ဆာ​လံ 95:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ အကြောင်းမူကား ထာဝရဘုရား​သည် ကြီးမြတ်​တော်မူ​သော​ဘုရားသခင်​ဖြစ်​တော်မူ​၏​။ ဘုရား​ရှိသမျှ​တို့​ထက်​ကြီးမြတ်​တော်မူ​သော ရှင်ဘုရင်​ဖြစ်​တော်မူ​၏​။

Common Language Bible

³ အ​ဘယ်​ကြောင့်​ဆို​သော်​ထာ​ဝ​ရ​ဘု​ရား​သည် တန်​ခိုး​ကြီး​တော်​မူ​သော​ဘု​ရား၊ ဘု​ရား​တ​ကာ​တို့​ထက်​တန်​ခိုး​ကြီး​သည့်​ဘု​ရင် ဖြစ်​တော်​မူ​သော​ကြောင့်​ဖြစ်​၏။

Garrad Bible

³ ထာ ဝ ရ ဘု ရား သည် ဘု ရား ဟူ သ မျှ ထက် ကြီး မြတ် သော ဘု ရား၊ မြင့် မြတ် သော ဘု ရင် ဖြစ် တော် မူ ၏။

Judson Bible

³ ထာ​ဝ​ရ​ဘု​ရား​သည် ကြီး​မြတ်​သော​ဘု​ရား၊ ဘု​ရား​တ​ကာ​တို့​ထက် ကြီး​မြတ်​သော​ဘု​ရင် ဖြစ်​တော်​မူ၏။

ဆာ​လံ 95:3 Referencias Cruzadas

နေ​ဟ​မိ 8:6

ဧဇရ​သည် ကြီးမြတ်​တော်မူ​သော​ဘုရားသခင်​ထာဝရဘုရား​ကို ကောင်းချီးထောမနာ​ပြု​သောအခါ လူ​အပေါင်း​တို့​သည် လက်​ကို​မြှောက်​လျက် “​အာမင် အာမင်​”​ဟု ဝန်ခံ​ကြ​၏​။ ထို့နောက် မြေ​ပေါ်တွင်​ပျပ်ဝပ်​လျက် ထာဝရဘုရား​ကို ရှိခိုးကိုးကွယ်​ကြ​၏​။

ဆာ​လံ 104:1

အို ငါ​၏​စိတ်ဝိညာဉ်​၊ ထာဝရဘုရား​ကို ကောင်းချီးထောမနာ​ပြု​လော့​။ အကျွန်ုပ်​၏​ဘုရားသခင် ထာဝရဘုရား​၊ ကိုယ်တော်​သည် အလွန်​ကြီးမြတ်​တော်မူ​၏​။ ကိုယ်တော်​သည် ဘုန်းကျက်သရေ​နှင့် ဘုန်းအာနုဘော်​ကို ဆင်မြန်း​တော်မူ​၏​။

ဆာ​လံ 135:5

အကြောင်းမူကား ထာဝရဘုရား​သည် ကြီးမြတ်​တော်မူ​ကြောင်း​၊ ငါ​တို့​၏​အရှင်​သည် ဘုရား​တကာ​တို့​ထက် မြင့်မြတ်​တော်မူ​ကြောင်း​ကို ငါ​သိ​၏​။

ဆာ​လံ 145:3

ထာဝရဘုရား​သည် ကြီးမြတ်​တော်မူ​၍ အလွန်​ချီးမွမ်းဖွယ်​ဖြစ်​တော်မူ​၏​။ ကိုယ်တော်​၏​ကြီးမြတ်​တော်မူ​ခြင်း​ကို စူးစမ်း​၍​မ​ကုန်​နိုင်​။

ဆာ​လံ 47:2

အကြောင်းမူကား အမြင့်ဆုံး​သော​အရှင် ထာဝရဘုရား​သည် အံ့ဩဖွယ်​အရှင်​၊ ကမ္ဘာမြေ​တစ်ခွင်လုံး​ကို​အုပ်စိုး​သော ကြီးမြတ်​သည့်​ရှင်ဘုရင်​ဖြစ်​တော်မူ​၏​။

