တိ​တု 2:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ အပြစ်တင်​စရာ​ကင်း​သော မှန်ကန်​ပြည့်စုံ​သည့်​စကား​ကို ပြောဆို​လော့။ သို့ပြုလျှင် ဆန့်ကျင်ဘက်​ပြု​သော​သူ​သည် ငါ​တို့​နှင့်​ပတ်သက်၍ မကောင်း​သော​အရာ​တစ်စုံတစ်ခု​ကို​မျှ မ​ပြောဆို​နိုင်​ဘဲ အရှက်ရ​လိမ့်မည်။

Common Language Bible

⁸ သင်​၏​ရန်​သူ​များ​သည်​ငါ​တို့​အား​အ​ဘယ် အ​မှု​တွင်​မျှ​အ​ပြစ်​ရှာ​၍​မ​ရ​သ​ဖြင့် အ​ရှက် ကွဲ​ကြ​စေ​ရန်​သင်​သည်​သူ​တစ်​ပါး​တို့​ပြစ် တင်​ဝေ​ဖန်​မှု​မ​ပြု​နိုင်​အောင်​လျောက်​ပတ်​သည့် စ​ကား​ကို​ပြော​ဆို​လော့။

Judson Bible

⁸ အ​ပြစ်​တင်​ဖွယ်​မ​ရှိ၊ စင်​ကြယ်​သော​တ​ရား​စ​ကား​ကို ဟော​ပြော​ခြင်း​တို့​ကို ပြု​လော့။ သို့​ဖြစ်၍၊ တစ်​ဖက်၌ နေ​သော​သူ​သည်၊ ငါ​တို့​ကို ကဲ့​ရဲ့​စ​ရာ​အ​ခွင့် မ​ရ​နိုင်​သော​ကြောင့်၊ ရှက်​ကြောက်​ခြင်း​သို့ ရောက်​လိမ့်​မည်။

ခေတ်သစ်​မြန်မာ သမ္မာကျမ်း

⁸ အပြစ်ဆိုဖွယ်​မရှိသည့် မှန်ကန်သော​စကား​ကို ပြောဆိုခြင်း​တို့​ဖြင့် သွန်သင်လော့။ ထိုအခါ သင့်​ကို ဆန့်ကျင်သော​သူတို့​သည် ကဲ့ရဲ့စရာ​အကြောင်း​မရှိ​သဖြင့် အရှက်ကွဲကြ​လိမ့်မည်။

တိ​တု 2:8 Referencias Cruzadas

နေ​ဟ​မိ 5:9

ငါ​က​လည်း ဆက်​၍ “​သင်​တို့​လုပ်ရပ်​သည် ဆိုးဝါး​လှ​၏​။ ဘုရားသခင်​ကို ကြောက်ရွံ့ရိုသေ​သော​စိတ်​ဖြင့် အသက်ရှင်​လျှောက်လှမ်း​ရ​မည်​မ​ဟုတ်​လော​။ သို့မှ ငါ​တို့​ရန်သူ လူမျိုးခြား​တို့​၏​ကဲ့ရဲ့ရှုတ်ချ​ခြင်း​နှင့် ကင်း​မည်​မ​ဟုတ်​လော​။

ဟေ​ရှာ​ယ 66:5

ထာဝရဘုရား​၏​စကား​တော်​ကြောင့် စိုးရိမ်ထိတ်လန့်​သော​သူ​တို့​၊ စကား​တော်​ကို​နားထောင်​ကြ​လော့​။ သင်​တို့​ကို​မုန်း​၍ ငါ့​နာမ​ကြောင့် သင်​တို့​ကို​နှင်ထုတ်​သော ညီအစ်ကို​တို့​က ‘​သင်​တို့​ဝမ်းမြောက်​သည်​ကို ငါ​တို့​မြင်​ရ​မည့်​အကြောင်း ထာဝရဘုရား​သည် ဘုန်းထင်ရှား​ပါစေသော​’​ဟု ကဲ့ရဲ့ပြောဆို​ကြ​၏​။ သို့သော်လည်း သူ​တို့​သည် အရှက်ကွဲ​ကြ​လိမ့်မည်​”​ဟု မိန့်​တော်မူ​၏​။

ရှင်မာကု 12:17

ယေရှု​က​လည်း“ဆီဇာ​ဧကရာဇ်​နှင့်ဆိုင်သော​အရာ​များ​ကို ဆီဇာ​ဧကရာဇ်​အား​ဆက်သ​၍ ဘုရားသခင်​နှင့်ဆိုင်သော​အရာ​များ​ကို ဘုရားသခင်​အား​ဆက်သ​ကြ​လော့”​ဟု မိန့်​တော်မူ​ရာ သူ​တို့​သည် ကိုယ်တော်​ကို​အံ့သြ​ကြ​၏။

ရှင်မာကု 12:28

ထိုအခါ ကျမ်းပြု​ဆရာ​တစ်​ဦး​သည် ချဉ်းကပ်​လာ​၍ သူ​တို့​ငြင်းခုံ​ပြောဆို​နေ​ကြ​သည်​ကို​ကြား​ပြီး ကိုယ်တော်​သည် သူ​တို့​အား လျောက်ပတ်​စွာ​ဖြေကြား​တော်မူ​သည်​ကို​မြင်​လျှင် “ပညတ်ချက်​အားလုံး​တွင် မည်သည့်​ပညတ်​ချက်​သည် ပထမ​ဖြစ်​သနည်း”​ဟု မေးလျှောက်​လေ​၏။

