တိ​တု 3:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ငါ​တို့​၏​လူ​များ​သည်​လည်း အသီး​မ​သီး​သော​သူ​မ​ဖြစ်​မည့်​အကြောင်း အရေးတကြီး​လိုအပ်​သော​အရာ​များ​အတွက် ကောင်း​သော​အမှု​တို့​ကို ပါဝင်​လုပ်ဆောင်​ရန် သင်ယူ​ကြ​ရ​မည်။

Common Language Bible

¹⁴ စား​ဝတ်​နေ​ရေး​အ​တွက်​အ​မှန်​တ​ကယ်​လို​အပ် သည်​တို့​ကို​ရ​ရှိ​နိုင်​ရန် ငါ​တို့​၏​လူ​စု​သည် ကောင်း​သော​အ​သက်​မွေး​မှု​ကို​ပြု​ကြ​ရန်​သွန် သင်​လော့။ မိ​မိ​တို့​၏​လုပ်​အား​ကို​အ​ချည်း​နှီး မ​ဖြစ်​စေ​ရ​ကြ။

Garrad Bible

¹⁴ ငါ တို့ ညီ အစ် ကို တို့ လည်း ပြု အပ် လေ ရာ ရာ နှင့် စပ်၍ အ သီး မ မဲ့ စေ ရန် ရိုး ဖြောင့် စွာ အ လုပ် အ ကိုင် သင် ကြ စေ။

Judson Bible

¹⁴ ငါ​တို့၏​လူ​များ​သည်​လည်း အ​သီး​မဲ့​သော​သူ​မ​ဖြစ်၊ ကိုယ်​သုံး​စ​ရာ​ဖို့​ရှိ​ရ​မည်​အ​ကြောင်း၊ ကောင်း​သော အ​ကျင့်​တို့​ကို အ​မြဲ​ကျင့်​အံ့​သော​ငှာ သင်​ကြ​စေ။-

ခေတ်သစ်​မြန်မာ သမ္မာကျမ်း

¹⁴ ကျွန်ုပ်တို့​၏​လူတို့​သည် ကောင်းမှုပြု​ရန် လေ့လာ​သင်ယူကြ​ရမည်။ သို့မှသာ သူတို့​သည် အကျိုး​ရှိရှိ အသက်ရှင်​နေထိုင်​နိုင်ပြီး အခြားသူများ အရေးပေါ်​လိုအပ်ချက်​ရှိသော​အချိန်​၌ ကူညီပေး​နိုင်ကြမည်။

တိ​တု 3:14 Referencias Cruzadas

ဟေ​ရှာ​ယ 61:3

ငိုကြွေးမြည်တမ်း​နေ​သော ဇိအုန်​မြို့သား​တို့​အဖို့ ပြာ​အစား​ခေါင်းပေါင်း​၊ ငိုကြွေးမြည်တမ်း​ခြင်း​အစား ရွှင်မြူး​ခြင်း​ဆီ​၊ ညှိုးငယ်​သော​စိတ်​အစား ချီးမွမ်း​ခြင်း​အဝတ်​ကို စီရင်​ပေး​ရန် ငါ့​ကို​စေလွှတ်​တော်မူ​ပြီ​။ ဘုန်း​တော်​ထင်ရှား​စေရန် ထာဝရဘုရား​စိုက်ပျိုး​တော်မူ​သော ဖြောင့်မတ်​ခြင်း​ဝက်သစ်ချပင်​ဟု သူ​တို့​ကို ခေါ်ဝေါ်​ကြ​လိမ့်မည်​။

မဿဲ 21:19

ထိုစဉ် လမ်း​၌ သဖန်းပင်​တစ်​ပင်​ကို​မြင်​၍ ထို​အပင်​ရှိရာ​သို့​ကြွ​တော်မူ​ရာ ၎င်း​တွင် အရွက်​များ​မှလွဲ၍ မည်သည့်​အရာ​ကို​မျှ​မ​တွေ့​သဖြင့် ထို​အပင်​အား“ယခု​မှစ၍ ကာလ​အစဉ်အဆက် သင်​၌​အသီး​မ​သီး​စေ​ရ”​ဟု မိန့်​တော်မူ​၏။ ထိုအခါ သဖန်းပင်​သည် ချက်ချင်း​ညှိုးနွမ်း​ခြောက်သွေ့​သွား​လေ​၏။

