တ​ရား​ဟော 11:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ သို့ဖြစ်၍ သင်​သည် သင်​၏​ဘုရားသခင်​ထာဝရဘုရား​ကို​ချစ်​၍ ကိုယ်တော်​၏​ညွှန်ကြားချက်​၊ ပြဋ္ဌာန်းချက်​၊ စီရင်ထုံးဖွဲ့ချက်​၊ ပညတ်ချက် တို့​ကို အစဉ်အမြဲ​စောင့်ထိန်း​ရ​မည်​။

Common Language Bible

¹ ``သင်​တို့​၏​ဘု​ရား​သ​ခင်​ထာ​ဝ​ရ​ဘု​ရား​ကို ချစ်​၍ ကိုယ်​တော်​၏​ပ​ညတ်​တော်​ရှိ​သ​မျှ​တို့ ကို​အ​စဉ်​လိုက်​နာ​စောင့်​ထိန်း​ရ​မည်။-

Garrad Bible

¹ သို့ ဖြစ် ၍၊ ကိုယ့် ဘု ရား သ ခင် ထာ ဝ ရ ဘု ရား ကို ချစ် ကြည် မြတ် နိုး လျက်၊ မှာ ထား ထုံး ဖွဲ့ ဆုံး ဖြတ် မိန့် ဆို တော် မူ ချက် များ ကို အ စဉ် စောင့်​ ရှောက် ကြ လော့။

Judson Bible

¹ သို့​ဖြစ်၍ သင်​သည် သင်၏​ဘု​ရား​သ​ခင် ထာ​ဝ​ရ​ဘု​ရား​ကို ချစ်​ရ​မည်။ စီ​ရင်​ထုံး​ဖွဲ့​တော်​မူ​ချက်၊ မှာ​ထား​တော်​မူ​သော ပ​ညတ်​တော်​တို့​ကို အ​စဉ်​စောင့်​ရှောက်​ရ​မည်။

တ​ရား​ဟော 11:1 Referencias Cruzadas

ဆာ​လံ 105:45

ဤသည်ကား သူ​တို့​သည် ကိုယ်တော်​၏​ပြဋ္ဌာန်းချက်​တို့​ကို စောင့်ထိန်း​၍ တရားတော်​တို့​ကို လိုက်နာကျင့်သုံး​ကြ​မည့်​အကြောင်း​တည်း​။ ဟာလေလုယ​။

ဆာ​လံ 116:1

ထာဝရဘုရား​သည် ငါ​၏​အသံ​၊ ငါ​၏​အသနားခံ​ခြင်း​ကို နားညောင်း​တော်မူ​သောကြောင့် ငါ​သည် ကိုယ်တော်​ကို ချစ်​၏​။

ယေ​ဇ​ကျေ​လ 20:19

ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။ ငါ​၏​ပြဋ္ဌာန်းချက်​တို့​ကို လိုက်လျှောက်​ကြ​လော့​။ ငါ​၏​စီရင်ထုံးဖွဲ့ချက်​တို့​ကို လိုက်နာ​စောင့်ထိန်း​ကြ​လော့​။

ဝတ်​ပြု 18:30

ထို့ကြောင့် သင်​တို့​ရှေ့​၌​ရှိ​သော​သူ​တို့​ပြုကျင့်​ကြ​သည့် စက်ဆုပ်ရွံရှာဖွယ်​ဓလေ့စရိုက်​တို့​ကို​မ​ပြုကျင့်​မိ​ရန် သင်​တို့​သည် ငါ​၏​ညွှန်ကြားချက်​ကို​စောင့်ထိန်း​ရ​မည်​။ ထို​ဓလေ့စရိုက်​တို့​အားဖြင့် သင်​တို့​ကိုယ်​သင်​တို့ မ​ညစ်ညူး​စေ​နှင့်​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​”​ဟု မိန့်​တော်မူ​၏​။

ဝတ်​ပြု 22:9

ယဇ်ပုရောဟိတ်​တို့​သည် ငါ​၏​ညွှန်ကြားချက်​ကို ရှုတ်ချ​ခြင်း​ဖြင့် အပြစ်​ခံရ​၍ မ​သေ​ရ​မည့်​အကြောင်း ငါ​၏​ညွှန်ကြားချက်​ကို စောင့်ထိန်း​ရ​မည်​။ ငါ​သည် သူ​တို့​ကို သန့်ရှင်း​စေ​သော​ထာဝရဘုရား​ဖြစ်​၏​။

