင့်​ပတ်သက်၍ “ဤ​အရာ​များ​ကို​လိုက်နာ​ကျင့်သုံး​သော​သူ​သည် ၎င်း​တို့​အားဖြင့် အသက်ရှင်​လိမ့်မည်”​ဟု ရေး​ထား​၏။

တ​ရား​ဟော 1:3

အနှစ်​လေးဆယ်​မြောက်​သော​နှစ်​၊ တစ်ဆယ့်တစ်​လ​၊ ပထမ​နေ့​၌ မောရှေ​သည် မိမိ​အား ထာဝရဘုရား​မိန့်မှာ​တော်မူ​သမျှ ပညတ်တရား​တို့​ကို အစ္စရေး​အမျိုးသား​တို့​အား ဆင့်ဆို​လေ​၏​။

တ​ရား​ဟော 1:8

ထို​ပြည်​ကို သင်​တို့​အား ငါ​ပေး​ပြီ​။ ထို​ပြည်​ကို သင်​တို့​၏​ဘိုးဘေး​များ​ဖြစ်​သော အာဗြဟံ​၊ ဣဇက်​၊ ယာကုပ်​မှစ၍ နောင်လာမည့်​သားစဉ်မြေးဆက်​တို့​အား ပေး​မည်​ဟု ထာဝရဘုရား​ကျိန်ဆို​တော်မူ​သည်​နှင့်အညီ ဝင်​၍​သိမ်းပိုက်​ကြ​လော့​’​ဟု မိန့်​တော်မူ​၏​။

တ​ရား​ဟော 11:1

သို့ဖြစ်၍ သင်​သည် သင်​၏​ဘုရားသခင်​ထာဝရဘုရား​ကို​ချစ်​၍ ကိုယ်တော်​၏​ညွှန်ကြားချက်​၊ ပြဋ္ဌာန်းချက်​၊ စီရင်ထုံးဖွဲ့ချက်​၊ ပညတ်ချက် တို့​ကို အစဉ်အမြဲ​စောင့်ထိန်း​ရ​မည်​။

တ​ရား​ဟော 11:32

ယနေ့ သင်​တို့​အဖို့ ငါ​ချမှတ်​ထား​သော​ပြဋ္ဌာန်းချက်​နှင့် စီရင်ထုံးဖွဲ့ချက်​ရှိသမျှ​ကို သင်​တို့​လိုက်နာ​စောင့်ထိန်း​ရ​မည်​။

တ​ရား​ဟော 13:1

သင်​တို့​တွင် ပရောဖက်​ဖြစ်စေ​၊ အိပ်မက်အနက်​ဖတ်​တတ်​သူ​ဖြစ်စေ ပေါ်လာ​၍ နိမိတ်လက္ခဏာ​၊ သို့မဟုတ် အံ့ဩဖွယ်အမှု​ကို​ပြု​ပြီး

တ​ရား​ဟော 16:20

သင်​သည် အသက်ချမ်းသာ​ရာ​ရ​လျက် သင့်​အား သင်​၏​ဘုရားသခင်​ထာဝရဘုရား​ပေး​တော်မူ​သော​ပြည်​ကို ပိုင်ဆိုင်​ရ​မည့်​အကြောင်း ဖြောင့်မတ်​ခြင်း​တစ်ခုတည်း​ကို​သာ လက်ကိုင်ပြု​ရ​မည်​။

တ​ရား​ဟော 30:16

သင်​သည် အသက်ရှင်​၍​တိုးပွား​မည့်​အကြောင်း​၊ သင်​ဝင်ရောက်​သိမ်းပိုက်​မည့်​ပြည်​၌ သင်​၏​ဘုရားသခင်​ထာဝရဘုရား​သည် သင့်​ကို​ကောင်းချီးပေး​တော်မူ​မည့်​အကြောင်း သင်​၏​ဘုရားသခင်​ထာဝရဘုရား​ကို​ချစ်​၍ လမ်း​တော်​သို့​လိုက်​လျက် ကိုယ်တော်​၏​ပညတ်ချက်​များ​၊ ပြဋ္ဌာန်းချက်​များ​၊ စီရင်ထုံးဖွဲ့ချက်​များ​ကို စောင့်ထိန်း​ရ​မည်​ဟု ယနေ့ သင့်​အား ငါ​မှာကြား​၏​။