ရှင်မာကု 12:32

ထို​ကျမ်းပြု​ဆရာ​က​လည်း “မှန်​ပါ​၏​ဆရာ။ ဘုရားသခင်​သည် တစ်ဆူတည်း​ရှိ​၍ ထို​ဘုရားသခင်​မှတစ်ပါး အခြား​ဘုရား​မ​ရှိ​ဟု ဆရာ​ပြော​သည်​မှာ ဟုတ်မှန်​ပါ​၏။

ရှင်မာကု 12:34

ထို​သူ​သည် ပညာ​ရှိ​စွာ​ဖြေကြား​သည်​ကို ယေရှု​မြင်​တော်မူ​လျှင်“သင်​သည် ဘုရားသခင်​၏​နိုင်ငံ​တော်​နှင့်​မ​ဝေး”​ဟု သူ့​အား မိန့်​တော်မူ​၏။ ထို​အချိန်​မှစ၍ မည်သူမျှ ကိုယ်တော်​အား မေးခွန်း​များ​မ​မေး​ဝံ့​တော့ချေ။

လုကာ 13:17

ထိုသို့ ကိုယ်တော်​မိန့်​တော်မူ​သောအခါ ကိုယ်တော်​ကို​ဆန့်ကျင်​နေ​သော​သူ​ရှိသမျှ​တို့​သည် အရှက်ရ​ကြ​၏။ လူထု​ပရိသတ်​အပေါင်း​တို့​သည် ကိုယ်တော်​ပြု​တော်မူ​သည့် ထူးမြတ်​သော​အမှု​အလုံးစုံ​တို့​အတွက် ဝမ်းမြောက်​ကြ​၏။

၂ သက် 3:14

တစ်စုံတစ်ယောက်​သည် ဤ​စာ​အားဖြင့် ငါ​တို့​မှာကြား​သော​စကား​ကို​နားမထောင်​လျှင် ထို​သူ​အား အရှက်ရ​စေရန် သူ့​ကို​မှတ်ထား​လျက် သူ​နှင့်​အပေါင်းအဖော်​မ​ပြု​ကြ​နှင့်။

၁ တိ 5:14

ထို့ကြောင့် ငယ်ရွယ်​သော​မုဆိုးမ​တို့​သည် အိမ်ထောင်ပြု​လျက် သားသမီး​များ​မွေးဖွား​ကာ အိမ်မှုကိစ္စ​ကို​စီမံ​ကွပ်ကဲ​၍ ရန်သူ​အား ကဲ့ရဲ့​ပြစ်တင်​ခြင်း​အခွင့်​ကို​မ​ပေး​ရန် ငါ​အလိုရှိ​၏။

၁ တိ 6:3

တစ်စုံတစ်ယောက်​သည် ခြားနား​သော​ဩဝါဒ​ကို​သွန်သင်​လျက် ငါ​တို့​သခင်​ယေရှု​ခရစ်တော်​၏​မှန်ကန်​ပြည့်စုံ​သော​တရား​စကား​နှင့် ဘုရား​ဝတ်​၌​မွေ့လျော်​ခြင်း​နှင့်​ညီ​သော​ဩဝါဒ​တို့​ကို မ​လိုက်နာ​လျှင်

တိ​တု 3:14

ငါ​တို့​၏​လူ​များ​သည်​လည်း အသီး​မ​သီး​သော​သူ​မ​ဖြစ်​မည့်​အကြောင်း အရေးတကြီး​လိုအပ်​သော​အရာ​များ​အတွက် ကောင်း​သော​အမှု​တို့​ကို ပါဝင်​လုပ်ဆောင်​ရန် သင်ယူ​ကြ​ရ​မည်။

၁ ပေ 2:12

လူမျိုးခြား​တို့​အလယ်​တွင် ကောင်း​စွာ​အသက်ရှင်​နေထိုင်​ကြ​လော့။ သို့ပြုလျှင် သူ​တို့​သည် သင်​တို့​ကို ဒုစရိုက်​ပြု​သူ​များ​အဖြစ် ပုတ်ခတ်​ပြောဆို​ကြ​သော်လည်း သင်​တို့​၏​ကောင်း​သော​အမှု​တို့​ကို​မြင်​၍ အကြည့်အရှု​ကြွလာ​တော်မူ​သော​နေ့ရက်​၌ ဘုရားသခင်​၏​ဘုန်း​တော်​ကို​ချီးမွမ်း​ကြ​လိမ့်မည်။

၁ ပေ 2:15

အဘယ်ကြောင့်​ဆိုသော် ကောင်း​သော​အမှု​ကို​ပြု​ခြင်း​အားဖြင့် မိုက်မဲ​သော​သူ​တို့​၏​အသိဉာဏ်​ကင်းမဲ့​မှု​ကို တိတ်ဆိတ်​စေ​ခြင်း​သည် ဘုရားသခင်​၏​အလို​တော်​ဖြစ်​၏။

၁ ပေ 3:16

သို့သော် နူးညံ့​သိမ်မွေ့​သော​စိတ်၊ ကြောက်ရွံ့​ရိုသေ​သော​စိတ်​နှင့် ကြည်လင်​သော​အသိစိတ်​တို့​ဖြင့် ဖြေရှင်း​ပြောဆို​ကြ​လော့။ သို့ပြုလျှင် ခရစ်တော်​၌​ရှိ​သည့် သင်​တို့​၏​ကောင်း​သော​အသက်ရှင်​နေထိုင်​မှု​ကို ကဲ့ရဲ့​ရှုတ်ချ​သော​သူ​တို့​သည် သင်​တို့​ကို ပုတ်ခတ်​ပြောဆို​သည့်​အတွက် အရှက်ရ​ကြ​လိမ့်မည်။