ဆာ​လံ 74:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ ဖိနှိပ်ချုပ်ချယ်​ခြင်း​ခံရ​သော​သူ​သည် အသရေပျက်​၍ ပြန်လှည့်​လာ​ရ​ခြင်း မ​ရှိ​ပါစေ​နှင့်​။ အဖိနှိပ်​ခံရ​သော​သူ​နှင့် နွမ်းပါး​သော​သူ​သည် ကိုယ်တော်​၏​နာမ​တော်​ကို ချီးမွမ်း​ကြ​ပါစေသော​။

Common Language Bible

²¹ ဖိ​စီး​နှိပ်​စက်​ခြင်း​ခံ​ရ​သူ​တို့​အား​အ​ရှက်​ကွဲ စေ​တော်​မ​မူ​ပါ​နှင့်။ ယင်း​ဆင်း​ရဲ​သူ​များ​သည်​ကိုယ်​တော်​ရှင်​အား ထော​မ​နာ​ပြု​ကြ​ပါ​စေ​သော။

Garrad Bible

²¹ နှိပ် စက် ခံ ရ သူ တို့ သည် အ ရှက် ကွဲ လျက် မ ပြန် ရ စေ ဘဲ၊ နာ မ တော် ကို ထို ဆင်း ရဲ နွမ်း ပါး သူ တို့ ချီး မွမ်း ရ ကြ ပါ စေ သော။

Judson Bible

²¹ နှိပ်​စက်​ခြင်း​ကို​ခံ​ရ​သော​သူ​တို့​သည် စိတ်​ပျက်၍ မ​သွား​ကြ​ပါ​စေ​နှင့်။ ဆင်း​ရဲ​ငတ်​မွတ်​သော​သူ​တို့​သည် နာ​မ​တော်​ကို ချီး​မွမ်း​ကြ​ပါ​စေ​သော။

ဆာ​လံ 74:21 Referencias Cruzadas

ဧ​ဇ​ရ 3:11

“​စင်စစ် ကိုယ်တော်​သည် ကောင်းမြတ်​တော်မူ​၏​။ အစ္စရေး​လူမျိုး​ကို ထာဝရ​မေတ္တာ​နှင့် ချစ်​တော်မူ​၏​”​ဟု ထာဝရဘုရား​၏​ကျေးဇူး​တော်​ကို သီဆို​ချီးမွမ်း​ကြ​၏​။ ထာဝရဘုရား​၏​အိမ်​တော်​အုတ်မြစ်​ကို ချ​ပြီး​ဖြစ်၍ လူ​အပေါင်း​တို့​သည် ထာဝရဘုရား​ထံ ကြီးစွာ​သော​အသံ​ဖြင့် ကြွေးကြော်​ချီးမွမ်း​ကြ​လေ​၏​။

ဆာ​လံ 103:6

ထာဝရဘုရား​သည် နှိပ်စက်​ခြင်း​ခံရ​သူ အပေါင်း​တို့​အတွက် ဖြောင့်မတ်​ခြင်း​နှင့် တရားမျှတ​ခြင်း​ကို စီရင်​ပေး​တော်မူ​၏​။

ဆာ​လံ 109:22

အကြောင်းမူကား အကျွန်ုပ်​သည် အဖိနှိပ်​ခံရ​သော​သူ​၊ နွမ်းပါး​သော​သူ ဖြစ်​ပါ​၏​။ အကျွန်ုပ်​၏​စိတ်နှလုံး​သည်​လည်း အကျွန်ုပ်​အထဲ​၌ နာကျင်​လျက်​ရှိ​ပါ​၏​။

ဆာ​လံ 12:5

ထာဝရဘုရား​က “​အဖိနှိပ်​ခံရ​သော​သူ​တို့​ကြုံ​ရ​သည့်​ညှဉ်းဆဲ​ခြင်း​နှင့် နွမ်းပါး​သော​သူ​တို့​၏​ညည်းတွား​ခြင်း​ကြောင့် ယခုပင် ငါ​ထ​မည်​။ သူ​တို့​တမ်းတ​သော​လုံခြုံ​ရာ​အရပ်​၌ သူ​တို့​ကို​ငါ​ထား​မည်​”​ဟု မိန့်​တော်မူ​၏​။

ဆာ​လံ 35:10

အကျွန်ုပ်​၏​အရိုး​ရှိသမျှ​တို့​က “​အို ထာဝရဘုရား​၊ မည်သူ​သည် ကိုယ်တော်​နှင့်​တူ​ပါ​သနည်း​။ ကိုယ်တော်​သည် အဖိနှိပ်​ခံရ​သော​သူ​ကို သူ့​ထက်​အားကြီး​သော​သူ​၏​လက်​မှ ကယ်နုတ်​တော်မူ​၏​။ အကယ်စင်စစ် အဖိနှိပ်​ခံရ​သော​သူ​နှင့် နွမ်းပါး​သော​သူ​ကို လုယူ​တတ်​သော​သူ​၏​လက်​မှ ကယ်နုတ်​တော်မူ​၏​”​ဟု လျှောက်​ကြ​လိမ့်မည်​။

ဆာ​လံ 9:18

သို့သော် နွမ်းပါး​သော​သူ​တို့​သည် အစဉ်​မေ့လျော့​ခြင်း​ခံရ​မည်​မ​ဟုတ်​။ အဖိနှိပ်​ခံရ​သော​သူ​တို့​၏​မျှော်လင့်​ခြင်း​သည်​လည်း ထာဝစဉ်​ပျက်စီး​သွား​မည်​မ​ဟုတ်​။

ဟေ​ရှာ​ယ 45:17

အစ္စရေး​လူမျိုး​သည် ထာဝရဘုရား​အားဖြင့် ထာဝရ​တည်​သော​ကယ်တင်​ခြင်း​ကို​ရရှိ​မည်​။ သင်​တို့​သည် ကာလ​အစဉ်အဆက် အရှက်ကွဲ​ရ​မည်​မ​ဟုတ်​။ အသရေပျက်​ရ​မည်​မ​ဟုတ်​။

ယေ​ရ​မိ 33:11

ဝမ်းမြောက်​ရွှင်မြူး​ခြင်း​အသံ​၊ သတို့သား​သတို့သမီး​အသံ​၊ ထာဝရဘုရား​သည် ကောင်းမြတ်​တော်မူ​၍ မေတ္တာကရုဏာ​တော်​အစဉ်အမြဲ​တည်​သောကြောင့် ကောင်းကင်​ဗိုလ်ခြေ​အရှင်​ထာဝရဘုရား​၏​ကျေးဇူး​တော်​ကို ချီးမွမ်း​ကြ​လော့​ဟု ဆို​လျက် ထာဝရဘုရား​၏​အိမ်​တော်​သို့ ကျေးဇူးတော်​ချီးမွမ်း​ခြင်း​ယဇ်​ကို ယူဆောင်​လာ​သော​သူ​တို့​၏​အသံ​ကို ကြား​ရ​လိမ့်မည်​။ အကြောင်းမူကား ဖမ်းခေါ်​သွား​ခြင်း​ခံရ​သော​ပြည်သား​တို့​ကို ငါ​ပြန်လာ​စေ​၍ ယခင်​က​ကဲ့သို့ ပြန်လည်​နေထိုင်​စေ​မည်’​ဟု မိန့်​တော်မူ​၏​။