ဇာ​ခ​ရိ 7:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ သင်​တို့ စား​သောက်​ကြ​သောအခါ ကိုယ့်​အဖို့​သာ ကိုယ်​စား​သောက်​ကြ​သည်​မ​ဟုတ်​လော။

Common Language Bible

⁶ စား​ပွဲ​သောက်​ပွဲ​ကျင်း​ပ​ကြ​သည်​မှာ​လည်း မိ​မိ​တို့​အာ​သာ​ချင်​ရဲ​ပြေ​စေ​ရန်​သာ​လျှင် ဖြစ်​ပေ​သည်'' ဟု​မိန့်​တော်​မူ​၏။

Garrad Bible

⁶ စား ပွဲ သောက် ပွဲ များ ကို ပြု ကြ သည် မှာ၊ ကိုယ် ကို ရည် ဆောင် ကြ သည် မ ဟုတ် လော။

Judson Bible

⁶ စား​သောက်​သော​အ​ခါ၌​လည်း ကိုယ်​အ​လို​အ​လျောက် စား​သောက်​ကြ​သည် မ​ဟုတ်​လော။

ဇာ​ခ​ရိ 7:6 Referencias Cruzadas

၁ ရာ​ချုပ် 29:22

ထို​နေ့​တွင် သူ​တို့​သည် ထာဝရဘုရား​ရှေ့​တော်​တွင် အားရ​ဝမ်းသာ​စွာ​စား​သောက်​ကြ​၏​။ ဒါဝိဒ်​မင်းကြီး​၏​သား​တော်​ရှောလမုန်​ကို​လည်း ဒုတိယအကြိမ်​မင်းမြှောက်​၍ အုပ်ချုပ်သူမင်း​အဖြစ်​လည်းကောင်း​၊ ဇာဒုတ်​ကို​လည်း ယဇ်ပုရောဟိတ်​အဖြစ်​လည်းကောင်း ထာဝရဘုရား​ရှေ့မှောက်​တွင် ဘိသိက်ပေး​ကြ​၏​။

ဟေ​ရှာ​ယ 43:23

သင်​သည် မီးရှို့ရာယဇ်​အတွက် သိုး​ကို ငါ့​ထံသို့​မ​ယူဆောင်​ခဲ့​။ ယဇ်ပူဇော်​ခြင်း​ဖြင့် ငါ့​ကို​ဂုဏ်ပြုချီးမွမ်း​ခြင်း​မ​ပြု​။ ငါ​သည် ပူဇော်သက္ကာ​အားဖြင့် သင့်​ကို ဝန်လေး​စေ​သည်​မ​ဟုတ်​။ လော်ဗန်​အားဖြင့်​လည်း သင့်​ကို ပင်ပန်း​စေ​ခဲ့​သည်​မ​ဟုတ်​။

ဟေ​ရှာ​ယ 58:3

သူ​တို့​က “​အကျွန်ုပ်​တို့ အဘယ်ကြောင့် အစာရှောင်​ရ​မည်နည်း​။ အကျွန်ုပ်​တို့​အစာရှောင်​သည်​ကို ကိုယ်တော်​မြင်​တော်​မ​မူ​။ အကျွန်ုပ်​တို့ ကိုယ့်ကိုယ်ကိုယ် အဘယ်ကြောင့်​နှိမ့်ချ​ရ​မည်နည်း​။ အကျွန်ုပ်​တို့ ကိုယ့်ကိုယ်ကိုယ် နှိမ့်ချ​သည်​ကို ကိုယ်တော်​သိမှတ်​တော်​မ​မူ​”​ဟု ဆို​ကြ​၏​။ အကယ်စင်စစ် သင်​တို့​သည် အစာရှောင်​ရာ​နေ့​၌ ကိုယ့်​အလိုရှိ​ရာ​ကို ကိုယ်​လုပ်​ကြ​၏​။ အလုပ်သမား​များ​ကို အဓမ္မ​စေခိုင်း​ကြ​၏​။

ဟော​ရှေ 8:13

သူ​တို့​သည် ငါ့​ထံ လှူဖွယ်ဝတ္ထု​များ​ကို ပူဇော်​သောအခါ ယဇ်ကောင်​များ​ကို​ပူဇော်​၍ အသား​ကို စား​ကြ​၏​။ ထို​ပူဇော်သက္ကာ​တို့​ကို ထာဝရဘုရား လက်ခံ​တော်​မ​မူ​။ သူ​တို့​၏​ဒုစရိုက်​ကို မှတ်ထား​ပြီး သူ​တို့​၏​အပြစ်​ကို ဒဏ်ခတ်​မည်​။ သူ​တို့​ကို အီဂျစ်​ပြည်​သို့ ပြန်သွား​စေ​မည်​။

ဟော​ရှေ 9:4

သူ​တို့​သည် စပျစ်ဝိုင်​ကို ထာဝရဘုရား​ထံ သွန်းလောင်း​ပူဇော်​ရ​မည်​မ​ဟုတ်​။ သူ​တို့​၏​ပူဇော်သက္ကာ​တို့​ကို​လည်း ကိုယ်တော်​လက်ခံ​တော်မူ​မည်​မ​ဟုတ်​။ ထို​ပူဇော်သက္ကာ​သည် သူ​တို့​အဖို့ အသုဘ​အစာ​ကဲ့သို့ ဖြစ်​၏​။ စား​သော​သူ​အားလုံး ညစ်ညူး​ခြင်း​သို့ ရောက်​လိမ့်မည်​။ အကယ်စင်စစ် ထို​အစာ​သည် သူ​တို့​စား​ဖို့​သာ ဖြစ်​၏​။ ထာဝရဘုရား​အိမ်​တော်​သို့ မ​ယူဆောင်​လာ​ရ​။

