တ​ရား​ဟော 2:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ အကယ်စင်စစ် သင်​တို့​၏​ဘုရားသခင်​ထာဝရဘုရား​သည် သင်​တို့​ပြု​လေရာရာ​၌ ကောင်းချီးပေး​တော်မူ​ပြီ​။ ဤ​ကြီးမား​သော​တောကန္တာရ​ကို သင်​တို့​ဖြတ်သွား​ရ​ကြောင်း ကိုယ်တော်​သိ​တော်မူ​၏​။ သင်​တို့​၏​ဘုရားသခင်​ထာဝရဘုရား​သည် ဤ​အနှစ်​လေးဆယ်​ပတ်လုံး သင်​တို့​နှင့်အတူ​ရှိ​တော်မူ​သည်​ဖြစ်၍ သင်​တို့​၌ ချို့တဲ့​ခြင်း​မ​ရှိ”​ဟူ၍ ဆင့်ဆို​လော့​’​ဟု မိန့်​တော်မူ​၏​။

Common Language Bible

⁷ ``သင်​တို့​၏​ဘု​ရား​သ​ခင်​ထာ​ဝ​ရ​ဘု​ရား​သည် သင်​တို့​ပြု​ခဲ့​လေ​သ​မျှ​ကို​အ​ဘယ်​သို့​ကောင်း ချီး​ပေး​တော်​မူ​ခဲ့​သည်​ကို သ​တိ​ရ​ကြ​လော့။ ဤ​ကျယ်​ပြန့်​သော​တော​ကန္တာ​ရ​ကို​လှည့်​လည်​ဖြတ် သန်း​ရာ​ခ​ရီး​၌ သင်​တို့​ကို​စောင့်​ရှောက်​တော်​မူ ခဲ့​ပြီ။ ကိုယ်​တော်​သည်​နှစ်​ပေါင်း​လေး​ဆယ်​ပတ် လုံး​သင်​တို့​နှင့်​အ​တူ​ရှိ​တော်​မူ​သ​ဖြင့် သင် တို့​လို​အပ်​သ​မျှ​ကို​ရ​ရှိ​ခဲ့​ကြ​ပြီ။''

Garrad Bible

⁷ အ သို့ ဆို သော်၊ သင် တို့ ဘု ရား သ ခင် ငါ ထာ ဝ ရ ဘု ရား သည်၊ ပြု လေ ရာ ရာ၌ ကောင်း ကြီး မင်္ဂ လာ ပေး သည့် အ တိုင်း၊ နှစ် ပေါင်း လေး ဆယ် ပတ် လုံး သင် တို့ နှင့် အ တူ ရှိ လျက်၊ ဤ သဲ တော ကြီး တွင် လျှောက် သွား ရ ခြင်း ကို ထောက် ရှု တော် မူ ရာ သင် တို့၌ မည် သည် မျှ မ လို ကြောင်း ဆင့် ဆို လော့ ဟု မိန့် တော် မူ သည် နှင့် အ ညီ

Judson Bible

⁷ သင်​တို့​ပြု​လေ​ရာ​ရာ၌ သင်​တို့၏ ဘု​ရား​သ​ခင်​ထာ​ဝ​ရ​ဘု​ရား​သည် ကောင်​ချီး​ပေး​တော်​မူ​ပြီ။ ဤ​တော​ကြီး၌ သင်​တို့​လှည့်​လည်​သော အ​ကြောင်း​အ​ရာ​တို့​ကို သိ​တော်​မူ၏။ အ​နှစ်​လေး​ဆယ်​ပတ်​လုံး သင်​တို့၏​ဘု​ရား​သ​ခင် ထာ​ဝ​ရ​ဘု​ရား​သည် သင်​တို့​နှင့်​အ​တူ​ရှိ​တော်​မူ​သည်​ဖြစ်၍၊ သင်​တို့၌​ဘာ​မျှ​မ​လို​ဟု ဆင့်​ဆို​ရ၏။

