ဆာ​လံ 9:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ အို ထာဝရဘုရား​၊ ထ​တော်မူ​ပါ​။ လူ​သည် အနိုင်​မ​ရ​ပါစေ​နှင့်​။ လူမျိုးတကာ​တို့​သည် ရှေ့​တော်​၌​တရားစီရင်​ခြင်း​ခံ​ကြ​ရ​ပါစေသော​။

Common Language Bible

¹⁹ အို ထာ​ဝ​ရ​ဘု​ရား၊ ကြွ​လာ​တော်​မူ​ပါ။ ကိုယ်​တော်​ရှင်​အား​လူ​တို့​အာ​ခံ​ရန် ခွင့်​ပြု​တော်​မ​မူ​ပါ​နှင့်။ ဘု​ရား​မဲ့​သူ​တို့​အား​ရှေ့​တော်​သို့​ခေါ်​ဆောင်​၍ တ​ရား​စီ​ရင်​တော်​မူ​ပါ။

Garrad Bible

¹⁹ အို ထာ ဝ ရ ဘု ရား၊ နိုး ထ ၍ လူ ကို အ နိုင် ပေး တော် မ မူ ပါ နှင့်။ လူ မျိုး ခြား တို့ ကို၊ ရှေ့ တော် ၌ တ ရား ဆုံး ဖြတ် တော် မူ ပါ။

Judson Bible

¹⁹ အို​ထာ​ဝ​ရ​ဘု​ရား၊ ထ​တော်​မူ​ပါ။ လူ​မ​နိုင်​ပါ​စေ​နှင့်။ တစ်​ပါး​အ​မျိုး​သား​တို့​သည် ရှေ့​တော်၌ စစ်​ကြော​စီ​ရင်​ခြင်း​ကို ခံ​ရ​ကြ​ပါ​စေ​သော။

ဆာ​လံ 9:19 Referencias Cruzadas

ကမ္ဘာ​ဦး 32:28

ထိုအခါ ထို​သူ​က “​သင်​၏​အမည်​ကို ယာကုပ် ဟု​မ​ခေါ်​တော့​ဘဲ အစ္စရေး​ဟု​ခေါ်​ရ​မည်​။ အကြောင်းမူကား သင်​သည် ဘုရားသခင်​နှင့်​လည်းကောင်း​၊ လူ​နှင့်​လည်းကောင်း ပြိုင်​၍​နိုင်​လေ​ပြီ​”​ဟု ဆို​၏​။

၂ ရာ​ချုပ် 14:11

ထို့နောက် အာသ​မင်းကြီး​သည် ဘုရားသခင်​ထာဝရဘုရား​ထံ အော်ဟစ်​လျက် “​အို ထာဝရဘုရား​၊ အားကြီး​သူ​ကို​တွန်းလှန်​နိုင်​ရန် အားနည်းသူ​ကို ကူညီ​နိုင်​သော​အရှင်​သည် ကိုယ်တော်​မှလွဲ၍ မ​ရှိ​ပါ​။ အကျွန်ုပ်​တို့​၏​ဘုရားသခင်​ထာဝရဘုရား​၊ အကျွန်ုပ်​တို့​ကို ကယ်မ​တော်မူ​ပါ​။ ကိုယ်တော်​ကို အကျွန်ုပ်​တို့ ကိုးစား​ပါ​၏​။ အကျွန်ုပ်​တို့​သည် ဤ​လူအလုံးအရင်း​ကြီး​ကို​တိုက်ခိုက်​ရန် ကိုယ်တော်​၏​နာမ​တော်​ကို​စွဲကိုင်​လျက် လာ​ပါ​၏​။ အို ထာဝရဘုရား​၊ ကိုယ်တော်​သည် အကျွန်ုပ်​တို့​၏​ဘုရားသခင် ဖြစ်​တော်မူ​ပါ​၏​။ ဤ​လူ​တို့​သည် ကိုယ်တော်​ကို အနိုင်​မ​ရ​ပါစေ​နှင့်​”​ဟု ဆုတောင်း​လေ​၏​။

ဆာ​လံ 10:12

အို ထာဝရဘုရား​၊ ထ​တော်မူ​ပါ​။ အို ဘုရားသခင်​၊ လက်​တော်​ကို​မြှောက်​တော်မူ​ပါ​။ ဖိစီးနှိပ်စက်​ခြင်း​ခံရ​သော​သူ​တို့​ကို မေ့လျော့​တော်​မ​မူ​ပါ​နှင့်​။

