တော​လည် 16:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ထို့နောက် မောရှေ​က ကောရ​နှင့်​သူ​၏​အပေါင်းပါ​အားလုံး​တို့​အား “​မည်သူ​သည် ထာဝရဘုရား​၏​လူ​ဖြစ်​သည်​ကို​လည်းကောင်း​၊ မည်သူ​သည် သန့်ရှင်း​သော​သူ​ဖြစ်​သည်​ကို​လည်းကောင်း​၊ မည်သူ​သည် ကိုယ်တော်​ထံသို့​ချဉ်းကပ်​ခွင့်​ရ​မည်​ကို​လည်းကောင်း မနက်ဖြန်​နံနက် ထာဝရဘုရား​ဖော်ပြ​တော်မူ​လိမ့်မည်​။ ကိုယ်တော်​သည် မိမိ​ရွေးချယ်​တော်မူ​သော​သူ​ကို မိမိ​ထံသို့ ချဉ်းကပ်​ခွင့်​ပေး​တော်မူ​လိမ့်မည်​။

Common Language Bible

⁵ ထို​နောက်​သူ​သည်​ကော​ရ​နှင့်​အ​ပေါင်း​ပါ​တို့ အား``နက်​ဖြန်​နေ့​နံ​နက်​တွင်​ထာ​ဝ​ရ​ဘု​ရား သည်​မည်​သူ့​ကို​ရွေး​ကောက်​ကြောင်း​ပြ​တော် မူ​မည်။ ထာ​ဝ​ရ​ဘု​ရား​သည်​မိ​မိ​ရွေး​ကောက် သော​သူ​အား​ကိုယ်​တော်​၏​ယဇ်​ပလ္လင်​အ​နီး သို့​ချဉ်း​ကပ်​စေ​တော်​မူ​မည်။-

Garrad Bible

⁵ ထို နောက် ကော ရ နှင့် အ ပေါင်း အ သင်း တို့ အား မော ရှေ က၊ နက် ဖြန် နံ နက်၌ ထာ ဝ ရ ဘု ရား သည် ပိုင် ရာ တော် ဖြစ် သူ တို့ ကို ဖော် ပြ လျက် ရွေး ချယ် တော် မူ၍ သန့် ရှင်း သူ့ ကို အ ထံ တော် သို့ ချဉ်း ကပ် ခွင့် ပေး တော် မူ လိမ့် မည်။

Judson Bible

⁵ တစ်​ဖန် မော​ရှေ​က၊ အ​ဘယ်​သူ​သည် ထာ​ဝ​ရ​ဘု​ရား၏​လူ ဖြစ်​သည်​ကို​လည်း​ကောင်း၊ အ​ဘယ်​သူ သန့်​ရှင်း​သည်​ကို​လည်း​ကောင်း၊ အ​ဘယ်​သူ​ကို ချဉ်း​ကပ်​စေ​မည်​ကို​လည်း​ကောင်း၊ နက်​ဖြန်​နေ့၌ ထာ​ဝ​ရ​ဘု​ရား​ပြ​တော်​မူ​မည်။ ရွေး​ကောက်​တော်​မူ​သော​သူ​ကို​လည်း အ​နီး​အ​ပါး​သို့ ချဉ်း​ကပ်​စေ​တော်​မူ​မည်။

တော​လည် 16:5 Referencias Cruzadas

ဆာ​လံ 105:26

ကိုယ်တော်​သည် မိမိ​အစေအပါး​မောရှေ​နှင့် မိမိ​ရွေးချယ်​ထား​သော အာရုန်​တို့​ကို စေလွှတ်​တော်မူ​၏​။

ဆာ​လံ 115:10

အို အာရုန်​၏​အမျိုးအနွယ်​တို့​၊ ထာဝရဘုရား​ကို ယုံကြည်ကိုးစား​ကြ​လော့​။ ကိုယ်တော်​သည် ထို​အမျိုးအနွယ်​တို့​ကို ကူညီမစ​သော​အရှင်​၊ သူ​တို့​၏​ဒိုင်းလွှား​ဖြစ်​တော်မူ​၏​။

