တ​ရား​ဟော 27:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ ‘​ထာဝရဘုရား​စက်ဆုပ်ရွံရှာ​တော်မူ​သော​အရာ​ဖြစ်​သည့် ရုပ်တု​ဆင်းတု​ကို လက်မှုအတတ်​ဖြင့် သွန်းလုပ်​၍ လျှို့ဝှက်​သော​နေရာ​၌​စိုက်ထူ​သော​သူ​သည် ကျိန်ဆဲ​ခြင်း​ခံရ​မည်​’​ဟု ကျယ်လောင်​သော​အသံ​ဖြင့် ဆို​ရ​မည်​။ ထိုအခါ လူ​အပေါင်း​တို့​က ‘​အာမင်​’​ဟု ပြန်ဆို​ရ​မည်​။

Common Language Bible

¹⁵ `` `ကျောက်​ရုပ်​တု၊ သစ်​သား​ရုပ်​တု​သို့​မ​ဟုတ် သတ္တု​ရုပ်​တု​ကို​ထု​လုပ်​၍ တိတ်​တ​ဆိတ်​ဝတ် ပြု​ကိုး​ကွယ်​သူ​သည် ဘု​ရား​သ​ခင်​ကျိန်​ခြင်း ကို​ခံ​စေ​သ​တည်း။ ထာ​ဝ​ရ​ဘု​ရား​သည်​ရုပ်​တု ကိုး​ကွယ်​မူ​ကို​ရွံ​ရှာ​တော်​မူ​၏' ဟု​ကျိန်​ဆို လိုက်​သော​အ​ခါ၊ ``လူ​အ​ပေါင်း​တို့​က`အာ​မင်' ဟု​ဝန်​ခံ​ရ ကြ​မည်။

Garrad Bible

¹⁵ ထာ ဝ ရ ဘု ရား ရွံ ရှာ တော် မူ ဖွယ်၊ လူ၏ လက် ဖြစ် ရုပ် ပွား ဆင်း တု ကို သွန်း ထု လျက် လျှို့ တ ဝှက် တည် ထား သူ ကား၊ အ မင်္ဂ လာ ရှိ သည် ဟု ကြော် ငြာ ကြ သော်၊ အာ မင် ဟူ၍ လူ ပ ရိတ် ဥဿုံ ဝန် ခံ ကြ စေ။

Judson Bible

¹⁵ ထာ​ဝ​ရ​ဘု​ရား စက်​ဆုပ်​ရွံ​ရှာ​သော​အ​ရာ၊ လက်​သ​မား​လက်​နှင့် ထု​လုပ်​သော​ရုပ်​တု၊ သွန်း​သော​ဆင်း​တု​ကို​လုပ်၍ မ​ထင်​ရှား​သော​အ​ရပ်၌ ထား​သော​သူ​သည် အ​မင်္ဂ​လာ​ရှိ​စေ​သ​တည်း​ဟု ကျိန်​လျှင်၊ လူ​အ​ပေါင်း​တို့​က အာ​မင်​ဟု​ဝန်​ခံ​ရ​ကြ​မည်။

တ​ရား​ဟော 27:15 Referencias Cruzadas

ကမ္ဘာ​ဦး 31:19

လာဗန်​သည် မိမိ​သိုး​တို့​ကို​အမွေးညှပ်​ရန်​သွား​နေ​ချိန်​တွင် ရာခေလ​သည် ဖခင်​ပိုင်ဆိုင်​သည့် တေရပ်ရုပ်တု​တို့​ကို​ခိုးယူ​လေ​၏​။

ကမ္ဘာ​ဦး 31:34

ရာခေလ​သည် တေရပ်ရုပ်တု​တို့​ကို​ယူ​၍ ကုလားအုတ်​ကုန်းနှီး​ထဲ​ထည့်​ပြီးလျှင် ၎င်း​တို့​အပေါ်​၌​ထိုင်​နေ​၏​။ ထို့ကြောင့် လာဗန်​သည် တဲ​တစ်တဲလုံး​မွှေနှောက်​သော်လည်း မ​တွေ့​ချေ​။

