တမန်တော်ဝတ္ထု 27:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထို​ဆိပ်ကမ်း​သည်​လည်း ဆောင်း​ခို​ရန်​မ​သင့်လျော်​သော​ဆိပ်ကမ်း​ဖြစ်​သောကြောင့် အများစု​က ထို​ဆိပ်ကမ်း​မှ​ရွက်လွှင့်​ပြီး ဖြစ်နိုင်​လျှင် အနောက်​တောင်​နှင့် အနောက်​မြောက်​သို့​မျက်နှာမူ​သည့် ကရေတေ​ကျွန်း​၏​ဖိနိတ်​ဆိပ်ကမ်း​သို့ တစ်နည်းနည်း​ဖြင့်​သွား​၍ ဆောင်းခို​မည်​ဟု ဆုံးဖြတ်​ကြ​၏။

Common Language Bible

¹² ဤ​ဆိပ်​ကမ်း​တွင်​ဆောင်း​ကာ​လ​ပတ်​လုံး​ရပ်​နား ရန်​မ​သင့်​သ​ဖြင့် လူ​များ​စု​က​ဤ​ဆိပ်​ကမ်း​မှ ထွက်​ခွာ​ပြီး​လျှင် ဖြစ်​နိုင်​ပါ​က​ဖိ​နိတ်​မြို့​သို့ ရောက်​အောင်​သွား​၍​ဆောင်း​ရာ​သီ​အ​တွက်​ရပ် နား​လို​ကြ​၏။ ဖိ​နိတ်​ဆိပ်​ကမ်း​ကား​က​ရေ​တေ ကျွန်း​တွင်​ရှိ​၍ အ​နောက်​တောင်​နှင့်​အ​နောက် မြောက်​သို့​မျက်​နှာ​မူ​လျက်​ရှိ​သ​တည်း။

Garrad Bible

¹² အ များ က လည်း ဆောင်း ခို ရန် ထို ဆိပ် ကမ်း မ သာ သော ကြောင့် အ နောက် မြောက် နှင့် အ နောက် တောင် သို့ မျက် နှာ မူ သော က ရေ တေ ကျွန်း ရှိ ဖိ နိတ် မြို့ ဆိပ် ကမ်း သို့ ရောက် နိုင် လျှင် လွှင့် ပြန်၍ ဆောင်း ခို ရန် အ ကြံ ပေး ကြ သည့် အ လျောက်၊

Judson Bible

¹² ထို​မြို့​ဆိပ်၌ ဆောင်း​ကာ​လ​ပတ်​လုံး မ​နေ​သင့်​သော​ကြောင့် တစ်​ဖန်​လွှတ်​ပြန်၍ ဖိ​နိတ်​မြို့​ဆိပ်​သို့​မီ​နိုင်​လျှင်၊ ထို​ဆိပ်၌ ဆောင်း​ကာ​လ​ကို လွန်​စေ​သော် သာ၍​ကောင်း​မည်​ဟု လူ​အ​များ​တို့​သည် ဆို​ကြ၏။ ဖိ​နိတ်​ဆိပ်​ကား က​ရေ​တေ​ကျွန်း၌ ရှိ၏။ အ​နောက်​မြောက်​သို့​လည်း​ကောင်း၊ အ​နောက်​တောင်​သို့​လည်း​ကောင်း မျက်​နှာ​ပြု၏။

ခေတ်သစ်​မြန်မာ သမ္မာကျမ်း

¹² ထို​ဆိပ်ကမ်း​သည် ဆောင်းခို​ရန်​မသင့်လျော်​သဖြင့် ထို​နေရာ​မှ​ခွာ​ကာ ဖြစ်နိုင်​ပါက ဖိနိတ်မြို့​သို့​ရောက်ရှိ​၍ ဖိနိတ်ဆိပ်ကမ်း​တွင် ဆောင်းခို​နိုင်ရန်​အတွက် လူ​အများစု​က အကြံပြုကြ၏။ ထို​ဆိပ်ကမ်း​သည် ကရေတေကျွန်း​ရှိ​ဆိပ်ကမ်း​ဖြစ်ပြီး အနောက်တောင်​နှင့် အနောက်မြောက်​ဘက်​သို့ မျက်နှာမူ​လျက်​ရှိ၏။

တမန်တော်ဝတ္ထု 27:12 Referencias Cruzadas

ဆာ​လံ 107:30

ထိုသို့ ငြိမ်သက်​သွား​သောကြောင့် သူ​တို့​သည် ဝမ်းမြောက်​ကြ​၏​။ ကိုယ်တော်​သည်​လည်း သူ​တို့​အလိုရှိ​ရာ​ဆိပ်ကမ်း​သို့ သူ​တို့​ကို​ပို့ဆောင်​တော်မူ​၏​။