ဆာ​လံ 65:4

ကိုယ်တော်​၏​တံတိုင်း​တော်​များ​အတွင်း​၌​နေထိုင်​စေရန် ကိုယ်တော်​ရွေးချယ်​၍ အထံ​တော်​သို့​ခေါ်ဆောင်​လာ​သော​သူ​သည် မင်္ဂလာ​ရှိ​၏​။ အကျွန်ုပ်​တို့​သည် ကိုယ်တော်​၏ သန့်ရှင်း​သော​ဗိမာန်တော်​တည်းဟူသော ကိုယ်တော်​၏​အိမ်​တော်​မှ​ကောင်းမြတ်​သော​အရာ​ဖြင့် ပြည့်စုံကြွယ်ဝ​ကြ​ပါ​လိမ့်မည်​။

ထွက်​မြောက် 28:1

ယဇ်ပုရောဟိတ်​အဖြစ် ငါ့​ထံ၌​အမှု​တော်​ကို​ဆောင်ရွက်​ရန် အစ္စရေး​အမျိုးသား​တို့​ထဲ​မှ သင့်​အစ်ကို​အာရုန်​နှင့်​သူ့​သား​များ​ဖြစ်​သော နာဒပ်​၊ အဘိဟု​၊ ဧလာဇာ​၊ ဣသမာ တို့​ကို သင့်​ထံသို့​လာ​စေ​လော့​။

ထွက်​မြောက် 28:41

၎င်း​တို့​ကို သင်​၏​အစ်ကို​အာရုန်​နှင့် သူ​၏​သား​များ​အား ဝတ်ဆင်​စေ​ရ​မည်​။ သူ​တို့​သည် ယဇ်ပုရောဟိတ်​အဖြစ် ငါ့​ထံ၌​အမှု​တော်​ကို​ဆောင်ရွက်​ရန် သူ​တို့​ကို ဘိသိက်ပေး​ရ​မည်​။ သူ​တို့​ကို​ခန့်အပ်​ရ​မည်​။ သူ​တို့​ကို​သန့်ရှင်း​စေ​ရ​မည်​။

ထွက်​မြောက် 28:43

အာရုန်​နှင့်​သူ​၏​သား​တို့​သည် တွေ့ဆုံစည်းဝေးရာ​တဲ​တော်​ထဲသို့ ဝင်​သောအခါ​ဖြစ်စေ​၊ သန့်ရှင်းရာဌာန​တော်​၌ အမှု​တော်​ဆောင်ရွက်​ရန် ယဇ်ပလ္လင်​တော်​သို့ ချဉ်းကပ်​သောအခါ​ဖြစ်စေ အပြစ်​သင့်​၍​မ​သေ​စေရန် ထို​ဘောင်းဘီ​ကို​ဝတ်​ရ​မည်​။ ဤသည်ကား အာရုန်​နှင့် နောင်လာမည့်​သူ​၏​သားစဉ်မြေးဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​။

ယေ​ရ​မိ 30:21

ထာဝရဘုရား​က “​သူ​၏​ခေါင်းဆောင်​သည် သူ့​အမျိုး​ထဲမှ​ဖြစ်​လိမ့်မည်​။ သူ့​ကို​အုပ်စိုး​သော​သူ​သည် သူ့​အမျိုး​ထဲမှ​ပေါ်ထွန်း​လိမ့်မည်​။ သူ့​ကို ငါ​ခေါ်​၍ သူ​သည် ငါ့​ထံ​ချဉ်းကပ်​လိမ့်မည်​။ အဘယ်သူ​သည် ကိုယ့်​အလိုအလျောက် ငါ့​ထံ​ချဉ်းကပ်​ဝံ့​သနည်း​။