ကမ္ဘာ​ဦး 9:25

“​ခါနာန်​သည် ကျိန်​ခြင်း​ကို​ခံရ​ပါစေ​။ အစ်ကို​တို့​၏​ကျွန်​တို့​၌ ကျွန်​ဖြစ်​ပါစေ​”​ဟု ဆို​၏​။

၄ ရာ 17:19

ယုဒ​အမျိုး​တို့​ပင်လျှင် သူ​တို့​ဘုရားသခင်​ထာဝရဘုရား​၏​ပညတ်တော်​တို့​ကို မ​စောင့်ထိန်း​ဘဲ အစ္စရေး​လူမျိုး​တို့​၏​ဓလေ့စရိုက်​နောက်သို့​လိုက်​၍ ပြုကျင့်​ကြ​၏​။

၄ ရာ 23:13

ဆီဒုန်​အမျိုးသား​တို့​ကိုးကွယ်​သော ရွံရှာဖွယ်​အာရှတရက်​ဘုရား​၊ မောဘ​အမျိုးသား​တို့​ကိုးကွယ်​သော​ရွံရှာဖွယ်​ခေမုရှ​ဘုရား​၊ အမ္မုန်​အမျိုးသား​တို့​ကိုးကွယ်​သော​ရွံရှာဖွယ် မိလကုံ​ဘုရား​တို့​အတွက် အစ္စရေး​ဘုရင်​ရှောလမုန်​မင်းကြီး​တည်​ထား​ပေး​ခဲ့​သော ဂျေရုဆလင်​မြို့​အရှေ့ဘက်​၊ ပျက်စီး​ရာ​တောင်​၏​တောင်ဘက်​ရှိ အထွတ်အမြတ်​ထား​ရာ​ကုန်းမြင့်​တို့​ကို​လည်း ရှင်ဘုရင်​က မစင်ကြယ်​အောင် လုပ်​ပစ်​၏​။

၁ ရာ​ချုပ် 16:36

အစ္စရေး​လူမျိုး​၏​ဘုရားသခင်​ထာဝရဘုရား​သည် ကာလ​အစဉ်အဆက်​မင်္ဂလာ​ရှိ​ပါစေသော ဟု​သီဆို​ကြ​၍ လူ​အပေါင်း​တို့​က “​အာမင်​”​ဟု​ဆို​လျက် ထာဝရဘုရား​ကို ချီးမွမ်း​ကြ​၏​။

၂ ရာ​ချုပ် 33:2

သူ​သည် အစ္စရေး​လူမျိုး​တို့​ရှေ့​မှ ထာဝရဘုရား​နှင်ထုတ်​တော်မူ​သော လူမျိုးခြား​တို့​၏​စက်ဆုပ်ရွံရှာဖွယ်​ဓလေ့​များ​အတိုင်း ထာဝရဘုရား​ရှေ့​တော်​တွင် မကောင်းမှု​ကို ပြု​၏​။

ထွက်​မြောက် 20:23

သင်​တို့​သည် ငါ​နှင့်​ယှဉ်​၍ သင်​တို့​အဖို့ ရွှေ​ဘုရား​ငွေ​ဘုရား​များ​ကို​လည်း မ​ပြုလုပ်​ရ​။

ထွက်​မြောက် 20:4

အထက်​မိုးကောင်းကင်​၌​လည်းကောင်း​၊ အောက်​မြေကြီး​၌​လည်းကောင်း​၊ မြေကြီး​အောက်​ရေ​ထဲ၌​လည်းကောင်း ရှိသမျှ​သော​အရာ​တို့​၏​ပုံသဏ္ဌာန်​နှင့်တူသော ရုပ်တုဆင်းတု​ကို သင့်​အဖို့​မ​ပြုလုပ်​ရ​။

