တ​ရား​ဟော 3:28 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁸ ယောရှု​သည် ဤ​လူမျိုး​တို့​ကို ဦးဆောင်​လျက် ဂျော်ဒန်​မြစ်​ကို​ကူးသွား​၍ သင်​တွေ့မြင်​ရ​မည့်​ပြည်​ကို သူ​တို့​အား အမွေခွဲ​ပေး​ရ​မည်​ဖြစ်​သောကြောင့် သူ့​ကို​ညွှန်ကြား​လော့​။ သူ့​ကို အားပေး​ထောက်မ​လော့​’​ဟု မိန့်​တော်မူ​၏​။

Common Language Bible

²⁸ ယောရှု​အား​တာ​ဝန်​လွှဲ​အပ်​လော့။ သူ​သည်​ဤ​လူ မျိုး​ကို​ခေါင်း​ဆောင်​၍ သင်​မြင်​သော​ပြည်​သို့ ဖြတ်​ကူး​သိမ်း​ယူ​ရ​မည်​ဖြစ်​သော​ကြောင့်​သူ့ ကို​အား​ပေး​လော့။ ကြံ့​ခိုင်​စေ​လော့' ဟု​ငါ့ အား​မိန့်​တော်​မူ​၏။''

Garrad Bible

²⁸ သင် မြင် ရ သော ပြည် သို့၊ အ ပိုင် ရ စေ ရန်၊ လူ မျိုး တော် ရှေ့ ဦး ဆောင် လျက် ကူး ချီ ရ သော ယော ရှု ကို ခန့် ထား၍ ထောက် မ အား ပေး ခဲ့ လော့ ဟု ငါ့ အား မိန့် တော် မူ ပြီး လျှင်

Judson Bible

²⁸ သို့​ရာ​တွင် ယော​ရှု​ကို​မှာ​ခဲ့၍ အား​ပေး​လော့။ မ​စ​ထောက်​ပင့်​လော့။ သူ​သည် ဤ​လူ​မျိုး​ရှေ့​မှာ​သွား၍၊ သင်​မြင်​ရ​သော​ပြည်​ကို အ​မွေ​ခံ​စေ​ရ​မည်​ဟု ငါ့​အား​မိန့်​တော်​မူ၏။

တ​ရား​ဟော 3:28 Referencias Cruzadas

၁ ရာ​ချုပ် 22:6

ထို့နောက် သား​တော်​ရှောလမုန်​ကို ခေါ်​၍ အစ္စရေး​လူမျိုး​၏​ဘုရားသခင်​ထာဝရဘုရား​အဖို့ အိမ်​တော်​ကို​တည်ဆောက်​ရ​မည့်​အကြောင်း မိန့်မှာ​ခဲ့​၏​။

၁ ရာ​ချုပ် 28:20

ထို့နောက် ဒါဝိဒ်​မင်းကြီး​က သား​တော်​ရှောလမုန်​အား “​အားယူ​၍​ရဲရင့်​စွာ လုပ်ဆောင်​လော့​။ မ​ကြောက်​နှင့်​၊ စိတ်​မ​ပျက်​နှင့်​။ ငါ​ကိုးကွယ်​သော​ဘုရားသခင်​၊ ဘုရားသခင်​ထာဝရဘုရား​သည် သင်​နှင့်အတူ ရှိ​တော်မူ​၏​။ ထာဝရဘုရား​၏​အိမ်​တော် ဆောက်လုပ်​ခြင်း​အမှု​အလုံးစုံ​ကို ပြီးစီး​သည့်​တိုင်အောင် သင့်​ကို စွန့်ပစ်​တော်မူ​မည်​မ​ဟုတ်​။ သင့်​ကို ပစ်ပယ်​တော်မူ​မည်​မ​ဟုတ်​။

ရှင်ယောဟန် 1:17

အကြောင်းမူကား ပညတ်​တရား​ကို မောရှေ​အားဖြင့်​ပေး​တော်မူ​၏။ ကျေးဇူး​တော်​နှင့်​သမ္မာတရား​မူကား ယေရှု​ခရစ်တော်​အားဖြင့်​ဖြစ်လာ​၏။

တမန်တော်ဝတ္ထု 7:45

ငါ​တို့​၏​ဘိုးဘေး​များ​သည် ထို​တဲ​တော်​ကို​ဆက်ခံ​၍ ငါ​တို့​ဘိုးဘေး​များ​ရှေ့​မှ ဘုရားသခင်​နှင်ထုတ်​တော်မူ​သော လူမျိုးခြား​တို့​၏​ပြည်​ကို သူ​တို့​သိမ်းပိုက်​ကြ​သောအခါ ယောရှု​နှင့်အတူ ၎င်း​ကို​သယ်ဆောင်​လာ​ကြ​၏။ ထို​တဲ​တော်​သည် ဒါဝိဒ်​လက်ထက်​တိုင်အောင်​ရှိ​ခဲ့​၏။

