ဇာ​ခ​ရိ 14:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ ထို​နေ့ရက်​တွင် မြင်း​ချူလုံး​များ​၌ “ထာဝရဘုရား​၌ သန့်ရှင်း​ခြင်း”​ဟု ရေးထိုး​ထား​လိမ့်မည်​။ ထာဝရဘုရား​အိမ်​တော်​ရှိ အိုး​တို့​သည်​လည်း ယဇ်ပလ္လင်​ရှေ့​ရှိ ဇလုံ​များ​ကဲ့သို့ ဖြစ်​လိမ့်မည်​။

Common Language Bible

²⁰ ထို​အ​ချိန်​ကာ​လ​၌​မြင်း​က​ကြိုး​တန်​ဆာ ခေါင်း​လောင်း​များ​ပေါ်​တွင်``ထာ​ဝ​ရ​ဘု​ရား အား​ဆက်​ကပ်​ထား​သည်'' ဟူ​သော​စာ​တမ်း ကို​ကမ္ပည်း​ထိုး​၍​ထား​လိမ့်​မည်။ ဗိ​မာန်​တော် တွင်​ချက်​ပြုတ်​သည့်​အိုး​များ​သည်​ယဇ်​ပလ္လင် ရှေ့​မှ​ခွက်​ဖ​လား​များ​ကဲ့​သို့​သန့်​ရှင်း​မြင့် မြတ်​ကြ​လိမ့်​မည်။-

Garrad Bible

²⁰ ထို နေ့ ရက် ကာ လ၌၊ မြင်း တန် ဆာ ချူ များ ပေါ် တွင်၊ ထာ ဝ ရ ဘု ရား အ ဘို့ သီး သန့် ထား ပြီ ဟု အ က္ခ ရာ တင် သည့် ပြင်၊ ထာ ဝ ရ ဘု ရား၏ ဗိ မာန် တော် ရှိ အိုး ခွက် များ ပင်၊ ပူ ဇော် ရာ ပ လ္လင် တော် ဆိုင် သော အင် တုံ များ ကဲ့ သို့ ဖြစ် လျက်၊

Judson Bible

²⁰ ထို​နေ့​ရက်​ကာ​လ​တွင် ထာ​ဝ​ရ​ဘု​ရား​အား သန့်​ရှင်း​ခြင်း​ဟု၊ မြင်း၌​ဆွဲ​သော ဆည်း​လည်း​အ​ပေါ်​မှာ​ပင် အ​က္ခ​ရာ​တင်​ရ​လိမ့်​မည်။ ထာ​ဝ​ရ​ဘု​ရား၏​အိမ်​တော်၌ အိုး​တို့​သည် ယဇ်​ပ​လ္လင်​ရှေ့​မှာ​ရှိ​သော ဖ​လား​ကဲ့​သို့ ဖြစ်​ကြ​လိမ့်​မည်။

ဇာ​ခ​ရိ 14:20 Referencias Cruzadas

၃ ရာ 7:50

ခွက်​များ​၊ မီးညှပ်​များ​၊ ဇလုံ​များ​၊ ဇွန်း​များ​၊ မီးကျီးခံဗန်း​များ​ကို​လည်း ရွှေ​စင်​ဖြင့်​သွန်းလုပ်​၏​။ အတွင်းဆုံး​အခန်း အသန့်ရှင်းဆုံးဌာန​၏​တံခါး​များ​နှင့် အိမ်​တော်​ပင်မဆောင်​၏​တံခါး​များ​၏​ပတ္တာ​များ​ကို​လည်း ရွှေ​ဖြင့်​သွန်းလုပ်​၏​။

၂ ရာ​ချုပ် 4:8

စားပွဲ​ဆယ်​လုံး​ကို​လည်း ပြုလုပ်​ပြီး ဗိမာန်တော်​အတွင်း ယာဘက်​ခြမ်း​တွင်​ငါး​လုံး​၊ ဝဲဘက်​ခြမ်း​တွင်​ငါး​လုံး နေရာချ​ထား​၏​။ ထို့ပြင် ရွှေ​ဇလုံ​အလုံး​တစ်ရာ​ကို​လည်း ပြုလုပ်​၏​။