ထွက်​မြောက် 34:17

သင်​သည် ကိုယ့်​အဖို့ ဘုရား​ရုပ်တု​များ​ကို မ​သွန်းလုပ်​ရ​။

ဟေ​ရှာ​ယ 44:13

ပန်းပုသမား​သည် သစ်သား​ကို မျဉ်းကြိုး​ဖြင့်​တိုင်း​၍ စူး​နှင့်​မှတ်သား​တတ်​၏​။ ဆောက်​နှင့်​ထွင်း​ပြီး ကွန်ပါ​နှင့်​မှတ်သား​တတ်​၏​။ တင့်တယ်​သော​လူ​၏​ပုံသဏ္ဌာန်​ကဲ့သို့ ထုလုပ်​ပြီး ဝတ်ကျောင်း​ထဲတွင် စံပယ်​စေ​၏​။

ဟေ​ရှာ​ယ 44:17

သူ​သည် ကျန်တစ်ပိုင်း​ဖြင့် သူ​၏​ဘုရား​ဖြစ်​သော ရုပ်တုဆင်းတု​ကို ထုလုပ်​တတ်​၏​။ ထို​ရုပ်တု​ကို ပျပ်ဝပ်​ကိုးကွယ်​လျက် ‘​ကိုယ်တော်​သည် အကျွန်ုပ်​၏​ဘုရား​ဖြစ်​ပါ​၏​။ အကျွန်ုပ်​ကို ကယ်တင်​တော်မူ​ပါ​’​ဟု ဆုတောင်း​တတ်​၏​။

ဟေ​ရှာ​ယ 44:19

‘​ငါ​သည် သစ်​တစ်ပိုင်း​ကို​မီးရှို့​၍ မီးခဲ​ပေါ်တွင် မုန့်​ဖုတ်​လေ​ပြီ​။ အသား​ကို​လည်း ကင်​၍ စား​လေ​ပြီ​။ ကျန်တစ်ပိုင်း​ကို စက်ဆုပ်ရွံရှာဖွယ်​သော​အရာ​ဖြစ်စေ​ရ​မည်လော​။ သစ်တုံး​ရှေ့​တွင် ငါ​ပျပ်ဝပ်​ရ​မည်လော​’​ဟု ဆို​နိုင်​လောက်အောင် မည်သူ​မျှ မ​ဆင်ခြင်​၊ မည်သူ​မျှ အသိတရား​မ​ရှိ​၊ ဉာဏ်​မ​ရှိ​။

ယေ​ရ​မိ 11:3

အစ္စရေး​လူမျိုး​၏​ဘုရားသခင်​ထာဝရဘုရား​က “ဤ​ပဋိညာဉ်​၌​ပါရှိ​သော​အချက်​တို့​ကို နား​မ​ထောင်​သော​သူ​သည် ကျိန်​ခြင်း​ကို​ခံရ​မည်​။

ယေ​ရ​မိ 11:5

ဤသို့ဖြင့် သင်​တို့​၏​ဘိုးဘေး​တို့​အား နို့​နှင့်​ပျားရည်​စီး​သော​ပြည်​ကို​ပေး​မည်​ဟု ငါ​ကျိန်ဆို​ခဲ့​သော​ကတိ​ကို​တည်​စေ​နိုင်​ခဲ့​ပြီး ယနေ့ ထိုကဲ့သို့​ဖြစ်​လေ​ပြီ”​ဟု မိန့်​တော်မူ​၏​။ ထိုအခါ ငါ​က “​အို ထာဝရဘုရား​၊ အာမင်​”​ဟု လျှောက်​လေ​၏​။

ယေ​ရ​မိ 23:24

“ငါ​မ​မြင်​နိုင်​အောင် ကွယ်​ရာ​၌ ပုန်းနိုင်​သော​သူ တစ်စုံတစ်ယောက်​ရှိ​သလော​”​ဟု ထာဝရဘုရား​မေး​တော်မူ​၏​။ “​ငါ​သည် ကောင်းကင်​၊ မြေကြီး​အနှံ့ ရှိ​သည်​မ​ဟုတ်​လော​”​ဟု ထာဝရဘုရား​မေး​တော်မူ​၏​။