တ​ရား​ဟော 2:7 Referencias Cruzadas

ကမ္ဘာ​ဦး 12:2

ငါ​သည် သင့်​ကို ကြီးမြတ်​သော​လူမျိုး​ဖြစ်​စေ​မည်​။ သင့်​ကို ငါ​ကောင်းချီးပေး​၍ သင်​၏​အမည်နာမ​ကို ကြီးမြတ်​စေ​သဖြင့် သင်​သည် ကောင်းချီးမင်္ဂလာ​ဖြစ်​လိမ့်မည်​။

ကမ္ဘာ​ဦး 24:35

ထာဝရဘုရား​သည် အကျွန်ုပ်​၏​သခင်​ကို အလွန်​ကောင်းချီးပေး​တော်မူ​သဖြင့် သူ​သည် ချမ်းသာ​သော​သူ​ဖြစ်လာ​ပါ​သည်​။ ကိုယ်တော်​သည် သူ့​အား သိုးအုပ်​၊ နွားအုပ်​၊ ရွှေ​၊ ငွေ​၊ ကျွန်ယောက်ျား​များ​၊ ကျွန်မိန်းမ​များ​၊ ကုလားအုတ်​များ​နှင့် မြည်း​များ​ကို ပေး​တော်မူ​ပါ​သည်​။

ကမ္ဘာ​ဦး 26:12

ဣဇက်​သည် ထို​ပြည်​၌ မျိုးစေ့ကြဲ​၍ ထို​နှစ်​တွင် အဆ​တစ်ရာ​သော​အသီးအနှံ​ကို​ရ​လေ​၏​။ ထာဝရဘုရား​သည် သူ့​ကို​ကောင်းချီးပေး​တော်မူ​သောကြောင့်

ကမ္ဘာ​ဦး 30:27

သို့သော် လာဗန်​က “​သင့်​ရှေ့​၌ ငါ​မျက်နှာရ​သည်​ဆို​လျှင် ဆက်နေ​ပါ​ဦး​။ ထာဝရဘုရား​သည် သင့်​ကြောင့် ငါ့​ကို​ကောင်းချီးပေး​တော်မူ​ကြောင်း ဟူးရားအတတ်​အားဖြင့် ငါ​သိမြင်​ပြီ​”​ဟု ဆို​ပြီးလျှင်

ကမ္ဘာ​ဦး 39:3

ထာဝရဘုရား​သည် သူ​နှင့်အတူ​ရှိ​တော်မူ​ကြောင်း​ကို​လည်းကောင်း​၊ သူ​ပြု​လေရာရာ​၌ ထာဝရဘုရား​အောင်မြင်​စေ​တော်မူ​ကြောင်း​ကို​လည်းကောင်း သူ​၏​သခင်​သည် သိမြင်​လေ​၏​။

ကမ္ဘာ​ဦး 39:5

ထိုသို့ သခင်​သည် မိမိ​အိမ်​နှင့်​မိမိ​၌​ရှိ​သော​အရာ​အားလုံး​တို့​ကို သူ့​အား​အပ်နှံ​သော​အချိန်​မှစ၍ ထာဝရဘုရား​သည် ယောသပ်​အားဖြင့် ထို​အီဂျစ်​အမျိုးသား​၏​အိမ်​ကို​ကောင်းချီးပေး​တော်မူ​သဖြင့် သူ​၏​အိမ်​၊ သူ​၏​လယ်ယာ​တို့​၌​ရှိ​သော​အရာ​အားလုံး​တို့​အပေါ် ထာဝရဘုရား​၏​ကောင်းချီးမင်္ဂလာ​သက်ရောက်​လေ​၏​။

နေ​ဟ​မိ 9:21

တောကန္တာရ​၌ အနှစ်​လေးဆယ်​ပတ်လုံး ကျွေးမွေး​တော်မူ​သဖြင့် သူ​တို့​၌ မည်သည့် လိုအပ်​ချက်​မျှ​မ​ရှိ​။ သူ​တို့​၏​အဝတ်​များ​သည် မ​ဟောင်းနွမ်း​၊ သူ​တို့​၏​ခြေ​တို့​သည်​လည်း ရောင်ရမ်း​ခြင်း​မ​ရှိ​။