မဿဲ 7:19

ကောင်း​သော​အသီး​မ​သီး​သော​အပင်​တိုင်း​သည် ခုတ်လှဲ​ခြင်း​ခံရ​၍ မီး​ထဲသို့ ပစ်ချ​ခြင်း​ခံရ​လိမ့်မည်။

ရှင်ယောဟန် 15:16

သင်​တို့​သည် ငါ့​ကို​ရွေးကောက်​ကြ​သည်​မ​ဟုတ်။ ငါ​သာလျှင် သင်​တို့​ကို​ရွေးကောက်​သဖြင့် သင်​တို့​သည်​သွား​လျက် အသီး​ကို​သီး​၍ သင်​တို့​၏​အသီး​တည်မြဲ​မည့်​အကြောင်း​နှင့် ငါ့​နာမ​၌ ခမည်းတော်​အား တောင်းလျှောက်​သမျှ​တို့​ကို သင်​တို့​အား ခမည်းတော်​ပေး​တော်မူ​မည့်​အကြောင်း သင်​တို့​ကို ငါ​ခန့်ထား​၏။

ရှင်ယောဟန် 15:8

သင်​တို့​သည် များစွာ​သော​အသီး​ကို​သီး​လျက် ငါ​၏​တပည့်​များ​ဖြစ်​ခြင်း​အားဖြင့် ငါ့​ခမည်းတော်​သည် ဘုန်း​ထင်ရှား​တော်မူ​၏။

တမန်တော်ဝတ္ထု 18:3

အလုပ်​ချင်း​တူ​သောကြောင့် သူ​တို့​နှင့်အတူ​နေ​လျက် အလုပ်​လုပ်​လေ​၏။ အကြောင်းမူကား အလုပ်အကိုင်​အရ သူ​တို့​သည် ရွက်ထည်တဲ​ချုပ်​သူ​များ​ဖြစ်​ကြ​၏။

တမန်တော်ဝတ္ထု 20:35

ထိုသို့​ကြိုးစား​လုပ်ဆောင်​၍ အားနည်း​သော​သူ​တို့​ကို ကူညီမစ​သင့်​ကြောင်း​နှင့်‘ပေးကမ်း​ခြင်း​သည် ရယူ​ခြင်း​ထက် သာ၍​မင်္ဂလာရှိ​သည်’​ဟု သခင်​ယေရှု​ကိုယ်တော်​တိုင် မိန့်​တော်မူ​သည့်​စကား​ကို သတိရ​သင့်​ကြောင်း အရာရာ​၌ သင်​တို့​အား ငါ​ပြသ​၏”​ဟု ဆို​လေ​၏။

ရော​မ 12:13

သန့်ရှင်း​သူ​တို့​၏​လိုအပ်​ချက်​များ​ကို ပါဝင်​ဖြည့်ဆည်း​လျက် ဧည့်ဝတ်​ကို ကြိုးစား​ပြု​ကြ​လော့။

ရော​မ 15:28

ထို့ကြောင့် ငါ​သည် ဤ​အမှုကိစ္စ​ကို ပြီးစီး​အောင်​ဆောင်ရွက်​၍ ဤ​အလှူ​ပစ္စည်း​ကို သူ​တို့​အား သေချာ​စွာ​အပ်နှင်း​ပြီးမှ သင်​တို့​နေရာ​ကို​ဖြတ်​လျက် စပိန်​ပြည်​သို့​သွား​မည်။

ဧ​ဖက် 4:28

ခိုး​တတ်​သော​သူ​သည် နောက်ထပ် မ​ခိုး​ဘဲ လိုအပ်​သော​သူ​အား ဝေမျှ​စရာ​ရှိ​စေရန် မိမိ​လက်​ဖြင့် ကောင်း​သော​အလုပ်​ကို အားထုတ်​လုပ်ဆောင်​စေ။

ဖိ​လိပ္ပိ 1:11

ယေရှု​ခရစ်တော်​အားဖြင့် ဖြောင့်မတ်​ခြင်း​အသီးအပွင့်​နှင့်​ပြည့်စုံ​၍ ဘုရားသခင်​၏​ဘုန်း​တော်​ထင်ရှား​ခြင်း​နှင့် ဂုဏ်​တော်​ချီးမွမ်း​ခြင်း​အဖြစ်​သို့​ရောက်​မည့်​အကြောင်း ငါ​ဆုတောင်း​၏။

ဖိ​လိပ္ပိ 4:16

သက်သာလောနိတ်​မြို့​၌ ငါ​ရှိ​စဉ်​က​လည်း သင်​တို့​သည် ငါ​လိုအပ်​သော​အရာ​ကို တစ်ကြိမ်​မက နှစ်​ကြိမ်​တိုင်အောင် ပေးပို့​ခဲ့​ကြ​၏။

