တ​ရား​ဟော 12:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ မျိုးနွယ်​တစ်​နွယ်​ထဲရှိ ထာဝရဘုရား​ရွေးချယ်​တော်မူ​သော​နေရာ​၌​သာ မီးရှို့ရာယဇ်​ကို ပူဇော်​ရ​မည်​။ ထို​နေရာ​၌ ငါ​မှာကြား​ထား​သမျှ​ကို သင်​ပြု​ရ​မည်​။

Common Language Bible

¹⁴ သင်​တို့​အ​နွယ်​များ​အ​နက်​တစ်​နွယ်​၏​နယ် မြေ​အ​တွင်း​ရှိ ထာ​ဝ​ရ​ဘု​ရား​ရွေး​ချယ်​တော် မူ​မည့်​ဌာ​န​၌​သာ​ယဇ်​ပူ​ဇော်​ရ​မည်။ ထို​ဌာ​န ၌​သာ​မီး​ရှို့​ရာ​ယဇ်​ကို​ပူ​ဇော်​၍ သင်​တို့​အား ငါ​မှာ​ကြား​သ​မျှ​တို့​ကို​ဆောင်​ရွက်​ရ​မည်။''

Garrad Bible

¹⁴ အ နွယ် တစ် နွယ် နေ ရာ တွင် ထာ ဝ ရ ဘု ရား ရွေး ချယ် တော် မူ မည့် ဌာ န၌ သာ၊ မီး ရှို့ ရာ သ က္ကာ ကို ပူ ဇော် ၍၊ ငါ မှာ ထား သ မျှ အ တိုင်း ဝတ် ပြု ကြ လော့။

Judson Bible

¹⁴ သင်​တို့​အ​မျိုး​တစ်​မျိုး​တွင် ထာ​ဝ​ရ​ဘု​ရား​ရွေး​ကောက်​တော်​မူ​သော​အ​ရပ်၌ မီး​ရှို့​ရာ​ယဇ်​ကို​ပူ​ဇော်၍၊ ငါ​မှာ​ထား​သ​မျှ​တို့​ကို ပြု​ရ​ကြ​မည်။

တ​ရား​ဟော 12:14 Referencias Cruzadas

၃ ရာ 12:27

ဤ​ပြည်သား​တို့​သည် ဂျေရုဆလင်​မြို့​ရှိ ထာဝရဘုရား​၏​အိမ်​တော်​သို့​သွား​၍ ယဇ်​ပူဇော်​ကြ​လျှင် သူ​တို့​၏​သခင် ယုဒ​ဘုရင်​ရောဗောင်​မင်းကြီး​ဘက်​သို့ စိတ်ပါ​သွား​နိုင်​၏​။ ထိုအခါ သူ​တို့​သည် ငါ့​ကို​သတ်​ပြီး ယုဒ​ဘုရင်​ရောဗောင်​မင်းကြီး​ထံ ပြန်ပါသွား​ကြ​လိမ့်မည်​”​ဟု တွေးမိ​၏​။

၃ ရာ 8:29

‘​ဤ​နေရာ​၌ ငါ့​နာမ​တည်​မည်​’​ဟု ကိုယ်တော်​မိန့်မှာ​ထား​သည့်​အတိုင်း ဤ​နေရာ​၊ ဤ​အိမ်​တော်​ကို နေ့​ည​မပြတ်​စောင့်ကြည့်​တော်မူ​ပါ​။ ဤ​နေရာ​သို့​မျက်နှာမူ​ပြီး​ဆုတောင်း​သော ကိုယ်တော့်​အစေအပါး​၏​ဆုတောင်းသံ​ကို နားညောင်း​တော်မူ​ပါ​။

၄ ရာ 18:22

သင်​တို့​က ငါ​တို့​၏​ဘုရားသခင်​ထာဝရဘုရား​ကို ငါ​တို့​ယုံကြည်ကိုးစား​သည်​ဟု ဆို​လျှင်​လည်း ဟေဇကိ​မင်းကြီး​က ထို​ဘုရား​နှင့်ဆိုင်သော အထွတ်အမြတ်​ထား​ရာ​နေရာ​နှင့် ယဇ်ပလ္လင်​တို့​ကို​ပင် ဖယ်ရှား​လိုက်​ပြီး ယုဒ​ပြည်သူ​ဂျေရုဆလင်​မြို့သား​တို့​အား ဂျေရုဆလင်​မြို့​ရှိ ဤ​ယဇ်ပလ္လင်​ရှေ့​၌​သာ သင်​တို့​ကိုးကွယ်​ရ​မည်​ဟူ၍ မိန့်မှာ​ခဲ့​သည် မ​ဟုတ်​လော’​ဟု မိန့်ဆို​၏​။