ယေ​ရ​မိ 28:6

“​အာမင်​၊ ထိုသို့ ထာဝရဘုရား ပြု​တော်မူ​ပါစေသော​။ ထာဝရဘုရား​၏​အိမ်​တော်​အသုံးအဆောင်​ပစ္စည်း​များ​နှင့် သုံ့ပန်း​အားလုံး​ကို ဘေဘီလုံ​မြို့​မှ ဤ​အရပ်​သို့ ပြန်ခေါ်ဆောင်​လာ​မည်​ဟူ၍ သင်​ပရောဖက်ပြု​ဟောပြော​သည့်​အတိုင်း ထာဝရဘုရား ပြည့်စုံ​စေ​ပါစေ​။

ယေ​ဇ​ကျေ​လ 14:4

သို့ဖြစ်၍ ထို​သူ​တို့​အား ‘ဘုရားရှင်​ထာဝရဘုရား​က မိမိ​စိတ်​ထဲတွင် ရုပ်တု​များ​ကို နေရာပေး​လျက်​၊ မိမိ​တို့​ရှေ့​တွင် ဒုစရိုက်​ခလုတ်တံသင်း​ကို ချထား​လျက်​နှင့် ပရောဖက်​ထံသို့​လာရောက်​မေးမြန်း​သော အစ္စရေး​လူမျိုး​မည်သူမဆို ရုပ်တု​ကို​နေရာပေး​လျှင် ပေးသလောက် သူ့​ကို ငါ​ထာဝရဘုရား တုံ့ပြန်​မည်​။

ယေ​ဇ​ကျေ​လ 7:20

သူ​တို့​၏​လှပ​သော​အဆင်တန်ဆာ​များ​ကြောင့် မာနထောင်လွှား​တတ်​ကြ​၏​။ ထို​တန်ဆာ​များ​ဖြင့် စက်ဆုပ်​ရွံရှာဖွယ်​ရုပ်တု​များ​ကို ထုလုပ်​တတ်​ကြ​၏​။ ထို့ကြောင့် ငါ​သည် ထို​တန်ဆာ​တို့​ကို ညစ်ညူးသောအရာ​ကဲ့သို့ ဖြစ်​စေ​မည်​။

ဒံ​ယေ​လ 11:31

သူ​၏​တပ်သား​တို့​သည် လာ​၍ ခိုလှုံ​ရာ​ဖြစ်​သည့်​သန့်ရှင်းရာဌာန​တော်​ကို ရှုတ်ချ​လိမ့်မည်​။ နေ့စဉ်​ပူဇော်သက္ကာ​ကို ဖယ်ရှား​ပစ်​၍ ဖျက်ဆီး​တတ်​သော​ရွံရှာဖွယ်​ရာ​ကို တည်​ထား​ကြ​လိမ့်မည်​။

ဒံ​ယေ​လ 9:11

အစ္စရေး​လူမျိုး​အပေါင်း​တို့​သည် ကိုယ်တော်​၏​ပညတ်တော်​ကို ချိုးဖောက်​၍ လမ်းလွဲ​ကြ​ပါ​ပြီ​။ ကိုယ်တော်​၏​စကား​တော်​ကို နား​မ​ထောင်​ကြ​ပါ​။ အကျွန်ုပ်​တို့​သည် ဘုရားသခင်​ကို​ပြစ်မှား​ကြ​သောကြောင့် ကိုယ်တော်​၏​အစေအပါး​မောရှေ​ရေးမှတ်​ထား​သော​ပညတ္တိကျမ်း​တွင်​ပါ​သည့် တိုင်တည်​ကျိန်ဆို​ခြင်း​ကို ကိုယ်တော်​သည် အကျွန်ုပ်​တို့​အပေါ် ကျရောက်​စေ​တော်မူ​ပြီ​။

ဝတ်​ပြု 19:4

သင်​တို့​သည် ရုပ်တု​များ​ဘက်​သို့ မ​လှည့်​ရ​။ ဘုရား​အများ​တို့​၏​ရုပ်တု​ကို သင်​တို့​အဖို့ မ​သွန်းလုပ်​ရ​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

ဝတ်​ပြု 26:1

သင်​တို့​အဖို့ ရုပ်တု​များ​ကို မ​ပြုလုပ်​ရ​။ ဆင်းတု​ကို မ​ထွင်းထု​ရ​။ ကျောက်တိုင်​ကို မ​စိုက်ထူ​ရ​။ သင်​တို့​၏​ပြည်​၌ ကျောက်ဆစ်​ရုပ်တု​ကို​သင်​တို့​ရှိခိုးကိုးကွယ်​ဖို့ မ​ထား​ရ​။ အကြောင်းမူကား ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

