ဆာ​လံ 98:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ထာဝရဘုရား​ကို စောင်း​တီး​၍ သီဆိုချီးမွမ်း​ကြ​လော့​။ စောင်း​တီး​၍ တေးသီချင်း​သံ​ဖြင့် သီဆိုချီးမွမ်း​ကြ​လော့​။

Common Language Bible

⁵ ထော​မ​နာ​သီ​ချင်း​ကို​ဆို​ကာ​ထာ​ဝ​ရ​ဘု​ရား​၏ ဂုဏ်​တော်​ကို​ချီး​မွမ်း​ကြ​လော့။ စောင်း​များ​ကို​တီး​၍​ဂုဏ်​တော်​ကို​ချီး​မွမ်း​ကြ​လော့။

Garrad Bible

⁵ စောင်း တီး၍ ထာ ဝ ရ ဘု ရား အား ကျူး ဧ ကြ လော့။ စောင်း တီး၍ ကျူး ဧ သော အ သံ နှင့် ဆို ကြ လော့။

Judson Bible

⁵ စောင်း​တီး၍ ထာ​ဝ​ရ​ဘု​ရား​အား သီ​ချင်း​ဆို​ကြ​လော့။ စောင်း​တီး၍ တူ​ရိ​ယာ​သံ​ကို ပြု​ကြ​လော့။

ဆာ​လံ 98:5 Referencias Cruzadas

၁ ရာ​ချုပ် 15:16

ဒါဝိဒ်​မင်းကြီး​က လေဝိ​အမျိုး​အကြီးအကဲ​တို့​အား စောင်းပြား​၊ စောင်းကောက်​၊ လင်းကွင်း​စသော​တူရိယာ​တို့​ဖြင့် အားရ​ဝမ်းမြောက်​စွာ​သီဆို​နိုင်​သော သူ​တို့​၏​ဆွေမျိုးသားချင်း​တို့​ကို သီချင်းသည်​အဖြစ် ခွဲခန့်​ထား​ရန် အမိန့်ပေး​ထား​၏​။

၁ ရာ​ချုပ် 15:28

ဤသို့ဖြင့် အစ္စရေး​လူမျိုး​အပေါင်း​တို့​သည် ကြွေးကြော်​လျက်​၊ တံပိုးမှုတ်သံ​နှင့်အတူ တံပိုးခရာ​များ​၊ လင်းကွင်း​များ​၊ စောင်းကောက်​၊ စောင်းပြား​များ​ကို တီးမှုတ်​လျက် ထာဝရဘုရား​၏​ပဋိညာဉ်​သေတ္တာ​တော်​ကို သယ်ဆောင်​လာ​ကြ​၏​။

၂ ရာ​ချုပ် 29:25

ဒါဝိဒ်​မင်းကြီး​နှင့်တကွ မင်းကြီး​၏​ဗျာဒိတ်ဆရာ​ဂဒ်​နှင့် ပရောဖက်​နာသန်​တို့ ညွှန်ကြား​ထား​နှင့်​သည့်​အတိုင်း ဟေဇကိ​မင်းကြီး​သည် လင်းကွင်း​၊ စောင်းပြား​၊ စောင်းကောက် တီးမှုတ်​တတ်​သော​လေဝိ​အမျိုး​တို့​ကို ထာဝရဘုရား​၏​အိမ်​တော်​တွင် နေရာချ​ထား​၏​။ ထိုသို့ ထာဝရဘုရား​သည် ပရောဖက်​တို့​မှတစ်ဆင့် မိန့်မှာ​ထား​တော်မူ​၏​။

ဆာ​လံ 147:7

ကျေးဇူးတော်​ချီးမွမ်း​ခြင်း​ဖြင့် ထာဝရဘုရား​ထံ တေးဖွဲ့​သီဆို​ကြ​လော့​။ စောင်း​တီး​၍ ငါ​တို့​၏​ဘုရားသခင်​ကို သီဆိုချီးမွမ်း​ကြ​လော့​။

ဆာ​လံ 33:2

စောင်း​တီး​၍ ထာဝရဘုရား​ကို​ချီးမွမ်း​ကြ​လော့​။ ဆယ်​ကြိုး​တပ်​စောင်းပြား​တီး​၍ ကိုယ်တော်​ကို​သီဆိုချီးမွမ်း​ကြ​လော့​။

ဆာ​လံ 71:22

အို အကျွန်ုပ်​၏​ဘုရားသခင်​၊ အကျွန်ုပ်​သည် ကိုယ်တော်​၏​သစ္စာ​တော်​အတွက် စောင်းပြား​တူရိယာ​တီး​၍ ကိုယ်တော်​၏​ကျေးဇူးတော်​ကို​ချီးမွမ်း​ပါ​မည်​။ အစ္စရေး​လူမျိုး​တို့​၏​သန့်ရှင်း​သော​အရှင်​၊ အကျွန်ုပ်​သည် ကိုယ်တော်​ကို စောင်း​တီး​၍ သီဆိုချီးမွမ်း​ပါ​မည်​။

ဟေ​ရှာ​ယ 51:3

အကယ်စင်စစ် ထာဝရဘုရား​သည် ဇိအုန်​မြို့​ကို နှစ်သိမ့်​တော်မူ​မည်​။ ထို​မြို့​၏​ပြိုပျက်​ရာ​ကို နှစ်သိမ့်​တော်မူ​မည်​။ ထို​မြို့​၏​တောကန္တာရ​အရပ်​ကို ဧဒင်​အရပ်​ကဲ့သို့​ဖြစ်စေ​တော်မူ​မည်​။ ထို​မြို့​၏​သဲကန္တာရ​ကို ထာဝရဘုရား​၏​ဥယျာဉ်​ကဲ့သို့​ဖြစ်စေ​တော်မူ​မည်​။ ထို​မြို့​၌ ရွှင်မြူး​ခြင်း​၊ ဝမ်းမြောက်​ခြင်း​၊ ကျေးဇူးတော်​ချီးမွမ်း​ခြင်း​၊ သီချင်းသီဆို​ခြင်း​ရှိ​မည်​။

ဗျာ​ဒိတ် 5:8

ထိုသို့ စာလိပ်​ကို​ယူ​လိုက်​သောအခါ သတ္တဝါ​လေး​ပါး​တို့​နှင့် သက်ကြီးဝါကြီး​နှစ်ဆယ့်​လေး​ပါး​တို့​သည် စောင်း​များ​ကို​လည်းကောင်း၊ သန့်ရှင်း​သူ​တို့​၏​ဆုတောင်း​ချက်​များ​ဖြစ်​ကြ​သော နံ့သာပေါင်း​နှင့်​ပြည့်​နေ​သည့် ရွှေ​ဖလား​များ​ကို​လည်းကောင်း အသီးသီး​ကိုင်ဆောင်​လျက် သိုးသငယ်​တော်​ရှေ့​၌ ပျပ်ဝပ်​ကြ​၏။