ဆာ​လံ 110:3

သင်​၏​တန်ခိုး​ထင်ရှား​သော​နေ့​၌ သင်​၏​လူမျိုး​သည် စေတနာစိတ်​နှင့်​ပါဝင်​ကြ​လိမ့်မည်​။ သင်​၏​ပျိုရွယ်​ခြင်း​နှင်းစက်​သည် သန့်ရှင်း​သော​ဘုန်းအာနုဘော်​ကို​ဆောင်​လျက် နံနက်အချိန်​ဝမ်းဗိုက်​ထဲမှ သင့်​ထံသို့​လာ​လိမ့်မည်​။

ထွက်​မြောက် 25:29

ပူဇော်သက္ကာ​သွန်းလောင်း​ရာ​တွင်​အသုံးပြု​ရန် စားပွဲ​အတွက် လင်ပန်း​များ​၊ ခွက်​များ​၊ ကရား​များ​၊ ပန်းကန်လုံး​များ​ကို ရွှေ​စင်​ဖြင့်​လုပ်​ရ​မည်​။

ထွက်​မြောက် 37:16

ပူဇော်သက္ကာ​သွန်းလောင်း​ရာ​တွင်​အသုံးပြု​ရန် လင်ပန်း​များ​၊ ခွက်​များ​၊ ပန်းကန်လုံး​များ​၊ ကရား​များ စသည့်​စားပွဲ​ပေါ်​တင်ထား​ရ​မည့်​အသုံးအဆောင်​များ​ကို ရွှေ​စင်​ဖြင့် လုပ်ထား​၏​။

ထွက်​မြောက် 39:30

မောရှေ​အား ထာဝရဘုရား​မိန့်မှာ​တော်မူ​သည့်​အတိုင်း သန့်ရှင်း​သော​ရွှေ​စင်​ပြား​သရဖူ​ကို​လုပ်​၍ ကမ္ပည်း​တံဆိပ်​အဖြစ် ထို​ရွှေစင်​ပြား​ပေါ်၌ “​ထာဝရဘုရား​၌​သန့်ရှင်း​ခြင်း​”​ဟု ရေးထိုး​ပြီးလျှင်

ဟေ​ရှာ​ယ 23:18

သို့သော် ထို​မြို့​၏​အကျိုးအမြတ်​နှင့် ဝင်ငွေ​တို့​ကို ထာဝရဘုရား​အား ဆက်ကပ်​ကြ​ရ​မည်​။ စုဆောင်းခွင့်​မ​ရှိ​၊ သိုမှီးခွင့်​မ​ရှိ​။ ထို​မြို့​၏​အကျိုးအမြတ်​သည် ထာဝရဘုရား​ရှေ့​တော်​၌​နေ​သော​သူ​တို့ ဝဝလင်လင်​စား​ရ​ရန်​နှင့် ကောင်းကောင်းမွန်မွန်​ဝတ်​ရ​ရန်​အတွက် ဖြစ်​လိမ့်မည်​။

ဟေ​ရှာ​ယ 52:1

အို ဇိအုန်​မြို့​၊ နိုး​လော့​။ နိုး​လော့​။ သင့်​ခွန်အား​ကို ဝတ်ဆင်​လော့​။ အို သန့်ရှင်း​သော​ဂျေရုဆလင်​မြို့​၊ သင်​၏​တင့်တယ်​သော​အဝတ်​တို့​ကို ဝတ်ဆင်​လော့​။ အကြောင်းမူကား အရေဖျားမလှီး​သော​သူ​၊ ညစ်ညူး​သော​သူ​တို့​သည် သင့်​အထဲ​သို့ နောက်တစ်ဖန်​ဝင်​ရ​ကြ​မည်​မ​ဟုတ်​။

ယေ​ရ​မိ 31:40

အလောင်းကောင်​များ​၊ ပြာ​များ​စွန့်ပစ်​ရာ ချိုင့်ဝှမ်း​တစ်ခုလုံး​၊ ကေဒြုန်​ချောင်း​မှ အရှေ့​ဘက်​မြင်း​တံခါး​ထောင့်​အထိ ကွင်းပြင်​တစ်ခုလုံး​သည် ထာဝရဘုရား​အတွက် သန့်ရှင်း​သော​နေရာ​ဖြစ်လာ​မည်​။ ဘယ်သောအခါ​မျှ ဖြိုဖျက်​မှောက်လှန်​ခြင်း​ခံရ​မည်​မ​ဟုတ်​”​ဟု မိန့်​တော်မူ​၏​။