ဝတ်​ပြု 8:35

သင်​တို့ မ​သေ​ရ​မည့်​အကြောင်း ခုနစ်​ရက်​ပတ်လုံး နေ့ညမပြတ် တွေ့ဆုံစည်းဝေးရာ​တဲ​တော်​အဝင်ဝ​၌​နေ​၍ ထာဝရဘုရား​ညွှန်ကြား​သည့်​အတိုင်း​ဆောင်ရွက်​ရ​မည်​ဟု ငါ့​အား ထိုသို့​မိန့်မှာ​တော်မူ​ခဲ့​၏​”​ဟု ဆို​လေ​၏​။

ဇာ​ခ​ရိ 3:7

“​ကောင်းကင်​ဗိုလ်ခြေ​အရှင်​ထာဝရဘုရား ဤသို့​မိန့်​တော်မူ​၏​။ ‘သင်​သည် ငါ့​လမ်းစဉ်​များ​အတိုင်း လိုက်လျှောက်​ပြီး ငါ​ညွှန်ကြား​သည့်​အတိုင်း လိုက်နာ​မည်​ဆိုလျှင် ငါ့​အိမ်​တော်​တွင် တာဝန်ထမ်း​ရ​သော​အခွင့်​၊ ငါ့​ဝင်း​တော်​ကို ထိန်းသိမ်းစောင့်ရှောက်​ရ​သော​အခွင့်​ကို ပေး​မည်​။ ရပ်​နေ​သော ဤ​သူ​တို့​နှင့်အတူ ဝင်ထွက်​သွားလာ​ရ​သော​အခွင့်​ကို​လည်း သင့်​အား ငါ​ပေး​မည်​။

တ​ရား​ဟော 10:12

အို အစ္စရေး​လူမျိုး​၊ သင်​၏​ဘုရားသခင်​ထာဝရဘုရား သင့်​ထံမှ မည်သည့်​အရာ​ကို​တောင်း​သနည်း​။ သင်​၏​ဘုရားသခင်​ထာဝရဘုရား​ကို ကြောက်ရွံ့​ရ​မည်​၊ လမ်း​တော်​ရှိသမျှ​ကို လိုက်လျှောက်​ရ​မည်​၊ ကိုယ်တော်​ကို​ချစ်​ရ​မည်​၊ သင်​၏​ဘုရားသခင်​ထာဝရဘုရား​ကို စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့​ဖြင့် ဝတ်ပြု​ရ​မည်​၊

တ​ရား​ဟော 11:13

သင်​တို့​၏​ဘုရားသခင်​ထာဝရဘုရား​ကို​ချစ်​၍ စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့ ကိုယ်တော်​ကို​ဝတ်ပြု​လော့​။ ယနေ့ သင်​တို့​အား ငါ​ဆင့်ဆို​သည့် ပညတ်တော်​တို့​ကို သေချာ​စွာ​နားထောင်​လော့​။

တ​ရား​ဟော 11:22

သင်​တို့​အား​ငါ​ဆင့်ဆို​သော ဤ​ပညတ်တော်​ရှိသမျှ​တို့​ကို ကြိုးစား​၍​လိုက်နာ​စောင့်ထိန်း​ရ​မည်​။ သင်​တို့​၏​ဘုရားသခင်​ထာဝရဘုရား​ကို ချစ်​၍ လမ်း​တော်​ရှိသမျှ​တို့​ကို လိုက်လျှောက်​ရ​မည်​။ ကိုယ်တော်​ကို ဆည်းကပ်​ရ​မည်​။

တ​ရား​ဟော 13:4

သင်​တို့​သည် သင်​တို့​၏​ဘုရားသခင်​ထာဝရဘုရား​နောက်​တော်​သို့​လိုက်​ရ​မည်​။ ကိုယ်တော်​ကို​ကြောက်ရွံ့​၍ ပညတ်တော်​ကို​စောင့်ထိန်း​ရ​မည်​။ စကား​တော်​ကို​နားထောင်​ရ​မည်​။ ကိုယ်တော်​ကို​ဝတ်ပြု​၍ ကိုယ်တော်​၌​ဆည်းကပ်​ရ​မည်​။

တ​ရား​ဟော 27:10

ထို့ကြောင့် သင်​တို့​သည် သင်​တို့​၏​ဘုရားသခင်​ထာဝရဘုရား​၏​စကား​တော်​ကို နားထောင်​၍ ယနေ့ သင်​တို့​အား ငါ​မိန့်မှာ​သော ကိုယ်တော်​၏​ပညတ်တော်​များ​၊ ပြဋ္ဌာန်းချက်​များ​ကို လိုက်နာ​ရ​မည်​”​ဟု ဆို​လေ​၏​။