တော​လည် 5:22

ကျိန်​ခြင်း​ကို​ဖြစ်​စေ​သည့် ဤ​ရေ​သည် သင်​၏​ကိုယ်​ထဲသို့​ဝင်​၍ ဝမ်း​ကို​ဖောရောင်​စေ​ပြီး ပေါင်​ကို​ချည့်နဲ့​စေ​ပါစေ​ဟု ယဇ်ပုရောဟိတ်​သည် သင့်​ကို ကျိန်စာတိုက်​မည်​’​ဟု ဆို​ရ​မည်​။ ထို​မိန်းမ​က​လည်း ‘​အာမင်​၊ အာမင်​’​ဟု ဆို​ရ​မည်​။

မဿဲ 24:15

ထို့ကြောင့် ပရောဖက်​ဒံယေလ​အားဖြင့် မိန့်​တော်မူ​ခဲ့​သည့် ပျက်စီး​ဆိတ်သုဉ်း​ခြင်း​နှင့်ဆိုင်သော​ရွံရှာ​ဖွယ်​အရာ သည် သန့်ရှင်း​သော​နေရာ​၌ ရပ်​နေ​သည်​ကို သင်​တို့​မြင်​ကြ​သောအခါ (ဖတ်​သော​သူ​နားလည်​ပါစေ)

မဿဲ 6:13

ဖြားယောင်း​သွေးဆောင်​ရာ​သို့ မ​လိုက်​မ​ပါ​စေ​ဘဲ မကောင်း​သော​အမှုအရာ​မှ အကျွန်ုပ်​တို့​ကို ကယ်နုတ်​တော်မူ​ပါ။ [အကြောင်းမူကား နိုင်ငံ​တော်၊ တန်ခိုး​တော်​နှင့် ဘုန်း​အသရေ​တော်​သည် ကမ္ဘာ​အဆက်ဆက် ကိုယ်တော်​၌​ရှိ​ပါ​၏။ အာမင်။]

၁ ကော 14:16

သို့မဟုတ်လျှင် သင်​သည် စိတ်​ဝိညာဉ်​အားဖြင့် ကျေးဇူး​တော်​ချီးမွမ်း​သောအခါ ကျွမ်းဝင်​မှု​မ​ရှိ​သေး​သော အုပ်စု​အဝင်​ဖြစ်​သော​သူ​သည် သင်​ပြော​နေ​သည့်​စကား​ကို နား​မ​လည်​သောကြောင့် သင်​၏​ကျေးဇူး​တော်​ချီးမွမ်း​ခြင်း​အတွက် “အာမင်”​ဟု မည်သို့​ပြော​နိုင်​မည်နည်း။

တ​ရား​ဟော 27:14

လေဝိ​အမျိုး​တို့​က အစ္စရေး​အမျိုးသား​အပေါင်း​တို့​အား

တ​ရား​ဟော 29:17

သင်​တို့​သည် သူ​တို့​၏​ရွံရှာဖွယ်​ရာ​များ​ဖြစ်​သည့် သစ်သား​ရုပ်တု​၊ ကျောက်​ရုပ်တု​၊ ရွှေ​ရုပ်တု​၊ ငွေ​ရုပ်တု​တို့​ကို တွေ့မြင်​ခဲ့​ကြ​၏​။

တ​ရား​ဟော 4:25

သင်​တို့​သည် ထို​ပြည်​၌ သား​မြေး​များ​ရ​သည်​အထိ အနေကြာ​လာ​သောအခါ ဖောက်ပြန်​ပြီး တစ်စုံတစ်ရာ​၏​ပုံသဏ္ဌာန်​ကို ရုပ်တုဆင်းတု​အဖြစ်​ပြုလုပ်​၍ ထာဝရဘုရား​၏​ရှေ့မှောက်​၌ မကောင်းမှု​ကို​ပြု​ခြင်း​ဖြင့် သင်​တို့​၏​ဘုရားသခင်​ထာဝရဘုရား​အား အမျက်ထွက်​စေ​လျှင်