ယောဘဝတ္တု။ 23:10

သို့သော် ကိုယ်တော်​သည် ငါ​သွား​ရာ​လမ်း​ကို သိ​တော်မူ​၏​။ ကိုယ်တော်​သည် ငါ့​ကို စစ်ဆေး​တော်မူ​ပြီးမှ ငါ​သည် ရွှေ​ကဲ့သို့ ပေါ်လာ​လိမ့်မည်​။

ဆာ​လံ 1:6

အကြောင်းမူကား ထာဝရဘုရား​သည် ဖြောင့်မတ်​သော​သူ​တို့​၏​လမ်း​ကို သိ​တော်မူ​၏​။ ဆိုးယုတ်​သော​သူ​တို့​၏​လမ်း​မူကား ပျက်စီး​သွား​လိမ့်မည်​။

ဆာ​လံ 107:4

အချို့​တို့​သည် တောကန္တာရ​ထဲ၌ ကန္တာရ​လမ်း​တွင် လှည့်လည်သွားလာ​ကြ​ပြီး မိမိ​တို့​နေထိုင်​ရန်​မြို့​ကို ရှာ​မ​တွေ့​ကြ​ချေ​။

ဆာ​လံ 31:7

အကျွန်ုပ်​သည် ကိုယ်တော်​၏​မေတ္တာကရုဏာ​တော်​၌ ရွှင်လန်း​၍​ဝမ်းမြောက်​ပါ​လိမ့်မည်​။ အကြောင်းမူကား ကိုယ်တော်​သည် အကျွန်ုပ်​ခံရ​သော​ဖိစီးနှိပ်စက်မှု​ကို​မြင်​၍ အကျွန်ုပ်​စိတ်ဝိညာဉ်​၏​ဆင်းရဲဒုက္ခ​ကို သိ​တော်မူ​ပြီ​။

ဆာ​လံ 90:17

အကျွန်ုပ်​၏​အရှင် ဘုရားသခင်​၏ ကျေးဇူးပြု​တော်မူ​ခြင်း​သည် အကျွန်ုပ်​တို့​အပေါ် သက်ရောက်​ပါစေသော​။ အကျွန်ုပ်​တို့​၏​လက်​ဖြင့်​ပြု​သော​အမှု​တို့​ကို အကျွန်ုပ်​တို့​အတွက် မြဲမြံ​စေ​တော်မူ​ပါ​။ ဟုတ်​ပါ​၏​။ အကျွန်ုပ်​တို့​၏​လက်​ဖြင့် ပြု​သော​အမှု​တို့​ကို မြဲမြံ​စေ​တော်မူ​ပါ​။

ထွက်​မြောက် 16:35

အစ္စရေး​အမျိုးသား​တို့​သည် သူ​တို့​အခြေချ​နေထိုင်​မည့်​ပြည်​သို့​မ​ရောက်​မ​ချင်း အနှစ်​လေးဆယ်​ပတ်လုံး မန္နမုန့်​ကို​စား​ကြ​၏​။ သူ​တို့​သည် ခါနာန်​ပြည်​နယ်နိမိတ်​သို့​မ​ရောက်​မ​ချင်း မန္နမုန့်​ကို​စား​ကြ​၏​။

ယေ​ရ​မိ 2:2

“​ဂျေရုဆလင်​မြို့​ကြားသိ​အောင်​သွား​၍​ဟစ်အော်​လော့​။ ထာဝရဘုရား​မိန့်​တော်မူ​သည်​မှာ ‘သင်​ငယ်ရွယ်​စဉ်က ငါ့​အပေါ်​မေတ္တာ​ထား​ခဲ့​သည်​ကို​လည်းကောင်း​၊ သတို့သမီး​အချစ်​နှင့် ချစ်​ခဲ့​သည်​ကို​လည်းကောင်း​၊ မြေရိုင်းမြေကော​တောကန္တာရ​၌ ငါ့​နောက်​လိုက်​ခဲ့​သည်​ကို​လည်းကောင်း ငါ​အောက်မေ့​၏​။

ဟော​ရှေ 13:5

မိုးခေါင်​သော​တောကန္တာရ​တွင်ပင် သင်​တို့​ကို ငါ​သိ​ခဲ့​၏​။

အာ​မုတ် 2:10

သင်​တို့​ကို​အီဂျစ်​ပြည်​မှ​ထုတ်ဆောင်​၍ အာမောရိ​ပြည်​ကို ပိုင်ဆိုင်​ရန်​အတွက် သင်​တို့​အား တောကန္တာရ​တွင် အနှစ်​လေးဆယ်​ပို့ဆောင်​ပေး​ခဲ့​၏​။