ဆာ​လံ 149:7

သူ​တို့​သည် တိုင်းနိုင်ငံ​များ​ကို​လက်တုံ့ပြန်​ခြင်း​နှင့် လူ​တို့​ကို​ဆုံးမ​ခြင်း​အမှု​တို့​ကို​ပြု​ရန်​လည်းကောင်း​၊

ဆာ​လံ 3:7

အို ထာဝရဘုရား​၊ ထ​တော်မူ​ပါ​။ အကျွန်ုပ်​၏​ဘုရားသခင်​၊ အကျွန်ုပ်​ကို​ကယ်တင်​တော်မူ​ပါ​။ အကယ်စင်စစ် ကိုယ်တော်​သည် အကျွန်ုပ်​ရန်သူ​ရှိသမျှ​တို့​၏​ပါး​ကို​ရိုက်​၍ ဆိုးယုတ်​သော​သူ​တို့​၏​သွား​ကို ချိုး​တော်မူ​၏​။

ဆာ​လံ 44:23

အို ဘုရားရှင်​၊ နိုး​တော်မူ​ပါ​။ အဘယ်ကြောင့် ကျိန်းစက်​နေ​တော်မူ​သနည်း​။ ထ​တော်မူ​ပါ​။ အကျွန်ုပ်​တို့​ကို အစဉ်​ငြင်းပယ်​တော်​မ​မူ​ပါ​နှင့်​။

ဆာ​လံ 44:26

ထ​တော်မူ​ပါ​။ အကျွန်ုပ်​တို့​ကို ကူညီမစ​တော်မူ​ပါ​။ ကိုယ်တော်​၏​မေတ္တာကရုဏာ​တော်​ကို​ထောက်၍ အကျွန်ုပ်​တို့​ကို ရွေးနုတ်ကယ်တင်​တော်မူ​ပါ​။

ဆာ​လံ 7:6

အို ထာဝရဘုရား​၊ အမျက်​တော်​နှင့်​ထ​တော်မူ​ပါ​။ အကျွန်ုပ်​ရန်သူ​တို့​၏​ဒေါသ​ကို​ဆန့်ကျင်​လျက် ရပ်​တော်မူ​ပါ​။ အကျွန်ုပ်​အတွက် နိုးကြွ​တော်မူ​ပါ​။ ကိုယ်တော်​သည် တရားစီရင်​ခြင်း​ကို​စီမံ​တော်မူ​ပြီ​။

ဆာ​လံ 79:6

ကိုယ်တော်​ကို​မ​သိ​သော လူမျိုး​တို့​အပေါ်​သို့​လည်းကောင်း​၊ ကိုယ်တော်​၏​နာမ​တော်​ကို တသခေါ်ဆို​ခြင်း​မ​ပြု​သော တိုင်းနိုင်ငံ​တို့​အပေါ်​သို့​လည်းကောင်း ကိုယ်တော်​၏​အမျက်ဒေါသ​ကို သွန်းလောင်း​တော်မူ​ပါ​။

ဆာ​လံ 80:2

ဧဖရိမ်​အမျိုးအနွယ်​၊ ဗင်္ယာမိန်​အမျိုးအနွယ်​နှင့် မနာရှေ​အမျိုးအနွယ်​တို့​ရှေ့​တွင် ကိုယ်တော်​၏​အစွမ်းတန်ခိုး​ကို​နှိုးဆော်​၍ အကျွန်ုပ်​တို့​ကို​ကယ်တင်​ရန် ကြွလာ​တော်မူ​ပါ​။

ဟေ​ရှာ​ယ 51:9

အို ထာဝရဘုရား​၏​လက်ရုံး​တော်​၊ နိုးထ​တော်မူ​ပါ​။ နိုးထ​တော်မူ​ပါ​။ ခွန်အား​ကို​ဆင်ယင်​တော်မူ​ပါ​။ ရှေးကာလ​နေ့ရက်​များ​က​ကဲ့သို့​၊ ရှေးလွန်လေ​ပြီး​သော​မျိုးဆက်​တို့​ခေတ်​က​ကဲ့သို့ နိုးထ​တော်မူ​ပါ​။ ရာဟပ်​ကို​ခုတ်ဖြတ်​သော​သူ​၊ မြွေနဂါး​ကို​ထိုးဖောက်​သော​သူ​သည် ကိုယ်တော်​ပင်​မ​ဟုတ်​လော​။

