ဇာ​ခ​ရိ 9:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ ငါ့​အိမ်​တော်​၌ ကျူးကျော်​ဝင်ရောက်​သူ​မ​ရှိ​အောင် ကင်းစောင့်​ချ​ထား​မည်​။ ငါ​ကိုယ်တိုင်​စောင့်ကြည့်​မည်​ဖြစ်၍ ညှဉ်းဆဲ​တတ်​သော​သူ​တို့ နောက်တစ်ဖန် မ​ကျူးကျော်​ရ​။

Common Language Bible

⁸ ငါ​သည်​မိ​မိ​၏​ပြည်​တော်​ကို​အ​ဘယ်​တပ် မျှ​ဖြတ်​သန်း​၍ မ​သွား​နိုင်​စေ​ရန်​ကာ​ကွယ် စောင့်​ထိန်း​မည်။ မင်း​ဆိုး​မင်း​ညစ်​တို့​အား​လည်း ငါ​၏​လူ​မျိုး​တော်​ကို​ညှင်း​ပန်း​နှိပ်​စက်​ခွင့် ပြု​တော့​မည်​မ​ဟုတ်။ ငါ​၏​လူ​တို့​ဒုက္ခ​ခံ​စား ခဲ့​ရ​သည်​ကို​ငါ​မြင်​တော်​မူ​ပြီ'' ဟု​မိန့် တော်​မူ​ပါ​၏။

Garrad Bible

⁸ ငါ သည် ဒိ ဋ္ဌ မြင် ခဲ့ ရ သည် ဖြစ် ၍၊ ညှဉ်း ဆဲ သူ ထွက် ဝင် ဖြတ် သွား ခွင့် မ ရ စေ ခြင်း ငှာ၊ ဗိ မာန် တော် ကို ကွယ် ကာ ရန်၊ ကင်း တပ် သ ဖွယ် စွဲ ရပ် မည် ဟူ၍ တည်း။

Judson Bible

⁸ အ​ဘယ်​ရန်​သူ​မျှ မ​ထွက်​မ​ဝင်​စေ​ခြင်း​ငှာ၊ ငါ့​အိမ်​တော်​ပတ်​လည်၌ တပ်​ချ​မည်။ ညှဉ်း​ဆဲ​သော​သူ​သည် ငါ့​လူ​တို့​ကို နောက်​တစ်​ဖန် မ​နှိပ်​နင်း​ရ။ အ​ကြောင်း​မူ​ကား၊ ငါ​သည် ယ​ခု​ကိုယ်​တိုင်​ကြည့်၍ မြင်​ပြီ။

ဇာ​ခ​ရိ 9:8 Referencias Cruzadas

၂ ရာ 16:12

ထာဝရဘုရား​သည် ငါ​ခံရ​သော​ဒုက္ခဆင်းရဲ​ကို မြင်​တော်မူ​၍ ယနေ့​ခံရ​သော​ကျိန်ဆဲ​ခြင်း​အစား ကောင်း​သော​အရာ​ကို ငါ့​အား ထာဝရဘုရား​ပြန်ပေး​ကောင်း​ပေး​တော်မူ​လိမ့်မည်​”​ဟု မိန့်ဆို​၏​။

၄ ရာ 19:34

အကြောင်းမူကား ငါ​သည် ငါ့​အတွက်​၊ ငါ့​အစေအပါး​ဒါဝိဒ်​မင်းကြီး​အတွက် ဤ​မြို့​ကို ကာကွယ်​မည်​၊ ကယ်တင်​မည်​’​ဟူ၍ မိန့်​တော်မူ​သည်​”​ဟု ဆင့်ဆို​စေ​၏​။

