တမန်တော်ဝတ္ထု 13:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ ထို့နောက် ခါနာန်​ပြည်​ရှိ​လူမျိုး​ခုနစ်​မျိုး​တို့​ကို ဖျက်ဆီး​၍ သူ​တို့​၏​တိုင်းပြည်​ကို လူမျိုး​တော်​အား အမွေ​အဖြစ်​ခွဲဝေ​ပေး​တော်မူ​၏။

Common Language Bible

¹⁹ ထို​နောက်​ခါ​နာန်​ပြည်​နေ​လူ​ခု​နစ်​မျိုး​တို့ ကို​ဖယ်​ရှား​ပြီး​လျှင်​ထို​ပြည်​ကို၊-

Garrad Bible

¹⁹ ခါ နာန် ပြည် နေ လူ ခု နစ် မျိုး ကို ဖျက် ဆီး လျက် ထို ပြည် ကို နှစ် ပေါင်း လေး ရာ့ ငါး ဆယ် အ တွင်း အ ပိုင် ရ စေ ပြီး လျှင်၊

Judson Bible

¹⁹ ခါ​နာန်​ပြည်၌ လူ​ခု​နစ်​မျိုး​တို့​ကို ပယ်​ရှား​ပြီး​လျှင်၊ ထို​ပြည်​ကို ဣ​သ​ရေ​လ​အ​မျိုး​အား အ​မွေ​ပေး​ကမ်း ဝေ​ငှ​တော်​မူ၏။-

ခေတ်သစ်​မြန်မာ သမ္မာကျမ်း

¹⁹ ခါနန်ပြည်​ရှိ လူမျိုး​ခုနစ်မျိုး​ကို ဖျက်ဆီးတော်မူ​ပြီးမှ ထို​သူတို့​၏​ပြည်​ကို အစ္စရေးလူမျိုးတို့​အား အမွေ​အဖြစ်​ခွဲဝေပေးတော်မူ၏။

တမန်တော်ဝတ္ထု 13:19 Referencias Cruzadas

ကမ္ဘာ​ဦး 12:5

အာဗြံ​သည် မိမိ​မယား​စာရဲ​နှင့် မိမိ​တူ​လောတ​ကို​လည်းကောင်း​၊ သူ​တို့​စုဆောင်း​ရရှိ​သော​ဥစ္စာ​ရှိသမျှ​နှင့် ဟာရန်​မြို့​၌ ရရှိ​သော​လူ​တို့​ကို​လည်းကောင်း ခေါ်ဆောင်​၍ ခါနာန်​ပြည်​သို့​သွား​ရန်​ထွက်ခွာ​လေ​၏​။ ထို့နောက် သူ​တို့​သည် ခါနာန်​ပြည်​သို့​ရောက်​ကြ​၏​။

ကမ္ဘာ​ဦး 17:8

သင်​တည်းခိုနေထိုင်​သော​ပြည်​ဖြစ်​သည့် ခါနာန်​ပြည်​တစ်ပြည်လုံး​ကို သင်​နှင့်​နောင်လာမည့် သင်​၏​သားစဉ်မြေးဆက်​အား အစဉ်အမြဲ​ပိုင်ဆိုင်​ရာ​အဖြစ် ငါ​ပေး​မည်​။ ငါ​သည် သူ​တို့​၏​ဘုရား​ဖြစ်​မည်​”​ဟု မိန့်​တော်မူ​၏​။

၃ ရာ 6:1

ရှောလမုန်​မင်းကြီး​သည် အစ္စရေး​အမျိုးသား​တို့ အီဂျစ်​ပြည်​မှ​ထွက်လာ​ပြီး နှစ်​ပေါင်း​လေး​ရာ​ရှစ်ဆယ်​အကြာ​၊ အစ္စရေး​လူမျိုး​တို့​ကို​အုပ်ချုပ်​သည့် လေး​နှစ်​မြောက်​၊ ဇိဖ​ဟု​ခေါ်​သော ဒုတိယ​လ​တွင် ထာဝရဘုရား​အဖို့ အိမ်​တော်​ကို စတင်​တည်ဆောက်​၏​။

