တ​ရား​ဟော 21:22 - မြန်​​​မာ့​​​စံ​​​မီ​​​သမ္မာ​​​ကျမ်း​​

²² တစ်စုံတစ်ယောက်​၌ သေဒဏ်​စီရင်ခြင်း​ခံထိုက်​သော​အပြစ်​ရှိ​၍ သေဒဏ်​ခံ​ပြီးနောက် သင်​သည် ထို​သူ​ကို သစ်တိုင်​၌ ချိတ်ဆွဲ​ထား​လျှင်

Common Language Bible

²² ``သေ​ဒဏ်​ထိုက်​သော​ပြစ်​မှု​ကြောင့် အ​သေ သတ်​ခြင်း​ခံ​ရ​သူ​၏​အ​လောင်း​ကို​တိုင်​ပေါ် တွင်​ဆွဲ​ထား​လျှင်၊-

Garrad Bible

²² အ ကယ် ၍ သေ ဒဏ် ခံ ထိုက် သော ပြစ် မှု ပြု သူ ကို သေ ဒဏ် ခတ် လျက် ကား တင် ကြ လျှင်၊

Judson Bible

²² သေ​ထိုက်​သော အ​ပြစ်​ရှိ​သော​သူ​ကို သစ်​တိုင်၌ ဆွဲ၍​သတ်​လျှင်၊

တ​ရား​ဟော 21:22 Referencias Cruzadas

ကမ္ဘာ​ဦး 40:19

သုံး​ရက်​အတွင်း​တွင် ဖာရော​မင်းကြီး​သည် သင့်​ကို​ခေါင်း​နှင့်​ကိုယ်​တခြားစီ​ဖြစ်စေ​ပြီး သင့်​ကိုယ်​ကို သစ်တိုင်​၌​ချိတ်ဆွဲ​ထား​လိမ့်မည်​။ ငှက်​တို့​သည် သင့်​အသား​ကို​စား​ကြ​လိမ့်မည်​”​ဟု ဆို​လေ​၏​။

၂ ရာ 21:10

အလောင်း​တို့​ကို နေ့​အချိန်​တွင် မိုးကောင်းကင်​ငှက်​တို့ မ​ထိပါး​အောင်​၊ ညအချိန်​တွင် တောတိရစ္ဆာန်​တို့ လာ​မ​ဆွဲ​အောင် အာယ​၏​သမီး​ရိဇပ​က လျှော်တေအဝတ်​ကို​ယူ​၍ ကျောက်ဖျာ​တစ်​ခု​ပေါ်တွင်​ခင်းထိုင်​ပြီး သီးနှံ​ရိတ်သိမ်း​ချိန်​မှ​စ​၍ အလောင်း​ပေါ်သို့ ကောင်းကင်​မှ​မိုး​ရွာချ​သည့်​အချိန်​ထိ စောင့်ရှောက်​ပေး​ခဲ့​၏​။

၂ ရာ 21:6

ထို့ကြောင့် သူ့​သား​ခုနစ်​ယောက်​ကို အကျွန်ုပ်​တို့​လက်​သို့ အပ်​တော်မူ​ပါ​။ ထာဝရဘုရား ရွေးကောက်​ခံရ​သူ​ရှောလု​၏​ဇာတိ​မြို့​ဖြစ်​သော ဂိဗာ​မြို့​၌ သူ​တို့​ကို ထာဝရဘုရား​ရှေ့​တော်​တွင် ကြိုးဒဏ်​ပေး​ပါ​မည်​”​ဟု လျှောက်တင်​ကြ​လျှင် ရှင်ဘုရင်​က “​ငါ​အပ်ပေး​မည်​”​ဟု မိန့်ဆို​၏​။

၂ ရာ 21:9

ဂိဗောင်​မြို့သား​တို့​လက်​သို့ အပ်လိုက်​သဖြင့် ဂိဗောင်​မြို့သား​တို့​သည် သူ​တို့​ကို ထာဝရဘုရား​ရှေ့​တော် တောင်​ပေါ်တွင်​ကြိုးဒဏ်​ပေး​၏​။ သူ​တို့​သည် သီးနှံ​ရိတ်သိမ်း​ချိန် မုယောစပါး​စတင်​ရိတ်သိမ်း​သော ပထမ​ရက်​တွင် အသတ်​ခံရ​၍ ခုနစ်​ဦး​စလုံး ပြိုင်တူ​သေ​ကြ​လေ​၏​။

