တ​ရား​ဟော 26:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ သင်​နှင့်​သင်​၏​အိမ်သူအိမ်သား​တို့​အား သင်​၏​ဘုရားသခင်​ထာဝရဘုရား​ပေး​တော်မူ​သည့် ကောင်းမြတ်​သော​အရာ​ရှိသမျှ​တို့​အတွက် သင်​မှစ၍ လေဝိ​အမျိုး​၊ သင့်​တွင်​ရှိ​သော​တိုင်းတစ်ပါးသား​တို့​အတူတကွ ဝမ်းမြောက်​ရ​မည်​။

Common Language Bible

¹¹ သင်​တို့​၏​ဘု​ရား​သ​ခင်​ထာ​ဝ​ရ​ဘု​ရား သည် သင်​နှင့်​သင်​၏​မိ​သား​စု​အား​ကျေး​ဇူး ပြု​တော်​မူ​သ​ဖြင့်​ကျေး​ဇူး​တော်​ကို​ချီး​မွမ်း လော့။ သင်​တို့​နှင့်​တစ်​ရပ်​တည်း​နေ​ထိုင်​သော လေဝိ​အ​မျိုး​သား​များ၊ လူ​မျိုး​ခြား​သား များ​သည်​သင်​တို့​နှင့်​အ​တူ​ပျော်​ပွဲ​ရွှင်​ပွဲ ကို​ဆင်​နွှဲ​စေ​ကြ​လော့။

Garrad Bible

¹¹ သင် တို့ ဘောင် တွင် ရှိ သော လေ ဝိ ဂိုဏ်း သား၊ ဝင် နေ သူ တို့ ပါ၊ အား ရ ရွှင် လန်း ကြ လော့။

Judson Bible

¹¹ သင်၏​ဘု​ရား​သ​ခင် ထာ​ဝ​ရ​ဘု​ရား​သည်၊ သင်​နှင့် သင်၏​အိမ်​သူ​အိမ်​သား​တို့​အား ပြု​တော်​မူ​သ​မျှ​သော​ကျေး​ဇူး၌၊ သင်​သည် သင်​နှင့်​အ​တူ တည်း​ခို​သော လေ​ဝိ​သား​မှ​စ၍ တစ်​ပါး​အ​မျိုး​သား​တို့​နှင့်​တ​ကွ ပျော်​မွေ့​ခြင်း​ကို ပြု​ရ​မည်။

တ​ရား​ဟော 26:11 Referencias Cruzadas

နေ​ဟ​မိ 8:10

ထို့နောက် နေဟမိ​က လူ​တို့​အား “​ချိုမြိန်​သော​စားကောင်းသောက်ဖွယ်​တို့​ကို သွား​၍ စား​သောက်​ကြ​လော့​။ စားသောက်စရာ​မ​ရှိ​သူ​တို့​အား ဝေငှ​ပေး​လော့​။ ယနေ့​သည် ငါ​တို့​အရှင်သခင်​အဖို့ သန့်ရှင်း​သော​နေ့​ဖြစ်​၍ ဝမ်း​မ​နည်း​ကြ​နှင့်​။ ထာဝရဘုရား​ထံ​တော်​မှ ဝမ်းမြောက်​ခြင်း​သည် သင်​တို့​အဖို့ ခွန်အား​ဖြစ်​၏​”​ဟု ဆို​၏​။

ဒေသနာကျမ်း။ 3:12

လူ​တို့​သည် အသက်ရှင်​စဉ်တွင် ဝမ်းမြောက်​လျက်​၊ ကောင်း​သော​အမှု​ကို​ပြု​လျက်​နေ​ခြင်း​မှတစ်ပါး သူ​တို့​အတွက် အခြား​ကောင်း​သော​အရာ​မ​ရှိ​ကြောင်း ငါ​သိ​၏​။

ဒေသနာကျမ်း။ 3:13

လူ​တိုင်း စား​လျက်​၊ သောက်​လျက်​၊ မိမိ​၏​ကြိုးပမ်းအားထုတ်မှု​အားလုံး​အပေါ်​၌ ကျေနပ်အားရ​လျက်​နေ​ခြင်း​သည်​လည်း ဘုရားသခင်​ပေး​တော်မူ​သော​လက်ဆောင်​ဖြစ်ကြောင်း ငါ​သိ​၏​။

ဒေသနာကျမ်း။ 5:18

ကြည့်ရှု​လော့​။ ဘုရားသခင်​ပေး​တော်မူ​သည့် အနည်းငယ်​သော​အသက်တာ​နေ့ရက်​များ​၌ လူ​သည် စား​လျက်​၊ သောက်​လျက်​၊ နေ​အောက်​၌ ကြိုးပမ်းအားထုတ်​သည့် မိမိ​၏​ကြိုးပမ်းအားထုတ်မှု​အားလုံး​အပေါ် ကျေနပ်အားရ​လျက်​နေ​ခြင်း​သည် ကောင်းမြတ်​၍​တင့်တယ်​ကြောင်း ငါ​တွေ့မြင်​၏​။ အကြောင်းမူကား ဤ​အရာ​သည် လူ​၏​ဝေစု​ဖြစ်​၏​။

ဒေသနာကျမ်း။ 7:14

ကောင်းကျိုးချမ်းသာ​ခံစား​ရာ​ကာလ​၌ ဝမ်းမြောက်​လော့​။ ဒုက္ခခံရာ​ကာလ​၌​မူကား ဆင်ခြင်​လော့​။ လူ​သည် သူ့​နောက်တွင်​ဖြစ်​မည့်​အရာ​တစ်စုံတစ်ခု​ကို​မျှ မ​တွေ့ရှိ​စေရန် ဘုရားသခင်​သည် ကောင်းကျိုးချမ်းသာ​နှင့်အတူ ဒုက္ခ​ကို​လည်း ဖြစ်ပေါ်​စေ​တော်မူ​၏​။

