ဇေဖနိ 3:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ထို​မြို့​သည် အသံ​တော်​ကို နား​မ​ထောင်​၊ ဆုံးမပဲ့ပြင်​ခြင်း​ကို မ​ခံယူ​၊ ထာဝရဘုရား​ကို မ​ကိုးစား​၊ ဘုရားသခင်​ထံ မ​ဆည်းကပ်​သော​မြို့​ဖြစ်​၏​။

Common Language Bible

² ထို​မြို့​သည်​ထာ​ဝ​ရ​ဘု​ရား​၏​ဗျာ​ဒိတ်​တော် ကို​နား​မ​ထောင်။ ကိုယ်​တော်​၏​စည်း​ကမ်း​ကို မ​လိုက်​နာ။ ကိုယ်​တော်​ကို​ယုံ​ကြည်​ကိုး​စား မှု​မ​ပြု။ ကိုယ်​တော်​၏​ကူ​မ​မှု​ကို​လည်း​မ တောင်း​ခံ​ခဲ့။-

Garrad Bible

² ဗျာ ဒိတ် တော် ကို နား ထောင် ခြင်း၊ အ ဆုံး အ မ တော် ကို နာ ယူ ခြင်း၊ ထာ ဝ ရ ဘု ရား ကို အား ကိုး ခြင်း၊ ကိုယ့် ဘု ရား သ ခင့် ထံ ချဉ်း ကပ် ခြင်း များ ကို၊ မ ပြု သည့် အ လျောက်၊

Judson Bible

² နှုတ်​က​ပတ်​တော်​အ​သံ​ကို နား​မ​ထောင်၊ ဆုံး​မ​တော်​မူ​ခြင်း​ကို​မ​ခံ၊ ထာ​ဝ​ရ​ဘု​ရား​ကို မ​ခို​လှုံ၊ မိ​မိ ဘု​ရား​သ​ခင့်​ထံ​တော်​သို့ မ​ချဉ်း​ကပ်၊

ဇေဖနိ 3:2 Referencias Cruzadas

နေ​ဟ​မိ 9:26

သို့သော် သူ​တို့​သည် နာခံမှု​မ​ရှိ​။ ကိုယ်တော်​ကို​ပုန်ကန်​ကြ​၏​။ ပညတ်တရား​ကို ကျောခိုင်း​ကြ​၏​။ ကိုယ်တော့်​ထံသို့​ပြန်လာ​ရန် သူ​တို့​ကို​သတိပေး​သော ကိုယ်တော်​၏​ပရောဖက်​များ​ကို​သတ်ဖြတ်​ကြ​၏​။ လွန်စွာ​ပြစ်မှားစော်ကား​ကြ​၏​။

ဆာ​လံ 10:4

ဆိုးယုတ်​သော​သူ​သည် ဘဝင်မြင့်​၍ ကိုယ်တော်​ကို​မ​ရှာ​တတ်​။ “​ဘုရားသခင်​မ​ရှိ​”​ဟု အစဉ်​တွေးတော​တတ်​၏​။

ဆာ​လံ 50:17

အကြောင်းမူကား သင်​သည် ဆုံးမပဲ့ပြင်​ခြင်း​ကို​မုန်း​၏​။ ငါ​၏​စကား​တို့​ကို သင့်​နောက်၌​သာ ပစ်ထား​၏​။

ဆာ​လံ 73:28

အကျွန်ုပ်​အတွက်​မူကား ဘုရားသခင်​ထံ​တော်​သို့​ချဉ်းကပ်​ခြင်း​သည် ကောင်းမြတ်​ပါ​၏​။ အကျွန်ုပ်​သည် ကိုယ်တော်​၏​အမှု​တော်​ရှိသမျှ​တို့​ကို ပြောကြား​ရန် ဘုရားရှင်​ထာဝရဘုရား​ကို အကျွန်ုပ်​၏​ခိုလှုံ​ရာ​ဖြစ်​စေ​ပါ​၏​။

ဆာ​လံ 78:22

အကြောင်းမူကား သူ​တို့​သည် ဘုရားသခင်​ကို​မ​ယုံကြည်​ကြ​။ ကိုယ်တော်​၏​ကယ်တင်​ခြင်း​ကို​လည်း ယုံကြည်ကိုးစား​ခြင်း​မ​ရှိ​ကြ​။

သုတ္တံကျမ်း။ 1:7

ထာဝရဘုရား​ကို​ကြောက်ရွံ့​ခြင်း​သည် အသိပညာ​၏​အရင်းအမြစ်​ဖြစ်​၏​။ ဆိုးမိုက်​သော​သူ​တို့​သည် ဉာဏ်ပညာ​နှင့် ဆုံးမပဲ့ပြင်​ခြင်း​ကို မထီမဲ့မြင်ပြု​တတ်​ကြ​၏​။

သုတ္တံကျမ်း။ 5:12

“​ငါ​သည် ဆုံးမပဲ့ပြင်​ခြင်း​ကို​မုန်း​၍ ငါ​၏​စိတ်နှလုံး​သည် ဆိုဆုံးမစကား​ကို မထီလေးစား​ပြု​ခဲ့​၏​။