တ​ရား​ဟော 5:8

အထက်​မိုးကောင်းကင်​၌​လည်းကောင်း​၊ အောက်​မြေကြီး​၌​လည်းကောင်း​၊ မြေကြီး​အောက်​ရေ​ထဲ၌​လည်းကောင်း ရှိသမျှ​သော​အရာ​တို့​၏​ပုံသဏ္ဌာန်​နှင့်တူသော ရုပ်တုဆင်းတု​ကို သင့်​အဖို့​မ​ပြုလုပ်​ရ​။

တ​ရား​ဟော 7:25

သင်​တို့​သည် သူ​တို့​၏​ဘုရား​များ​ဖြစ်​သည့် ရုပ်တုဆင်းတု​များ​ကို မီး​ရှို့​ပစ်​ရ​မည်​။ ရုပ်တုဆင်းတု​ရှိ ရွှေ​၊ ငွေ​တို့​ကို မ​တပ်မက်​ရ​၊ မ​ယူ​ရ​။ ထို​အရာ​တို့​ကို သင်​၏​ဘုရားသခင်​ထာဝရဘုရား စက်ဆုပ်ရွံရှာ​တော်မူ​သည်​ဖြစ်၍ ယူမိ​လျှင် သင်​သည် ထို​အရာ​အားဖြင့် ကျော့မိ​လိမ့်မည်​။

သူ​ကြီး 17:3

ငွေစ​တစ်ထောင့်​တစ်ရာ​ကို မိခင်​အား​ပြန်ပေး​မည်​ပြု​သောအခါ မိခင်​က “​ထို​ငွေ​ကို ငါ့​သား​အတွက် ရုပ်တု​ထွင်းထု​ရန်​၊ သွန်းလုပ်​ရန် ငါ​ကိုယ်တိုင် ထာဝရဘုရား​အား ဆက်ကပ်​ထား​ပြီ​။ သို့ဖြစ်၍ ထို​ငွေ​ကို သင့်​အား​ငါ​ပြန်ပေး​မည်​”​ဟု ဆို​၏​။

သူ​ကြီး 17:4

ဤသို့ဖြင့် ထို​ငွေ​ကို မိခင်​အား​ပြန်ပေး​သောအခါ မိခင်​က ငွေ​နှစ်ရာ​ကို​ယူ​ပြီး ပန်းထိမ်သမား​အား​ပေး​၍ ရုပ်တု​ကို​ထွင်းထု​၊ သွန်းလုပ်​စေ​၏​။ ထို​ရုပ်တု​တို့​ကို မိက္ခာ​၏​အိမ်​၌​ထား​လေ​၏​။

၁ ရာ 26:19

အကျွန်ုပ်​၏​သခင် အရှင်မင်းကြီး​၊ သခင့်​အစေအပါး​၏​စကား​ကို ယခု နားထောင်​ပါ​လော့​။ အကယ်၍ အကျွန်ုပ်​ကို တိုက်ခိုက်​ရန် အရှင်မင်းကြီး​ကို ထာဝရဘုရား နှိုးဆော်​သည်​မှန်​လျှင် ဘောဇဉ်ပူဇော်သက္ကာ​ကို လက်ခံ​တော်မူ​ပါစေသော​။ ထိုသို့​မ​ဟုတ်​ဘဲ လူ​တို့​၏​နှိုးဆော်​ခြင်း​ဖြစ်လျှင် သူ​တို့​သည် ထာဝရဘုရား​ထံမှ ကျိန်​ခြင်း​ကို ခံရ​ပါစေသော​။ အကြောင်းမူကား သူ​တို့​က ‘အခြား​ဘုရား​အများ​ကို သွား​ဝတ်ပြု​ပါ’​ဟု ဆို​ပြီး အကျွန်ုပ်​ကို ထာဝရဘုရား​၏​အမွေစား​အမွေခံ​အဖြစ်​မှ နှင်ထုတ်​ကြ​ပါ​ပြီ​။