တ​ရား​ဟော 32:36 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁶ ထာဝရဘုရား​သည် မိမိ​လူမျိုး​တော်​တို့ ခွန်အား​ကုန်ခန်း​၍ အချုပ်အနှောင်​ခံရ​သော​သူ​နှင့် လွတ်လပ်​သော​သူ​ပါ တစ်ယောက်​မျှ​မ​ကျန်​တော့​သည်​ကို မြင်​သောအခါ မိမိ​လူမျိုး​တော်​အတွက် တရားစီရင်​တော်မူ​မည်​။ မိမိ​အစေအပါး​တို့​ကို သနား​တော်မူ​မည်​။

Common Language Bible

³⁶ ထာ​ဝရ​ဘု​ရား​သည်​မိ​မိ​လူ​မျိုး​တော်​၏ အင်​အား​ကုန်​သည့်​အ​ဖြစ်​ကို​မြင်​ရ​သော အ​ခါ သူ​တို့​အား​ကယ်​တင်​တော်​မူ​လိမ့်​မည်။ ကိုယ်​တော်​ရှင်​ကို​ဆည်း​ကပ်​ကိုး​ကွယ်​သူ​တို့ ခို​ကိုး​ရာ​မဲ့​သည့်​အ​ဖြစ်​ကို​မြင်​တော်​မူ​သော အ​ခါ သူ​တို့​အား​က​ရု​ဏာ​ပြ​တော်​မူ​လိမ့်​မည်။

Garrad Bible

³⁶ လက် ရုံး တန် ခိုး အား လျော့ သည် ကိုလည်း ကောင်း၊ အ ကျဉ်း သား၊ အ လွတ် သား မ ကျန် သည် ကိုလည်း ကောင်း၊ ရှု မြင် တော် မူ ရာ ထာ ဝ ရ ဘု ရား သည် ကျွန် တော် ရင်း တို့ အ တွက် စိတ် တော် ပြောင်း လဲ၍ လူ မျိုး တော် ဘက်၌ တ ရား စီ ရင် တော် မူ လိမ့် မည်။

Judson Bible

³⁶ ထာ​ဝ​ရ​ဘု​ရား​သည် မိ​မိ​လူ​တို့​အ​ဖို့ တ​ရား​စီ​ရင်​တော်​မူ​မည်။ ကိုယ်​တော်၏ ကျွန်​တို့​သည် တန်​ခိုး​ကုန်​ကြောင်း၊ အ​ချုပ်​ခံ​ရ​သော​သူ၊ လွတ်​သော​သူ​တစ်​ယောက်​မျှ မ​ရှိ​ကြောင်း​ကို မြင်​သော​အ​ခါ၊ သူ​တို့​အ​မှု​ကြောင့် နောင်​တ​ရ​တော်​မူ​လျက်၊

တ​ရား​ဟော 32:36 Referencias Cruzadas

၃ ရာ 14:10

ထို့ကြောင့် ယခု ငါ​သည် ယေရောဗောင်​မင်းမျိုးမင်းနွယ်​တို့​အပေါ် ဘေးဆိုး​ကျရောက်​စေ​မည်​။ အစ္စရေး​ပြည်​ရှိ ကျွန်ပြု​ခံရ​သူ​နှင့် ကျွန်ပြုမခံရ​သူ​ပါ​မကျန် ယေရောဗောင်​မင်းမျိုးမင်းနွယ်​ထဲမှ ယောက်ျား​တို့​ကို ငါ​ပယ်ရှင်း​မည်​။ အမှိုက်ပုံ​ကို မီးရှို့​ရှင်းလင်း​ပစ်​သကဲ့သို့ ယေရောဗောင်​မင်းမျိုးမင်းနွယ်​တို့​ကို သုတ်သင်ပယ်ရှင်း​ပစ်​မည်​။