ယေ​ရ​မိ 10:25

ကိုယ်တော်​ကို​မ​သိ​သော လူမျိုးခြား​တို့​အပေါ်​သို့​လည်းကောင်း​၊ ကိုယ်တော်​၏​နာမ​တော်​ကို​မ​ခေါ်​သော မျိုးနွယ်စု​တို့​အပေါ်​သို့​လည်းကောင်း အမျက်​တော်​ကို သွန်ချ​တော်မူ​ပါ​။ အကြောင်းမူကား သူ​တို့​သည် ယာကုပ်​အမျိုး​ကို​ဝါးမျို​၍ အကုန်အစင်​ဖျက်ဆီး​လေ​ပြီ​။ သူ​နေထိုင်​ရာ​အရပ်​ကို​လည်း ဖျက်ဆီး​လေ​ပြီ​။

ယော​လ 3:12

“လူမျိုးတကာ​တို့​သည် ထ​၍ ယောရှဖတ်​ချိုင့်ဝှမ်းလွင်ပြင်​သို့ လာ​ကြ​ပါစေ​။ ငါ​သည် ထို​နေရာ​တွင် ထိုင်​၍ အရပ်ရပ်​မှ​လူမျိုးတကာ​တို့​ကို စီရင်​မည်​။

မိက္ခာ 5:15

ငါ့​ကို မ​နာခံ​သော​လူမျိုးခြား​တို့​ကို အမျက်​ဒေါသ​ဖြင့် ငါ​လက်စားချေ​မည်”​ဟု မိန့်​တော်မူ​၏​။

ဇေဖနိ 3:8

ထို့ကြောင့် ငါ​ထ​၍ လုယက်​တိုက်ခိုက်​မည့်​နေ့​ကို စောင့်​နေ​လော့​။ အကယ်စင်စစ် ငါ​သည် တိုင်းနိုင်ငံ​အရပ်ရပ်​မှ လူမျိုးတကာ​တို့​ကို ခေါ်ယူ​စုစည်း​ပြီး တရားစီရင်​မည်​။ ပြင်းထန်​သော ငါ့​အမျက်​၊ ငါ့​ဒေါသမီး​အလုံးအရင်း​ကို သူ​တို့​အပေါ်​သို့​သွန်ချ​မည်​။ ငါ့​ဒေါသ​မီး​အရှိန်​ကြောင့် မြေ​တစ်ပြင်လုံး​လောင်ကျွမ်း​သွား​လိမ့်မည်​။

ဇာ​ခ​ရိ 14:18

အီဂျစ်​လူမျိုး​တို့​ပင်လျှင် မ​လာရောက်​မ​ပါဝင်​လျှင် သူ​တို့​အဖို့ မိုးရွာ​မည်​မ​ဟုတ်​။ ယာယီတဲစု​ပွဲတော်​ကို​ကျင်းပ​ရန် မ​လာ​မ​ရောက်​သော​လူမျိုး​တို့​သည်​လည်း ထာဝရဘုရား​ဒဏ်ခတ်​တော်မူ​သော​ကပ်ရောဂါ​ကို ခံရ​ကြ​လိမ့်မည်​။

ဗျာ​ဒိတ် 19:15

လူမျိုး​တကာ​တို့​ကို​ဒဏ်ခတ်​ရန် ထက်​သော​သန်လျက်​သည် သူ​၏​ခံတွင်း​ထဲမှ​ထွက်​နေ​၏။ သူ​သည် ထို​သူ​တို့​ကို သံ​လှံတံ​ဖြင့်​အုပ်ထိန်း​လိမ့်မည်။ သူ​သည် အနန္တ​တန်ခိုး​နှင့်​ပြည့်စုံ​တော်မူ​သော ဘုရားသခင်​၏​အမျက်​တော်​ဆိုင်ရာ ပြင်းစွာ​သော​ဒေါသ​စပျစ်​ဝိုင်​၏​စပျစ်သီး​နယ်ရာ​ကျင်း​ကို နင်းနယ်​လိမ့်မည်။

၁ ရာ 2:9

ကိုယ်တော်​သည် မိမိ​သန့်ရှင်း​သူ​တို့​၏​ခြေ​ကို စောင့်ရှောက်​ပေး​တော်မူ​၏​။ ဆိုးယုတ်​သော​သူ​တို့​မူကား အမှောင်​ထဲ၌ပင် နှုတ်ဆိတ်​နေ​ရ​လိမ့်မည်​။ အကယ်စင်စစ် လူ​သည် မိမိ​ခွန်အား​ဖြင့် မ​အောင်​နိုင်​ရာ​။