တ​ရား​ဟော 25:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ သင်​၏​အလေး ပြည့်​ရ​မည်​၊ မှန်ကန်​ရ​မည်​။ သင်​၏​ခြင်တောင်း ပြည့်​ရ​မည်​၊ မှန်ကန်​ရ​မည်​။ သို့ပြုလျှင် သင်​၏​ဘုရားသခင်​ထာဝရဘုရား​ပေး​တော်မူ​သော​ပြည်​၌ သင်​သည် အသက်​ရှည်​မည်​။

Common Language Bible

¹⁵ သင်​တို့​၏​ဘု​ရား​သ​ခင်​ထာ​ဝ​ရ​ဘု​ရား ပေး​သ​နား​တော်​မူ​မည့်​ပြည်​တွင် သင်​တို့ အ​သက်​ရှည်​စွာ​နေ​ထိုင်​နိုင်​ရန်​မှန်​ကန် တိ​ကျ​သော အ​လေး၊ တင်း၊ တောင်း​များ​ကို အ​သုံး​ပြု​ကြ​လော့။-

Garrad Bible

^15-16 ထို သို့ ထား လျက် စဉ်း လဲ သူ အ ပေါင်း တို့ သည် သင် တို့ ဘု ရား သ ခင် ထာ ဝ ရ ဘု ရား ရှေ့ ရွံ ရှာ ဖွယ် ဖြစ် သော ကြောင့်၊ ပေး သ နား တော် မူ သော ပြည် တွင် တာ ရှည် ခွင့် ရ ကြ အံ့ သော ငှါ၊ မှန် ကန် သော အ လေး ကောင်း၊ တင်း ကောင်း ကို သာ ထား ကြ ရ မည်။

Judson Bible

¹⁵ သင်၏​ဘု​ရား​သ​ခင် ထာ​ဝ​ရ​ဘု​ရား ပေး​တော်​မူ​သော​ပြည်၌ သင်၏​အ​သက်​တာ ရှည်​မည်​အ​ကြောင်း၊ မှန်​ကန်​သော​အ​လေး၊ မှန်​ကန်​သော​ခြင်​စ​ရာ၊ တန်​ဆာ​များ​ကို​သာ သုံး​ရ​မည်။

တ​ရား​ဟော 25:15 Referencias Cruzadas

ဆာ​လံ 34:12

အသက်ရှင်​ခြင်း​ကို​နှစ်သက်​၍ ကောင်း​သော​အရာ​ကို​တွေ့မြင်​ရ​ရန် နေ့ရက်​ကာလ​တို့​ကို​လိုလား​သော​သူ​ကား မည်သူ​နည်း​။

ထွက်​မြောက် 20:12

သင်​၏​မိဘ​ကို​ရိုသေ​လော့​။ ထိုသို့​ပြု​လျှင် သင်​၏​ဘုရားသခင်​ထာဝရဘုရား​ပေးသနား​တော်မူ​သော​ပြည်​၌ သင်​သည် အသက်​ရှည်​လိမ့်မည်​။

ယေ​ဇ​ကျေ​လ 45:10

တစ်ဖန် ဘုရားရှင်​ထာဝရဘုရား​က ‘သင်​တို့​သည် မှန်​သော​ချိန်ခွင်​၊ မှန်​သော​ဧဖာ​၊ မှန်​သော​ဗတ်​ကို သုံး​ရ​မည်​။

ဝတ်​ပြု 19:35

တရားစီရင်​ရာ​တွင်​ဖြစ်စေ​၊ တိုင်းထွာ​ရာ​တွင်​ဖြစ်စေ​၊ ချိန်တွယ်​ရာ​တွင်​ဖြစ်စေ​၊ ရေတွက်​ရာ​တွင်​ဖြစ်စေ မတရားသဖြင့်​မ​ပြုလုပ်​ရ​။

အာ​မုတ် 8:5

သင်​တို့​က “လဆန်းပွဲနေ့ မည်သည့်​အချိန်​ပြီး​မည်နည်း​၊ ငါ​တို့ စားနပ်ရိက္ခာ​ရောင်း​လို​လှ​ပြီ​။ ဥပုသ်နေ့ မည်သည့်​အချိန်​ပြီး​မည်နည်း​၊ ဂျုံစပါး​ဈေး ဖွင့်​လို​လှ​ပြီ​။ ဧဖာ​တောင်း​ငယ်​၊ ရှယ်ကယ်​အလေးကြီး​နှင့် ချိန်ခွင်လျှာ​ကို ကိုယ့်ဘက်သာအောင် လုပ်​ကြ​မည်​။