တမန်တော်ဝတ္ထု 2:11

ကရေတေ​ကျွန်းသား​များ၊ အာရပ်​ပြည်သား​များ​လည်း​ရှိ​ကြ​၏။ သို့ဖြစ်လျက်နှင့် ဤ​သူ​တို့​သည် ဘုရားသခင်​၏​အံ့ဖွယ်​သော​အမှု​တို့​ကို ငါ​တို့​၏​ဘာသာ​စကား​များ​ဖြင့် ပြောဆို​နေ​ကြ​သည်​ကို ငါ​တို့​ကြား​ရ​ပါ​သည်​တကား”​ဟု ပြောဆို​ကြ​၏။

တမန်တော်ဝတ္ထု 27:13

တောင်​လေ​ဖြည်းညင်း​စွာ​တိုက်ခတ်​လာ​သောအခါ သူ​တို့​သည် အကြံအစည်​အောင်မြင်​ပြီ​ဟု​ထင်မှတ်​လျက် ကျောက်ဆူး​ကို​နုတ်​ပြီးလျှင် ကရေတေ​ကျွန်း​၏​ကမ်းခြေ​ကို​ကပ်​၍ ရွက်လွှင့်​ကြ​၏။

တမန်တော်ဝတ္ထု 27:21

လူ​တို့​သည် ကြာမြင့်​စွာ​အစာ​မ​စား​ဘဲ​နေ​ကြ​သောအခါ ပေါလု​သည် သူ​တို့​အလယ်​၌​ရပ်​လျက် “အို မိတ်ဆွေ​တို့၊ သင်​တို့​သည် အကျွန်ုပ်​၏​စကား​ကို​နားထောင်​၍ ကရေတေ​ကျွန်း​မှ​မ​ထွက်ခွာ​ဘဲ နေ​သင့်​ပေ​သည်။ သို့ပြုလျှင် ဤ​ဘေးအန္တရာယ်​နှင့်​ဆုံးရှုံး​မှု​တို့​မှ ကင်းလွတ်​ခဲ့​ရ​ကြ​ပေ​လိမ့်မည်။

တမန်တော်ဝတ္ထု 27:7

ရက်​ပေါင်း​များစွာ​တစ်ရွေ့ရွေ့​ရွက်လွှင့်​ကြ​ပြီးနောက် ကနိဒ်​မြို့​နား​သို့ ခက်ခဲ​စွာ​ဖြင့်​ရောက်ရှိ​ကြ​၏။ ငါ​တို့​သည် လေ​ကြောင့် ဆက်​မ​သွား​နိုင်​တော့​သဖြင့် သာလမုန်​အငူ​နား​မှ​ဖြတ်​၍ ကရေတေ​ကျွန်း​၏​လေကွယ်​ရာ​ဘက်​မှ ရွက်လွှင့်​သွား​ကြ​၏။

တမန်တော်ဝတ္ထု 27:8

ကမ်းရိုးတန်း​တစ်လျှောက် ခက်ခဲ​စွာ​ရွက်လွှင့်​သွား​ပြီးနောက် လာသဲ​မြို့​အနီး​ရှိ ဆိပ်ကမ်း​သာ​ဟု​ခေါ်​သော​အရပ်​သို့​ရောက်​ကြ​၏။

တိ​တု 1:12

ကရေတေ​ကျွန်းသား​များ​ထဲမှ သူ​တို့​၏​အမျိုးသား​ချင်း​ပရောဖက်​တစ်​ဦး​က “ကရေတေ​ကျွန်းသား၊ လူလိမ်​များ​ကား၊ ဆိုးသွမ်း​သားရဲ၊ မြဲ​စား​ကြူး​သူ၊ ပျင်းရိ​လူ”​ဟု စပ်ဆို​ထား​၏။

တိ​တု 1:5

ကရေတေ​ကျွန်း​တွင် သင့်​ကို ငါ​ထားခဲ့​ခြင်း​မှာ သင့်​အား ငါ​မှာကြား​ထား​သည့်​အတိုင်း လိုအပ်​သည့်​အရာ​များ​ကို စီမံ​ဆောင်ရွက်​ရန်​နှင့် မြို့​တိုင်း​တွင် အသင်းတော်​အကြီးအကဲ​များ​ကို ခန့်ထား​ရန်​အတွက်​ဖြစ်​၏။