၃ ရာ 21:21

ထာဝရဘုရား​က ‘​ကြည့်ရှု​လော့​။ ယခု ငါ​သည် သင့်​အပေါ် ဘေးဆိုး​ကျရောက်​စေ​မည်​။ သင့်​ကို ငါ​သုတ်သင်ပယ်ရှင်း​မည်​။ အစ္စရေး​ပြည်​ရှိ အာဟပ်​မင်းကြီး​အမျိုး​ထဲမှ ကျွန်ပြု​ခံရ​သူ​နှင့် ကျွန်ပြု​မ​ခံရ​သူ​ပါမကျန် ယောက်ျား​အားလုံး​ကို ငါ​ပယ်ရှင်း​မည်​။

၄ ရာ 14:26

ထာဝရဘုရား​သည် အစ္စရေး​လူမျိုး​တို့ အလွန်​ခါးသီး​စွာ​ခံစား​နေ​ရ​သည်​ကို သိမြင်​တော်မူ​၏​။ အစ္စရေး​လူမျိုး​တို့​တွင် ကျွန်ပြု​ခံရ​သူ​နှင့် ကျွန်ပြု​မ​ခံရ​သူ​ကို​ပါ ကူညီ​မည့်​သူ တစ်ယောက်​မျှ​မ​ရှိ​။

၄ ရာ 9:8

အာဟပ်​မင်းမျိုးမင်းနွယ်​အားလုံး ပျက်စီး​သွား​ရ​လိမ့်မည်​။ အစ္စရေး​ပြည်​ရှိ အာဟပ်​မင်းကြီး​အမျိုး​ထဲမှ ကျွန်ပြု​ခံရ​သူ​နှင့် ကျွန်ပြု​မ​ခံ​ရ​သူ​ပါ​မကျန် ယောက်ျား​တို့​ကို ငါ​ပယ်ရှင်း​မည်​။

ဆာ​လံ 106:45

ထိုအခါ သူ​တို့​အတွက် မိမိ​၏​ပဋိညာဉ်​တော်​ကို သတိရ​လျက် မိမိ​၏​ကြီးမား​သော မေတ္တာကရုဏာ​တော်​နှင့်အညီ စိတ်​တော်​ပြောင်းလဲ​၍

ဆာ​လံ 135:14

အကြောင်းမူကား ထာဝရဘုရား​သည် မိမိ​၏​လူမျိုး​တော်​ကို​စစ်ကြောစီရင်​၍ မိမိ​၏​အစေအပါး​တို့​အပေါ် သနား​ကရုဏာ​ထား​တော်မူ​၏​။

ဆာ​လံ 50:4

ကိုယ်တော်​သည် မိမိ​၏​လူမျိုး​တော်​ကို စစ်ကြောစီရင်​ရန် အထက်​ကောင်းကင်​နှင့် ကမ္ဘာမြေကြီး​ကို​ဆင့်ခေါ်​လျက်

ဆာ​လံ 7:8

ထာဝရဘုရား​သည် လူမျိုးတကာ​တို့​ကို စစ်ကြောစီရင်​တော်မူ​၏​။ အို ထာဝရဘုရား​၊ အကျွန်ုပ်​၏​ဖြောင့်မတ်​ခြင်း​၊ အကျွန်ုပ်​၏​တည်ကြည်​ခြင်း​နှင့်အညီ အကျွန်ုပ်​၌​အပြစ်​မ​ရှိ​ကြောင်း စီရင်​တော်မူ​ပါ​။

ဆာ​လံ 90:13

အို ထာဝရဘုရား​၊ ပြန်ကြွလာ​တော်မူ​ပါ​။ မည်မျှ​ကြာ​ပါ​မည်နည်း​။ ကိုယ်တော်​၏​အစေအပါး​အပေါ် သနား​ကရုဏာ​ထား​တော်မူ​ပါ​။