နေ​ဟ​မိ 9:24

သူ​တို့​၏​သားမြေး​တို့​သည် ထို​ပြည်​ကို​ဝင်ရောက်​သိမ်းပိုက်​သောအခါ ကိုယ်တော်​သည် ထို​ပြည်သား​ခါနာန်​လူမျိုး​တို့​ကို သူ​တို့​ရှေ့​တွင်​နှိမ်နင်း​တော်မူ​၏​။ ရှင်ဘုရင်​နှင့်တကွ ပြည်သူပြည်သား​တို့​ကို သူ​တို့​လက်​သို့​အပ်​တော်မူ​၍ သူ​တို့​အလိုရှိ​သည့်​အတိုင်း​ပြု​ကြ​၏​။

ဆာ​လံ 135:11

၎င်း​တို့​တွင် အာမောရိ​ဘုရင် ရှိဟုန်​၊ ဗာရှန်​ဘုရင် ဩဃ​နှင့် ခါနာန်​တိုင်းနိုင်ငံ​အပေါင်း​တို့​ပါ​၏​။

ဆာ​လံ 78:55

ထို့နောက် လူမျိုးခြား​တို့​ကို သူ​တို့​ရှေ့​မှ​နှင်ထုတ်​တော်မူ​ပြီး အမွေ​အဖြစ် တိုင်းတာ​သတ်မှတ်​ထား​သော​နယ်မြေ​အလိုက် သူ​တို့​ကို​ခွဲဝေ​ပေး​၍ အစ္စရေး​အမျိုးအနွယ်​တို့​အား မိမိ​တို့​တဲ​များ​၌ နေထိုင်​စေ​တော်မူ​၏​။

ဟေ​ရှာ​ယ 34:17

ထို​အကောင်​တို့​အတွက် နေရာ​ချ​ပေး​တော်မူ​ပြီ​။ ကိုယ်တော်​၏​လက်​တော်​သည် မျဉ်းကြိုး​တန်း​၍ နေရာ​ခွဲဝေ​ပေး​တော်မူ​ပြီ​။ ထို​အကောင်​တို့​သည် ထို​ပြည်​ကို အစဉ်အမြဲ​ပိုင်ဆိုင်​၍ မျိုးဆက်အဆက်ဆက် နေထိုင်​ကြ​လိမ့်မည်​။

တမန်တော်ဝတ္ထု 7:45

ငါ​တို့​၏​ဘိုးဘေး​များ​သည် ထို​တဲ​တော်​ကို​ဆက်ခံ​၍ ငါ​တို့​ဘိုးဘေး​များ​ရှေ့​မှ ဘုရားသခင်​နှင်ထုတ်​တော်မူ​သော လူမျိုးခြား​တို့​၏​ပြည်​ကို သူ​တို့​သိမ်းပိုက်​ကြ​သောအခါ ယောရှု​နှင့်အတူ ၎င်း​ကို​သယ်ဆောင်​လာ​ကြ​၏။ ထို​တဲ​တော်​သည် ဒါဝိဒ်​လက်ထက်​တိုင်အောင်​ရှိ​ခဲ့​၏။

တ​ရား​ဟော 7:1

သင်​တို့​၏​ဘုရားသခင်​ထာဝရဘုရား​သည် သင်​တို့​ဝင်ရောက်​သိမ်းပိုက်​မည့်​ပြည်​သို့ သင်​တို့​ကို ပို့ဆောင်​သောအခါ လူမျိုးခြား​များ​ဖြစ်​သော​ဟိတ္တိ​လူမျိုး​၊ ဂိရဂါရှိ​လူမျိုး​၊ အာမောရိ​လူမျိုး​၊ ခါနာန်​လူမျိုး​၊ ဖေရဇိ​လူမျိုး​၊ ဟိဝိ​လူမျိုး​၊ ယေဗုသိ​လူမျိုး စသည့် သင့်​ထက်​ကြီးမြတ်​သော​လူမျိုး​၊ အင်အားကြီး​သော​လူမျိုး​ခုနစ်​မျိုး​ကို သင်​တို့​ရှေ့​မှ နှင်ထုတ်​တော်မူ​မည်​။