တ​ရား​ဟော 30:6

သင်​သည် အသက်ရှင်​၍ သင်​၏​ဘုရားသခင်​ထာဝရဘုရား​ကို စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့ ချစ်​မည့်​အကြောင်း သင်​၏​ဘုရားသခင်​ထာဝရဘုရား​သည် သင့်​စိတ်နှလုံး​၊ သင့်​သားမြေး​တို့​၏​စိတ်နှလုံး​အရေဖျား​ကို လှီး​တော်မူ​မည်​။

တ​ရား​ဟော 4:1

အို အစ္စရေး​လူမျိုး​တို့​၊ သင်​တို့​အား သင်​တို့​ဘိုးဘေး​တို့​၏​ဘုရားသခင်​ထာဝရဘုရား​ပေး​တော်မူ​သော​ပြည်​သို့ သင်​တို့​သည် အသက်ချမ်းသာ​ရာ​ရ​၍ ဝင်ရောက်​ပိုင်ဆိုင်​ရ​မည့်​အကြောင်း သင်​တို့​လိုက်နာ​ရ​မည့် ငါ​သွန်သင်​သော ပြဋ္ဌာန်းချက်​နှင့်​စီရင်ထုံးဖွဲ့ချက်​တို့​ကို နားထောင်​ကြ​လော့​။

တ​ရား​ဟော 4:40

သင်​တို့​နှင့်တကွ နောင်လာမည့် သင်​တို့​၏​သားမြေး​တို့ ကောင်းစား​မည့်​အကြောင်း​၊ သင်​တို့​အား သင်​တို့​၏​ဘုရားသခင်​ထာဝရဘုရား​ပေး​တော်မူ​သော​ပြည်​၌ သင်​တို့ အသက်​ရှည်ရှည်​နေထိုင်​ရ​မည့်​အကြောင်း ယနေ့ သင်​တို့​အား ငါ​ဆင့်ဆို​သော ဘုရားသခင်​၏​ပြဋ္ဌာန်းချက်​များ​နှင့်​ပညတ်တော်​များ​ကို စောင့်ထိန်း​ရ​မည်​”​ဟု မြွက်ဆို​လေ​၏​။

တ​ရား​ဟော 4:5

သင်​တို့​ဝင်ရောက်​သိမ်းပိုက်​နေထိုင်​မည့်​ပြည်​၌ သင်​တို့​လိုက်နာ​ရ​မည့် ပြဋ္ဌာန်းချက်​နှင့် စီရင်ထုံးဖွဲ့ချက်​တို့​ကို ငါ့​အား ငါ​၏​ဘုရားသခင်​ထာဝရဘုရား​မိန့်မှာ​ထား​သည့်​အတိုင်း သင်​တို့​အား ငါ​သွန်သင်​ပေး​ပြီ​။

တ​ရား​ဟော 5:1

မောရှေ​သည် အစ္စရေး​လူမျိုး​အပေါင်း​တို့​ကို​ခေါ်​၍ သူ​တို့​အား “​အို အစ္စရေး​လူမျိုး​တို့​၊ ယနေ့ သင်​တို့​ကြားသိ​အောင် ငါ​ဆင့်ဆို​သော ပြဋ္ဌာန်းချက်​များ​၊ စီရင်ထုံးဖွဲ့ချက်​များ​ကို နားထောင်​လော့​။ သင်ယူ​လော့​။ လိုက်နာ​စောင့်ထိန်း​လော့​။

တ​ရား​ဟော 5:29

ငါ့​ကို​ကြောက်ရွံ့​၍ ငါ​၏​ပညတ်တော်​အလုံးစုံ​ကို အစဉ်အမြဲ​စောင့်ထိန်း​မည့်​စိတ်သဘော သူ​တို့​၌ ရှိ​မည်​ဆိုလျှင် သူ​တို့​နှင့်​သူ​တို့​၏​သားမြေး​တို့​သည် အစဉ်​ကောင်းစား​လိမ့်မည်​။

တ​ရား​ဟော 6:1

သင်​တို့​ကူးသွား​၍​သိမ်းပိုက်​နေထိုင်​မည့်​ပြည်​၌ လိုက်နာ​ရ​မည့် ပညတ်တော်​၊ ပြဋ္ဌာန်းချက်​များ​နှင့် စီရင်ထုံးဖွဲ့ချက်​များ​ကို သင်​တို့​အား​သင်ကြား​ပေး​ရန် သင်​တို့​၏​ဘုရားသခင်​ထာဝရဘုရား​မိန့်မှာ​တော်မူ​ခဲ့​၏​။

တ​ရား​ဟော 6:5

သင်​၏​ဘုရားသခင် ထာဝရဘုရား​ကို သင်​၏​စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့​၊ အစွမ်းသတ္တိ​ရှိသမျှ​ဖြင့် ချစ်​ရ​မည်​။