ဆာ​လံ 96:13

အကြောင်းမူကား ကိုယ်တော်​ကြွလာ​တော်မူ​၏​။ ကမ္ဘာမြေကြီး​ကို​တရားစီရင်​ရန် ကိုယ်တော်​ကြွလာ​တော်မူ​၏​။ ကိုယ်တော်​သည် ကမ္ဘာလောက​ကို ဖြောင့်မတ်​ခြင်း​ဖြင့်​လည်းကောင်း​၊ လူ​တို့​ကို မိမိ​၏​သစ္စာ​တော်​ဖြင့်​လည်းကောင်း တရားစီရင်​တော်မူ​လိမ့်မည်​။

ထွက်​မြောက် 32:14

ထိုအခါ ထာဝရဘုရား​သည် မိမိ​လူမျိုး​တော်​အပေါ် ဘေးအန္တရာယ်​ကျရောက်​စေ​မည်​ဟု မိန့်​တော်မူ​ခဲ့​ရာ​မှ စိတ်ပြောင်းလဲ​တော်မူ​၏​။

ယေ​ရ​မိ 20:11

သို့သော် ထာဝရဘုရား​သည် အားကြီး​သော​စစ်သူရဲ​အဖြစ် ငါ့​ဘက်​၌ ရှိ​တော်မူ​၏​။ ထို့ကြောင့် အကျွန်ုပ်​ကို လိုက်လံညှဉ်းဆဲ​သော​သူ​တို့​သည် အနိုင်​မ​ရ​ဘဲ လဲကျ​ကြ​လိမ့်မည်​။ မ​အောင်မြင်​ဘဲ အရှက်ကွဲ​အကျိုးနည်း ဖြစ်​ကြ​လိမ့်မည်​။ မ​မေ့ပျောက်​နိုင်​အောင် အစဉ်​အသရေပျက်​ကြ​လိမ့်မည်​။

ယေ​ရ​မိ 31:20

ထာဝရဘုရား​က “​ဧဖရိမ်​သည် ငါ​ချစ်​သော​သား​၊ ငါ​မြတ်နိုး​သော​သားလေး​ဖြစ်​သည်​မ​ဟုတ်​လော​။ ငါ​သည် သူ့​ကို အပြစ်တင်​ပြောဆို​လေ​တိုင်း သူ့​ကို အစဉ်​သတိရ​လျက်​ရှိ​ပါ​၏​။ ထို့ကြောင့် သူ့​အတွက် စိုးရိမ်ပူပန်​၏​။ သူ့​ကို အလွန်​သနား​၏​”​ဟု မိန့်​တော်မူ​၏​။

ယေ​ရ​မိ 42:10

‘​ဤ​ပြည်​၌​သာ သင်​တို့​နေထိုင်​မည်​ဆို​လျှင် သင်​တို့​ကို တည်ဆောက်​မည်​၊ ဖြိုဖျက်​မည်​မ​ဟုတ်​။ သင်​တို့​ကို စိုက်ပျိုး​မည်​၊ နုတ်ပစ်​မည်​မ​ဟုတ်​။ သင်​တို့​ကို ဘေးအန္တရာယ်​နှင့် ကြုံ​စေ​ခဲ့​သောကြောင့် ငါ​ဝမ်းနည်း​၏​’​ဟု မိန့်​တော်မူ​၏​။

ဒံ​ယေ​လ 12:7

ထိုအခါ မြစ်ရေပြင်​အထက်​တွင်​ရှိ​သော ပိတ်ချောထည်​ဝတ်ဆင်​ထား​သူ​က လက်​နှစ်​ဖက်​ကို ကောင်းကင်​သို့​မြှောက်​၍ “​တစ်​ကာလ​၊ နှစ်​ကာလ​၊ ကာလ​တစ်ဝက် ကြာ​လိမ့်မည်​။ သန့်ရှင်းသူ​တို့​၏​အင်အား​ကို တစ်စစီ​ဖြိုခွဲ​ပြီးမှ ဤ​အံ့ဖွယ်​အမှု​အားလုံး​၏​အဆုံး​သည် ရောက်​လိမ့်မည်​”​ဟု ထာဝရ​အသက်ရှင်​တော်မူ​သော​အရှင်​ကို တိုင်တည်​၍ ပြောဆို​သည်​ကို ငါ​ကြား​ရ​၏​။

