ဇာ​ခ​ရိ 1:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ထို​သူ​တို့​က မုရတုပင်​တို့​အလယ်​၌​ရပ်​နေ​သော ထာဝရဘုရား​၏​ကောင်းကင်တမန်​အား “​အကျွန်ုပ်​တို့​သည် ကမ္ဘာမြေ​ပေါ်သို့​သွား​၍ လှည့်လည်​ခဲ့​ပြီ​။ မြေ​တစ်ပြင်လုံး တိတ်ဆိတ်​ငြိမ်သက်​နေ​ပါ​၏​”​ဟု လျှောက်တင်​ကြ​၏​။

Common Language Bible

¹¹ မြင်း​များ​က​လည်း``အ​ကျွန်ုပ်​တို့​သည်​ကမ္ဘာ​တစ် ဝှမ်း​လုံး​သို့​သွား​ရောက်​ခဲ့​ပြီး​ပါ​ပြီ။ ကမ္ဘာ​တစ်​ခု လုံး​ပင်​အား​ကိုး​ရာ​မဲ့​ဖြစ်​ကာ​နွံ​နာ​ကျိုး​နွံ နေ​ပါ​သည်'' ဟု​အ​စီ​ရင်​ခံ​ကြ​၏။

Garrad Bible

¹¹ နောက် ပါ တို့ က လည်း၊ အ ကျွန်ုပ် တို့ သည်၊ မြေ တစ် လျှောက် သွား လာ ရာ၊ တစ် ပြင် လုံး ငြိမ် ငြိမ် သက် သက် နေ သည် ကို တွေ့ ကြ ပါ သည် ဟု၊ ကျောက် ပန်း မြိုင် တွင် ရပ် နေ သော၊ ထာ ဝ ရ ဘု ရား၏ စေ တ မန် တော် အား ပြန် လျှောက် ကြ သော်၊

Judson Bible

¹¹ ထို​သူ​တို့​က​လည်း၊ အ​ကျွန်ုပ်​တို့​သည် မြေ​ကြီး အ​ရပ်​ရပ်​တို့​ကို လှည့်​လည်၍ သွား​ပါ​ပြီ။ မြေ​ကြီး​တစ်​လျှောက်​လုံး​သည် အ​မှု​မ​ရှိ။ ငြိမ်​ဝပ်​လျက်​ရှိ​ပါ၏​ဟု မု​ရ​တု​တော၌​ရပ်​သော ထာ​ဝ​ရ​ဘု​ရား၏​ကောင်း​ကင်​တ​မန်​အား ပြန်​လျှောက်​ကြ၏။

ဇာ​ခ​ရိ 1:11 Referencias Cruzadas

ယောဘဝတ္တု။ 1:7

ထာဝရဘုရား​က စာတန်​အား “​သင် ဘယ်​အရပ်​က​လာ​သနည်း​”​ဟု မေး​တော်မူ​လျှင် စာတန်​က ထာဝရဘုရား​အား “​မြေကြီး​တစ်ခွင် လှည့်လည်​သွားလာ​ရာ​မှ လာ​ပါ​သည်​”​ဟု ပြန်လျှောက်​၏​။

ဆာ​လံ 68:17

ဘုရားသခင်​၏​စစ်ရထား​တို့​သည် အထောင်​အသောင်း​မက​များပြား​ကြ​၏​။ ဘုရားရှင်​သည် သိနာ​တောင်​မှာ​ကဲ့သို့ သူ​တို့​နှင့်အတူ သန့်ရှင်းရာဌာန​တော်​၌ ရှိ​တော်မူ​၏​။

ဟေ​ရှာ​ယ 14:7

ကမ္ဘာမြေ​တစ်ခွင်လုံး ငြိမ်းချမ်း​သာယာ​သွား​၍ လူ​တို့​သည် ရွှင်လန်း​စွာ​ကြွေးကြော်​ကြ​လေ​၏​။

ဒံ​ယေ​လ 10:20

ထို​သူ​က​လည်း “​သင့်​ထံသို့ အဘယ်ကြောင့် ငါ​ရောက်လာ​ရ​သည်​ကို သင်​သိ​သလော​။ ယခု ငါ​သည် ပါးရှား​နိုင်ငံ​စောင့်​မင်း​နှင့် စစ်တိုက်​ရန် ပြန်သွား​ရ​မည်​။ ငါ​ထွက်သွား​ပြီးနောက် ဂရိ​နိုင်ငံ​စောင့်​မင်း ရောက်လာ​လိမ့်မည်​။

ဇာ​ခ​ရိ 1:10

မုရတုပင်​တို့​အလယ်​၌​ရပ်​နေ​သော​သူ​က “​ဤ​အရာ​များ​ကား ကမ္ဘာမြေ​ပေါ်သို့​သွား​၍ လှည့်လည်​ကြည့်ရှု​ရန် ထာဝရဘုရား​စေလွှတ်​လိုက်​သော​သူ​များ​ဖြစ်​သည်​”​ဟု ဆို​၏​။