ယေ​ရ​မိ 49:19

ကြည့်ရှု​လော့​။ ဂျော်ဒန်​တောအုပ်​မှ စိမ်းလန်း​သော​စားကျက်မြေ​သို့ ခြင်္သေ့​တက်လာ​သောအခါ သားကောင်​တို့​ထွက်ပြေး​ရ​သကဲ့သို့ ထို​ပြည်သား​တို့​ကို ထို​ပြည်​မှ ငါ​ရုတ်ချည်း​ထွက်ပြေး​စေ​မည်​။ ငါ​ရွေးချယ်​သော​သူ​ကို ထို​ပြည်​၌ ငါ​ခန့်ထား​မည်​။ မည်သူ​သည် ငါ​နှင့်​တူ​သနည်း​။ မည်သူ​သည် ငါ့​ကို​စိန်ခေါ်​ဝံ့​သနည်း​။ မည်သည့်​သိုးထိန်း​သည် ငါ့​ကို​ဆန့်ကျင်​ပြီး ရပ်တည်​နိုင်​သနည်း​”​ဟု မိန့်​တော်မူ​၏​။

ယေ​ရ​မိ 50:44

ကြည့်ရှု​လော့​။ ရန်သူ​သည် ခြင်္သေ့​ကဲ့သို့ ဂျော်ဒန်​တောအုပ်​မှ စိမ်းလန်း​သော​စားကျက်မြေ​သို့​တက်လာ​သောအခါ ထို​ပြည်သား​တို့​ကို ထို​ပြည်​မှ ငါ​ရုတ်ချည်း​ထွက်ပြေး​စေ​မည်​။ ငါ​ရွေးချယ်​သော​သူ​ကို ထို​ပြည်​၌ ငါ​ခန့်ထား​မည်​။ မည်သူ​သည် ငါ​နှင့်​တူ​သနည်း​။ မည်သူ​သည် ငါ့​ကို​စိန်ခေါ်​ဝံ့​သနည်း​။ မည်သည့်​သိုးထိန်း​သည် ငါ့​ကို​ဆန့်ကျင်​ပြီး ရပ်တည်​နိုင်​သနည်း​”​ဟု မိန့်​တော်မူ​၏​။

ယေ​ဇ​ကျေ​လ 40:46

မြောက်ဘက်​သို့​မျက်နှာမူ​သော​အခန်း​သည် ယဇ်ပလ္လင်​အမှု​ကို​ထမ်းဆောင်​သော ယဇ်ပုရောဟိတ်​တို့​အတွက်​ဖြစ်​၏​။ ထို​သူ​တို့​ကား ထာဝရဘုရား​အထံ​တော်​သို့​ဆည်းကပ်​၍ အမှု​တော်​ထမ်းဆောင်​သော လေဝိ​အမျိုး​ဇာဒုတ်​၏​သား​များ​ဖြစ်​ကြ​၏​”​ဟု ပြောပြ​၏​။

ယေ​ဇ​ကျေ​လ 43:19

ဘုရားရှင်​ထာဝရဘုရား​က ‘ငါ့​ထံသို့​ဆည်းကပ်​၍ အမှု​တော်​ထမ်းဆောင်​သော​ယဇ်ပုရောဟိတ် လေဝိ​အမျိုး​ဇာဒုတ်​၏​သားစဉ်မြေးဆက်​တို့​အား သင်​သည် အပြစ်ဖြေရာယဇ်​အဖြစ် နွားထီးပျို​တစ်​ကောင်​ကို ပေး​ရ​မည်​’​ဟု မိန့်​တော်မူ​၏​။