ဟေ​ရှာ​ယ 1:5

သင်​တို့​သည် အဘယ်ကြောင့် ထပ်၍​အရိုက်​ခံ​လို​သေး​သနည်း​။ အဘယ်ကြောင့် ထပ်၍​ပုန်ကန်​ကြ​သနည်း​။ ဦးခေါင်း​တစ်ခုလုံး အနာ​ဖြစ်​ပြီ​။ စိတ်နှလုံး​လည်း ညှိုးနွမ်း​ကုန်​ပြီ​။

ဟေ​ရှာ​ယ 29:13

ဘုရားရှင်​က​လည်း “​ဤ​လူမျိုး​သည် နှုတ်​ဖြင့် ချဉ်းကပ်​၍ နှုတ်ခမ်း​ဖြင့် ငါ့​ကို​ဂုဏ်ပြုချီးမွမ်း​ကြ​၏​။ သူ​တို့​၏​စိတ်နှလုံး​မူကား ငါ​နှင့်​ဝေး​လှ​၏​။ သူ​တို့​သည် လူ​တို့​သွန်သင်​သော​ပညတ်ချက်​အရ ငါ့​ကို ကြောက်ရွံ့​ကြ​၏​။

ဟေ​ရှာ​ယ 31:1

အစ္စရေး​လူမျိုး​၏​သန့်ရှင်း​သော​ဘုရား​ကို မ​မျှော်ကြည့်​၊ ထာဝရဘုရား​ကို မ​ရှာ​ဘဲ အီဂျစ်​ပြည်​၏​မြင်း​များ​၊ များစွာ​သော​စစ်ရထား​၊ အလွန်​အားကြီး​သော​မြင်းစီးသူရဲ​တို့​ကို ကိုးစား​မှီဝဲ​ပြီး အီဂျစ်​ပြည်​သို့​သွား​၍ အကူအညီ​တောင်း​သူ​တို့​သည် အမင်္ဂလာ​ရှိ​ကြ​၏​။

ဟေ​ရှာ​ယ 43:22

သို့သော်လည်း အို ယာကုပ်​အမျိုး​၊ သင်​သည် ငါ့​ကို​မ​ခေါ်​။ အို အစ္စရေး​လူမျိုး​၊ သင်​သည် ငါ့​ကို​ငြီးငွေ့​လေ​ပြီ​။

ဟေ​ရှာ​ယ 9:12

အရှေ့ဘက်​မှ ဆီးရီးယား​လူမျိုး​၊ အနောက်ဘက်​မှ ဖိလိတ္တိ​လူမျိုး​တို့​သည် အစ္စရေး​လူမျိုး​ကို အငမ်းမရ​ဝါးမျို​ကြ​လိမ့်မည်​။ ဤ​အရာ​အလုံးစုံ​ဖြစ်စေကာမူ အမျက်​တော်​မ​ပြေ​၊ လက်​တော်​သည် ဆန့်​လျက်​ရှိ​သေး​၏​။

ယေ​ရ​မိ 13:25

ထာဝရဘုရား​က “​သင်​သည် ငါ့​ကို​မေ့လျော့​၍ အချည်းနှီး​သော​အရာ​ကို ယုံကြည်ကိုးစား​သောကြောင့် ဤသည်ကား သင့်​ကို ငါ​ခွဲဝေ​ပေး​သော ဝေစု​ဖြစ်​၏​။

ယေ​ရ​မိ 2:30

“ငါ​သည် သင်​တို့​၏​သားသမီး​များ​ကို ဆုံးမ​သော်လည်း အကျိုးမရှိ​။ သူ​တို့​သည် ဆုံးမပဲ့ပြင်​ခြင်း​ကို​လက်​မ​ခံ​ကြ​။ သင်​တို့​၏​ဓား​သည် သွေးဆာ​နေ​သော​ခြင်္သေ့​ကဲ့သို့ ပရောဖက်​များ​ကို ဝါးမျို​လေ​ပြီ​။

ယေ​ရ​မိ 22:21

သင်​ကောင်းစား​စဉ်​အခါက သင့်​အား ငါ​သတိပေး​သော်လည်း သင်​က ‘​ငါ​နား​မ​ထောင်​’​ဟု ပြန်ပြော​၏​။ ငယ်စဉ်​ကပင် ငါ့​စကား​ကို​နား​မ​ထောင်​ဘဲ​နေ​သည်​မှာ သင်​၏​အကျင့်​ဖြစ်​၏​။

ယေ​ရ​မိ 32:33

သူ​တို့​ကို အကြိမ်ကြိမ်​ဆုံးမ​သွန်သင်​သော်လည်း သူ​တို့​သည် ဆုံးမပဲ့ပြင်​ခြင်း​ကို မ​နာခံ​ဘဲ ငါ့​ကို​မျက်နှာလွှဲ​၍ ကျောခိုင်း​သွား​ကြ​ပြီ​။

ယေ​ရ​မိ 35:13

“အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က သင်​သည် ယုဒ​ပြည်သူ ဂျေရုဆလင်​မြို့သား​တို့​ထံ​သွား​၍ သူ​တို့​အား ‘ထာဝရဘုရား​က ငါ​ဆုံးမပဲ့ပြင်​သော​စကား​ကို သင်​တို့​နား​မ​ထောင်​ကြ​။