ဆာ​လံ 47:3

ကိုယ်တော်​သည် လူမျိုးတကာ​တို့​ကို ငါ​တို့​အောက်​၌​လည်းကောင်း​၊ တိုင်းသူပြည်သား​တို့​ကို ငါ​တို့​၏​ခြေဖဝါး​အောက်​၌​လည်းကောင်း ငြိမ်ဝပ်​ပိပြား​စေ​တော်မူ​၏​။

ဆာ​လံ 96:4

အကြောင်းမူကား ထာဝရဘုရား​သည် ကြီးမြတ်​တော်မူ​၍ ချီးမွမ်းဖွယ်​အလွန်​ကောင်း​၏​။ ကိုယ်တော်​သည် ဘုရား​တကာ​တို့​ထက် ကြောက်ရွံ့ရိုသေဖွယ်​ကောင်း​လှ​၏​။

ဆာ​လံ 97:9

အကြောင်းမူကား အို ထာဝရဘုရား​၊ ကိုယ်တော်​သည် ကမ္ဘာမြေ​တစ်ခွင်လုံး​တွင် အမြင့်ဆုံး​သော​အရှင်​ဖြစ်​တော်မူ​၏​။ ကိုယ်တော်​သည် ဘုရား​အပေါင်း​တို့​ထက် အလွန်​ချီးမြှောက်​ခြင်း​ခံရ​တော်မူ​၏​။

ထွက်​မြောက် 12:12

ဤ​ည​တွင် ငါ​သည် အီဂျစ်​ပြည်​ကို​ဖြတ်သွား​၍ အီဂျစ်​ပြည်​၌​ရှိ​သော လူ​မှစ၍ တိရစ္ဆာန်​တိုင်အောင် သားဦး​အပေါင်း​တို့​ကို​ဒဏ်ခတ်​မည်​။ ငါ​သည် အီဂျစ်​ဘုရား​ရှိသမျှ​တို့​ကို​လည်း အပြစ်ဒဏ်​ပေး​မည်​။ ငါ​သည် ထာဝရဘုရား​ဖြစ်​၏​။

ထွက်​မြောက် 18:11

သူ​တို့​သည် အစ္စရေး​လူမျိုး​တို့​ကို ဖိနှိပ်ညှဉ်းဆဲ​သော​အမှုအရာ​ကြောင့် ထာဝရဘုရား​သည် ဘုရား​ရှိသမျှ​တို့​ထက် ကြီးမြတ်​တော်မူ​ကြောင်း​ကို ယခု​ငါ​သိ​ပြီ​”​ဟု ဆို​၏​။

ဟေ​ရှာ​ယ 44:8

မ​ကြောက်​ကြ​နှင့်​။ မ​စိုးရိမ်​ကြ​နှင့်​။ ရှေးယခင်​ကတည်းက သင်​တို့​ကို ငါ​ပြောကြား​ခဲ့​ပြီ​၊ ကြားသိ​စေ​ခဲ့​ပြီ​မ​ဟုတ်​လော​။ သင်​တို့​သည် ငါ​၏​သက်သေ​များ​ဖြစ်​ကြ​၏​။ ငါ​မှတစ်ပါး အခြား​ဘုရား​ရှိ​သလော​။ အခြား​ကျောက်ဆောင်​မ​ရှိ​၊ ရှိ​သည်​ကို ငါ​မ​သိ​။

ယေ​ရ​မိ 46:18

ကောင်းကင်​ဗိုလ်ခြေ​အရှင်​ထာဝရဘုရား​ဟူသည့် နာမ​တော်​ရှိ​သော​ရှင်ဘုရင်​က “​အကယ်စင်စစ် ငါ​အသက်ရှင်​သည်​နှင့်အညီ တောင်​များ​တွင် တာဗော်​တောင်​ကဲ့သို့​၊ ပင်လယ်​ကမ်းနား​တွင် ကရမေလ​တောင်​ကဲ့သို့ ထင်ပေါ်​သော​သူ​တစ်​ဦး ရောက်လာ​မည်​”​ဟု မိန့်​တော်မူ​၏​။