ယေ​ဇ​ကျေ​လ 45:4

ထို​သန့်ရှင်း​သော​မြေ​သည် ထာဝရဘုရား​ထံ​အမှု​တော်​ကို​ထမ်းဆောင်​ဖို့​လာ​သော​၊ သန့်ရှင်းရာဌာန​တော်​၌ အမှု​တော်​ထမ်းဆောင်​သော ယဇ်ပုရောဟိတ်​တို့​အဖို့ ဖြစ်​ရ​မည်​။ ထို​မြေ​သည် ယဇ်ပုရောဟိတ်​တို့ နေစရာ​အိမ်​ဆောက်​ရာ​မြေ​၊ သန့်ရှင်းရာဌာန​တည်​ရာ​သန့်ရှင်း​သော​မြေ ဖြစ်​ရ​မည်​။

ဝတ်​ပြု 10:3

ထိုအခါ မောရှေ​က အာရုန်​အား “​ထာဝရဘုရား​က ‘​ငါ့​ထံသို့​ချဉ်းကပ်​သော​သူ​တို့​အား ငါ​သန့်ရှင်း​ကြောင်း ငါ​ထင်ရှား​ပြ​မည်​။ လူ​အပေါင်း​တို့​ရှေ့​၌ ငါ​သည် ဘုန်းအသရေ​ရှိ​မည်​’​ဟူ၍ မိန့်ဆို​ခဲ့​သည်​မှာ ဤ​အမှု​ကို​ဆိုလို​၏​”​ဟု ဆို​သော် အာရုန်​သည် တိတ်ဆိတ်​နေ​လေ​၏​။

ဝတ်​ပြု 8:2

“​အာရုန်​နှင့်​သူ​၏​သား​များ​၊ အဝတ်တန်ဆာ​များ​၊ ဘိသိက်​ဆီ​၊ အပြစ်ဖြေရာယဇ်​ဖြစ်​သော​နွားထီး​တစ်​ကောင်​၊ သိုးထီး​နှစ်​ကောင်​၊ တဆေးမဲ့မုန့်​တောင်း​ကို ယူဆောင်​လာ​ပြီး

မာ​လ​ခိ 3:18

ထိုအခါ သင်​တို့​သည် ဖြောင့်မတ်​သော​သူ​နှင့် ဆိုးယုတ်​သော​သူ​၊ ဘုရားသခင်​၏​အမှု​တော်​ကို ဆောင်​သော​သူ​နှင့် မ​ဆောင်​သော​သူ​ကို ပြန်​၍ ပိုင်းခြား​သိမြင်​ကြ​လိမ့်မည်​။

တော​လည် 16:3

ထို​သူ​တို့​သည် စုရုံး​၍ မောရှေ​နှင့်​အာရုန်​အား “​သင်​တို့ တရားလွန်​နေ​ပြီ​။ လူထု​အပေါင်း​တို့​သည် တစ်ယောက်မကျန် သန့်ရှင်း​ကြ​၏​။ ထာဝရဘုရား​သည်​လည်း သူ​တို့​နှင့်အတူ​ရှိ​တော်မူ​၏​။ ထာဝရဘုရား​၏​လူအစုအဝေး​အပေါ် သင်တို့ကိုယ်သင်တို့ အဘယ်ကြောင့် ချီးမြှောက်​ရ​သနည်း​”​ဟု ဆို​လေ​၏​။

တော​လည် 16:6

ကောရ​နှင့်​အပေါင်းပါ​အားလုံး​တို့​၊ ဤသို့​ပြု​ကြ​လော့​။ သင်​တို့​သည် မီးကျီးခံဗန်း​များ​ကို​ယူ​၍

တော​လည် 17:5

ငါ​ရွေးချယ်​သော​သူ​၏​တောင်ဝှေး​သည် အတက်ပေါက်​လိမ့်မည်​။ ဤသို့ဖြင့် သင်​တို့​ကို အပြစ်တင်​နေ​ကြ​သော အစ္စရေး​အမျိုးသား​တို့​မြည်တွန်တောက်တီး​သော​အသံ​ကို ငါ​ရပ်စဲ​စေ​မည်​”​ဟု မိန့်​တော်မူ​၏​။