ယော​ရှု 14:1

ခါနာန်​ပြည်​တွင် ယဇ်ပုရောဟိတ် ဧလာဇာ​၊ နုန်​၏​သား ယောရှု​နှင့် အစ္စရေး​အမျိုးအနွယ်​တို့​၏​အိမ်ထောင်စု​အကြီးအမှူး​များ​က အမွေခွဲ​ပေး​၍ အစ္စရေး​အမျိုးသား​တို့ ရရှိ​သော​အမွေမြေ​ကား ဤသို့​တည်း​။

ယော​ရှု 18:10

ယောရှု​လည်း ရှိလော​မြို့​တွင် ထာဝရဘုရား​ရှေ့​တော်​၌ မဲချ​၍ အစ္စရေး​လူမျိုး​တို့​အား မျိုးနွယ်စု​အလိုက် အမွေ​မြေ​ကို ခွဲဝေ​ပေး​၏​။

ယော​ရှု 19:51

ဤရွေ့ကား ရှိလော​အရပ်​၊ တွေ့ဆုံစည်းဝေးရာ​တဲ​တော်​အဝင်ဝ​၊ ထာဝရဘုရား​ရှေ့​တော်​တွင် ယဇ်ပုရောဟိတ်​ဧလာဇာ​၊ နုန်​၏​သား​ယောရှု​၊ အစ္စရေး​အမျိုးအနွယ်​တို့​၏​ခေါင်းဆောင်​တို့​က မဲချ​ခွဲဝေ​ပေး​သော​အမွေမြေ​များ ဖြစ်​၏​။ ဤသို့ဖြင့် ပြည်​ကို​ခွဲဝေယူ​ခြင်း​အမှု ပြီးစီး​လေ​၏​။

ယော​ရှု 23:4

ကြည့်​ပါ​။ ဂျော်ဒန်​မြစ်​မှစ၍ အနောက်ဘက် မြေထဲပင်လယ်​တိုင်အောင် ငါ​သုတ်သင်​ဖယ်ရှား​ခဲ့​သော​လူမျိုး​အပါအဝင် ကျန်နေ​သေး​သော​လူမျိုး​တို့​၏​ပြည်​ကို သင်​တို့​၏​အမျိုးအနွယ်​များ​အား အမွေ​အဖြစ် ငါ​မဲချ​ခွဲဝေ​ပေး​ခဲ့​ပြီ​။

ယော​ရှု 24:11

သင်​တို့​သည် ဂျော်ဒန်​မြစ်​ကို​ကူး​၍ ဂျေရိခေါ​မြို့​သို့​ရောက်​သောအခါ ဂျေရိခေါ​မြို့သား​တို့​အပါအဝင် အာမောရိ​လူမျိုး​၊ ဖေရဇိ​လူမျိုး​၊ ခါနာန်​လူမျိုး​၊ ဟိတ္တိ​လူမျိုး​၊ ဂိရဂါရှိ​လူမျိုး​၊ ဟိဝိ​လူမျိုး​နှင့် ယေဗုသိ​လူမျိုး​တို့​သည် သင်​တို့​ကို​တိုက်ခိုက်​ကြ​၏​။ ထို​သူ​တို့​ကို​လည်း သင်​တို့​လက်​သို့ ငါ​အပ်​၏​။

သူ​ကြီး 11:26

အစ္စရေး​လူမျိုး​တို့ ဟေရှဘုန်​မြို့​နှင့်​ဝန်းကျင်​ရှိ​မြို့ရွာ​များ​၊ အာရော်​မြို့​နှင့်​ဝန်းကျင်​ရှိ​မြို့ရွာ​များ​၊ အာနုန်​ချောင်း​ဘေး​တစ်လျှောက်​ရှိ​မြို့ရွာ​ရှိသမျှ​တို့​၌ နှစ်​ပေါင်း​သုံး​ရာ​နေထိုင်​ကြ​စဉ်​အခါက အဘယ်ကြောင့် သင်​တို့ ပြန်​မ​သိမ်းယူ​ခဲ့​သနည်း​။