တ​ရား​ဟော 11:9

ထာဝရဘုရား​က ထို​ပြည်​ကို သင်​တို့​၏​ဘိုးဘေး​တို့​နှင့် သူ​တို့​၏​သားစဉ်မြေးဆက်​တို့​အား ပေး​မည်​ဟု​ကျိန်ဆို​တော်မူ​ခဲ့​သည်​နှင့်အညီ နို့​နှင့်​ပျားရည်​စီး​သော​ထို​ပြည်​၌ သင်​တို့ အသက်​ရှည်ရှည်​နေထိုင်​ကြ​ရ​မည်​။

တ​ရား​ဟော 17:20

ထိုသို့​ပြု​လျှင် မိမိ​ညီအစ်ကို​တို့​အပေါ် မာနထောင်လွှား​သော​စိတ်​ရှိ​မည်​မ​ဟုတ်​၊ ပညတ်တရားလမ်း​မှ လက်ယာ​ဘက်​လက်ဝဲ​ဘက်​သို့​လမ်းလွဲ​မည်​မ​ဟုတ်​၊ သူ​နှင့်​သူ​၏​သားမြေး​တို့​သည်​လည်း အစ္စရေး​လူမျိုး​တို့​အလယ်​၌ တိုင်းပြည်​ကို ကာလ​ကြာရှည်​စွာ အုပ်စိုး​ရ​လိမ့်မည်​။

တ​ရား​ဟော 25:14

သင့်​အိမ်​၌ ကြီး​သော​တောင်း​၊ ငယ်​သော​တောင်း​ဟူ၍ အဝင်ချင်း​မ​တူ​သော​ခြင်တောင်း​မ​ရှိ​ရ​။

တ​ရား​ဟော 4:40

သင်​တို့​နှင့်တကွ နောင်လာမည့် သင်​တို့​၏​သားမြေး​တို့ ကောင်းစား​မည့်​အကြောင်း​၊ သင်​တို့​အား သင်​တို့​၏​ဘုရားသခင်​ထာဝရဘုရား​ပေး​တော်မူ​သော​ပြည်​၌ သင်​တို့ အသက်​ရှည်ရှည်​နေထိုင်​ရ​မည့်​အကြောင်း ယနေ့ သင်​တို့​အား ငါ​ဆင့်ဆို​သော ဘုရားသခင်​၏​ပြဋ္ဌာန်းချက်​များ​နှင့်​ပညတ်တော်​များ​ကို စောင့်ထိန်း​ရ​မည်​”​ဟု မြွက်ဆို​လေ​၏​။

တ​ရား​ဟော 5:16

သင်​၏​ဘုရားသခင်​ထာဝရဘုရား​မိန့်မှာ​ထား​သည့်​အတိုင်း သင်​၏​မိဘ​ကို​ရိုသေ​လော့​။ ထိုသို့​ပြု​လျှင် သင်​၏​ဘုရားသခင်​ထာဝရဘုရား​ပေး​တော်မူ​သော​ပြည်​၌ သင်​သည် အသက်​ရှည်​၍ ကောင်းစား​လိမ့်မည်​။

တ​ရား​ဟော 5:33

သင်​တို့​အား သင်​တို့​၏​ဘုရားသခင်​ထာဝရဘုရား​မိန့်မှာ​တော်မူ​သော​လမ်း​ရှိသမျှ​အတိုင်း လိုက်လျှောက်​လော့​။ သို့ပြုလျှင် သင်​တို့​ပိုင်ဆိုင်​ရ​မည့်​ပြည်​၌ သင်​တို့​သည် အသက်ချမ်းသာ​ရာ​ရ​မည်​။ ကောင်းစား​၍ အသက်​ရှည်​မည်​။

တ​ရား​ဟော 6:18

ထာဝရဘုရား​၏​မျက်မှောက်​တော်​၌ ဖြောင့်မှန်​သော​အမှု​၊ ကောင်း​သော​အမှု​တို့​ကို ပြု​လော့​။ သို့ပြုလျှင် ထာဝရဘုရား​က ထို​ပြည်​ကို​သင်​တို့​ဘိုးဘေး​တို့​အား ပေး​မည်​ဟု ကျိန်ဆို​တော်မူ​ခဲ့​သည်​နှင့်အညီ ထို​သာယာဝပြော​သော​ပြည်​ကို သင်​တို့​ဝင်ရောက်​သိမ်းပိုက်​၍ ကောင်းစား​ကြ​လိမ့်မည်​။

၁ ပေ 3:10

အကြောင်းမူကား အသက်ရှင်​ခြင်း​ကို​နှစ်သက်​၍ ကောင်း​သော​နေ့ရက်​တို့​ကို တွေ့မြင်​လို​သော​သူ​သည် မိမိ​လျှာ​ကို​ချုပ်တည်း​၍ မကောင်း​သော​စကား​နှင့်​ကင်းလွတ်​စေ။ မိမိ​နှုတ်​ကို​လည်း​ချုပ်တည်း​၍ မုသား​မ​ပြော​မိ​စေ​နှင့်။