တ​ရား​ဟော 1:37

သင်​တို့​ကြောင့် ထာဝရဘုရား​သည် ငါ့​ကို​လည်း အမျက်ထွက်​တော်မူ​၍ ‘​သင်​သည်​လည်း ထို​ပြည်​သို့ ဝင်​ရ​မည်​မ​ဟုတ်​။

တ​ရား​ဟော 1:38

သင့်​ရှေ့​၌​ရပ်​နေ​သော နုန်​၏​သား ယောရှု​မူကား ထို​ပြည်​သို့​ဝင်​ရ​လိမ့်မည်​။ သူ့​အားဖြင့် အစ္စရေး​လူမျိုး​တို့ ထို​ပြည်​ကို အမွေဆက်ခံ​ရ​မည်​ဖြစ်၍ သူ့​ကို အားပေး​လော့​။

တ​ရား​ဟော 31:23

ထို့နောက် ထာဝရဘုရား​က နုန်​၏​သား ယောရှု​အား “​အားယူ​၍​ရဲရင့်​ခြင်း​ရှိ​လော့​။ ထို​ပြည်​ကို အစ္စရေး​အမျိုးသား​တို့​အား ပေး​မည်​ဟု​ငါ​ကျိန်ဆို​ခဲ့​သည်​နှင့်အညီ ထို​ပြည်​သို့ သင်​သည် သူ​တို့​ကို​ပို့ဆောင်​ရ​မည်​။ ငါ​သည်​လည်း သင်​နှင့်အတူ​ရှိ​မည်​”​ဟု မိန့်မှာ​တော်မူ​၏​။

တ​ရား​ဟော 31:3

သင်​၏​ဘုရားသခင်​ထာဝရဘုရား​သည် သင့်​ရှေ့​မှ​ကူးသွား​တော်မူ​မည်​။ ထို​လူမျိုး​တို့​ကို သင့်​ရှေ့​မှ ဖျက်ဆီး​တော်မူ​သဖြင့် သင်​သည် သူ​တို့​ကို​နှင်ထုတ်​လိမ့်မည်​။ ထာဝရဘုရား​မိန့်​တော်မူ​သည့်​အတိုင်း ယောရှု​သည်​လည်း သင်​တို့​ရှေ့​မှ​ကူးသွား​မည်​။

တ​ရား​ဟော 31:7

ထို့နောက် မောရှေ​သည် ယောရှု​ကို​ခေါ်​၍ အစ္စရေး​လူမျိုး​အပေါင်း​တို့​၏​ရှေ့​၌ သူ့​အား “​အားယူ​၍​ရဲရင့်​ခြင်း​ရှိ​လော့​။ အကြောင်းမူကား ထို​ပြည်​ကို ဤ​လူမျိုး​တို့​အား​ပေး​မည်​ဟု သူ​တို့​၏​ဘိုးဘေး​တို့​အား ထာဝရဘုရား​ကျိန်ဆို​တော်မူ​ခဲ့​သည်​နှင့်အညီ ထို​ပြည်​သို့ သင်​သည် သူ​တို့​နှင့်အတူ​ဝင်ရောက်​၍ ထို​ပြည်​ကို သူ​တို့​၏ အမွေ​ဖြစ်စေ​ရ​မည်​။

ဟေ​ဗြဲ 4:8

အကယ်၍ ယောရှု​သည် သူ​တို့​အား ငြိမ်ဝပ်​ချမ်းသာ​ခြင်း​ကို​ပေး​ခဲ့​သည်​မှန်​လျှင် နောက်မှ အခြား​နေ့ရက်​အကြောင်း​ကို ဘုရားသခင်​မြွက်ဆို​တော်မူ​မည်​မ​ဟုတ်။

ယော​ရှု 1:2

“​ငါ​၏​အစေအပါး​မောရှေ​ကွယ်လွန်​ပြီ​။ ထို့ကြောင့် သင်​နှင့်​ဤ​လူ​အပေါင်း​တို့​သည် ဤ​ဂျော်ဒန်​မြစ်​ကို​ကူး​ပြီးလျှင် အစ္စရေး​အမျိုးသား​တို့​အား ငါ​ပေး​သော​ပြည်​ထဲသို့ ဝင်​ကြ​လော့​။