တော​လည် 1:1

အစ္စရေး​အမျိုးသား​တို့​သည် အီဂျစ်​ပြည်​မှ​ထွက်လာ​ပြီးနောက် ဒုတိယ​နှစ်​၊ ဒုတိယ​လ​၊ ပထမ​နေ့​၌ သိနာ​တောကန္တာရ​၊ တွေ့ဆုံစည်းဝေးရာ​တဲ​တော်​တွင် ထာဝရဘုရား​က မောရှေ​အား

တော​လည် 14:33

ဤ​တောကန္တာရ​ထဲ၌ သင်​တို့ အလောင်းကောင်​ဖြစ်ကုန်​သည်​အထိ သင်​တို့​၏​သားသမီး​တို့​သည် သင်​တို့​ဖောက်ပြန်​သော​အပြစ်​ကို​ဆောင်​လျက် ဤ​တောကန္တာရ​ထဲတွင် အနှစ်​လေးဆယ်​လှည့်လည်​ရ​ကြ​လိမ့်မည်​။

တော​လည် 14:34

သင်​တို့​သည် ထို​ပြည်​ကို​ရက်​ပေါင်း​လေးဆယ်​စူးစမ်း​ခဲ့​သည်​ဖြစ်၍ ထို​ရက်​များ​၏​အရေအတွက်​အတိုင်း တစ်ရက်​ကို တစ်နှစ်​ကျ​ဖြင့် သင်​တို့​၏​ဒုစရိုက်ဝန်​ကို နှစ်ပေါင်း​လေးဆယ်​ဆောင်​ရ​မည်​။ ဤသို့ ငါ​ဆန့်ကျင်​သည်​ကို သင်​တို့​သိ​ရ​လိမ့်မည်​’​ဟူ၍ ထာဝရဘုရား​မိန့်​တော်မူ​သည်​ဟု ဆင့်ဆို​လော့​။

တော​လည် 22:12

ဘုရားသခင်​က ဗာလမ်​အား “​သင်​သည် သူ​တို့​နှင့်အတူ လိုက်​မ​သွား​ရ​။ ထို​လူမျိုး​သည် ကောင်းချီးမင်္ဂလာ​ခံရ​သော​လူမျိုး​ဖြစ်၍ ထို​လူမျိုး​ကို မ​ကျိန်ဆဲ​ရ”​ဟု မိန့်​တော်မူ​၏​။

တော​လည် 32:13

ထာဝရဘုရား​သည် အစ္စရေး​လူမျိုး​တို့​ကို အမျက်ထွက်​၍ မိမိ​ရှေ့​တော်​၌ ဆိုး​သော​အမှု​ကို​ပြု​သော​မျိုးဆက်​အားလုံး​သေ​ကုန်​သည်​အထိ သူ​တို့​ကို တောကန္တာရ​ထဲ၌ အနှစ်​လေးဆယ်​ပတ်လုံး လှည့်လည်​စေ​တော်မူ​၏​။

လုကာ 22:35

ထို့နောက် ကိုယ်တော်​က“ငါ​သည် သင်​တို့​ကို ငွေ​အိတ်၊ လွယ်အိတ်​နှင့် ဖိနပ်​မ​ပါ​ဘဲ စေလွှတ်​သောအခါ သင်​တို့​တွင် လိုအပ်​မှု​တစ်စုံတစ်ရာ​ရှိ​ခဲ့​သလော”​ဟု တပည့်​တော်​တို့​အား​မေး​တော်မူ​လျှင် သူ​တို့​က “မ​ရှိ​ခဲ့​ပါ”​ဟု လျှောက်​ကြ​၏။

ရှင်ယောဟန် 10:27

ငါ့​သိုး​တို့​သည် ငါ့​အသံ​ကို​နားထောင်​ကြ​၏။ ငါ​သည်​လည်း သူ​တို့​ကို​သိ​၍ သူ​တို့​သည် ငါ့​နောက်​သို့​လိုက်​ကြ​၏။