၄ ရာ 23:29

ယောရှိ​မင်းကြီး​လက်ထက်​တွင် အီဂျစ်​ဘုရင်​ဖာရော​နေခေါ​မင်းကြီး​သည် အဆီးရီးယား​ဘုရင်​ကို​တိုက်ခိုက်​ရန် ယူဖရေးတီး​မြစ်​သို့ စစ်ချီ​သွား​သည်​ကို ယောရှိ​မင်းကြီး​ထွက်လာ​၍ မေဂိဒ္ဒေါ​အရပ်​တွင် သူ့​ကို​ရင်ဆိုင်တိုက်ခိုက်​ရာ သူ​သည် ယောရှိ​မင်းကြီး​ကို​တွေ့​ပြီး ကွပ်မျက်​လိုက်​လေ​၏​။

၄ ရာ 24:1

ယောယကိမ်​မင်းကြီး​လက်ထက်​တွင် ဘေဘီလုံ​ဘုရင်​နေဗုခဒ်နေဇာ​မင်းကြီး ချီလာ​၍​တိုက်ခိုက်​သဖြင့် ယောယကိမ်​မင်းကြီး​သည် သူ့​လက်အောက်ခံ​အဖြစ် သုံး​နှစ်​နေ​ရ​၏​။ ထို့နောက် သူ့​ကို ပြန်လည်​ပုန်ကန်​ခဲ့​၏​။

ဆာ​လံ 34:7

ထာဝရဘုရား​၏​ကောင်းကင်တမန်​တို့​သည် ကိုယ်တော်​ကို​ကြောက်ရွံ့​သော​သူ​တို့​ပတ်လည်​၌ တပ်ချ​၍ သူ​တို့​ကို​ကယ်မ​ကြ​၏​။

ဆာ​လံ 72:4

သူ​သည် လူမျိုး​တော်​ထဲမှ အဖိနှိပ်​ခံရ​သော​သူ​တို့​အတွက် တရားစီရင်​ပေး​၍ နွမ်းပါး​သော​သူ​၏​သားသမီး​များ​ကို ကယ်တင်​လျက် နှိပ်စက်​သော​သူ​တို့​ကို နှိမ်နင်း​ပါစေသော​။

ထွက်​မြောက် 3:7

ထာဝရဘုရား​က “​အီဂျစ်​ပြည်​၌​ရှိ​သော​ငါ့​လူမျိုး​တော်​ခံရ​သည့် ဖိစီးနှိပ်စက်မှု​ကို အမှန်တကယ် ငါ​မြင်​ပြီ​။ အဓမ္မ​စေခိုင်း​သူ​များ​ကြောင့် သူ​တို့​၏​အော်ဟစ်ငိုကြွေးသံ​ကို​လည်း ငါ​ကြား​ပြီ​။ အကယ်စင်စစ် သူ​တို့​၏​ဒုက္ခဝေဒနာ​များ​ကို ငါ​သိ​ပြီ​။

ထွက်​မြောက် 3:9

ယခု အစ္စရေး​အမျိုးသား​တို့​၏​အော်ဟစ်ငိုကြွေးသံ​သည် ငါ့​ထံသို့​ရောက်​၍ သူ​တို့​အား အီဂျစ်​လူမျိုး​တို့​ဖိနှိပ်​ညှဉ်းဆဲ​ကြ​သည်​ကို​လည်း ငါ​မြင်​ပြီ​။

သုတ္တံကျမ်း။ 3:25

ရုတ်တရက်​ကျရောက်​တတ်​သော ကြောက်မက်ဖွယ်ဘေး​ကို​လည်းကောင်း​၊ ဆိုးယုတ်​သော​သူ​တို့​အပေါ်​ကျရောက်​တတ်​သော ဖျက်ဆီး​ခြင်း​ဘေး​ကို​လည်းကောင်း ကြောက်ရွံ့​ခြင်း​မ​ရှိ​နှင့်​။