ဖိ​လိပ္ပိ 4:17

ဤသို့ဆိုသော် လက်ဆောင်​ကို ငါ​အလိုရှိ​၍​မ​ဟုတ်။ သင်​တို့​၏​အကျိုးအမြတ်​ကို တိုးပွား​စေ​သော​အသီးအပွင့်​ကို​သာ ငါ​အလိုရှိ​၏။

ကော​လော​သဲ 1:10

ကောင်း​သော​အမှု​အမျိုးမျိုး​တည်းဟူသော အသီး​ကို​သီး​ကာ ဘုရားသခင်​ကို​သိ​သော​ဉာဏ်​၌​ကြီးထွား​သဖြင့် အရာရာ​၌ သခင်​ဘုရား​ကို​နှစ်သက်​စေ​၍ ကိုယ်တော်​နှင့်​ထိုက်တန်​စွာ အသက်ရှင်​လျှောက်လှမ်း​နိုင်​မည့်​အကြောင်း တောင်းလျှောက်​ကြ​၏။

၁ သက် 2:9

ညီအစ်ကို​တို့၊ ငါ​တို့​၏​ကြိုးပမ်း​အားထုတ်​မှု​နှင့်​ပင်ပန်း​ခက်ခဲ​မှု​တို့​ကို သင်​တို့​မှတ်မိ​ကြ​၏။ ငါ​တို့​သည် သင်​တို့​ထဲမှ မည်သူ့​အပေါ်​၌​မျှ ဝန်ထုပ်ဝန်ပိုး​မ​ဖြစ်​စေရန် နေ့​ရော​ည​ပါ​အလုပ်​လုပ်​လျက် ဘုရားသခင်​၏​ကောင်းမြတ်​သော​သတင်း​ကို သင်​တို့​အား ဟောပြော​ကြ​၏။

၂ သက် 3:8

မည်သူ​၏​အစားအစာ​ကို​မျှ အလကား​မ​စား​ဘဲ သင်​တို့​ထဲမှ မည်သူ့​အပေါ်​၌​မျှ ဝန်ထုပ်ဝန်ပိုး​မ​ဖြစ်​စေရန် ကြိုးပမ်း​အားထုတ်​လျက် ပင်ပန်း​ခက်ခဲ​စွာ​ဖြင့် နေ့​ရော​ည​ပါ​အလုပ်​လုပ်​ကြ​၏။

တိ​တု 2:8

အပြစ်တင်​စရာ​ကင်း​သော မှန်ကန်​ပြည့်စုံ​သည့်​စကား​ကို ပြောဆို​လော့။ သို့ပြုလျှင် ဆန့်ကျင်ဘက်​ပြု​သော​သူ​သည် ငါ​တို့​နှင့်​ပတ်သက်၍ မကောင်း​သော​အရာ​တစ်စုံတစ်ခု​ကို​မျှ မ​ပြောဆို​နိုင်​ဘဲ အရှက်ရ​လိမ့်မည်။

တိ​တု 3:8

ဤ​စကား​သည် သစ္စာ​စကား​ဖြစ်​၏။ ဘုရားသခင်​ကို​ယုံကြည်​သော​သူ​တို့​သည် ကောင်း​သော​အမှု​တို့​ကို​ပါဝင်​လုပ်ဆောင်​ရန် အမြဲ​ဂရုစိုက်​ကြ​မည့်​အကြောင်း ငါ​သည် သင့်​အား ဤ​အရာ​များ​အတွက် အခိုင်အမာ​ရပ်တည်​စေ​လို​၏။ ဤ​အရာ​များ​သည် ကောင်းမြတ်​၍ လူ​တို့​အတွက်​အကျိုး​ရှိ​၏။

၂ ပေ 1:8

အကြောင်းမူကား ဤ​ပါရမီ​များ​သည် သင်​တို့​၌​ရှိ​၍ တိုးပွား​နေ​သည်​ဆိုလျှင် သင်​တို့​သည် ငါ​တို့​၏​သခင်​ယေရှု​ခရစ်တော်​ကို​သိ​ခြင်း​အရာ​၌ အကျိုး​မ​ရှိ​သော​သူ၊ အသီး​မ​သီး​သော​သူ ဖြစ်​ကြ​လိမ့်မည်​မ​ဟုတ်။