တော​လည် 17:8

နောက်တစ်နေ့​၌ မောရှေ​သည် သက်သေခံချက်​တဲ​တော်​ထဲသို့ ဝင်​သောအခါ လေဝိ​အမျိုးအနွယ်​၊ အာရုန်​၏​တောင်ဝှေး​သည် အတက်ပေါက်​လျက်​၊ အဖူး​ဖူး​လျက်​၊ အပွင့်​ပွင့်​လျက်​၊ ဗာဒံသီး​သီး​လျက်​ရှိ​သည်​ကို တွေ့​လေ​၏​။

ရှင်ယောဟန် 15:16

သင်​တို့​သည် ငါ့​ကို​ရွေးကောက်​ကြ​သည်​မ​ဟုတ်။ ငါ​သာလျှင် သင်​တို့​ကို​ရွေးကောက်​သဖြင့် သင်​တို့​သည်​သွား​လျက် အသီး​ကို​သီး​၍ သင်​တို့​၏​အသီး​တည်မြဲ​မည့်​အကြောင်း​နှင့် ငါ့​နာမ​၌ ခမည်းတော်​အား တောင်းလျှောက်​သမျှ​တို့​ကို သင်​တို့​အား ခမည်းတော်​ပေး​တော်မူ​မည့်​အကြောင်း သင်​တို့​ကို ငါ​ခန့်ထား​၏။

တမန်တော်ဝတ္ထု 1:2

ရွေးကောက်​တော်မူ​သော​တမန်​တော်​များ​ကို သန့်ရှင်း​သော​ဝိညာဉ်​တော်​အားဖြင့် မိန့်မှာ​တော်မူ​ပြီးနောက် အထက်​သို့​ဆောင်ယူ​ခြင်း​ခံ​တော်မူ​သော​နေ့​တိုင်အောင် ဖြစ်ပျက်​သမျှ​တို့​ကို ပထမ​စာစောင်​၌ ငါ​ရေးသား​ဖော်ပြ​ခဲ့​၏​။

တမန်တော်ဝတ္ထု 1:24

“လူ​အပေါင်း​တို့​၏​စိတ်နှလုံး​ကို သိ​တော်မူ​သော​သခင်​ဘုရား၊

တမန်တော်ဝတ္ထု 13:2

သူ​တို့​သည် သခင်​ဘုရား​ကို​ဝတ်ပြု​လျက် အစာရှောင်​နေ​ကြ​စဉ် သန့်ရှင်း​သော​ဝိညာဉ်​တော်​က “ဗာနဗ​နှင့်​ရှောလု​တို့​ကို သူ​တို့​အတွက်​ငါ​သတ်မှတ်​ထား​သော​အမှု​ကို​ဆောင်ရွက်​စေရန် ငါ့​အတွက် သီးသန့်​ရွေးချယ်​ထား​ကြ​လော့”​ဟု မိန့်​တော်မူ​၏။

တမန်တော်ဝတ္ထု 15:7

များစွာ​ငြင်းခုံ​ဆွေးနွေး​ကြ​ပြီးနောက် ပေတရု​သည် ထ​၍ “ညီအစ်ကို​တို့၊ လူမျိုးခြား​တို့​သည် ငါ​၏​နှုတ်​အားဖြင့် ကောင်းမြတ်​သော​သတင်း​နှင့်ဆိုင်သည့်​တရား​စကား​ကို​ကြားနာ​၍ ယုံကြည်​ကြ​စေရန် ဘုရားသခင်​သည် လွန်ခဲ့​သည့်​အချိန်​က သင်​တို့​အထဲမှ ငါ့​ကို ရွေးကောက်​တော်မူ​ကြောင်း သင်​တို့​သိ​ကြ​၏။