ယေ​ရ​မိ 35:17

အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ဘုရားသခင်​ထာဝရဘုရား​က ‘ကြည့်ရှု​လော့​။ ယုဒ​ပြည်သူ ဂျေရုဆလင်​မြို့သား​တို့​သည် ငါ​မိန့်ဆို​သော်လည်း ငါ့​စကား​ကို နား​မ​ထောင်​ကြ​၊ ငါ​ခေါ်​သော်လည်း သူ​တို့​မ​ထူး​ကြ​သောကြောင့် ငါ​မိန့်ဆို​ခဲ့​သည့်​အတိုင်း ဘေးအန္တရာယ်​အလုံးစုံ​ကို သူ​တို့​အပေါ် ကျရောက်​စေ​မည်’​ဟူ၍ မိန့်​တော်မူ​သည်​”​ဟု မိန့်ဆို​၏​။

ယေ​ရ​မိ 5:3

အို ထာဝရဘုရား​၊ ကိုယ်တော်​သည် သစ္စာတရား​ကို လိုလား​တော်မူ​သည်​မ​ဟုတ်​လော​။ ကိုယ်တော်​သည် သူ​တို့​ကို​ဒဏ်ခတ်​သော်လည်း သူ​တို့​မ​နာ​ကြ​။ သူ​တို့​ကို​ဖျက်ဆီး​သော်လည်း ဆုံးမပဲ့ပြင်​ခြင်း​ကို​မခံယူ​ကြ​။ သူ​တို့​သည် မိမိ​တို့​၏​မျက်နှာ​ကို ကျောက်တုံး​ထက်​ပင် မာကျော​စေ​ကြ​၏​။ ကိုယ်တော့်​ထံ ပြန်လာ​ရန် ငြင်းဆို​ကြ​၏​။

ယေ​ဇ​ကျေ​လ 22:24

“​အချင်း​လူသား​၊ ထို​မြို့​အား ‘​အမျက်ထွက်​တော်မူ​ရာ​နေ့​တွင် သင်​သည် မ​စင်ကြယ်​သော​မြို့​၊ မိုး​မ​စို​သော​မြို့ ဖြစ်​၏’​ဟု ဆင့်ဆို​လော့​။

ယေ​ဇ​ကျေ​လ 24:13

သင်​ပြု​သော​ညစ်ညမ်းမှု​များ​ကြောင့် သင့်​ကို​အညစ်အကြေး​များ ကပ်​နေ​လေ​ပြီ​။ ငါ​သည် သင့်​ကို​စင်ကြယ်​အောင်​လုပ်​သော်လည်း သင်​မ​စင်ကြယ်​နိုင်​။ သင့်​အပေါ်​ကျရောက်​သော ငါ့​အမျက်ဒေါသ​မ​ပြေ​မ​ချင်း သင်​စင်ကြယ်​ခွင့်​ရ​မည်​မ​ဟုတ်​။

ဇေဖနိ 1:6

ထာဝရဘုရား​နောက်​တော်​သို့​မ​လိုက်​ဘဲ လှည့်ပြန်​သော​သူ​များ​၊ ထာဝရဘုရား​ကို မ​ရှာဖွေ မ​စူးစမ်း​သော​သူ​များ​ကို ငါ​ဖျက်ဆီး​ပစ်​မည်​။”

၂ တိ 3:16

ကျမ်းစာ​ထဲ၌​ရေး​ထား​သမျှ​တို့​သည် ဘုရားသခင်​မှုတ်သွင်း​တော်မူ​သော​အားဖြင့်​ဖြစ်၍ ဩဝါဒ​ပေး​ခြင်း​အတွက်​လည်းကောင်း၊ အပြစ်​ကို​ဖော်ပြ​ခြင်း​အတွက်​လည်းကောင်း၊ အမှား​ကို​ပြုပြင်​ခြင်း​အတွက်​လည်းကောင်း၊ ဖြောင့်မတ်​ခြင်း​၌ ဆုံးမ​ပဲ့ပြင်​ခြင်း​အတွက်​လည်းကောင်း အကျိုးကျေးဇူး​ရှိ​၏။

ဟေ​ဗြဲ 10:22

ငါ​တို့​၏​စိတ်နှလုံး​ကို ဆိုးညစ်​သော​အသိစိတ်​နှင့်​ကင်းစင်​စေရန် ပက်ဖျန်း​ခြင်း​ခံယူ​လျက် ကိုယ်ခန္ဓာ​ကို​လည်း စင်ကြယ်​သော​ရေ​ဖြင့်​ဆေးကြော​ကာ ယုံကြည်​ခြင်း​နှင့်ဆိုင်သော​စိတ်ချမှု​အပြည့်အဝ​နှင့် ဖြောင့်မှန်​သော​စိတ်နှလုံး​တို့​ဖြင့် အထံ​တော်​သို့ တိုးဝင်​ချဉ်းကပ်​ကြ​ကုန်စို့။