ဇာ​ခ​ရိ 1:15

ငါ​အနည်းငယ်​အမျက်ထွက်​၍ ဂျေရုဆလင်​မြို့​ကို ဘေးပြုဆုံးမ​စေ​သော်လည်း ငြိမ်းချမ်း​စွာ​နေ​ရ​သော​လူမျိုးခြား​တို့​သည် ပို၍ ပြု​ကြ​သောကြောင့် သူ​တို့​ကို ငါ​အလွန်​အမျက်ထွက်​၏’​ဟု မိန့်​တော်မူ​၏​။

ဇာ​ခ​ရိ 1:8

ညအချိန်​၌ ငါ​ကြည့်လိုက်​ရာ လူ​တစ်ဦး​သည် အနီရောင်​မြင်း​ကို​စီးလာ​ပြီး မုရတုပင်​တို့​အလယ်​တောနက်​ထဲတွင် ရပ်​နေ​၍ သူ့​နောက်တွင် မြင်း​နီ​၊ မြင်း​ညို​၊ မြင်း​ဖြူ​တို့​လည်း ရပ်​နေ​သည်​ကို ငါ​မြင်​ရ​၏​။

ဇာ​ခ​ရိ 6:7

အုန်းခွံရောင်​မြင်း​များ​သည် ထွက်လာ​၍ မြေ​တစ်ပြင်လုံး​ကို လှည့်လည်​သွားလာ​ရန် အလွန်​စိတ်ထက်သန်​နေ​၏​။ ကောင်းကင်တမန်​က “​သွား​လော့​။ မြေ​တစ်ပြင်လုံး​ကို လှည့်လည်​သွားလာ​လော့​”​ဟု ဆို​သည်​နှင့် မြေ​တစ်ပြင်လုံး​ကို လှည့်လည်​သွားလာ​ကြ​လေ​၏​။

မဿဲ 13:41

လူ့သား​သည် မိမိ​၏​ကောင်းကင်တမန်​များ​ကို​စေလွှတ်​သဖြင့် သူ​တို့​သည် မှားယွင်း​စေ​သော​အရာ​များ​နှင့် တရားမဲ့​သော​အမှု​ကို​ပြု​သော​သူ​များ​အားလုံး​တို့​ကို နိုင်ငံ​တော်​မှ နုတ်ယူ​ပြီးလျှင်

မဿဲ 13:49

ကပ်ကမ္ဘာ​ကုန်ဆုံး​ချိန်​၌ ထိုနည်းတူ​ဖြစ်​လိမ့်မည်။ ကောင်းကင်တမန်​များ​သည်​လာ​၍ ဆိုးညစ်​သော​သူ​တို့​ကို ဖြောင့်မတ်​သော​သူ​တို့​ထဲမှ သီးခြား​ခွဲထား​ကာ

မဿဲ 25:31

လူ့သား​သည် မိမိ​၏​ဘုန်း​အသရေ​ကို​ဆောင်​လျက် ကောင်းကင်တမန်​အပေါင်း​တို့​နှင့်တကွ ကြွလာ​သောအခါ ဘုန်း​အသရေ​နှင့်​ပြည့်စုံ​သော မိမိ​၏​ပလ္လင်​ပေါ်၌ ထိုင်​တော်မူ​လိမ့်မည်။

၁ သက် 5:3

“ငြိမ်းချမ်း​မှု​နှင့်​လုံခြုံ​မှု​ရှိ​သည်”​ဟု လူ​တို့​ပြောဆို​နေ​ကြ​သည့်​အချိန်​၌ပင် ကိုယ်ဝန်ဆောင်​အမျိုးသမီး​၌ သားဖွား​ခြင်း​ဝေဒနာ​ရောက်လာ​သကဲ့သို့ ပျက်စီး​ခြင်း​သည် သူ​တို့​အပေါ် ရုတ်တရက်​ရောက်လာ​၍ သူ​တို့​သည် လုံးဝ​လွတ်မြောက်​နိုင်​မည်​မ​ဟုတ်။

၂ သက် 1:7

ဆင်းရဲ​ဒုက္ခ​ခံရ​သော​သင်​တို့​အား ငါ​တို့​နှင့်အတူ​သက်သာ​ခွင့်​ကို​လည်းကောင်း ပြန်​၍​ခံစား​စေ​မည့်​အမှု​သည် ဘုရားသခင်​ရှေ့​တော်​၌ အမှန်​ပင်​တရားမျှတ​သော​အမှု​ဖြစ်​၏။

ဗျာ​ဒိတ် 1:1

ဤသည်ကား ယေရှု​ခရစ်တော်​၏​ဗျာဒိတ်​တော်​ဖြစ်​၏။ ဤ​ဗျာဒိတ်​တော်​သည် မကြာမီ​အတွင်း​ဖြစ်ပျက်​ရ​မည့်​အရာ​များ​ကို မိမိ​၏​အစေအပါး​တို့​အား​ပြသ​ရန် ခရစ်တော်​၌ ဘုရားသခင်​ပေးအပ်​တော်မူ​သော​အရာ​ဖြစ်​၏။ ခရစ်တော်​သည် မိမိ​၏​ကောင်းကင်​တမန်​ကို​စေလွှတ်​၍ မိမိ​အစေအပါး​ယောဟန်​အား ဤ​ဗျာဒိတ်​တော်​အရိပ်အယောင်​ကို ဖော်ပြ​တော်မူ​၏။