တ​ရား​ဟော 22:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ သူ​တို့​နှစ်ဦးစလုံး​ကို ထို​မြို့​တံခါး​သို့ ခေါ်သွား​၍ ခဲ​နှင့် အသေ​ပေါက်သတ်​ရ​မည်​။ မြို့​ထဲ၌​ဖြစ်​သည်​ကို​ပင် ထို​မိန်းကလေး​သည် အော်ဟစ်​အကူအညီ​မ​တောင်း​၊ ထို​ယောက်ျား​သည်​လည်း မိမိ​အိမ်နီးချင်း​၏​မယား​ကို ကာမကျူးလွန်​သောကြောင့် အသတ်​ခံရ​ခြင်း​ဖြစ်​၏​။ ဤသို့ဖြင့် မကောင်းမှု​ကို သင့်​ထဲ​မှ​ဖယ်ရှား​ပစ်​ရ​မည်​။

Common Language Bible

²⁴ သူ​တို့​နှစ်​ဦး​စ​လုံး​ကို​မြို့​ပြင်​သို့​ထုတ်​၍ ကျောက်​ခဲ​ဖြင့်​ပစ်​သတ်​ရ​မည်။ မိန်း​မ​သည်​မြို့ ထဲ​၌​အော်​ဟစ်​၍​အ​ကူ​အ​ညီ​တောင်း​ခဲ့​သော် ရ​နိုင်​ပါ​လျက်​နှင့် အ​ကူ​အ​ညီ​မ​တောင်း​ခြင်း ကြောင့်​သေ​ဒဏ်​ခံ​စေ​ရ​မည်။ ယောကျာ်း​သည် ဣ​သ​ရေ​လ​အ​မျိုး​သား​ချင်း​တစ်​ဦး​နှင့် ထိမ်း​မြား​ရန်​စေ့​စပ်​ထား​သော​မိန်း​မ​နှင့် ကာ​မ​စပ်​ယှက်​ခြင်း​ကြောင့်​သေ​ဒဏ်​ခံ စေ​ရ​မည်။ ဤ​နည်း​အား​ဖြင့်​သင်​တို့​သည် ဤ​ဒု​စ​ရိုက်​ကို​ဖယ်​ရှား​နိုင်​ကြ​မည်။

Garrad Bible

²⁴ မြို့ အ တွင်း ဖြစ် လျက် မ အော် သော မိန်း မ နှင့်၊ သာ မိ က မိန်း မ ကို ရှုတ် ချ သော ယောက်ျား နှစ် ဦး လုံး ကို မြို့ တံ ခါး ပြင် သို့ ထုတ် ပြီး လျှင်၊ ခဲ ပစ် သတ် ဒဏ် ခတ် ကြ လော့။ သို့ မှ သင် တို့ ဘောင် တွင် ရှိ သော ဆိုး သွမ်း ခြင်း ကို ကျွမ်း လောင် ရာ ရောက် လိမ့် မည်။

Judson Bible

²⁴ ထို​သူ​နှစ်​ယောက်​တို့​ကို မြို့​တံ​ခါး​ဝ​သို့ ထုတ်​ဆောင်​ပြီး​လျှင် ကျောက်​ခဲ​နှင့်​ပစ်၍ အ​သေ​သတ်​ရ​ကြ​မည်။ မိန်း​မ​သည် မြို့​ထဲ​မှာ​ရှိ​လျက်​ပင် မ​အော်​မ​ဟစ်​သော​ကြောင့်​လည်း​ကောင်း၊ ယောက်ျား​လည်း သူ့​မ​ယား​ကို ရှုတ်​ချ​သော​ကြောင့်​လည်း​ကောင်း၊ ထို​သူ​နှစ်​ယောက်​တို့​သည် အ​သေ​သတ်​ခြင်း​ကို ခံ​ရ​မည်။ ထို​သို့ သင်​တို့​တွင် ဒု​စ​ရိုက်​အ​ပြစ်​ကို ပယ်​ရှား​ရ​ကြ​မည်။

တ​ရား​ဟော 22:24 Referencias Cruzadas

ကမ္ဘာ​ဦး 29:21

ထို့နောက်မှ ယာကုပ်​သည် လာဗန်​အား “​အကျွန်ုပ်​၏​အချိန်​ပြည့်​ပြီ​ဖြစ်၍ အကျွန်ုပ်​သည် မယား​ထံသို့​ဝင်​နိုင်​ရန် သူ့​ကို​အကျွန်ုပ်​နှင့်​ထိမ်းမြား​ပေး​ပါ​”​ဟု ဆို​၏​။

ယောဘဝတ္တု။ 31:11

အကြောင်းမူကား ဤသို့​ပြု​ခြင်း​သည် ညစ်ညမ်းသောအမှု​၊ အပြစ်ဒဏ်​ခံထိုက်​သော​အမှု​ဖြစ်​၏​။

ယေ​ဇ​ကျေ​လ 16:38

အိမ်ထောင်ရေးဖောက်ပြန်​သော​မိန်းမ​၊ လူသတ်​သော​မိန်းမ​တို့​ကို တရားစီရင်​သကဲ့သို့ သင့်​ကို​ငါ​တရားစီရင်​မည်​။ မနာလိုစိတ်​၊ ဒေါသစိတ်​တို့​ဖြင့် သင့်​ကို သေဒဏ်​ပေး​မည်​။