၂ ရာ 4:12

ဒါဝိဒ်​မင်းကြီး​က လုလင်​တို့​အား အမိန့်ပေး​လိုက်​ရာ လုလင်​တို့​သည်​လည်း ထို​ညီအစ်ကို​ကို​သတ်​ပြီး ခြေ​လက်​တို့​ကို​ဖြတ်​ကာ ဟေဗြုန်​မြို့​ရှိ​ရေကန်​အနီး​တွင် ချိတ်ဆွဲ​ထား​လေ​၏​။ ထို့နောက် ဣရှဗောရှက်​မင်းကြီး​၏​ဦးခေါင်း​ကို​ယူ​၍ ဟေဗြုန်​မြို့​ရှိ အာဗနာ​၏​သင်္ချိုင်း​၌ သင်္ဂြိုဟ်​လိုက်​ကြ​၏​။

တော​လည် 25:4

ထာဝရဘုရား​က မောရှေ​အား “​လူ​တို့​ထဲမှ အကြီးအမှူး​ရှိသမျှ​တို့​ကို ခေါ်ထုတ်​၍ ထာဝရဘုရား​၏​ရှေ့​၊ နေပူ​ထဲ၌ သူ​တို့​ကို​ဆွဲ​ထား​လော့​။ သို့ပြုလျှင် ထာဝရဘုရား​၏​ပြင်းထန်​သော​အမျက်​သည် အစ္စရေး​လူမျိုး​တို့​ထံမှ လွှဲသွား​လိမ့်မည်​”​ဟု မိန့်​တော်မူ​၏​။

မဿဲ 26:66

သင်​တို့​မည်သို့​ထင်မြင်​ကြ​သနည်း”​ဟု ဆို​သော် သူ​တို့​က “သူ​သည် သေဒဏ်​ခံထိုက်​၏”​ဟု ပြန်ပြော​ကြ​၏။

ရှင်မာကု 14:64

ဘုရားသခင်​အား​စော်ကား​ပြောဆို​သော​စကား​ကို သင်​တို့​ကြား​ရ​ကြ​ပြီ။ သင်​တို့​မည်သို့​ထင်မြင်​ကြ​သနည်း”​ဟု ဆို​သော် သူ​တို့​အားလုံး​သည် ကိုယ်တော်​ကို သေဒဏ်​ခံထိုက်​သည်​ဟု စီရင်​ကြ​၏။

လုကာ 23:33

ဦးခေါင်းခွံ​ဟု​ခေါ်ဝေါ်​သော​အရပ်​သို့​ရောက်​သောအခါ သူ​တို့​သည်​ကိုယ်တော်​ကို လက်ဝါးကပ်တိုင်​ပေါ်၌​တင်​ကြ​ပြီး ရာဇဝတ်သား​တို့​ကို​လည်း လက်ယာ​တော်​ဘက်​တွင်​တစ်​ယောက်၊ လက်ဝဲ​တော်​ဘက်​တွင်​တစ်​ယောက် လက်ဝါးကပ်တိုင်​ပေါ်၌​တင်​ကြ​၏။

တမန်တော်ဝတ္ထု 23:29

သူ​သည် သူ​တို့​၏​ပညတ်​တရား​နှင့်ဆိုင်သော​ပြဿနာ​များ​အတွက် စွဲဆို​ခံ​နေ​ရ​ခြင်း​ဖြစ်​ပြီး သေဒဏ်​၊ သို့မဟုတ် အချုပ်အနှောင်​ခံထိုက်​သော​အပြစ်​မ​ရှိ​ကြောင်း အကျွန်ုပ်​တွေ့​ရ​ပါ​သည်။

တမန်တော်ဝတ္ထု 25:11

အကယ်၍ အကျွန်ုပ်​သည်​ပြစ်မှား​ပြီး သေဒဏ်​ခံထိုက်​သော​အပြစ်​တစ်စုံတစ်ခု​ကို ပြု​မိ​ခဲ့​ပါက သေ​ရ​မည်​ကို အကျွန်ုပ်​မ​ငြင်း​ပါ။ သို့သော် အကျွန်ုပ်​ကို ဤ​သူ​တို့​စွပ်စွဲ​နေ​သော​အရာ​များ​သည် တစ်စုံတစ်ခု​မျှ မ​ဟုတ်​မ​မှန်​လျှင် မည်သူမျှ အကျွန်ုပ်​ကို သူ​တို့​လက်​သို့ မ​အပ်​နိုင်​ပါ။ အကျွန်ုပ်​သည် ဆီဇာ​ဧကရာဇ်​ထံ အယူခံဝင်​ပါ​မည်”​ဟု လျှောက်​လေ​၏။

တမန်တော်ဝတ္ထု 25:25

သို့ရာတွင် သူ​သည် သေဒဏ်​ခံထိုက်​သော​အရာ တစ်စုံတစ်ခု​ကို​မျှ မ​ပြု​ခဲ့​ကြောင်း အကျွန်ုပ်​သတိထား​မိ​ပါ​သည်။ သို့သော် သူ​ကိုယ်တိုင် ဧကရာဇ်​မင်း​ထံ အယူခံဝင်​မည်​ဟု​ဆို​သဖြင့် သူ့​ကို​ပို့ပေး​ရန် အကျွန်ုပ်​ဆုံးဖြတ်​ထား​ပါ​သည်။

