တ​ရား​ဟော 18:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ သင်​၏​ဘုရားသခင်​ထာဝရဘုရား ပေး​တော်မူ​သော​ပြည်​သို့ သင်​ဝင်ရောက်​သောအခါ ထို​လူမျိုး​တို့​၏​စက်ဆုပ်ရွံရှာဖွယ်​ဓလေ့​များ​ကို မ​လိုက်နာ​ရ​၊ မ​သင်ယူ​ရ​။

Common Language Bible

⁹ ``သင်​တို့​၏​ဘု​ရား​သ​ခင်​ထာ​ဝ​ရ​ဘု​ရား ပေး​သ​နား​တော်​မူ​သော​ပြည်​သို့​ရောက်​ရှိ​ကြ သော​အ​ခါ သင်​တို့​သည်​ထို​ပြည်​တွင်​နေ​ထိုင် သည့် လူ​မျိုး​တို့​၏​ရွံ​ရှာ​ဖွယ်​သော​အ​လေ့ အ​ကျင့်​များ​ကို​မ​ကျင့်​ကြ​နှင့်။-

Garrad Bible

⁹ သင် တို့ ဘု ရား သ ခင် ထာ ဝ ရ ဘု ရား ပေး သ နား တော် မူ သော ပြည် သို့ ဝင် ရောက် ကြ ပြီး လျှင်၊ တိုင်း ရင်း သား မျိုး ခြား တို့ ရွံ ရှာ ဖွယ် ဓ လေ့ အ တိုင်း မ ပြု ကျင့်၊ မ လေ့ လာ နှင့်။

Judson Bible

⁹ သင်၏ ဘု​ရား​သ​ခင်​ထာ​ဝ​ရ​ဘု​ရား ပေး​တော်​မူ​သော​ပြည်​သို့ သင်​သည် ဝင်​စား​သော​အ​ခါ၊ ထို​ပြည်၌​နေ​သော လူ​မျိုး​တို့​ပြု​တတ်​သော စက်​ဆုပ်​ရွံ​ရှာ​ဖွယ်​အ​မှု​တို့​ကို ပြု​ခြင်း​ငှာ မ​သင်​ရ။

တ​ရား​ဟော 18:9 Referencias Cruzadas

၄ ရာ 17:11

သူ​တို့​ရှေ့​မှ​ထာဝရဘုရား​နှင်ထုတ်​တော်မူ​ခဲ့​သော​လူမျိုးခြား​များ​ကဲ့သို့ အထွတ်အမြတ်​ထား​ရာ​ကုန်းမြင့်​ရှိသမျှ​တို့​၌ နံ့သာပေါင်း​ကို မီးရှို့ပူဇော်​ကြ​၏​။ မကောင်း​သော​အမှု​များ​ကို​ပြု​လျက် ထာဝရဘုရား​ကို အမျက်ထွက်​စေ​ကြ​၏​။

၄ ရာ 17:8

အစ္စရေး​အမျိုးသား​တို့​ရှေ့​မှ ထာဝရဘုရား​နှင်ထုတ်​တော်မူ​ခဲ့​သော လူမျိုးခြား​တို့​နှင့် အစ္စရေး​ဘုရင်​တို့​ပြုကျင့်​သော​ဓလေ့စရိုက်​များ​နောက်သို့ လိုက်​ကြ​၏​။

၂ ရာ​ချုပ် 28:3

သူ​သည် ဗင်ဟိန္နုံ​ချိုင့်ဝှမ်း​တွင် နံ့သာပေါင်း​ကို​မီးရှို့ပူဇော်​၏​။ အစ္စရေး​အမျိုးသား​တို့​ရှေ့​မှ ထာဝရဘုရား​နှင်ထုတ်​တော်မူ​သော​လူမျိုးခြား​တို့​၏​စက်ဆုပ်ရွံရှာဖွယ်​ဓလေ့​များ​အတိုင်း ကိုယ့်​သား​များ​ကို​ပင် မီးရှို့​ပူဇော်​ခဲ့​၏​။

၂ ရာ​ချုပ် 36:14

ယဇ်ပုရောဟိတ်​အကြီးအကဲ​အပေါင်း​တို့​နှင့် ပြည်သူပြည်သား​တို့​သည်​လည်း လူမျိုးခြား​တို့​ပြု​သည့်​စက်ဆုပ်ရွံရှာဖွယ်​အမှု​များ​အတိုင်း ဖောက်ပြန်မှားယွင်း​ကြ​၏​။ ဂျေရုဆလင်​မြို့​ရှိ ထာဝရဘုရား​သန့်ရှင်း​စေ​တော်မူ​ခဲ့​သော​အိမ်​တော်​ကို​လည်း ညစ်ညူး​စေ​ကြ​၏​။