ဟေ​ရှာ​ယ 26:1

ထို​နေ့ရက်​၌ ယုဒ​ပြည်​တွင် ဤ​သီချင်း​ကို သီဆို​လိမ့်မည်​။ “​ငါ​တို့​၌ ခိုင်ခံ့​သော​မြို့​ရှိ​၏​။ ကိုယ်တော်​သည် ကယ်တင်​ခြင်း​ကို မြို့ရိုး​သဖွယ်​၊ တံတိုင်း​သဖွယ် တည်​တော်မူ​မည်​။

ဟေ​ရှာ​ယ 31:5

ကောင်းကင်​ဗိုလ်ခြေ​အရှင်​ထာဝရဘုရား​သည် ဂျေရုဆလင်​မြို့​ကို ကာကွယ်​တော်မူ​မည်​။ ရစ်ဝဲ​နေ​သော​ငှက်​ကဲ့သို့ ကာကွယ်​၍ ကယ်နုတ်​တော်မူ​မည်​။ ချမ်းသာ​ပေး​၍ လွတ်မြောက်​စေ​တော်မူ​မည်​”​ဟု ငါ့​အား မိန့်​တော်မူ​၏​။

ဟေ​ရှာ​ယ 4:5

ထာဝရဘုရား​သည် ဇိအုန်​တောင်​၏​ဓမ္မစည်းဝေး​ရာ​နေရာ​မှစ၍ ထို​တောင်​၏​နေရာ​အနှံ့​တွင် နေ့အချိန်​၌ မိုးတိမ်​နှင့်​မီးခိုး​ကို​လည်းကောင်း​၊ ညအချိန်​၌ တောက်ပ​သော​မီးလျှံ​ကို​လည်းကောင်း ဖြစ်ပေါ်​စေ​တော်မူ​မည်​။ အကယ်စင်စစ် ဘုန်းအသရေ​ရှိသမျှ​တို့​အပေါ်​၌ မျက်နှာကြက်​ရှိ​မည်​။

ဟေ​ရှာ​ယ 52:1

အို ဇိအုန်​မြို့​၊ နိုး​လော့​။ နိုး​လော့​။ သင့်​ခွန်အား​ကို ဝတ်ဆင်​လော့​။ အို သန့်ရှင်း​သော​ဂျေရုဆလင်​မြို့​၊ သင်​၏​တင့်တယ်​သော​အဝတ်​တို့​ကို ဝတ်ဆင်​လော့​။ အကြောင်းမူကား အရေဖျားမလှီး​သော​သူ​၊ ညစ်ညူး​သော​သူ​တို့​သည် သင့်​အထဲ​သို့ နောက်တစ်ဖန်​ဝင်​ရ​ကြ​မည်​မ​ဟုတ်​။

ဟေ​ရှာ​ယ 52:12

သင်​တို့​သည် အလျင်စလို​မ​ထွက်သွား​ရ​ကြ​။ ပြေး​၍​လည်း​မ​သွား​ရ​ကြ​။ အကြောင်းမူကား ထာဝရဘုရား​သည် သင်​တို့​ရှေ့​၌​ကြွ​တော်မူ​မည်​။ အစ္စရေး​လူမျိုး​၏​ဘုရားသခင်​သည် အနောက်​မှ​လည်း သင်​တို့​ကို ကာကွယ်​တော်မူ​မည်​။

ဟေ​ရှာ​ယ 54:14

သင့်​ကို ဖြောင့်မတ်​ခြင်း​၌ တည်​စေ​မည်​။ သင်​သည် အနိုင်အထက်ပြုသူ​နှင့်​ဝေး​သောကြောင့် ကြောက်ရွံ့​ရ​မည်​မ​ဟုတ်​။ ထိတ်လန့်​ခြင်း​သည် သင့်​ထံသို့​ရောက်လာ​မည်​မ​ဟုတ်​သောကြောင့် ထိတ်လန့်​ရ​မည်​မ​ဟုတ်​။