ယေ​ဇ​ကျေ​လ 45:1

မြေ​ကို​အမွေ​ခွဲဝေ​သောအခါ သင်​တို့​သည် ထို​မြေ​ထဲမှ မြေ​တစ်ကွက်​ကို သန့်ရှင်း​သော​အလှူ​အဖြစ် ထာဝရဘုရား​အဖို့ ခွဲထား​ရ​မည်​။ ထို​မြေ​သည် အလျား​အတောင်​နှစ်​သောင်း​ငါး​ထောင်​၊ အနံ​အတောင်​တစ်သောင်း ရှိ​ရ​မည်​။ ထို​မြေ​ပတ်ပတ်လည်​နယ်နိမိတ်​သည်​လည်း သန့်ရှင်း​ရ​မည်​။

ဝတ်​ပြု 6:28

ထို​အသား​ပြုတ်​သော​မြေ​အိုး​ကို ခွဲပစ်​ရ​မည်​။ ကြေးနီ​အိုး​ဖြင့်​ပြုတ်​လျှင် အိုး​ကို​တိုက်ချွတ်​၍ ရေ​ဖြင့်​ဆေး​ရ​မည်​။

ဝတ်​ပြု 8:9

ခေါင်း​ပေါ်၌ ခေါင်းပေါင်း​ကို​ဆောင်းပေး​၍ သန့်ရှင်း​သော​ရွှေစင်​ပြား​သရဖူ​ကို ခေါင်းပေါင်း​ရှေ့ဘက်ခြမ်း​၌ တပ်​ပေး​၏​။

သြ​ဗ​ဒိ 1:17

သို့သော် ဇိအုန်​တောင်​ပေါ်တွင် အသက်ရှင်​ကျန်ရစ်​သူ ရှိ​လိမ့်မည်​။ ထို​တောင်​သည် သန့်ရှင်း​ရာ​တောင်​ဖြစ်​၍ ယာကုပ်​အမျိုးအနွယ်​တို့​သည် အမွေ​အဖြစ် ပိုင်ဆိုင်​ရ​လိမ့်မည်​။

ဇေဖနိ 2:11

ထာဝရဘုရား​သည် မြေကြီး​ပေါ်ရှိ​ဘုရား​အားလုံး​ကို ငတ်မွတ်ပိန်ချုံး​စေ​သောအခါ သူ​တို့​သည် ထာဝရဘုရား​ကို ကြောက်ရွံ့​ကြ​လိမ့်မည်​။ ထိုအခါ ကမ်းရိုးတန်းဒေသ​ရှိ​လူမျိုး​အပေါင်း​တို့​သည် ကိုယ့်​နေရာ​အသီးသီး​တွင် ကိုယ်တော်​ကို​ရှိခိုးကိုးကွယ်​ကြ​လိမ့်မည်​။

ဇာ​ခ​ရိ 14:19

ဤသည်ကား အီဂျစ်​လူမျိုး​တို့​အပါအဝင် ယာယီတဲစု​ပွဲတော်​ကို​ကျင်းပ​ရန် မ​လာ​သော​လူမျိုး​အပေါင်း​တို့ ခံရ​မည့်​အပြစ်ဒဏ် ဖြစ်​၏​။

ဇာ​ခ​ရိ 8:3

ထာဝရဘုရား​က ‘ဇိအုန်​မြို့​သို့ ငါ​ပြန်လာ​မည်​။ ဂျေရုဆလင်​မြို့​တွင် ကိန်းဝပ်​မည်​။ ဂျေရုဆလင်​မြို့​သည် သစ္စာစောင့်​သော​မြို့​၊ ကောင်းကင်​ဗိုလ်ခြေ​အရှင်​ထာဝရဘုရား​၏​တောင်​တော်​၊ သန့်ရှင်း​သော​တောင်​တော်​ဟူ၍ ခေါ်ဝေါ်​ကြ​လိမ့်မည်’​ဟု မိန့်​တော်မူ​၏​။