ဟေ​ရှာ​ယ 65:14

ကြည့်ရှု​လော့​။ ငါ့​အစေအပါး​တို့​သည် ရွှင်လန်း​သော​စိတ်​နှင့် သီချင်းဆို​ကြ​လိမ့်မည်​။ သင်​တို့​မူကား နာကျင်​သော​စိတ်​နှင့် အော်ဟစ်​ကြ​၍ ကြေကွဲ​သော​စိတ်​နှင့် ညည်းတွားမြည်တမ်း​ကြ​လိမ့်မည်​။

ဇာ​ခ​ရိ 9:17

မည်မျှ​ကောင်းမြတ်​ပါ​သနည်း​။ မည်မျှ​တင့်တယ်​ပါ​သနည်း​။ လူပျို​အပျို​တို့​သည် ကောက်ပဲသီးနှံ​နှင့် စပျစ်ဝိုင်​အသစ်​ကြောင့် ကြီးပွားတိုးတက်​ကြ​လိမ့်မည်​။

၁ ကော 9:11

ငါ​တို့​သည် ဝိညာဉ်ရေး​နှင့်ဆိုင်သော​အရာ​တို့​ကို သင်​တို့​၌​စိုက်ပျိုး​ခဲ့​သည်​ဆိုလျှင် သင်​တို့​ထံမှ ရုပ်ဝတ္ထု​နှင့်ဆိုင်သော​အရာ​များ​ကို ရိတ်သိမ်း​ကြ​ခြင်း​သည် လွန်ရာကျ​သလော။

တ​ရား​ဟော 12:12

သင်​တို့​မှစ၍ သင်​တို့​၏​သား​သမီး​များ​၊ ကျွန်ယောက်ျား​ကျွန်မိန်းမ​များ​နှင့်အတူ သင်​တို့​၏​မြို့​တံခါး​အတွင်း​ရှိ အမွေ​ဝေစု​မ​ရ​သော​လေဝိ​အမျိုး​တို့​သည် သင်​တို့​၏​ဘုရားသခင်​ထာဝရဘုရား​၏​ရှေ့​တော်​၌ ဝမ်းမြောက်​ကြ​ရ​မည်​။

တ​ရား​ဟော 12:18

သင်​မှစ၍ သင်​၏​သား​သမီး​များ​၊ ကျွန်ယောက်ျား​ကျွန်မိန်းမ​များ​၊ သင်​၏​မြို့​တံခါး​အတွင်း​ရှိ လေဝိ​အမျိုး​များ​သည် ထို​ပူဇော်သက္ကာ​တို့​ကို သင်​၏​ဘုရားသခင်​ထာဝရဘုရား​ရှေ့​တော်​၊ သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​၌​သာ စား​ရ​မည်​။ သင်​လုပ်ဆောင်​လေရာရာ​အတွက် သင်​၏​ဘုရားသခင်​ထာဝရဘုရား​ရှေ့​တော်​၌ ဝမ်းမြောက်​ကြ​ရ​မည်​။

တ​ရား​ဟော 12:7

ထို​အရပ်​တွင် သင်​တို့​၏​ဘုရားသခင်​ထာဝရဘုရား​၏​ရှေ့​တော်​၌ စား​ရ​မည်​။ သင်​တို့​လုပ်ဆောင်​လေရာရာ​၌ သင်​တို့​၏​ဘုရားသခင်​ထာဝရဘုရား​ကောင်းချီးပေး​တော်မူ​သောကြောင့် သင်​တို့​နှင့်​သင်​တို့​၏​အိမ်သူအိမ်သား​တို့​သည် ဝမ်းမြောက်​ကြ​ရ​မည်​။

တ​ရား​ဟော 16:11

သင်​မှစ၍ သင့်​သား​သမီး​များ​၊ ကျွန်ယောက်ျား​ကျွန်မိန်းမ​များ​၊ သင့်​မြို့​အတွင်း​ရှိ လေဝိ​အမျိုး​နှင့် သင်​၌​ရှိ​သော တိုင်းတစ်ပါးသား​၊ ဖတဆိုး​၊ မုဆိုးမ တို့​သည် နာမ​တော်​ကိန်းဝပ်​ရာ​အဖြစ် သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​တွင် သင်​၏​ဘုရားသခင်​ထာဝရဘုရား​၏​ရှေ့​တော်​၌ ဝမ်းမြောက်​ရ​မည်​။

တ​ရား​ဟော 27:7

မိတ်သဟာယယဇ်​ကို​လည်း ပူဇော်​ရ​မည်​။ သင်​တို့​သည် ထို​တောင်​ပေါ်တွင်​စားသောက်​၍ သင်​တို့​၏​ဘုရားသခင်​ထာဝရဘုရား​၏​ရှေ့​တော်​၌ ဝမ်းမြောက်​ရ​မည်​။

တ​ရား​ဟော 28:47

သင်​သည် အရာရာ​၌​ကြွယ်ဝ​လျက်ပင် ဝမ်းမြောက်​ခြင်း​၊ စိတ်နှလုံး​ရွှင်လန်း​ခြင်း​ဖြင့် သင်​၏​ဘုရားသခင်​ထာဝရဘုရား​ကို​အစေ​မ​ခံ​သောကြောင့်

ဖိ​လိပ္ပိ 4:4

သခင်​ဘုရား​၌ အစဉ်အမြဲ​ဝမ်းမြောက်​ကြ​လော့။ တစ်ဖန် ငါ​ဆို​သည်​ကား ဝမ်းမြောက်​ကြ​လော့။