တ​ရား​ဟော 29:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ လူမျိုး​အပေါင်း​တို့​က​လည်း ‘​ထာဝရဘုရား​သည် ဤ​ပြည်​ကို အဘယ်ကြောင့် ဤသို့​ပြု​တော်မူ​ရ​သနည်း​။ အဘယ်ကြောင့် အမျက်​တော်​မီး ကြီးစွာ​တောက်လောင်​တော်မူ​ရ​သနည်း​’​ဟု မေးမြန်း​ကြ​လိမ့်မည်​။

Common Language Bible

²⁴ ထို​အ​ခါ​အ​ပြည်​ပြည်​ရှိ​လူ​မျိုး​အ​ပေါင်း တို့​က `ထာ​ဝ​ရ​ဘု​ရား​သည်​သူ​တို့​၏​ပြည် ကို​အ​ဘယ်​ကြောင့်​ဖျက်​ဆီး​ပစ်​တော်​မူ သ​နည်း။ အ​ဘယ်​ကြောင့်​ဤ​မျှ​ကြောက်​မက် ဖွယ်​အ​မျက်​ထွက်​တော်​မူ​သ​နည်း' ဟု​မေး ကြ​လိမ့်​မည်။-

Garrad Bible

²⁴ လူ အ မျိုး မျိုး တို့ မြင် ကြ ရာ၊ ထို နည်း အ တိုင်း ဤ ပြည်၌ ထာ ဝ ရ ဘု ရား စီ ရင် တော် မူ ခြင်း၊ မ ဟာ ဒေါ သ မီး လောင် ရ ခြင်း ကား၊ အ သို့ နည်း ဟု မေး ကြ လျှင်၊

Judson Bible

²⁴ ထာ​ဝ​ရ​ဘု​ရား​သည် ဤ​ပြည်၌ အ​ဘယ်​ကြောင့် ဤ​သို့​ပြု​တော်​မူ​သ​နည်း။ ဤ​ပြင်း​စွာ​သော အ​မျက်​တော်​အ​ရှိန်​ကား၊ အ​ဘယ်​သို့​နည်း​ဟု လူ​အ​မျိုး​မျိုး​တို့​သည် မေး​မြန်း​ကြ​လျှင်၊

တ​ရား​ဟော 29:24 Referencias Cruzadas

၄ ရာ 17:15

ပြဋ္ဌာန်းချက်​များ​၊ ဘိုးဘေး​တို့​နှင့်​ဖွဲ့​ခဲ့​သော​ပဋိညာဉ်​များ​၊ သူ​တို့​အား ပြ​တော်မူ​သော​သက်သေခံချက်​များ​ကို စွန့်ပယ်​ကြ​၏​။ မိမိ​တို့​ဝန်းကျင်​ရှိ​လူမျိုးခြား​တို့​နောက်သို့​မ​လိုက်​ရ​၊ သူ​တို့​ကဲ့သို့​မ​ပြု​ရ​ဟု ထာဝရဘုရား​မိန့်​တော်မူ​လျက်​နှင့် သူ​တို့​သည် အချည်းနှီး​သော​အရာ​များ​နောက်သို့​လိုက်​ပြီး အချည်းနှီး​သော​သူ​များ​ဖြစ်​ကြ​၏​။

၄ ရာ 18:12

ဤသို့​ဖြစ်​ရ​ခြင်း​မှာ အစ္စရေး​လူမျိုး​တို့​သည် မိမိ​တို့​ဘုရားသခင် ထာဝရဘုရား​၏​စကား​တော်​ကို မ​နာခံ​သည့်​အပြင် ထာဝရဘုရား​၏​အစေအပါး​မောရှေ​အားဖြင့် မိန့်မှာ​ထား​သည့် ပဋိညာဉ်​ရှိသမျှ​ကို​လည်း မ​နာခံ​မ​လိုက်လျှောက်​ဘဲ ချိုးဖောက်​ကြ​သောကြောင့် ဖြစ်​၏​။

ဟေ​ရှာ​ယ 65:11

သို့သော် ထာဝရဘုရား​ကို​စွန့်ပယ်​သော​သူ​များ​၊ ငါ​၏​သန့်ရှင်း​သော​တောင်​ကို မေ့လျော့​သော​သူ​များ​၊ ဂါဒ​ဘုရား​ရှေ့ စားပွဲ​ခင်း​သော​သူ​များ​၊ မေနိ​ဘုရား​ရှေ့ ရောစပ်​ထား​သော​ဝိုင်​ကို ခွက်​ထဲသို့ ဖြည့်​ပေး​သော​သူ​များ​ဖြစ်​ကြ​သော သင်​တို့​အတွက်

ယေ​ရ​မိ 16:10

ဤ​စကား​အလုံးစုံ​ကို ဤ​လူမျိုး​အား သင်​ပြောပြ​သောအခါ သူ​တို့​က ‘​ထာဝရဘုရား​သည် ဤမျှလောက်​ကြီးမား​သော​ဘေးအန္တရာယ်​ကို ငါ​တို့​အား အဘယ်ကြောင့် ပေး​တော်မူ​သနည်း​။ ငါ​တို့​၏​အပြစ်​ကား အဘယ်နည်း​။ ငါ​တို့​၏​ဘုရားသခင်​ထာဝရဘုရား​ကို ပြစ်မှား​သော​အပြစ်​ကား အဘယ်နည်း​’​ဟု မေး​ကြ​လိမ့်မည်​။