ဇာ​ခ​ရိ 9:15

ကောင်းကင်​ဗိုလ်ခြေ​အရှင်​ထာဝရဘုရား​သည် သူ​တို့​ကို​ကွယ်ကာ​တော်မူ​မည်​။ သူ​တို့​သည် လောက်စာလုံး​တို့​ကို ဖျက်ဆီး​၍ ချေပစ်​မည်​။ စပျစ်ဝိုင်​သောက်​၍ မူးယစ်​သော​သူ​ကဲ့သို့ အော်ဟစ်ကြိမ်းမောင်း​ကြ​လိမ့်မည်​။ အင်တုံ​ကဲ့သို့​လည်းကောင်း​၊ ယဇ်ပလ္လင်​ထောင့်စွန်း​ကဲ့သို့​လည်းကောင်း ပြည့်လျှံ​ကြ​လိမ့်မည်​။

မာ​လ​ခိ 1:11

“အကယ်စင်စစ် နေထွက်​ရာ​အရပ်​မှ နေ​ဝင်ရာအရပ်​တိုင်အောင် လူမျိုးတကာ​တို့​တွင် ငါ့​နာမ​သည် ဘုန်းကြီး​လိမ့်မည်​။ ငါ့​နာမ​သည် လူမျိုးတကာ​တို့​တွင် ဘုန်းကြီး​သောကြောင့်​ငါ့​နာမ​အဖို့ အရပ်ရပ်​မှ နံ့သာပေါင်း​များ​၊ သန့်ရှင်း​သော​ပူဇော်သက္ကာ​များ​ကို ယူဆောင်​လာ​ကြ​လိမ့်မည်”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

တော​လည် 4:14

ထို​အဝတ်​ပေါ်တွင် ယဇ်ပလ္လင်​နှင့်ဆိုင်သော​အမှု​ကို​ဆောင်ရွက်​ရာ​တွင် အသုံးပြု​သည့် မီးကျီးခံဗန်း​၊ ခက်ရင်းခွ​၊ ဂေါ်ပြား​၊ ဇလုံ​စသည့်​ယဇ်ပလ္လင်​၏​တန်ဆာပလာ​ရှိသမျှ​တို့​ကို တင်​ရ​မည်​။ ထို​အရာ​တို့​ပေါ်၌ တဟာရှ​သားရေ​ဖုံး​ကို ဖြန့်ခင်း​ပြီးလျှင် ယဇ်ပလ္လင်​၏​ထမ်းပိုး​များ​ကို လျှိုသွင်း​ရ​မည်​။

တော​လည် 4:7

ရှေ့​တော်​မုန့်​စားပွဲ​ပေါ်၌ အပြာရောင်​အဝတ်​ကို​ဖြန့်ခင်း​၍ ထို​အပေါ်​၌ လင်ပန်း​များ​၊ ခွက်​များ​၊ ပန်းကန်လုံး​များ​၊ သွန်းလောင်းရာပူဇော်သက္ကာ​အတွက် ကရား​များ​ကို တင်​ရ​မည်​။ နေ့စဉ်​တင်​ရ​သော​ရှေ့တော်မုန့်​ကို​လည်း စားပွဲ​ပေါ်၌ ထားရှိ​ရ​မည်​။

တော​လည် 7:13

သူ​၏​ပူဇော်သက္ကာ​များ​မှာ ဘောဇဉ်ပူဇော်သက္ကာ​အတွက် ဆီ​နှင့်​ရော​သော​အကောင်းဆုံး​ဂျုံမှုန့်​အပြည့်​ပါ​သည့် သန့်ရှင်းရာဌာန​၏​ရှယ်ကယ်​စံနှုန်း​နှင့်အညီ အလေးချိန်​ရှယ်ကယ်​တစ်ရာ့​သုံးဆယ်​ရှိ​သော ငွေ​လင်ပန်း​တစ်​ချပ်​နှင့် ရှယ်ကယ်​ခုနစ်ဆယ်​ရှိ​သော ငွေ​ဇလုံ​တစ်​လုံး​၊

တော​လည် 7:19

သူ​ယူဆောင်​လာ​သော​ပူဇော်သက္ကာ​များ​မှာ ဘောဇဉ်ပူဇော်သက္ကာ​အတွက် ဆီ​နှင့်​ရော​သော​အကောင်းဆုံး​ဂျုံမှုန့်​အပြည့်​ပါ​သည့် သန့်ရှင်းရာဌာန​၏​ရှယ်ကယ်​စံနှုန်း​နှင့်အညီ အလေးချိန်​ရှယ်ကယ်​တစ်ရာ့​သုံးဆယ်​ရှိ​သော ငွေ​လင်ပန်း​တစ်​ချပ်​နှင့် ရှယ်ကယ်​ခုနစ်ဆယ်​ရှိ​သော ငွေ​ဇလုံ​တစ်​လုံး​၊