ဇာ​ခ​ရိ 7:5

“ပြည်သူပြည်သား​အပေါင်း​နှင့် ယဇ်ပုရောဟိတ်​တို့​အား ‘ဤ​နှစ်​ပေါင်း​ခုနစ်ဆယ်​ပတ်လုံး ပဉ္စမ​လ​နှင့် သတ္တမ​လ​တို့​တွင် သင်​တို့ အစာရှောင်​ငိုကြွေးမြည်တမ်း​ခဲ့​ကြ​သည်​မှာ ငါ့​အဖို့ အစာရှောင်​ခြင်း အမှန်တကယ်​ဟုတ်​ခဲ့​သလော​။

ဇာ​ခ​ရိ 7:7

ဂျေရုဆလင်​မြို့​နှင့် အနီး​ဝန်းကျင်​ရှိ​မြို့ရွာ​များ​၌ လူ​အများ​စိုးရိမ်ကြောင့်ကြမှု​ကင်း​စွာ​နေထိုင်​ကြ​ရ​စဉ်က​၊ နေဂေ့​အရပ်​နှင့်​မြေနိမ့်ဒေသ​တွင် လူသူ​နေထိုင်​သေး​စဉ်က ထာဝရဘုရား​သည် ရှေး​ပရောဖက်​တို့​မှတစ်ဆင့် ဤ​စကား​တို့​ကို​မိန့်​တော်မူ​ခဲ့​ရ​သည် မ​ဟုတ်​လော’​ဟူ၍ ပြောကြား​လော့​”​ဟု မိန့်ဆို​၏​။

၁ ကော 10:31

ထို့ကြောင့် သင်​တို့​သည် စား​သည်​ဖြစ်စေ၊ သောက်​သည်​ဖြစ်စေ၊ မည်သည့်​အမှု​ကို​ပြု​သည်​ဖြစ်စေ ခပ်သိမ်း​သော​အမှု​တို့​ကို ဘုရားသခင်​၏​ဘုန်း​တော်​အတွက် ပြု​ကြ​လော့။

တ​ရား​ဟော 12:7

ထို​အရပ်​တွင် သင်​တို့​၏​ဘုရားသခင်​ထာဝရဘုရား​၏​ရှေ့​တော်​၌ စား​ရ​မည်​။ သင်​တို့​လုပ်ဆောင်​လေရာရာ​၌ သင်​တို့​၏​ဘုရားသခင်​ထာဝရဘုရား​ကောင်းချီးပေး​တော်မူ​သောကြောင့် သင်​တို့​နှင့်​သင်​တို့​၏​အိမ်သူအိမ်သား​တို့​သည် ဝမ်းမြောက်​ကြ​ရ​မည်​။

တ​ရား​ဟော 14:26

ထို​ငွေ​ဖြင့် နွား​၊ သိုး​၊ စပျစ်ဝိုင်​၊ သေရည်သေရက်​စသည်​တို့​ကို သင်​အလို​ရှိသမျှ​၊ သင်​တောင့်တ​သမျှ ဝယ်ယူ​ပြီးလျှင် သင်​၏​ဘုရားသခင်​ထာဝရဘုရား​၏​ရှေ့​တော်​၌ စား​၍ သင်​၏​အိမ်သူအိမ်သား​များ​နှင့်အတူ ဝမ်းမြောက်​ရ​မည်​။

ကော​လော​သဲ 3:17

သင်​တို့​ပြု​သမျှ​သော​အရာ​တို့​ကို​လည်း ပြောဆို​မှု​၌​ဖြစ်စေ၊ လုပ်ဆောင်​မှု​၌​ဖြစ်စေ အရာ​ခပ်သိမ်း​တို့​ကို သခင်​ယေရှု​၏​နာမ​တော်​၌​ပြု​လျက် ကိုယ်တော်​အားဖြင့် ခမည်းတော်​ဘုရားသခင်​ကို ကျေးဇူးတင်​ကြ​လော့။

၁ ရာ 16:7

ထိုအခါ ထာဝရဘုရား​က ရှမွေလ​အား “​သူ​၏​ရုပ်ရည်အဆင်း​နှင့် အရပ်အမောင်း​ကို မ​ကြည့်​နှင့်​။ သူ့​ကို ငါ​ပယ်​ပြီ​။ ထာဝရဘုရား​သည် လူ​မြင်​သကဲ့သို့ မြင်​တော်မူ​သည်​မ​ဟုတ်​။ လူ​သည် အပြင်ပန်း​သဏ္ဌာန်​ကို​သာ ကြည့်​တတ်​၏​။ ထာဝရဘုရား​မူကား စိတ်နှလုံး​ကို ကြည့်​တော်မူ​၏​”​ဟု မိန့်​တော်မူ​၏​။