ဇာ​ခ​ရိ 8:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ သင်​တို့​စိတ်​ထဲ၌ ကိုယ့်​အိမ်နီးချင်း​အား မကောင်း​သော​အကြံ​ကို မ​ကြံစည်​ရ​။ မဟုတ်မမှန် ကျိန်ဆို​ခြင်း​ကို မ​နှစ်သက်​ရ​။ ဤ​အရာ​အလုံးစုံ​ကို ငါ​မုန်း​၏’​ဟူ၍ ထာဝရဘုရား​မိန့်​တော်မူ​သည်”​ဟု မိန့်ဆို​၏​။

Common Language Bible

¹⁷ သင်​တို့​သည်​အ​ချင်း​ချင်း​ဘေး​အန္တ​ရာယ်​ဖြစ် စေ​မည့်​အ​ကြံ​အ​စည်​ကို​မ​ပြု​ကြ​နှင့်။ ကျိန် ဆို​ခြင်း​ကို​ပြု​လျက်​မ​မှန်​သော​သက်​သေ​ကို မ​ခံ​ကြ​နှင့်။ လိမ်​လည်​ပြော​ဆို​မှု၊ မ​တ​ရား သည့်​အ​မှု​နှင့် အ​ကြမ်း​ဖက်​မှု​တို့​ကို​ငါ​မုန်း ၏'' ဟု​မိန့်​တော်​မူ​၏။

Garrad Bible

¹⁷ အ ချင်း ချင်း မ ကောင်း ကြံ စည် ခြင်း၊ မု သာ သုံး ၍ သက် သေ ခံ ခြင်း များ ကို ငါ ရွံ ရှာ သည့် အ တွက်၊ မ ပြု ကြ လင့် ဟု၊ ထာ ဝ ရ ဘု ရား မိန့် တော် မူ သည် ဟူ၍ တည်း။

Judson Bible

¹⁷ တစ်​ယောက်​ကို​တစ်​ယောက် အ​ဘယ်​သူ​မျှ မ​ကောင်း​သော​အ​ကြံ​ကို မ​ကြံ​ကြ​နှင့်။ မ​မှန်​သော​ကျိန်​ဆို​ခြင်း​ကို မ​နှစ်​သက်​ကြ​နှင့်။ ထို​သို့​သော​အ​မှု​ရှိ​သ​မျှ​တို့​ကို ငါ​မုန်း​သည်​ဟု ထာ​ဝ​ရ​ဘု​ရား မိန့်​တော်​မူ၏။

ဇာ​ခ​ရိ 8:17 Referencias Cruzadas

ဆာ​လံ 10:3

အကြောင်းမူကား ဆိုးယုတ်​သော​သူ​သည် မိမိ​စိတ်ဝိညာဉ်​၏​အလိုဆန္ဒ​များ​၌ ဂုဏ်ယူဝါကြွား​၍ လောဘကြီး​သော​သူ​သည် ထာဝရဘုရား​ကို​ကျိန်ဆဲ​လျက် မထီလေးစား​ပြု​၏​။

ဆာ​လံ 101:3

ဆိုးညစ်​သော​အမှုအရာ​ကို အကျွန်ုပ်​မျက်မှောက်​မ​ပြု​ပါ​။ လမ်းလွဲ​သော​သူ​တို့​ပြု​သော​အမှု​ကို​လည်း အကျွန်ုပ်​မုန်း​သည်​ဖြစ်၍ အကျွန်ုပ်​ကို ငြိတွယ်​မည်​မ​ဟုတ်​ပါ​။

သုတ္တံကျမ်း။ 3:29

သင့်​အနီး​တွင် ဘေးကင်းလုံခြုံ​စွာ​နေထိုင်​သော သင်​၏​အိမ်နီးချင်း​အပေါ် မကောင်းမှု​ပြု​ရန် တွေးတော​ကြံစည်​ခြင်း​မ​ရှိ​နှင့်​။

သုတ္တံကျမ်း။ 6:14

ဖောက်ပြန်လွဲမှား​သော​စိတ်နှလုံး​ဖြင့် မကောင်းမှု​ကို​တွေးတော​ကြံစည်​လျက် ငြင်းခုံ​ရန်တွေ့​ခြင်း​ကို အစဉ်အမြဲ​ဖြစ်ပွား​စေ​တတ်​၏​။

သုတ္တံကျမ်း။ 8:13

ထာဝရဘုရား​ကို​ကြောက်ရွံ့​ခြင်း​သည် မကောင်းမှု​ကို​မုန်းတီး​ခြင်း​ဖြစ်​၏​။ မောက်မာထောင်လွှား​ခြင်း​နှင့် မာနကြီး​ခြင်း​၊ မကောင်း​သော​လမ်း​နှင့် ဖောက်ပြန်လွဲမှား​သော​စကား​ကို ငါ​မုန်း​၏​။

ယေ​ရ​မိ 4:14

အို ဂျေရုဆလင်​မြို့​၊ ကယ်တင်​ခြင်း​ခံရ​ရန် ဆိုးညစ်​သော​သင်​၏​စိတ်နှလုံး​ကို သန့်ရှင်းစင်ကြယ်​စေ​လော့​။ ယုတ်ညံ့​သော​အကြံအစည်​များ​ကို သင့်​စိတ်​ထဲ​၌ မည်မျှ​ကြာ​အောင် ရှိ​နေ​စေ​မည်နည်း​။