တ​ရား​ဟော 30:19

ယနေ့ ငါ​သည် ကောင်းကင်​နှင့်​မြေကြီး​ကို​သက်သေ​ထား​၍ အသက်ရှင်​ခြင်း​နှင့်​သေ​ခြင်း​၊ ကောင်းချီးမင်္ဂလာ​နှင့်​ကျိန်ခြင်းအမင်္ဂလာ​ကို သင့်​ရှေ့​၌ ငါ​ချထား​၏​။ သို့ဖြစ်၍ သင်​နှင့်​သင်​၏​သားမြေး​တို့​အသက်ရှင်​မည့်​အကြောင်း အသက်ရှင်​ခြင်း​ကို​ရွေးချယ်​လော့​။

တ​ရား​ဟော 30:20

ထို​ပြည်​ကို သင်​၏​ဘိုးဘေး​များ​ဖြစ်​သော အာဗြဟံ​၊ ဣဇက်​၊ ယာကုပ်​တို့​အား ပေး​မည်​ဟု ထာဝရဘုရား​ကျိန်ဆို​တော်မူ​ခဲ့​သည်​နှင့်အညီ ထို​ပြည်​၌ သင်​နေထိုင်​နိုင်​မည့်​အကြောင်း အသက်ရှင်​ခြင်း​နှင့်တကွ အသက်တာ​ရှည်​ခြင်း​ကို​ပေး​တော်မူ​သော သင်​၏​ဘုရားသခင်​ထာဝရဘုရား​ကို​ချစ်​၍ စကား​တော်​ကို​နားထောင်​လော့​၊ ကိုယ်တော်​၌​ဆည်းကပ်​လော့​”​ဟု ဆို​လေ​၏​။

တ​ရား​ဟော 4:40

သင်​တို့​နှင့်တကွ နောင်လာမည့် သင်​တို့​၏​သားမြေး​တို့ ကောင်းစား​မည့်​အကြောင်း​၊ သင်​တို့​အား သင်​တို့​၏​ဘုရားသခင်​ထာဝရဘုရား​ပေး​တော်မူ​သော​ပြည်​၌ သင်​တို့ အသက်​ရှည်ရှည်​နေထိုင်​ရ​မည့်​အကြောင်း ယနေ့ သင်​တို့​အား ငါ​ဆင့်ဆို​သော ဘုရားသခင်​၏​ပြဋ္ဌာန်းချက်​များ​နှင့်​ပညတ်တော်​များ​ကို စောင့်ထိန်း​ရ​မည်​”​ဟု မြွက်ဆို​လေ​၏​။

တ​ရား​ဟော 4:45

ဤသည်ကား အစ္စရေး​အမျိုးသား​တို့ အီဂျစ်​ပြည်​မှ​ထွက်လာ​ပြီးနောက် သူ​တို့​အား မောရှေ​ဆင့်ဆို​သော သက်သေခံချက်​၊ ပြဋ္ဌာန်းချက်​၊ စီရင်ထုံးဖွဲ့ချက်​တို့​ဖြစ်​၏​။

တ​ရား​ဟော 4:8

ယနေ့ သင်​တို့​ရှေ့မှောက်​၌ ငါ​ထား​သော ဤ​တရား​အလုံးစုံ​တို့​ကဲ့သို့ ဖြောင့်မှန်​သော ပြဋ္ဌာန်းချက်​၊ စီရင်ထုံးဖွဲ့ချက်​မျိုး မည်သည့်​လူမျိုး​ကြီး​၌​ရှိ​သနည်း​။

တ​ရား​ဟော 5:1

မောရှေ​သည် အစ္စရေး​လူမျိုး​အပေါင်း​တို့​ကို​ခေါ်​၍ သူ​တို့​အား “​အို အစ္စရေး​လူမျိုး​တို့​၊ ယနေ့ သင်​တို့​ကြားသိ​အောင် ငါ​ဆင့်ဆို​သော ပြဋ္ဌာန်းချက်​များ​၊ စီရင်ထုံးဖွဲ့ချက်​များ​ကို နားထောင်​လော့​။ သင်ယူ​လော့​။ လိုက်နာ​စောင့်ထိန်း​လော့​။