လုကာ 11:41

သို့ဖြစ်၍ အတွင်း​၌​ရှိ​သော​အရာ​များ​ကို ပေးကမ်း​စွန့်ကြဲ​ကြ​လော့။ သို့ပြုလျှင် အရာ​ခပ်သိမ်း​တို့​သည် သင်​တို့​အတွက် စင်ကြယ်​ကြ​လိမ့်မည်။

တမန်တော်ဝတ္ထု 10:15

ထိုအခါ ဒုတိယ​အကြိမ် အသံ​ထပ်မံ​ထွက်ပေါ်​လာ​၍“ဘုရားသခင်​စင်ကြယ်​စေ​သည့်​အရာ​ကို ညစ်ညူး​သည်​ဟု သင်​မ​ဆို​နှင့်”​ဟု ဆို​လေ​၏။

တမန်တော်ဝတ္ထု 10:28

ထိုအခါ ပေတရု​က “ဂျူး​လူမျိုး​တို့​အတွက် လူမျိုးခြား​ထံ အလည်အပတ်​သွား​ခြင်း​၊ သို့မဟုတ် သူ​တို့​နှင့်​ပေါင်းဖော်​ခြင်း​သည် တရား​တော်​နှင့်​မ​ညီ​ကြောင်း သင်​တို့​သိ​ကြ​၏။ သို့သော် မည်သူ့​ကို​မျှ ညစ်ညူး​သော​သူ​၊ သို့မဟုတ် မစင်ကြယ်​သော​သူ​ဟူ၍ မ​ခေါ်​ရ​မည့်​အကြောင်း ဘုရားသခင်​သည် ငါ့​အား ပြသ​တော်မူ​ပြီ။

တမန်တော်ဝတ္ထု 11:9

ထိုအခါ ဒုတိယ​အကြိမ်​ကောင်းကင်​မှ အသံ​ထွက်ပေါ်​လာ​၍‘ဘုရားသခင်​စင်ကြယ်​စေ​သည့်​အရာ​ကို ညစ်ညူး​သည်​ဟု သင်​မ​ဆို​နှင့်’​ဟု ဆို​လေ​၏။

တမန်တော်ဝတ္ထု 15:9

ဘုရားသခင်​သည် သူ​တို့​နှင့်​ငါ​တို့​ကို လုံးဝ​ခွဲခြား​တော်​မ​မူ​ဘဲ ယုံကြည်​ခြင်း​အားဖြင့် သူ​တို့​၏​စိတ်နှလုံး​ကို စင်ကြယ်​စေ​တော်မူ​၏။

ကော​လော​သဲ 3:17

သင်​တို့​ပြု​သမျှ​သော​အရာ​တို့​ကို​လည်း ပြောဆို​မှု​၌​ဖြစ်စေ၊ လုပ်ဆောင်​မှု​၌​ဖြစ်စေ အရာ​ခပ်သိမ်း​တို့​ကို သခင်​ယေရှု​၏​နာမ​တော်​၌​ပြု​လျက် ကိုယ်တော်​အားဖြင့် ခမည်းတော်​ဘုရားသခင်​ကို ကျေးဇူးတင်​ကြ​လော့။

၁ ပေ 2:5

သင်​တို့​ကိုယ်တိုင်​သည်​လည်း အသက်ရှင်​သော​ကျောက်​ကဲ့သို့ ဝိညာဉ်ရေး​ဆိုင်ရာ​အိမ်​တော်​အဖြစ် တည်ဆောက်​ခြင်း​ကို​ခံ​ကြ​လော့။ ဤသည်ကား သင်​တို့​သည် သန့်ရှင်း​သော​ယဇ်ပုရောဟိတ်​မျိုး​ဖြစ်​လျက် ဘုရားသခင်​နှစ်သက်​လက်ခံ​တော်မူ​သော ဝိညာဉ်ရေး​ဆိုင်ရာ​ယဇ်​များ​ကို ယေရှု​ခရစ်တော်​အားဖြင့် ပူဇော်​နိုင်​ရန် ဖြစ်​၏။

