တမန်တော်ဝတ္ထု 5:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ အာနနိ​သည် ထို​စကား​တို့​ကို​ကြား​လျှင် လဲ​၍​သေဆုံး​လေ​၏။ ထို​အခြင်းအရာ​ကို ကြား​ရ​သော​သူ​အားလုံး​တို့​သည် အလွန်​ကြောက်ရွံ့​သွား​ကြ​၏။

Common Language Bible

⁵ ထို​စ​ကား​ကို​ကြား​သည်​နှင့်​တစ်​ပြိုင်​နက် အာ​န​နိ​သည်​လဲ​ကျ​သေ​ဆုံး​လေ​သည်။ ဤ အ​ဖြစ်​အ​ပျက်​အ​ကြောင်း​ကို​ကြား​ကြ​သူ အ​ပေါင်း​သည် လွန်​စွာ​ကြောက်​လန့်​ကြ​၏။-

Garrad Bible

⁵ ထို စ ကား ကို ကြား သော် အာ န နိ လဲ သေ၍ လူ ငယ် တို့ ထ လျက် အ လောင်း ကို ထုပ် ရစ် ပြီး လျှင်၊ ထမ်း သွား သင်္ဂြိုဟ် ကြ၏။ ကြား သိ သူ ခပ် သိမ်း တို့ လည်း ကြီး စွာ သော ကြောက် ရွံ့ ခြင်း ဖြစ် ကြ သ တည်း။

Judson Bible

⁵ ထို​စ​ကား​ကို​ကြား​လျှင်၊ အာ​န​နိ​သည် လဲ၍​သေ၏။ ထို​အ​ကြောင်း​အ​ရာ​ကို ကြား​သော​သူ​အ​ပေါင်း​တို့​သည် အ​လွန်​ကြောက်​လန့်​ခြင်း​သို့ ရောက်​ကြ၏။-

ခေတ်သစ်​မြန်မာ သမ္မာကျမ်း

⁵ ထို​စကား​ကို ကြား​သောအခါ အာနနိ​သည် လဲကျ​၍ သေဆုံးလေ၏။ ဤ​အဖြစ်ပျက်​ကို ကြားသော​သူ​ရှိသမျှတို့​သည် အလွန်​ထိတ်လန့်ကြ၏။

တမန်တော်ဝတ္ထု 5:5 Referencias Cruzadas

၄ ရာ 2:24

ဧလိရှဲ​က သူ​တို့​ကို​လှည့်​ကြည့်​ပြီး ထာဝရဘုရား​၏​နာမ​၌ ကျိန်ဆဲ​သဖြင့် တော​ထဲမှ​ဝံမ​နှစ်​ကောင်​ထွက်လာ​၍ လူငယ်​လေးဆယ့်​နှစ်​ယောက်​ကို ကိုက်ဖြတ်​လေ​၏​။

၁ ရာ​ချုပ် 13:12

ထို​နေ့​တွင် ဒါဝိဒ်​မင်းကြီး​သည် ဘုရားသခင်​ကို ကြောက်ရွံ့​သောကြောင့် “​ဘုရားသခင်​၏​သေတ္တာ​တော်​သည် ငါ့​ထံ မည်သို့​ရောက်လာ​နိုင်​မည်နည်း​”​ဟု တွေးတော​လေ​၏​။

၁ ရာ​ချုပ် 15:13

ယခင်က သေတ္တာ​တော်​ကို​သယ်ဆောင်​ရာ​တွင် သင်​တို့​မ​ပါ​ခဲ့​၊ ငါ​တို့​လည်း စီရင်ထုံးဖွဲ့ချက်​အတိုင်း မ​မေးလျှောက်​ဘဲ သယ်ဆောင်​ခဲ့​သောကြောင့် ငါ​တို့​၏​ဘုရားသခင်​ထာဝရဘုရား​သည် ငါ​တို့​ကို ဒဏ်ခတ်​တော်မူ​ခဲ့​ပြီ​”​ဟု မိန့်ဆို​၏​။

ဆာ​လံ 119:120

ကိုယ်တော်​ကို​ကြောက်ရွံ့​၍ အကျွန်ုပ်​အသား​သည် တဆတ်ဆတ်တုန်​နေ​ပါ​၏​။ ကိုယ်တော်​၏​စီရင်ထုံးဖွဲ့ချက်​တို့​ကို​လည်း အကျွန်ုပ်​ကြောက်ရွံ့​ပါ​၏​။

ဆာ​လံ 64:9

ထိုအခါ လူ​အပေါင်း​တို့​သည် ကြောက်ရွံ့​၍ ဘုရားသခင်​၏​လုပ်ဆောင်​တော်မူ​ချက်​ကို ပြောကြား​ကာ ကိုယ်တော်​ပြု​တော်မူ​သော​အမှု​ကို ဂရုပြု​ကြ​လိမ့်မည်​။