၁ ရာ​ချုပ် 22:1

ဒါဝိဒ်​မင်းကြီး​က “ဤ​နေရာ​သည် ဘုရားသခင်​ထာဝရဘုရား​၏​အိမ်​တော်​ကို တည်​ရာ​နေရာ​ဖြစ်​၏​။ ဤ​နေရာ​သည် အစ္စရေး​လူမျိုး​တို့ မီးရှို့​ရာ​ယဇ်ပလ္လင်​ကို တည်​ရာ​နေရာ​ဖြစ်​၏​”​ဟု မိန့်ဆို​၏​။

ဆာ​လံ 5:7

အကျွန်ုပ်​မူကား ကိုယ်တော်​၏ ကြီးမား​သော​မေတ္တာကရုဏာ​တော်​ကြောင့် ကိုယ်တော်​၏​အိမ်​တော်​သို့​ရောက်​၍ ကိုယ်တော်​ကို​ကြောက်ရွံ့​သော​စိတ်​ဖြင့် ကိုယ်တော်​၏​သန့်ရှင်း​သော​ဗိမာန်တော်​ဘက်​သို့ မျက်နှာမူ​လျက် ရှိခိုးကိုးကွယ်​ပါ​မည်​။

ဆာ​လံ 9:11

ဇိအုန်​၌​စိုးစံ​တော်မူ​သော​ထာဝရဘုရား​ကို သီဆိုချီးမွမ်း​ကြ​လော့​။ ကိုယ်တော်​ပြု​သော​အမှု​တို့​ကို လူမျိုးတကာ​တို့​အလယ်​၌ ပြောကြား​ကြ​လော့​။

ဝတ်​ပြု 17:3

အစ္စရေး​အမျိုးအနွယ်​ထဲမှ တစ်စုံတစ်ယောက်​သည် နွား​၊ သိုး​၊ ဆိတ်​တစ်ကောင်ကောင်​ကို တပ်စခန်း​ထဲ၌​ဖြစ်စေ​၊ တပ်စခန်း​အပြင်​၌​ဖြစ်စေ သတ်​ပြီး

ဝတ်​ပြု 17:4

ထာဝရဘုရား​၏​ကိန်းဝပ်​တော်မူ​ရာ​တဲ​တော်​အရှေ့​တွင် ထာဝရဘုရား​ထံ ပူဇော်​ရန် ပူဇော်သက္ကာ​အဖြစ် တွေ့ဆုံစည်းဝေးရာ​တဲ​တော်​အဝင်ဝ​သို့ မ​ယူဆောင်​ခဲ့​လျှင် ထို​သူ​၌ အသက်သတ်​သော​အပြစ်​ရှိ​သည်​ဟု မှတ်ယူ​ရ​မည်​။ ထို​သူ​သည် အသက်သတ်​သည်​ဖြစ်၍ သူ​သည် မိမိ​လူမျိုး​ထဲ​မှ ပယ်ဖျက်​ခြင်း​ခံရ​မည်​။

၂ ကော 5:19

ဆိုလို​သည်​မှာ ဘုရားသခင်​သည် လောကီ​သား​တို့​ကျူးလွန်​သော​အပြစ်​များ​ကို သူ​တို့​အပေါ်​သင့်ရောက်​စေ​တော်​မ​မူ​ဘဲ သူ​တို့​ကို ခရစ်တော်​၌ မိမိ​နှင့်​ပြန်လည်​သင့်မြတ်​စေ​တော်မူ​ပြီး ပြန်လည်​သင့်မြတ်​ခြင်း​တရား​ကို ငါ​တို့​၌​အပ်​ထား​တော်မူ​၏။