ယေ​ရ​မိ 31:32

ထာဝရဘုရား​က “​ထို​ပဋိညာဉ်​သည် သူ​တို့​၏​ဘိုးဘေး​တို့​ကို အီဂျစ်​ပြည်​မှ လက်ဆွဲ​၍​ထုတ်ဆောင်​လာ​ခဲ့​စဉ်က ဖွဲ့​ခဲ့​သော​ပဋိညာဉ်​ကဲ့သို့​မ​ဟုတ်​။ ငါ​သည် သူ​တို့​၏​ခင်ပွန်း​ဖြစ်​သော်လည်း ငါ​၏​ပဋိညာဉ်​ကို သူ​တို့​ချိုးဖောက်​ခဲ့​ပြီ​”​ဟု မိန့်​တော်မူ​၏​။

ယေ​ရ​မိ 40:2

ကိုယ်ရံတော်မှူး​သည်​လည်း ယေရမိ​ကို​ခေါ်​၍ “​သင်​၏​ဘုရားသခင်​ထာဝရဘုရား​က ဤ​ပြည်​တွင် ဘေးအန္တရာယ်​ကျရောက်​မည့်​အကြောင်း မိန့်​တော်မူ​ပြီ​။

ယေ​ရ​မိ 5:19

‘​ငါ​တို့​၏​ဘုရားသခင်​ထာဝရဘုရား​သည် ငါ​တို့​ကို အဘယ်ကြောင့် ဤ​အမှု​အလုံးစုံ​တို့​နှင့် ကြုံ​စေ​သနည်း​’​ဟု သူ​တို့​မေး​ကြ​လျှင် ‘​သင်​တို့​သည် ငါ့​ကို​စွန့်ပယ်​၍ သင်​တို့​၏​ပြည်​၌ပင် တိုင်းတစ်ပါးသား​တို့​၏​ဘုရား​များ​ကို အစေခံ​သည့်​နည်းတူ သင်​တို့​ပြည်​မ​ဟုတ်​သော​ပြည်​၌ သူစိမ်း​တို့​ကို အစေခံ​ရ​လိမ့်မည်​’​ဟု သင်​ပြန်ဖြေ​လော့​။

မြည်​တမ်း​စ​ကား 4:12

ရန်ပြု​လာ​သော​ရန်သူ​တို့ ဂျေရုဆလင်​မြို့​တံခါး​ထဲ ဝင်ရောက်​လာ​နိုင်​သည်​ကို မည်သည့်​မြေကြီး​ဘုရင်​မျှ​၊ မည်သည့်​လောက​လူသား​မျှ မ​ယုံ​နိုင်​ကြ​ပေ​။

ယေ​ဇ​ကျေ​လ 14:23

သူ​တို့​၏​အပြုအမူ​အကျင့်အကြံ​တို့​ကို သင်​တို့​မြင်​ရ​သောအခါ သင်​တို့​စိတ်သက်သာ​ရာ​ရ​လိမ့်မည်​။ ဂျေရုဆလင်​မြို့​ကို ငါ​စီရင်​ခဲ့​သည်​မှာ အကြောင်းမဲ့​မ​ဟုတ်​ကြောင်း​ကို သင်​တို့​သိ​ကြ​လိမ့်မည်​”​ဟု ဘုရားရှင်​ထာဝရဘုရား မိန့်​တော်မူ​၏​။

ယေ​ဇ​ကျေ​လ 16:59

ဘုရားရှင်​ထာဝရဘုရား​က ‘သင်​ထားခဲ့​သော​ကတိသစ္စာ​ကို သင်​မထီလေးစား​လုပ်​၍ ပဋိညာဉ်​ကို ချိုးဖောက်​သောကြောင့် သင်​၏​လုပ်ရပ်​နှင့်အညီ သင့်​ကို​ဒဏ်ခတ်​မည်’​ဟု မိန့်​တော်မူ​၏​။

ဝတ်​ပြု 26:32

ငါ​ကိုယ်တိုင် သင်​တို့​၏​ပြည်​ကို လူသူကင်းမဲ့​စေ​သဖြင့် ထို​ပြည်​၌​နေထိုင်​သော သင်​တို့​၏​ရန်သူ​တို့​သည်​လည်း တုန်လှုပ်ချောက်ချား​ကြ​လိမ့်မည်​။

ရော​မ 2:5

သို့သော် သင်​၏​မာကျော​ခက်ထန်​မှု​နှင့်​နောင်တ​မ​ရ​သော​စိတ်နှလုံး​တို့​ကြောင့် သင်​သည် အမျက်​တော်​နေ့​တည်းဟူသော ဘုရားသခင်​၏​ဖြောင့်မတ်​သည့် တရား​စီရင်​ခြင်း​ထင်ရှား​ရာ​နေ့​အတွက် အမျက်​တော်​ကို မိမိ​အဖို့​သိုမှီး​လျက်​ရှိ​၏။