တမန်တော်ဝတ္ထု 22:14

ထိုအခါ သူ​က ‘ငါ​တို့​ဘိုးဘေး​များ​၏​ဘုရားသခင်​သည် မိမိ​အလို​တော်​ကို သိ​စေရန်​လည်းကောင်း၊ ဖြောင့်မတ်​သော​အရှင်​ကို ဖူးမြင်​စေရန်​လည်းကောင်း၊ ထို​အရှင်​၏​နှုတ်​မှ​အသံ​တော်​ကို ကြား​စေရန်​လည်းကောင်း သင့်​ကို ကြိုတင်​ခန့်ထား​တော်မူ​ပြီ။

ဧ​ဖက် 2:13

သို့သော် တစ်ချိန်က ဝေးကွာ​လျက်​ရှိ​ခဲ့​သော​သင်​တို့​သည် ယခု​အခါ ခရစ်တော်​ယေရှု​၌ ခရစ်တော်​၏​သွေး​တော်​အားဖြင့် အနီး​သို့​ရောက်​ရ​ကြ​ပြီ။

၂ တိ 2:19

သို့ရာတွင် ဘုရားသခင်​၏​ခိုင်ခံ့​သော​အုတ်မြစ်​သည် တည်မြဲ​လျက်​ရှိ​၍ ထို​အုတ်မြစ်​ပေါ်၌ “ထာဝရ​ဘုရား​သည် မိမိ​လူ​တို့​ကို သိ​တော်မူ​၏”​ဟူ၍​လည်းကောင်း၊ “ထာဝရ​ဘုရား​၏​နာမ​တော်​ကို တိုင်တည်​ခေါ်ဆို​သော​သူ​တိုင်း မတရားမှု​မှ​ဖယ်ခွာ​ကြ​လော့”​ဟူ၍​လည်းကောင်း တံဆိပ်​ခတ်နှိပ်​ထား​၏။

ဟေ​ဗြဲ 12:14

လူ​အပေါင်း​တို့​နှင့်​ငြိမ်းချမ်း​စွာ​နေထိုင်​ရန်​နှင့် သန့်ရှင်း​ခြင်း​ကို​ရရှိ​ရန် ကြိုးစား​ကြ​လော့။ သန့်ရှင်း​ခြင်း​မ​ရှိ​လျှင် မည်သူမျှ ထာဝရ​ဘုရား​ကို​ဖူးမြင်​ရ​လိမ့်မည်​မ​ဟုတ်။

ဗျာ​ဒိတ် 1:6

ငါ​တို့​အား နိုင်ငံ​တော်​ဖြစ်​စေ​လျက် မိမိ​ခမည်းတော်​ဘုရားသခင်​ရှေ့​တော်​၌ ယဇ်ပုရောဟိတ်​များ​ဖြစ်​စေ​တော်မူ​သော​အရှင်​၌ ကမ္ဘာ​အဆက်ဆက် ဘုန်း​အသရေ​နှင့်​တန်ခိုး​အရှိန်အဝါ​ရှိ​ပါစေသော။ အာမင်။

၁ ရာ 2:28

ငါ​၏​ယဇ်ပလ္လင်​ပေါ်သို့​တက်​ပြီး နံ့သာပေါင်း​ကို​မီးရှို့ပူဇော်​ရန်​နှင့် ဧဖုဒ်​ကို​ဝတ်ဆင်​ပြီး ငါ့​ရှေ့​၌ ခစား​ရန်​အတွက် ငါ​၏​ယဇ်ပုရောဟိတ်​အဖြစ် အစ္စရေး​အမျိုးအနွယ်​အပေါင်း​တို့​ထဲမှ သူ​တို့​ကို ငါ​ရွေးကောက်​ခဲ့​သည်​မ​ဟုတ်​လော​။ အစ္စရေး​အမျိုးသား​တို့ မီး​ဖြင့်​ပူဇော်​သော​ယဇ်​အလုံးစုံ​ကို​လည်း သင့်​ဘိုးဘေး​၏​အမျိုးအနွယ်​အား ငါ​ပေး​ခဲ့​သည်​မ​ဟုတ်​လော​။