၁ ပေ 2:9

သင်​တို့​မူကား ရွေးကောက်​ခံရ​သော​အမျိုးအနွယ်၊ တော်ဝင်​ယဇ်ပုရောဟိတ်​မျိုး၊ သန့်ရှင်း​သော​တိုင်းသူပြည်သား၊ ပိုင်ဆိုင်​တော်မူ​သော​လူမျိုး​တော်​ဖြစ်​ကြ​၏။ ဤသည်ကား သင်​တို့​ကို အမှောင်​ထဲမှ မိမိ​၏​အံ့ဩဖွယ်​အလင်း​ထဲသို့ ခေါ်ယူ​တော်မူ​သော​အရှင်​၏​ကောင်းမြတ်​တော်မူ​ခြင်း​များ​ကို သင်​တို့​ဖော်ပြ​ကြ​မည့်​အကြောင်း​တည်း။

၁ ပေ 4:11

ဟောပြော​သော​သူ​သည် ဘုရားသခင်​၏​နှုတ်ကပတ်​တရား​တော်​အတိုင်း​ဟောပြော​စေ။ အမှု​တော်​ဆောင်ရွက်​သော​သူ​သည် ဘုရားသခင်​ပြင်ဆင်​ပေး​တော်မူ​သော​အစွမ်းသတ္တိ​အတိုင်း​ဆောင်ရွက်​စေ။ ဤသည်ကား ဘုရားသခင်​သည် ခပ်သိမ်း​သော​အရာ​တို့​၌ ယေရှု​ခရစ်တော်​အားဖြင့် ဘုန်း​တော်​ထင်ရှား​မည့်​အကြောင်း​တည်း။ ထို​သခင်​၌ ကမ္ဘာ​အဆက်ဆက် ဘုန်း​အသရေ​နှင့်​တန်ခိုး​အရှိန်အဝါ​ရှိ​ပါစေသော။ အာမင်။

ဗျာ​ဒိတ် 1:6

ငါ​တို့​အား နိုင်ငံ​တော်​ဖြစ်​စေ​လျက် မိမိ​ခမည်းတော်​ဘုရားသခင်​ရှေ့​တော်​၌ ယဇ်ပုရောဟိတ်​များ​ဖြစ်​စေ​တော်မူ​သော​အရှင်​၌ ကမ္ဘာ​အဆက်ဆက် ဘုန်း​အသရေ​နှင့်​တန်ခိုး​အရှိန်အဝါ​ရှိ​ပါစေသော။ အာမင်။

ဗျာ​ဒိတ် 20:6

ပထမ​ရှင်ပြန်​ထမြောက်​ခြင်း​၌​ပါ​သော​သူ​သည် မင်္ဂလာရှိ​သူ၊ သန့်ရှင်း​သူ​ဖြစ်​၏။ ဒုတိယ​သေ​ခြင်း​သည် သူ​တို့​အပေါ်​မည်သည့်​အခွင့်​အာဏာ​မျှ​မ​ရှိ။ သူ​တို့​သည် ဘုရားသခင်​နှင့်​ခရစ်တော်​၏​ယဇ်ပုရောဟိတ်​များ​ဖြစ်​ကြ​ပြီး ခရစ်တော်​နှင့်အတူ အနှစ်​တစ်ထောင်​စိုးစံ​ကြ​လိမ့်မည်။

ဗျာ​ဒိတ် 5:10

သူ​တို့​ကို အကျွန်ုပ်​တို့​၏​ဘုရားသခင်​အတွက် နိုင်ငံ​တော်​တစ်​ခု​နှင့် ယဇ်ပုရောဟိတ်​များ​ဖြစ်​စေ​တော်မူ​သဖြင့် သူ​တို့​သည် ကမ္ဘာ​မြေကြီး​ပေါ်တွင် အုပ်စိုး​ရ​ကြ​လိမ့်မည်”​ဟု ဆို​ကြ​၏။

၁ ရာ 2:14

ဒယ်​၊ ကရား​၊ ခွက်​၊ အိုး အစရှိ​သည်​တို့​ထဲသို့ ထိုးဆယ်​၍ ခက်ရင်း​၌​ပါလာ​သမျှ​သော​အသား​တို့​ကို ယဇ်ပုရောဟိတ်​အတွက် ယူသွား​လေ့​ရှိ​၏​။ သူ​တို့​သည် ရှိလော​မြို့​သို့​လာရောက်​သော​အစ္စရေး​လူမျိုး​အပေါင်း​တို့​ကို ထိုသို့ ပြုမူ​လေ့​ရှိ​၏​။