ယေ​ရ​မိ 48:15

ကောင်းကင်​ဗိုလ်ခြေ​အရှင်​ထာဝရဘုရား​ဟူသည့် နာမ​တော်​ရှိ​သော​ရှင်ဘုရင်​က “​မောဘ​ပြည် ပျက်စီး​ပြီ​။ မောဘ​မြို့​များ​သို့ ရန်သူ​ချီလာ​ပြီ​။ ရဲစွမ်းသတ္တိ​ရှိ​သော​လူငယ်​တို့​သည် အသတ်ခံ​ရ​ပြီ​”​ဟု မိန့်​တော်မူ​၏​။

ဒံ​ယေ​လ 4:37

ယခု​တွင် ငါ​နေဗုခဒ်နေဇာ​မင်းကြီး​သည် ကောင်းကင်ဘုံ​ရှင်ဘုရင်​ကို ချီးမွမ်း​ထောမနာပြု​ပါ​၏​၊ ချီးမြှောက်​ပါ​၏​။ ကိုယ်တော်​ပြု​တော်မူ​သော​အမှု​သည် သစ္စာ​တော်​နှင့်​ပြည့်စုံ​တော်မူ​ပါ​၏​။ ကိုယ်တော်​၏​နည်းလမ်း​တော်​တို့​သည် တရားမျှတ​တော်မူ​၏​။ ကိုယ်တော်​သည် မာနထောင်လွှား​သော​သူ​တို့​ကို နှိမ့်ချ​နိုင်စွမ်း​ရှိ​တော်မူ​ပါ​၏​။

မာ​လ​ခိ 1:11

“အကယ်စင်စစ် နေထွက်​ရာ​အရပ်​မှ နေ​ဝင်ရာအရပ်​တိုင်အောင် လူမျိုးတကာ​တို့​တွင် ငါ့​နာမ​သည် ဘုန်းကြီး​လိမ့်မည်​။ ငါ့​နာမ​သည် လူမျိုးတကာ​တို့​တွင် ဘုန်းကြီး​သောကြောင့်​ငါ့​နာမ​အဖို့ အရပ်ရပ်​မှ နံ့သာပေါင်း​များ​၊ သန့်ရှင်း​သော​ပူဇော်သက္ကာ​များ​ကို ယူဆောင်​လာ​ကြ​လိမ့်မည်”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

မာ​လ​ခိ 1:14

“​သိုးအုပ်​ထဲတွင် သိုးထီး​ရှိ​လျက်​၊ ကတိသစ္စာ​လည်း ပြု​လျက်​နှင့်ပင် ဘုရားရှင်​အား အနာအဆာ​ရှိ​သော​သိုး​ကို​ပူဇော်​သော​သူ​သည် ကျိန်​ခြင်း​ကို ခံ​သင့်​၏​။ အကြောင်းမူကား ငါ​သည် ဘုန်းကြီး​သော​ရှင်ဘုရင်​ဖြစ်​၏​။ ငါ့​နာမ​သည်​လည်း လူမျိုးတကာ​တို့​တွင် ကြောက်ရွံ့ဖွယ်​ဖြစ်​၏​”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

မဿဲ 5:35

မြေကြီး​ကို​တိုင်တည်​၍​မ​ပြောဆို​ရ။ အကြောင်းမူကား ၎င်း​သည် ကိုယ်တော်​၏​ခြေ​တင်​ခုံ​ဖြစ်​၏။ဂျေရုဆလင်​မြို့​ကို​တိုင်တည်​၍​မ​ပြောဆို​ရ။ အကြောင်းမူကား ၎င်း​သည် ကြီးမြတ်​သော​ဘုရင်​၏​မြို့​တော်​ဖြစ်​၏။

တ​ရား​ဟော 7:21

သူ​တို့​ကို မ​ထိတ်လန့်​ကြ​နှင့်​။ အကြောင်းမူကား ကြီးမြတ်​၍ အံ့ဩဖွယ်​ကောင်း​သော သင်​၏​ဘုရားသခင်​ထာဝရဘုရား​သည် သင်​နှင့်အတူ​ရှိ​တော်မူ​၏​။