ယေ​ရ​မိ 10:2

ထာဝရဘုရား​က “​လူမျိုးခြား​တို့​၏​နည်းလမ်း​ကို မ​သင်ယူ​ကြ​နှင့်​။ လူမျိုးခြား​တို့​သည် မိုးကောင်းကင်​မှ​နိမိတ်လက္ခဏာ​တို့​ကို ကြောက်လန့်​တတ်​ကြ​သကဲ့သို့ သင်​တို့ မ​ကြောက်လန့်​ကြ​နှင့်​။

ဝတ်​ပြု 18:30

ထို့ကြောင့် သင်​တို့​ရှေ့​၌​ရှိ​သော​သူ​တို့​ပြုကျင့်​ကြ​သည့် စက်ဆုပ်ရွံရှာဖွယ်​ဓလေ့စရိုက်​တို့​ကို​မ​ပြုကျင့်​မိ​ရန် သင်​တို့​သည် ငါ​၏​ညွှန်ကြားချက်​ကို​စောင့်ထိန်း​ရ​မည်​။ ထို​ဓလေ့စရိုက်​တို့​အားဖြင့် သင်​တို့​ကိုယ်​သင်​တို့ မ​ညစ်ညူး​စေ​နှင့်​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​”​ဟု မိန့်​တော်မူ​၏​။

တ​ရား​ဟော 20:18

သို့မဟုတ်လျှင် ထို​လူမျိုး​တို့​သည် သူ​တို့​၏​ဘုရား​များ​အတွက်​ပြု​သော စက်ဆုပ်ရွံရှာဖွယ်​ရာ​ရှိသမျှ​တို့​ကို သင်​တို့​ကို​သင်ကြား​ပေး​၍ သင်​တို့​ပြု​သဖြင့် သင်​တို့​၏​ဘုရားသခင်​ထာဝရဘုရား​ကို​ပြစ်မှား​ကြ​လိမ့်မည်​။

တ​ရား​ဟော 9:4

သင်​၏​ဘုရားသခင်​ထာဝရဘုရား​သည် ထို​သူ​တို့​ကို သင့်​ရှေ့မှောက်​မှ​နှင်ထုတ်​တော်မူ​သောအခါ သင့်​စိတ်​ထဲ၌ ‘​ထာဝရဘုရား​သည် ငါ​၏​ဖြောင့်မတ်​ခြင်း​ကြောင့် ဤ​ပြည်​ကို​ပိုင်ဆိုင်​ရန် ငါ့​ကို​ပို့ဆောင်​တော်မူ​၏​’​ဟု မ​အောက်မေ့​ရ​။ ထာဝရဘုရား​သည် ထို​လူမျိုး​တို့​ကို သူ​တို့​၏​ဆိုးယုတ်မှု​ကြောင့် သင့်​ရှေ့မှောက်​မှ နှင်ထုတ်​တော်မူ​ခြင်း​ဖြစ်​၏​။

တ​ရား​ဟော 9:5

သင်​၏​ဖြောင့်မတ်​ခြင်း​နှင့် သင်​၏​စိတ်သဘော​ဖြောင့်မှန်​ခြင်း​တို့​ကြောင့် သင်​သည် သူ​တို့​၏​ပြည်​ကို ဝင်ရောက်​ပိုင်ဆိုင်​ရ​ခြင်း မ​ဟုတ်​။ သင်​၏​ဘုရားသခင်​ထာဝရဘုရား​သည် ဤ​လူမျိုး​တို့​၏​ဆိုးယုတ်မှု​ကြောင့်​လည်းကောင်း​၊ သင့်​ဘိုးဘေး အာဗြဟံ​၊ ဣဇက်​၊ ယာကုပ် တို့​အား ထာဝရဘုရား​ကျိန်ဆို​တော်မူ​ခဲ့​သည့်​စကား​တော်​ကို တည်​စေရန်​အတွက်​လည်းကောင်း သူ​တို့​ကို သင့်​ရှေ့မှောက်​မှ နှင်ထုတ်​တော်မူ​ခြင်း​ဖြစ်​၏​။