တော​လည် 35:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² လူသတ်​မိ​သော​သူ​သည် လူထု​ရှေ့​၌​ရပ်​၍​တရားစီရင်​ခြင်း​မ​ခံရ​မီ အသတ်​မ​ခံရ​မည့်​အကြောင်း လက်စားချေ​သူ​၏​လက်​မှ​လွတ်မြောက်​ရန်​အတွက် ထို​မြို့​တို့​သည် ခိုလှုံ​နိုင်​သော​မြို့​ဖြစ်​ရ​မည်​။

Common Language Bible

¹² ထို​မြို့​များ​တွင်​သူ​သည်​သေ​ဆုံး​သူ​နှင့်​သွေး တော်​စပ်​သူ​၏​လက်​စား​ချေ​ခြင်း​မှ​လွတ်​ကင်း လိမ့်​မည်။ လူ​အ​သက်​ကို​သတ်​သော​သူ​အား လူ ပ​ရိ​သတ်​ရှေ့​တ​ရား​ရုံး​တွင်​စီ​ရင်​ခြင်း​မ​ပြု ဘဲ​သေ​စား​မ​သေ​စေ​ရ။-

Garrad Bible

¹² ထို မြို့ များ သည် လူ ပ ရိ သတ် ရှေ့ တ ရား စီ ရင် ခံ ရန် လူ သတ် တို့ ရပ် ခွင့် မ ရ မ ချင်း၊ သေ စား သေ စေ သူ့ လက် မှ ခို ဝင် ရာ မြို့ များ ဖြစ် ရ လိမ့် မည်။

Judson Bible

¹² ထို​မြို့​တို့​ကား၊ လူ​အ​သက်​ကို​သတ်​သော​သူ​သည် ပ​ရိ​သတ်​ရှေ့​သို့​ရောက်၍၊ တ​ရား​စီ​ရင်​ခြင်း​ကို မ​ခံ​မီ​တိုင်​အောင်၊ သေ​စား​သေ​စေ​သော​သူ၏ လက်​မှ​လွတ်၍ မှီ​ခို​ရာ​မြို့​ဖြစ်​ရ​သ​တည်း။

တော​လည် 35:12 Referencias Cruzadas

၂ ရာ 14:7

ယခုမှာ ဆွေမျိုးသားချင်း​အားလုံး​ထ​၍ အရှင့်​ကျွန်မ​အား ဆန့်ကျင်​လျက် ‘​ညီအစ်ကိုချင်း သတ်​သော​သူ​ကို ငါ​တို့​ထံ​အပ်​ပါ​။ သူ​သတ်​ခဲ့​သော သူ့​ညီအစ်ကို​၏​အသက်​အစား သူ့​ကို​ပြန်သတ်​မည်​။ အမွေခံ​ဖြစ်​နေ​လျှင်လည်း ဖျက်ဆီး​ပစ်​ရ​မည်’​ဟု ဆို​ကြ​ပါ​၏​။ သူ​တို့​သည် အကျွန်ုပ်​အတွက် ကျန်​နေ​သေး​သော​မီးခဲ​ကို​ငြှိမ်း​ပြီး အကျွန်ုပ်​ခင်ပွန်း​၏​အမည်​နှင့် မျိုးဆက်​ကို မြေကြီး​ပေါ်မှ​ပပျောက်​သွား​အောင် ပြု​ကြ​ပါ​တော့​မည်​”​ဟု လျှောက်ဆို​၏​။

တော​လည် 35:13

သင်​တို့​ပေး​သော​မြို့​တို့​တွင် မြို့​ခြောက်​မြို့​သည် သင်​တို့ ခိုလှုံ​ရာ​မြို့​ဖြစ်​ရ​မည်​။

တော​လည် 35:19

သွေးကြွေး​အတွက်​လက်စားချေ​ပေး​သော​သူ​သည် လူသတ်​သော​သူ​ကို​တွေ့​လျှင် သူ​ကိုယ်တိုင်​သတ်​ရ​မည်​။

တ​ရား​ဟော 19:4

မိမိ​အိမ်နီးချင်း​ကို အမုန်း​မ​ရှိ​ဘဲ မတော်တဆ​လူ​သတ်​မိ​သော​လူသတ်သမား​သည် ထို​အရပ်​သို့​ထွက်ပြေး​ခြင်း​ဖြင့် အသက်ချမ်းသာ​ရာ​ရ​မည်​။

တ​ရား​ဟော 19:6

သို့မဟုတ်လျှင် လမ်းခရီး​ဝေး​သဖြင့် သွေးကြွေး​အတွက်​လက်စားချေ​ပေး​သော​သူ​သည် လူသတ်​မိ​သော​သူ​နောက်သို့ ဒေါသတကြီး​လိုက်​၍​မီ​သောအခါ သူ့​ကို အသေသတ်​မိ​လိမ့်မည်​။ အကယ်စင်စစ် ထို​လူသတ်​မိ​သော​သူ​သည် မိမိ​အိမ်နီးချင်း​အပေါ် အမုန်း​မ​ရှိ​သောကြောင့် အသေ​မ​ခံ​သင့်​။

ယော​ရှု 20:2

“​သင်​သည် အစ္စရေး​အမျိုးသား​တို့​အား ‘မောရှေ​မှတစ်ဆင့် ငါ​မိန့်မှာ​ခဲ့​သည့်​အတိုင်း သင်​တို့​အဖို့ ခိုလှုံ​ရာ​မြို့​ကို ရွေးချယ်​ထား​လော့​။

ယော​ရှု 20:9

ဤ​မြို့​များ​ကား အစ္စရေး​အမျိုးသား​များ​ဖြစ်စေ​၊ သူ​တို့​တွင်​တည်းခိုနေထိုင်​သော​တိုင်းတစ်ပါးသား​များ​ဖြစ်စေ မရည်ရွယ်​ဘဲ​လူ​သတ်​မိ​သော​သူ မည်သူမဆို လူထု​ရှေ့​တွင် တရားစီရင်​ခြင်း​မ​ခံရ​မီ လက်စားချေ​မည့်​သူ​၏​လက်​၌ မ​သေ​ရ​မည့်​အကြောင်း ပြေးသွား​၍​ခိုလှုံ​ရန် ရွေးချယ်​ထား​သော​မြို့​များ ဖြစ်​၏​။