ယေ​ရ​မိ 5:14

သို့ဖြစ်၍ ကောင်းကင်​ဗိုလ်ခြေ​အရှင်​ဘုရားသခင်​ထာဝရဘုရား​က “​ထိုသို့ သူ​တို့​ပြော​သောကြောင့် ငါ့​စကား​ကို သင့်​နှုတ်​၌ မီး​ကဲ့သို့​ဖြစ်​စေ​၍ ဤ​လူမျိုး​ကို ထင်း​ကဲ့သို့​ဖြစ်​စေ​မည်​။ မီး​သည် သူ​တို့​ကို လောင်ကျွမ်း​လိမ့်မည်”​ဟု မိန့်​တော်မူ​၏​။

ယေ​ဇ​ကျေ​လ 11:13

ထို​အကြောင်း​ကို ငါ​ပရောဖက်ပြု​ဟောပြော​နေစဉ် ဗေနာယ​၏​သား​ပေလတိ သေ​လေ​၏​။ ထိုအခါ ငါ​သည် ပျပ်ဝပ်​လျက် “​အို ဘုရားရှင်​ထာဝရဘုရား​၊ ကိုယ်တော်​သည် ကြွင်းကျန်​သော​အစ္စရေး​တို့​ကို​ပါ အကုန်အစင်​ဖျက်ဆီး​တော်မူ​မည်လော​”​ဟု အသံကုန်​အော်ဟစ်​လျှောက်ဆို​လေ​၏​။

ဝတ်​ပြု 10:3

ထိုအခါ မောရှေ​က အာရုန်​အား “​ထာဝရဘုရား​က ‘​ငါ့​ထံသို့​ချဉ်းကပ်​သော​သူ​တို့​အား ငါ​သန့်ရှင်း​ကြောင်း ငါ​ထင်ရှား​ပြ​မည်​။ လူ​အပေါင်း​တို့​ရှေ့​၌ ငါ​သည် ဘုန်းအသရေ​ရှိ​မည်​’​ဟူ၍ မိန့်ဆို​ခဲ့​သည်​မှာ ဤ​အမှု​ကို​ဆိုလို​၏​”​ဟု ဆို​သော် အာရုန်​သည် တိတ်ဆိတ်​နေ​လေ​၏​။

တမန်တော်ဝတ္ထု 13:11

ကြည့်​လော့။ ထာဝရ​ဘုရား​၏​လက်​တော်​သည် ယခု​ပင် သင့်​အပေါ်သို့​ကျရောက်​သဖြင့် သင်​သည် မျက်စိကွယ်​လျက် ကာလ​အတန်ကြာ နေ​ကို​မ​မြင်​ဘဲ​နေ​လိမ့်မည်”​ဟု ဆို​၏။ ထို​ခဏချင်း​တွင် မှုန်ဝါး​ခြင်း​နှင့်​မှောင်မိုက်​ခြင်း​တို့​သည် သူ့​အပေါ်​ကျရောက်​သဖြင့် သူ​သည် လက်ဆွဲ​၍​လမ်းပြ​မည့်​သူ​ကို စမ်းတဝါးဝါး​လိုက်ရှာ​လေ​၏။

တမန်တော်ဝတ္ထု 2:43

လူ​အပေါင်း​တို့​၌ ကြောက်​စိတ်​ဖြစ်ပေါ်​ကြ​ပြီး တမန်တော်​တို့​သည်​လည်း များစွာ​သော​အံ့ဩဖွယ်ရာ​များ​နှင့် နိမိတ်​လက္ခဏာ​တို့​ကို​ပြု​ကြ​၏။

တမန်တော်ဝတ္ထု 5:13

အခြား​သော​သူ​တို့​မူကား သူ​တို့​နှင့်အတူ မ​ပေါင်းဖော်​ဝံ့​ကြ​ချေ။ သို့သော် လူ​တို့​သည် သူ​တို့​ကို​ချီးမွမ်း​ကြ​၏။

၁ ကော 4:21

သင်​တို့​သည် မည်သည့်​အရာ​ကို အလိုရှိ​ကြ​သနည်း။ ငါ​သည် သင်​တို့​ထံသို့ တုတ်​နှင့်​လာ​ရ​မည်​လော၊ သို့မဟုတ် မေတ္တာ​နှင့် နူးညံ့​သိမ်မွေ့​သော​စိတ်​တို့​ဖြင့် လာ​ရ​မည်​လော။

၂ ကော 13:10

ဤ​အကြောင်း​ကြောင့် ဖြိုဖျက်​ရန်​အတွက်​မ​ဟုတ်​ဘဲ တည်ဆောက်​ရန်​အတွက် ငါ့​အား သခင်​ဘုရား​ပေး​တော်မူ​သော​အခွင့်​အာဏာ​ကို ငါ​ရောက်လာ​သောအခါ ပြင်းထန်​စွာ​အသုံး​မ​ချ​ရ​ရန် ငါ​သည် သင်​တို့​နှင့်​ကွဲကွာ​နေ​စဉ် ဤ​အကြောင်းအရာ​များ​ကို ရေး​လိုက်​၏။