ဟေ​ရှာ​ယ 60:18

သင်​၏​ပြည်​၌ ရက်စက်ကြမ်းကြုတ်မှု​အကြောင်း​၊ သင်​၏​နယ်နိမိတ်​အတွင်း​၌ ပျက်စီး​ပြိုပျက်​ခြင်း​အကြောင်း ကြား​ရ​တော့​မည်​မ​ဟုတ်​။ သင်​၏​မြို့ရိုး​တို့​ကို “​ကယ်တင်​ခြင်း​”​၊ သင်​၏​မြို့​တံခါး​တို့​ကို “​ချီးမွမ်း​ခြင်း​”​ဟူ၍ သင်​ခေါ်ဆို​လိမ့်မည်​။

ယေ​ရ​မိ 31:12

သူ​တို့​သည် ဇိအုန်​တောင်ထိပ်​သို့​လာ​၍ ရွှင်လန်း​စွာ​ကြွေးကြော်​ကြ​လိမ့်မည်​။ ကောက်ပဲသီးနှံ​၊ စပျစ်ဝိုင်​အသစ်​၊ ဆီ​၊ သိုးသငယ်​၊ နွားသငယ် စသည်​တို့​ဖြင့် ထာဝရဘုရား​၏​ကောင်းမြတ်​ခြင်း​ကြောင့် ဝမ်းမြောက်​ကြ​လိမ့်မည်​။ သူ​တို့​၏​စိတ်ဝိညာဉ်​သည် ရေဝ​သော​ဥယျာဉ်​ကဲ့သို့​ဖြစ်​မည်​။ ဝမ်းနည်းပူဆွေး​ရ​တော့​မည်​မ​ဟုတ်​။

ယေ​ရ​မိ 46:13

ဘေဘီလုံ​ဘုရင်​နေဗုခဒ်နေဇာ​မင်းကြီး​သည် အီဂျစ်​ပြည်​ကို လာရောက်​တိုက်ခိုက်​မည့်​အကြောင်း​ကို ထာဝရဘုရား​က ပရောဖက်​ယေရမိ​အား မိန့်​တော်မူ​၏​။

ယေ​ရ​မိ 46:2

ယောရှိ​မင်းကြီး​၏​သား​တော် ယုဒ​ဘုရင်​ယောယကိမ်​မင်းကြီး​နန်းစံ​လေး​နှစ်​၊ ယူဖရေးတီး​မြစ်​နား ကာခေမိတ်​အရပ်​တွင် ဘေဘီလုံ​ဘုရင်​နေဗုခဒ်နေဇာ​မင်းကြီး​ကို စစ်ရှုံး​ခဲ့​သော အီဂျစ်​ဘုရင်​ဖာရော​နေခေါ​မင်းကြီး​၏​စစ်သည်​နှင့်တကွ အီဂျစ်​ပြည်သား​တို့​နှင့်​ပတ်သက်၍

ယေ​ဇ​ကျေ​လ 39:29

ဘုရားရှင်​ထာဝရဘုရား​က ‘အစ္စရေး​အမျိုး​တို့​အပေါ် ငါ့​ဝိညာဉ်​ကို သွန်းလောင်း​မည်​။ သူ​တို့​ကို မျက်နှာလွှဲ​တော့​မည်​မ​ဟုတ်’​ဟူ၍ မိန့်​တော်မူ​သည်”​ဟု မိန့်ဆို​၏​။

အာ​မုတ် 9:15

သူ​တို့​ကို နေရင်းပြည်​၌ စိုက်ထား​မည်​။ ငါ​ပေး​သော​ပြည်​မှ သူ​တို့ ဆွဲနုတ်​ခြင်း​ခံရ​တော့​မည်​မ​ဟုတ်”​ဟု သင်​၏​ဘုရားသခင်​ထာဝရဘုရား မိန့်​တော်မူ​၏​။