ဝတ်​ပြု 20:10

တစ်စုံတစ်ယောက်​သည် သူတစ်ပါး​၏​မယား​နှင့်​ဖြစ်စေ​၊ မိမိ​အိမ်နီးချင်း​၏​မယား​နှင့်​ဖြစ်စေ အိမ်ထောင်ရေးဖောက်ပြန်မှု​ကို​ကျူးလွန်​လျှင် အိမ်ထောင်ရေးဖောက်ပြန်မှု​ကို​ကျူးလွန်​သော​ထို​ယောက်ျား​နှင့် ထို​မိန်းမ​သည် မုချ​အသတ်​ခံရ​မည်​။

မဿဲ 1:20

သို့သော် ဤ​အကြောင်း​ကို စဉ်းစား​ဆင်ခြင်​နေ​စဉ် ထာဝရ​ဘုရား​၏​ကောင်းကင်တမန်​သည် ယောသပ်​အား အိပ်မက်​ထဲတွင်​ထင်ရှား​၍ “ဒါဝိဒ်​၏​သား​ယောသပ်၊ မာရိ​အား သင်​၏​ဇနီး​အဖြစ်​ယူ​ရ​မည်​ကို မ​စိုးရိမ်​နှင့်။ အကြောင်းမူကား သူ​၌​တည်​နေ​သော​သန္ဓေ​သည် သန့်ရှင်း​သော​ဝိညာဉ်​တော်​အားဖြင့်​ဖြစ်​၏။

မဿဲ 1:24

ယောသပ်​သည် အိပ်ပျော်​ရာ​မှ နိုး​လာ​သောအခါ သူ့​အား ထာဝရ​ဘုရား​၏​ကောင်းကင်တမန်​မိန့်မှာ​သည့်​အတိုင်း​ပြု​၍ မာရိ​ကို မိမိ​၏​ဇနီး​အဖြစ်​ယူ​လေ​၏။

၁ ကော 5:13

အပြင်​လူ​တို့​ကို​မူကား ဘုရားသခင်​စီရင်​တော်မူ​လိမ့်မည်။ ထို​ဆိုးညစ်​သော​သူ​ကို သင်​တို့​အထဲမှ ဖယ်ရှား​ကြ​လော့။

၁ ကော 5:2

သင်​တို့​သည် ဝမ်းနည်း​ကြေကွဲ​လျက် ထို​အမှု​ကို​ပြု​သော​သူ​အား သင်​တို့​အထဲ​မှ ဖယ်ရှား​ရ​မည့်​အစား မာန​ထောင်လွှား​လျက်​နေ​ကြ​၏။

တ​ရား​ဟော 13:5

ထို​ပရောဖက်​ဖြစ်စေ​၊ အိပ်မက်အနက်​ဖတ်​တတ်​သူ​ဖြစ်စေ အီဂျစ်​ပြည်​မှ​သင်​တို့​ကို​ထုတ်ဆောင်​တော်မူ​သော​၊ ကျွန်ခံရာ​အိမ်​မှ​သင်​တို့​ကို​ရွေးနုတ်​တော်မူ​သော သင်​တို့​၏​ဘုရားသခင်​ထာဝရဘုရား​ကို ဆန့်ကျင်​ပုန်ကန်​ပြောဆို​၍ သင်​တို့​လိုက်လျှောက်​ရန် သင်​တို့​၏​ဘုရားသခင်​ထာဝရဘုရား​မိန့်မှာ​တော်မူ​သည့်​လမ်း​မှ သင်​တို့​ကို​လွဲသွား​စေ​သောကြောင့် သူ​သည် အသတ်​ခံရ​မည်​။ ဤသို့ဖြင့် မကောင်းမှု​ကို သင်​တို့​ထဲ​မှ​ဖယ်ရှား​ပစ်​ရ​မည်​။

တ​ရား​ဟော 17:7

သက်သေထွက်ဆိုသူ​သည် ထို​သူ​ကို​သတ်​ရာ​တွင် အဦးဆုံး​ပြု​ရ​မည်​။ ထို့နောက်မှ ကျန်​သော​သူ​အပေါင်း​တို့ ပြု​ရ​မည်​။ ဤသို့ဖြင့် မကောင်းမှု​ကို သင်​တို့​ထဲ​မှ ဖယ်ရှား​ပစ်​ရ​မည်​။

တ​ရား​ဟော 21:14

သင်​သည် သူ့​ကို​မ​နှစ်သက်​တော့​လျှင် သူ့​ဆန္ဒ​အတိုင်း သူ့​ကို​ထွက်သွား​ခွင့်​ပေး​ရ​မည်​။ သို့သော် သင်​သည် သူ့​ကို​အသရေညှိုးနွမ်း​စေ​ပြီ​ဖြစ်၍ သူ့​ကို ငွေ​ဖြင့် လုံးဝ​မ​ရောင်း​ရ​၊ ကျွန်​မ​ပြု​ရ​။

တ​ရား​ဟော 22:23

ယောက်ျား​တစ်​ယောက်​သည် စေ့စပ်​ထား​သူ​ရှိ​သည့်​အပျိုကညာ​မိန်းကလေး​တစ်​ယောက်​ကို မြို့​ထဲ၌​တွေ့​၍ ထို​မိန်းကလေး​နှင့်​အိပ်​လျှင်

တ​ရား​ဟော 22:25

ယောက်ျား​တစ်​ယောက်​သည် စေ့စပ်​ထား​သည့်​မိန်းကလေး​ကို လူသူကင်းသောအရပ်​၌​တွေ့​၍ ထို​ယောက်ျား​သည် သူ့​ကို​ဖမ်းချုပ်​ပြီး သူ​နှင့်​အိပ်​လျှင် ထို​မိန်းကလေး​နှင့်​အိပ်​သော​ယောက်ျား​ကို​သာ သတ်​ရ​မည်​။