တ​ရား​ဟော 1:19

ထိုမှ ငါ​တို့​သည် ငါ​တို့​၏​ဘုရားသခင်​ထာဝရဘုရား​မိန့်​တော်မူ​သည့်​အတိုင်း ဟောရပ်​တောင်​မှ ခရီးပြု​၍ အာမောရိ​တောင်ပေါ်ဒေသ​လမ်း​တစ်လျှောက်​ရှိ သင်​တို့​မြင်​ရ​သည့် ကြောက်မက်​ဖွယ်​တောကန္တာရ​ကြီး​ကို​ဖြတ်​ကာ ကာဒေရှဗာနာ​အရပ်​သို့ ရောက်​ကြ​၏​။

တ​ရား​ဟော 1:46

သို့ဖြစ်၍ သင်​တို့​သည် ကာဒေရှ​အရပ်​၌ ရက်​ပေါင်း​များစွာ​နေထိုင်​ခဲ့​ရ​၏​။

တ​ရား​ဟော 2:14

ငါ​တို့​သည် ကာဒေရှဗာနာ​အရပ်​မှ​ထွက်ခွာ​၍ ဇာရက်​ချောင်း​ကို​ကူး​သည်​အထိ သုံးဆယ့်​ရှစ်​နှစ်​ကြာ​၏​။ ထို​ကာလ​အတွင်း တပ်စခန်း​ထဲ​မှ စစ်သည်​မျိုးဆက်​အပေါင်း​တို့​သည် ထာဝရဘုရား​ကျိန်ဆို​တော်မူ​ခဲ့​သည့်​အတိုင်း သေ​ကြ​ကုန်​၏​။

တ​ရား​ဟော 2:6

သူ​တို့​ထံ​မှ အစားအစာ​ကို ငွေ​ဖြင့်​ဝယ်​စား​ရ​မည်​။ ရေ​ကို​လည်း ငွေ​ဖြင့်​ဝယ်​သောက်​ရ​မည်​။

တ​ရား​ဟော 29:4

သို့သော် ယနေ့​ထိတိုင် ထာဝရဘုရား​သည် သင်​တို့​အား နားလည်​နိုင်​သော​စိတ်​၊ မြင်​နိုင်​သော​မျက်စိ​၊ ကြား​နိုင်​သော​နား​တို့​ကို ပေး​တော်​မ​မူ​။

တ​ရား​ဟော 29:5

ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​သည်​ကို သင်​တို့​သိမြင်​မည့်​အကြောင်း သင်​တို့​ကို အနှစ်​လေးဆယ်​ပတ်လုံး တောကန္တာရ​ထဲ၌ ပို့ဆောင်​ခဲ့​၏​။ သင်​တို့​ကိုယ်​ပေါ်​မှ အဝတ်အစား မ​ဟောင်းနွမ်း​။ သင်​တို့​ခြေ​မှ​ဖိနပ်​သည်​လည်း မ​စုတ်​မ​ပြတ်​။

ယော​ရှု 5:6

အီဂျစ်​ပြည်​မှ​ထွက်လာ​သော အစ္စရေး​လူမျိုး​စစ်သူရဲ​အပေါင်း​တို့​သည် ထာဝရဘုရား​၏​စကား​တော်​ကို မ​နာခံ​သောကြောင့် ထို​ပြည်​ကို ငါ​တို့​အား ပေး​မည်​ဟု ဘိုးဘေး​တို့​အား​ထာဝရဘုရား​ကျိန်ဆို​တော်မူ​ခဲ့​သော်လည်း နို့​နှင့်​ပျားရည်​စီး​သော​ပြည်​ကို သူ​တို့​မြင်​ရ​တော့​မည်​မ​ဟုတ်​ဟု ထာဝရဘုရား​ကျိန်ဆို​တော်မူ​၏​။ ထို့ကြောင့် အစ္စရေး​အမျိုးသား​တို့​သည် တောကန္တာရ​၌ အနှစ်​လေးဆယ်​ပတ်လုံး​လှည့်လည်​၍ သေ​ကြ​ကုန်​၏​။