ဇာ​ခ​ရိ 12:4

ထာဝရဘုရား​က “ထို​နေ့ရက်​တွင် ငါ​သည် စစ်မြင်း​ရှိသမျှ​ကို ယောက်ယက်ခတ်​စေ​၍ မြင်းစီးသူရဲ​တို့​ကို ရူးသွပ်​သွား​အောင် ဒဏ်ခတ်​မည်​။ ယုဒ​အမျိုးအနွယ်​ကို ကြည့်ရှု​စောင့်ရှောက်​မည်​။ လူမျိုးတကာ​တို့​၏​စစ်မြင်း​ရှိသမျှ​ကို မျက်စိကွယ်​သွား​အောင် ဒဏ်ခတ်​မည်​။

ဇာ​ခ​ရိ 12:8

ထို​နေ့ရက်​တွင် ထာဝရဘုရား​သည် ဂျေရုဆလင်​မြို့သား​တို့​ကို ကာကွယ်​မည်​။ ထို​နေ့ရက်​၌ သူ​တို့​တွင် အားနည်း​သော​သူ​သည် ဒါဝိဒ်​မင်းကြီး​ကဲ့သို့​ဖြစ်​မည်​။ ဒါဝိဒ်​အမျိုးအနွယ်​သည် သူ​တို့​အဖို့ ဘုရားသခင်​ကဲ့သို့​လည်းကောင်း​၊ ထာဝရဘုရား​၏​ကောင်းကင်တမန်​ကဲ့သို့​လည်းကောင်း ဖြစ်​လိမ့်မည်​။

ဇာ​ခ​ရိ 14:11

လူ​တို့​သည် ထို​မြို့​တွင် နေထိုင်​ကြ​လိမ့်မည်​။ ကျိန်​ခြင်း​ရှိ​တော့​မည်​မ​ဟုတ်​။ ဂျေရုဆလင်​မြို့​သည် ဘေးကင်းလုံခြုံ​စွာ ရှိ​နေ​လိမ့်မည်​။

ဇာ​ခ​ရိ 9:7

သူ​တို့​၏​ခံတွင်း​ထဲမှ​အသွေး​နှင့် သူ​တို့​သွား​ကြား​မှ​စက်ဆုပ်ဖွယ်​ရာ​များ​ကို ငါ​ဖယ်ရှား​မည်​။ ကြွင်းကျန်​သော​သူ​တို့​သည် ငါ​တို့​၏​ဘုရားသခင်​အဖို့ ဖြစ်​၍ ယုဒ​အမျိုး​၌​ခေါင်းဆောင်​ကဲ့သို့ ဖြစ်​မည်​။ ဧကြုန်​လူမျိုး​သည်​လည်း ယေဗုသိ​လူမျိုး​ကဲ့သို့​ဖြစ်​မည်​။

တမန်တော်ဝတ္ထု 7:34

ငါ​သည် အီဂျစ်​ပြည်​၌​ရှိ​သော ငါ​၏​လူမျိုး​တော်​ခံ​နေ​ရ​သည့် ဆင်းရဲ​ဒုက္ခ​ကို​တွေ့​မြင်​လျက် သူ​တို့​၏​ညည်းတွား​သံ​ကို​ကြား​ရ​သည်​ဖြစ်၍ သူ​တို့​ကို​ကယ်နုတ်​ရန် ဆင်းလာ​ပြီ။ ထို့ကြောင့် ယခု​လာ​ခဲ့​လော့။ သင့်​ကို အီဂျစ်​ပြည်​သို့ ငါ​စေလွှတ်​မည်’​ဟု မိန့်​တော်မူ​၏။

ဗျာ​ဒိတ် 20:9

သူ​တို့​သည် ကမ္ဘာ​မြေကြီး​၏​ကျယ်ပြန့်​သော​အရပ်​သို့​ချီတက်​လာ​၍ သန့်ရှင်း​သူ​တို့​၏​စခန်း​နှင့် ချစ်​တော်မူ​သော​မြို့​ကို ဝိုင်း​ကြ​၏။ ထိုအခါ ကောင်းကင်​မှ မီး​ကျ​လာ​၍ သူ​တို့​ကို​လောင်ကျွမ်း​လေ​၏။