တ​ရား​ဟော 12:11

ထိုအခါ သင်​တို့​၏​ဘုရားသခင်​ထာဝရဘုရား​သည် နာမ​တော်​ကိန်းဝပ်​ရာ​နေရာ​ကို​ရွေးချယ်​တော်မူ​မည်​။ သင်​တို့​အား ငါ​မှာကြား​ထား​သမျှ​အတိုင်း သင်​တို့​၏​မီးရှို့ရာယဇ်​၊ ပူဇော်သက္ကာ​၊ ဆယ်ဖို့တစ်ဖို့​၊ အလှူပစ္စည်း​၊ ထာဝရဘုရား​ထံ သင်​တို့​ကတိသစ္စာ​ပြု​ထား​သည့် ကတိသစ္စာ​ဆိုင်ရာ​အကောင်းဆုံး​ပူဇော်သက္ကာ​ရှိသမျှ​တို့​ကို ထို​နေရာ​သို့ သင်​တို့​ယူဆောင်​လာ​ရ​မည်​။

တ​ရား​ဟော 12:13

တွေ့​လေရာ​အရပ်​၌ မီးရှို့ရာယဇ်​ကို မ​ပူဇော်​မိ​စေရန် သင့်ကိုယ်သင်​သတိပြု​လော့​။

တ​ရား​ဟော 12:15

သင်​၏​ဘုရားသခင်​ထာဝရဘုရား သင့်​အား​ကောင်းချီးမင်္ဂလာ​ပေး​သည်​နှင့်အညီ စား​လို​သော​တိရစ္ဆာန်​ကို​သတ်​၍ မြို့​တိုင်း​၌ စားခွင့်​ရှိ​၏​။ ထို​အသား​ကို စင်ကြယ်​သော​သူ​ရော မစင်ကြယ်​သော​သူ​ပါ သမင်​၊ ဒရယ်​အသား​ကို​စား​ခွင့်​ရှိ​သကဲ့သို့ စား​နိုင်​၏​။

တ​ရား​ဟော 12:18

သင်​မှစ၍ သင်​၏​သား​သမီး​များ​၊ ကျွန်ယောက်ျား​ကျွန်မိန်းမ​များ​၊ သင်​၏​မြို့​တံခါး​အတွင်း​ရှိ လေဝိ​အမျိုး​များ​သည် ထို​ပူဇော်သက္ကာ​တို့​ကို သင်​၏​ဘုရားသခင်​ထာဝရဘုရား​ရှေ့​တော်​၊ သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​၌​သာ စား​ရ​မည်​။ သင်​လုပ်ဆောင်​လေရာရာ​အတွက် သင်​၏​ဘုရားသခင်​ထာဝရဘုရား​ရှေ့​တော်​၌ ဝမ်းမြောက်​ကြ​ရ​မည်​။

တ​ရား​ဟော 12:5

နာမ​တော်​တည်​ရာ​၊ ကိန်းဝပ်​တော်မူ​ရာ​အဖြစ် သင်​တို့​မျိုးနွယ်​အားလုံး​ထဲမှ သင်​တို့​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​ကို​ရှာ​၍ ထို​နေရာ​သို့​သာ​သွား​ရ​မည်​။

တ​ရား​ဟော 14:23

သင်​၏​ကောက်ပဲသီးနှံ​၊ စပျစ်ဝိုင်​အသစ်​၊ ဆီ​၊ နွား​သားဦး​၊ သိုး​သားဦး စသည်​တို့​၏​ဆယ်ဖို့တစ်ဖို့​ကို နာမ​တော်​ကိန်းဝပ်​ရာ​အဖြစ် သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​၊ ကိုယ်တော်​၏​ရှေ့​တော်​၌ စား​ရ​မည်​။ ဤသို့​ပြု​ခြင်း​သည် သင်​၏​ဘုရားသခင်​ထာဝရဘုရား​ကို အစဉ်အမြဲ​ကြောက်ရွံ့​မည့်​အကြောင်း သင်ယူ​ခြင်း​ဖြစ်​၏​။

တ​ရား​ဟော 15:20

သင်​နှင့်​သင်​၏​အိမ်သူအိမ်သား​တို့​သည် ထို​နွား​သားဦး​၊ သိုး​သားဦး​တို့​ကို သင်​၏​ထာဝရဘုရား​ရွေးချယ်​တော်မူ​သော​နေရာ​၊ သင်​၏​ဘုရားသခင်​ထာဝရဘုရား​ရှေ့​တော်​၌ နှစ်စဉ်နှစ်တိုင်း​စား​ရ​မည်​။