တ​ရား​ဟော 5:33

သင်​တို့​အား သင်​တို့​၏​ဘုရားသခင်​ထာဝရဘုရား​မိန့်မှာ​တော်မူ​သော​လမ်း​ရှိသမျှ​အတိုင်း လိုက်လျှောက်​လော့​။ သို့ပြုလျှင် သင်​တို့​ပိုင်ဆိုင်​ရ​မည့်​ပြည်​၌ သင်​တို့​သည် အသက်ချမ်းသာ​ရာ​ရ​မည်​။ ကောင်းစား​၍ အသက်​ရှည်​မည်​။

တ​ရား​ဟော 6:1

သင်​တို့​ကူးသွား​၍​သိမ်းပိုက်​နေထိုင်​မည့်​ပြည်​၌ လိုက်နာ​ရ​မည့် ပညတ်တော်​၊ ပြဋ္ဌာန်းချက်​များ​နှင့် စီရင်ထုံးဖွဲ့ချက်​များ​ကို သင်​တို့​အား​သင်ကြား​ပေး​ရန် သင်​တို့​၏​ဘုရားသခင်​ထာဝရဘုရား​မိန့်မှာ​တော်မူ​ခဲ့​၏​။

တ​ရား​ဟော 6:24

ယနေ့​ကဲ့သို့ ငါ​တို့​သည် အစဉ်​ကောင်းစား​၍ အသက်ချမ်းသာ​ရာ​ရ​မည့်​အကြောင်း ငါ​တို့​၏​ဘုရားသခင်​ထာဝရဘုရား​ကို ကြောက်ရွံ့​၍ ပြဋ္ဌာန်းချက်​ရှိသမျှ​တို့​ကို လိုက်နာ​ရန် ငါ​တို့​အား ထာဝရဘုရား မိန့်မှာ​တော်မူ​ခဲ့​၏​။

တ​ရား​ဟော 7:11

ထို့ကြောင့် ယနေ့ သင့်​အား ငါ​မိန့်မှာ​သော ပညတ်ချက်​၊ ပြဋ္ဌာန်းချက်​၊ စီရင်ထုံးဖွဲ့ချက်​တို့​ကို လိုက်နာ​စောင့်ထိန်း​ရ​မည်​။

တ​ရား​ဟော 8:1

ယနေ့ သင့်​အား ငါ​ဆင့်ဆို​သော​ပညတ်တော်​ရှိသမျှ​တို့​ကို လိုက်နာ​စောင့်ထိန်း​ရ​မည်​။ သို့ပြုလျှင် သင်​တို့​သည် အသက်ချမ်းသာ​ရာ​ရ​၍​တိုးပွား​လျက် ထာဝရဘုရား​က ထို​ပြည်​ကို သင်​တို့​ဘိုးဘေး​တို့​အား ပေး​မည်​ဟု​ကျိန်ဆို​တော်မူ​ခဲ့​သည်​နှင့်အညီ ထို​ပြည်​ကို ဝင်​၍​သိမ်းပိုက်​ရ​လိမ့်မည်​။

တ​ရား​ဟော 8:11

ယနေ့ သင့်​အား ငါ​ဆင့်ဆို​သော သင်​၏​ဘုရားသခင်​ထာဝရဘုရား​၏​ပညတ်ချက်​များ​၊ စီရင်ထုံးဖွဲ့ချက်​များ​၊ ပြဋ္ဌာန်းချက်​များ​ကို မ​စောင့်ထိန်း​ဘဲ ကိုယ်တော်​အား မေ့လျော့​မည်​ကို သင့်ကိုယ်သင်​သတိပြု​လော့​။

တ​ရား​ဟော 9:1

အို အစ္စရေး​လူမျိုး​၊ နားထောင်​လော့​။ ယနေ့ သင်​သည် သင့်​ထက်​ကြီးမြတ်​သော​လူမျိုး​၊ အင်အားကြီး​သော​လူမျိုး​တို့​ကို​သွား​၍​နှင်ထုတ်​ရန် ဂျော်ဒန်​မြစ်​ကို​ကူးသွား​ရ​တော့​မည်​။ မြို့​များ​သည် ကြီးမား​၍ မြို့ရိုး​တို့​သည် မိုး​ထိ​မြင့်​၏​။

ယော​ရှု 3:9

ယောရှု​က အစ္စရေး​အမျိုးသား​တို့​အား “​ဤ​နေရာ​သို့​လာ​၍ သင်​တို့​၏​ဘုရားသခင်​ထာဝရဘုရား​၏​စကား​တော်​ကို နားထောင်​ကြ​လော့​”​ဟု ဆို​၏​။