ယေ​ရ​မိ 4:2

‘ထာဝရဘုရား​အသက်ရှင်​တော်မူ​သည်’​ဟု သစ္စာရှိ​စွာ​၊ တရားမျှတ​စွာ​၊ ဖြောင့်မတ်​စွာ သင်​ကျိန်ဆို​လျှင် လူမျိုးတကာ​တို့​သည် ထာဝရဘုရား​ထံ​တော်​မှ ကောင်းချီးမင်္ဂလာ​ခံစား​ရ​မည်​။ ကိုယ်တော်​ကို ချီးမွမ်း​ကြ​လိမ့်မည်​”​ဟု မိန့်​တော်မူ​၏​။

ယေ​ရ​မိ 44:4

ငါ့​အစေအပါး​ပရောဖက်​အပေါင်း​တို့​ကို သင်​တို့​ရှိ​ရာ​သို့ အကြိမ်ကြိမ်​စေလွှတ်​၍ ငါ​မုန်း​သော ဤ​စက်ဆုပ်ရွံရှာဖွယ်​အမှု​ကို မ​ပြု​ကြ​နှင့်​ဟု ဆင့်ဆို​စေ​ခဲ့​၏​။

ဟ​ဗက္ကုတ် 1:13

ကိုယ်တော်​သည် မကောင်းမှု​များ​ကို မ​မြင်​ထိုက်​၊ ဆိုးညစ်မှု​များ​ကို မ​ကြည့်​ထိုက်​အောင် သန့်ရှင်းစင်ကြယ်​သော​မျက်လုံး​များ ရှိ​တော်မူ​ပါ​၏​။ သို့သော် သစ္စာမရှိ​သော​သူ​တို့​ကို အဘယ်ကြောင့် ကြည့်​နေ​နိုင်​ပါ​သနည်း​။ ဆိုးယုတ်​သော​သူ​တို့​က မိမိ​ထက်​ဖြောင့်မတ်​သော​သူ​တို့​အား ဝါးမျို​နေ​သည်​ကို အဘယ်ကြောင့် ဆိတ်ဆိတ်​နေ​တော်မူ​ပါ​သနည်း​။

ဇာ​ခ​ရိ 7:10

မုဆိုးမ​၊ ဖတဆိုး​၊ တိုင်းတစ်ပါးသား​နှင့် ဆင်းရဲသား​တို့​ကို မ​နှိပ်စက်​ရ​။ သင်​တို့​စိတ်နှလုံး​ထဲ၌ တစ်ဦး​ကို​တစ်ဦး မကောင်း​သော​အကြံ မ​ကြံစည်​ရ’​ဟု မိန့်​တော်မူ​၏​။

ဇာ​ခ​ရိ 8:18

တစ်ဖန် ကောင်းကင်​ဗိုလ်ခြေ​အရှင်​ထာဝရဘုရား​၏​နှုတ်ကပတ်တော်​သည် ငါ့​ထံသို့​ရောက်လာ​ပြန်​၏​။

မာ​လ​ခိ 3:5

“​သင်​တို့​ကို တရားစီရင်​ရန် သင်​တို့​ထံသို့ ငါ​ကြွလာ​မည်​။ ငါ​သည် မှော်ဆရာ​များ​၊ အိမ်ထောင်ရေးဖောက်ပြန်​သော​သူ​များ​၊ မဟုတ်မမှန်​ကျိန်ဆို​သော​သူ​များ​၊ သူရင်းငှား​၏​လုပ်အားခ​ကို မပေး​သော​သူ​များ​၊ မုဆိုးမ​နှင့် ဖတဆိုး​တို့​ကို နှိပ်စက်​သော​သူ​များ​၊ တိုင်းတစ်ပါးသား​တို့​ကို လျစ်လျူရှု​၍ ငါ့​ကို​မ​ကြောက်ရွံ့​သော​သူ​များ​ကို​ဆန့်ကျင်​လျက် အလျင်အမြန်​သက်သေ​ထွက်ဆို​မည်​”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

မဿဲ 12:35

ကောင်း​သော​သူ​သည် ကောင်း​သော​အရာ​များ​ကို ကောင်း​သော​ဘဏ္ဍာတိုက်​ထဲမှ ထုတ်ဖော်​တတ်​၏။ မကောင်း​သော​သူ​သည်​လည်း မကောင်း​သော​အရာ​များ​ကို မကောင်း​သော​ဘဏ္ဍာတိုက်​ထဲမှ ထုတ်ဖော်​တတ်​၏။

မဿဲ 15:19

အကြောင်းမူကား မကောင်း​သော​တွေးတော​ကြံစည်​မှု​များ၊ လူ​သတ်​ခြင်း၊ အိမ်ထောင်ရေး​ဖောက်ပြန်​မှု​ကို​ကျူးလွန်​ခြင်း၊ တရားနှင့်မညီ​မေထုန်ပြု​ခြင်း၊ ခိုးယူ​ခြင်း၊ မမှန်​သော​သက်သေ​ထွက်ဆို​ခြင်း​နှင့် စော်ကား​ပြောဆို​ခြင်း​တို့​သည် စိတ်နှလုံး​ထဲမှ​ထွက်လာ​ကြ​၏။

မဿဲ 5:28

သို့သော် သင်​တို့​အား ငါ​ဆို​သည်​ကား အမျိုးသမီး​တစ်​ယောက်​ကို ကိလေသာ​စိတ်​နှင့်​ကြည့်​သော​သူ​တိုင်း​သည် သူ​၏​စိတ်နှလုံး​ထဲ၌ ထို​အမျိုးသမီး​နှင့်​ပြစ်မှား​လေ​ပြီ။