ယော​လ 2:14

သင်​တို့​၏​ဘုရားသခင်​ထာဝရဘုရား​သည် စိတ်​တော်​ပြေ​၍ ကိုယ်တော်​အား ဘောဇဉ်ပူဇော်သက္ကာ​နှင့် သွန်းလောင်းရာပူဇော်သက္ကာ​တို့​ပူဇော်​ခွင့်​ကောင်းချီး​ကို ချန်ထား​ပေး​မည်​၊ မ​ပေး​မည်​ကို မည်သူ​သိ​နိုင်​မည်နည်း​။

ယော​လ 2:18

ထိုအခါ ထာဝရဘုရား​သည် မိမိ​ပြည်​တော်​အဖို့ စိတ်အားထက်သန်​၍ မိမိ​၏​လူမျိုး​တော်​ကို ညှာတာ​တော်မူ​မည်​။

ဝတ်​ပြု 26:43

သို့သော် သူ​တို့​သည် ငါ​၏​စီရင်ထုံးဖွဲ့ချက်​များ​ကို စွန့်ပယ်​၍ ငါ​၏​ပြဋ္ဌာန်းချက်​များ​ကို ရွံရှာ​ခဲ့​သောကြောင့် သူ​တို့​ကြောင့် စွန့်ပစ်​ထား​ခြင်း​ခံရ​၍ လူသူကင်းမဲ့​သူ​တို့​၏​ပြည်​သည် ဥပုသ်နေ့​၌ မွေ့လျော်​လိမ့်မည်​။ သူ​တို့​မူကား ကိုယ့်​အပြစ်​အတွက် ပြန်ပေးဆပ်​ရ​လိမ့်မည်​။

အာ​မုတ် 7:3

ထိုအခါ ထာဝရဘုရား​သည် ဤ​အမှု​အတွက် စိတ်​တော်​ပြောင်း​၍ “​ထိုသို့ မ​ဖြစ်စေ​တော့”​ဟု မိန့်​တော်မူ​၏​။

အာ​မုတ် 7:6

ထိုအခါ ထာဝရဘုရား​သည် ဤ​အမှု​အတွက် စိတ်​တော်​ပြောင်း​၍ “​ထိုသို့ မ​ဖြစ်စေ​တော့”​ဟု မိန့်​တော်မူ​၏​။

ဟေ​ဗြဲ 10:30

အကြောင်းမူကား “လက်တုံ့ပြန်​ခြင်း​သည် ငါ​နှင့်ဆိုင်​၏။ ငါ​ကိုယ်တိုင်​တုံ့ပြန်​မည်”​ဟူ၍​လည်းကောင်း၊ “ထာဝရ​ဘုရား​သည် မိမိ​လူမျိုး​တို့​ကို တရား​စီရင်​တော်မူ​မည်”​ဟူ၍​လည်းကောင်း မိန့်​တော်မူ​သော​အရှင်​ကို ငါ​တို့​သိ​ကြ​၏။

သူ​ကြီး 2:18

ထာဝရဘုရား​သည် သူ​တို့​အဖို့ တရားသူကြီး​ကို ပေါ်ထွန်း​စေ​ပြီ​ဆိုလျှင် ထို​တရားသူကြီး​နှင့် ထာဝရဘုရား​အတူ​ရှိ​တော်မူ​၍ ထို​တရားသူကြီး​အသက်ရှင်​သမျှ​ကာလ​ပတ်လုံး သူ​တို့​ကို ရန်သူ့​လက်​မှ ကယ်တင်​ပေး​တော်မူ​၏​။ အကြောင်းမှာ သူ​တို့ ညှဉ်းဆဲ​ခံရ​ချိန်​၊ ဒုက္ခရောက်​ချိန်​တွင် ညည်းတွား​မြည်တမ်း​ကြ​သဖြင့် ထာဝရဘုရား​သည် သူ​တို့​ကို သနား​တော်မူ​၏​။