တ​ရား​ဟော 16:2

နာမ​တော်​ကိန်းဝပ်​ရာ​အဖြစ် ထာဝရဘုရား​ရွေးချယ်​တော်မူ​သော​နေရာ​၌ သိုး​၊ နွား တို့​ကို ပသခါယဇ်​အဖြစ် သင်​၏​ဘုရားသခင်​ထာဝရဘုရား​ထံ ပူဇော်​ရ​မည်​။

တ​ရား​ဟော 17:8

သင့်​မြို့​အတွင်း​၌​ဖြစ်ပွား​သည့် စီရင်ဆုံးဖြတ်​ရ​မည့်​အမှု​များ​ဖြစ်​သော လူသတ်မှု​၊ တရားတွေ့မှု​၊ ကိုယ်ထိလက်ရောက်​ကျူးလွန်မှု​စသည်​တို့​ကို စီရင်ဆုံးဖြတ်​ရန် ခက်ခဲ​လျှင် သင်​သည်​ထ​၍ သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​သို့ သွား​ရ​မည်​။

တ​ရား​ဟော 18:6

လေဝိ​အမျိုး​တစ်စုံတစ်ယောက်​သည် သူ​နေထိုင်​သော အစ္စရေး​မြို့​တစ်​မြို့​မှ ထာဝရဘုရား​ရွေးချယ်​တော်မူ​သော​နေရာ​သို့ စိတ်အားထက်သန်​စွာ​ဖြင့် လာ​၍

တ​ရား​ဟော 31:11

အစ္စရေး​လူမျိုး​အပေါင်း​တို့​သည် သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​၊ ထာဝရဘုရား​၏​ရှေ့​တော်​၌ မျက်နှာ​လာ​ပြ​သောအခါ သင်​သည် အစ္စရေး​လူမျိုး​အပေါင်း​တို့​ရှေ့​၌ ဤ​ပညတ်တရား​ကို သူ​တို့​ကြား​အောင် ဖတ်ကြား​ရ​မည်​။

ဟေ​ဗြဲ 13:15

ထို့ကြောင့် ငါ​တို့​သည် နာမ​တော်​ကို​ဝန်ခံ​သော​နှုတ်​၏​အသီးအပွင့်​တည်းဟူသော ချီးမွမ်း​ခြင်း​ယဇ်​ကို ကိုယ်တော်​အားဖြင့် ဘုရားသခင်​အား အစဉ်မပြတ်​ပူဇော်​ကြ​ကုန်စို့။

ယော​ရှု 22:29

ထာဝရဘုရား​ကိန်းဝပ်​တော်မူ​ရာ​တဲ​တော်​ရှေ့​၌​ရှိ​သော ငါ​တို့​ဘုရားသခင်​ထာဝရဘုရား​၏​ယဇ်ပလ္လင်​မှတစ်ပါး မီးရှို့ရာယဇ်​၊ ဘောဇဉ်ပူဇော်သက္ကာ​၊ ယဇ်ကောင် စသည်​တို့​ကို​ပူဇော်​ရန် အခြား​သော​ယဇ်ပလ္လင်​တည်​ခြင်း​အားဖြင့် ထာဝရဘုရား​ကို​ပုန်ကန်​သော​အမှု​၊ ယနေ့ ထာဝရဘုရား​နောက်​တော်​သို့​မ​လိုက်​ဘဲ လမ်းလွဲ​သွား​သော​အမှု​တို့​သည် ငါ​တို့​နှင့်​ဝေး​ပါစေ​”​ဟု ဆို​ကြ​၏​။

ယော​ရှု 9:27

ထို​နေ့​၌ပင် သူ​တို့​ကို ထာဝရဘုရား​ရွေးချယ်​တော်မူ​သော​အရပ်​၌​တည်​သော​ယဇ်ပလ္လင်​နှင့် အစ္စရေး​လူထု​အတွက် ထင်း​ခွေ​၊ ရေ​ခပ်​သော​သူ​များ​အဖြစ် ယောရှု​စီရင်​ပေး​ထား​၍ ယနေ့​တိုင်အောင် ထို​အမှု​ကို သူ​တို့​ပြု​ကြ​၏​။