တမန်တော်ဝတ္ထု 26:31

သူ​တို့​သည် ထွက်ခွာ​သွား​ပြီးနောက် “ဤ​သူ​သည် သေဒဏ်​၊ သို့မဟုတ် အချုပ်အနှောင်​ခံထိုက်​သော​အရာ တစ်စုံတစ်ခု​မျှ မ​ပြု​ခဲ့​ပါ”​ဟု အချင်းချင်း​ပြောဆို​ကြ​၏။

တ​ရား​ဟော 19:6

သို့မဟုတ်လျှင် လမ်းခရီး​ဝေး​သဖြင့် သွေးကြွေး​အတွက်​လက်စားချေ​ပေး​သော​သူ​သည် လူသတ်​မိ​သော​သူ​နောက်သို့ ဒေါသတကြီး​လိုက်​၍​မီ​သောအခါ သူ့​ကို အသေသတ်​မိ​လိမ့်မည်​။ အကယ်စင်စစ် ထို​လူသတ်​မိ​သော​သူ​သည် မိမိ​အိမ်နီးချင်း​အပေါ် အမုန်း​မ​ရှိ​သောကြောင့် အသေ​မ​ခံ​သင့်​။

တ​ရား​ဟော 22:26

မိန်းကလေး​ကို​မူ မည်သို့​မျှ​မ​ပြု​ရ​။ ထို​မိန်းကလေး​၌ သေဒဏ်​ခံထိုက်​သော​အပြစ်​မ​ရှိ​။ အကြောင်းမူကား ဤ​အမှု​သည် တစ်စုံတစ်ယောက်​က မိမိ​အိမ်နီးချင်း​ကို တိုက်ခိုက်​ပြီး လူသတ်မှု​ကျူးလွန်သည့်​အမှု​နှင့်​တူ​၏​။

ယော​ရှု 10:26

ထို့နောက် ယောရှု​သည် ထို​ရှင်ဘုရင်​တို့​ကို ရိုက်နှက်​ပြီး အသေသတ်​ကာ သစ်ပင်​ငါး​ပင်​ပေါ်၌​ချိတ်ဆွဲ​ထား​လေ​၏​။ သူ​တို့​သည် နေဝင်ချိန်​တိုင်အောင် သစ်ပင်​၌​ချိတ်ဆွဲ​ထား​ခြင်း​ခံရ​၏​။

ယော​ရှု 10:27

နေဝင်ချိန်​ရောက်​သောအခါ ယောရှု​အမိန့်ပေး​သဖြင့် ထို​ရှင်ဘုရင်​တို့​၏​အလောင်း​ကို သစ်ပင်​ပေါ်​မှ​ချ​ပြီး သူ​တို့​ပုန်းအောင်း​ခဲ့​သည့်​လိုဏ်ဂူ​ထဲသို့ ပစ်ထည့်​ကာ လိုဏ်ဂူ​ဝ​ကို ကျောက်တုံး​ကြီး​များ​ဖြင့် ပိတ်​ထား​လေ​၏​။ ထို​ကျောက်တုံး​ကြီး​များ​သည် ယနေ့​တိုင် ရှိ​သေး​၏​။

ယော​ရှု 8:29

အာဣ​ဘုရင်​ကို နေဝင်​ချိန်​တိုင်အောင် သစ်ပင်​ပေါ်တွင် ချိတ်ဆွဲ​ထား​၏​။ နေဝင်​သောအခါ ယောရှု​အမိန့်​အတိုင်း လူ​တို့​သည် အလောင်း​ကို သစ်ပင်​မှ​ချ​၍ မြို့​တံခါး​ဝ​တွင်​ပစ်ထား​ပြီးလျှင် အလောင်း​ပေါ်တွင် ကျောက်​ပုံ​ကြီး​ပုံ​ထား​၏​။ ထို​ကျောက်ပုံ​သည် ယနေ့​တိုင်အောင် ရှိ​၏​။

၁ ရာ 26:16

သင် ဤသို့​ပြု​သည်​မှာ မကောင်းမသင့်​ပေ​။ ထာဝရဘုရား အသက်ရှင်​တော်မူ​သည်​နှင့်အညီ ထာဝရဘုရား​၏​ဘိသိက်ခံ သင်​၏​ရှင်ဘုရင်​ကို သင်​မ​စောင့်ရှောက်​နိုင်​သောကြောင့် သင်​သည် အမှန်ပင် သေ​သင့်​သော​သူ​ဖြစ်​၏​။ ယခု ကြည့်​ပါ​။ ရှင်ဘုရင်​၏​ခေါင်းရင်း​၌​ထား​သော လှံ​နှင့်​ရေဘူး​ကား အဘယ်မှာ​နည်း​”​ဟု အော်ပြော​လေ​၏​။