၂ ကော 13:2

ယခင် အပြစ်​ကျူးလွန်​ခဲ့​သူ​များ​နှင့် အခြား​သော​သူ​အပေါင်း​တို့​အား ဒုတိယ​အကြိမ်​ရောက်​ခဲ့​စဉ်​က ငါ​သတိပေး​ခဲ့​သည့်​အတိုင်း ယခု သင်​တို့​နှင့်​ကွဲကွာ​နေ​စဉ် ငါ​သတိပေး​သည်​ကား ငါ​သည် နောက်တစ်ဖန်​ရောက်လာ​လျှင် ညှာတာ​လိမ့်မည်​မ​ဟုတ်။

၂ ကော 7:11

ကြည့်​ကြ​လော့။ ဘုရားသခင်​၏​အလို​တော်​နှင့်​ညီ​သော ဤ​ဝမ်းနည်း​ခြင်း​သည် သင်​တို့​အထဲတွင် မည်သို့​သော ကြိုးစား​အားထုတ်​ခြင်း၊ ဖြေရှင်း​ချက်​ပေး​ခြင်း၊ မခံမရပ်​နိုင်​ဖြစ်​ခြင်း၊ ကြောက်ရွံ့​ခြင်း၊ အလွန်​တောင့်တ​ခြင်း၊ စိတ်အား​ထက်သန်​ခြင်း​နှင့် တရား​သဖြင့်​စီရင်​ခြင်း​တို့​ကို ဖြစ်ပေါ်​စေ​ခဲ့​သနည်း။ သင်​တို့​သည် ဤ​အမှု​၌​အပြစ်​ကင်းစင်​ကြောင်း သင်​တို့​ကိုယ်တိုင် အရာရာ​၌​ထင်ရှား​စေ​ကြ​ပြီ။

တ​ရား​ဟော 13:11

သို့မှသာ အစ္စရေး​လူမျိုး​အပေါင်း​တို့​သည်​ကြား​၍ ကြောက်ရွံ့​သဖြင့် သင်​တို့​တွင် ဤ​မကောင်းမှု​မျိုး​ကို နောက်တစ်ဖန်​မ​ပြု​ဘဲ​နေ​ကြ​လိမ့်မည်​။

တ​ရား​ဟော 21:21

မြို့သား​ယောက်ျား​အပေါင်း​တို့​သည် ထို​သူ​ကို ခဲ​နှင့်​အသေ​ပေါက်သတ်​ရ​မည်​။ ဤသို့ဖြင့် မကောင်းမှု​ကို သင့်​ထဲ​မှ​ဖယ်ရှား​ပစ်​ရ​မည်​။ သို့မှသာ အစ္စရေး​လူမျိုး​အပေါင်း​တို့​သည် ကြား​၍ ကြောက်ရွံ့​ကြ​လိမ့်မည်​။

ယော​ရှု 22:20

ဇေရ​အမျိုးသား​အာခန်​သည် ကျိန်​ခြင်း​ခံရ​သော​အရာ​ကို​ယူ​ခြင်း​ဖြင့် အပြစ်​ပြု​သောကြောင့် သူ​တစ်ယောက်တည်း သေ​သည်​မ​ဟုတ်​။ အစ္စရေး​လူထု​တစ်ရပ်လုံး အမျက်​တော်​ဒဏ်​ခံ​ခဲ့​ရ​သည်​မ​ဟုတ်​လော​’​ဟူ၍ ပြောဆို​ကြ​သည်​”​ဟု ဆို​၏​။

ဗျာ​ဒိတ် 11:13

ထို​အချိန်​နာရီ​၌​ပင် ပြင်းထန်​သော​ငလျင်​လှုပ်​၍ မြို့​၏​ဆယ်ပုံတစ်ပုံ​သည် ပြိုလဲ​သွား​၏။ ထို​ငလျင်​ကြောင့် လူ​ပေါင်း​ခုနစ်​ထောင်​သေ​ကြ​၏။ ကြွင်းကျန်​သော​သူ​တို့​သည် ကြောက်လန့်​ကြ​လျက် ကောင်းကင်​ဘုံ​ရှင်​ဘုရားသခင်​၏​ဘုန်း​တော်​ကို ချီးမွမ်း​ကြ​၏။

ဗျာ​ဒိတ် 11:5

တစ်စုံတစ်ယောက်​သည် သူ​တို့​ကို​အန္တရာယ်​ပြု​လို​ပါက သူ​တို့​၏​ခံတွင်း​ထဲမှ မီး​ထွက်လာ​၍ သူ​တို့​၏​ရန်သူ​များ​ကို လောင်ကျွမ်း​စေ​မည်​ဖြစ်​၏။ တစ်စုံတစ်ယောက်​သည် သူ​တို့​ကို​အန္တရာယ်​ပြု​လို​ပါက ထို​သူ​သည် ထိုနည်းအတိုင်း​အသေ​သတ်​ခြင်း​ခံ​ရ​မည်​ဖြစ်​၏။