ဆာ​လံ 72:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ သူ​သည် သူ​တို့​၏​အသက်​ကို ဖိနှိပ်​ခြယ်လှယ်​ခြင်း​နှင့် ရက်စက်ကြမ်းကြုတ်​ခြင်း​တို့​ထဲမှ ရွေးနုတ်​တော်မူ​လိမ့်မည်​။ အကြောင်းမူကား သူ့​အဖို့ သူ​တို့​၏​သွေး​သည် တန်ဖိုးကြီး​လှ​၏​။

Common Language Bible

¹⁴ သူ​တို့​၏​အ​သက်​သည်​မင်း​ကြီး​၏​ရှေ့​တော်​တွင် အ​ဖိုး​ထိုက်​သည်​အ​လျောက်​ဖိ​စီး​နှိပ်​စက်​မှု​နှင့် အ​ကြမ်း​ဖက်​မှု​များ​မှ​သူ​တို့​ကို​ကယ်​ဆယ် တော်​မူ​၏။

Garrad Bible

¹⁴ သူ တို့ အ သွေး ကို နှ မြော သည့် အ လျောက်၊ အ ဓ မ္မ မှု နှင့် ကြမ်း ကြုတ် မှု မှ၊ အ သက် ကို ရွေး နုတ် ခြင်း ပြု တော် မူ လိမ့် မည်။

Judson Bible

¹⁴ သူ​တို့​အ​သက်​ကို လှည့်​စား​ခြင်း​နှင့် ညှဉ်း​ဆဲ​ခြင်း၏​လက်​မှ​ရွေး​နုတ်၍၊ သူ​တို့​အ​သွေး​ကို နှ​မြော​တော်​မူ​လိမ့်​မည်။

ဆာ​လံ 72:14 Referencias Cruzadas

ကမ္ဘာ​ဦး 48:16

ဘေးအန္တရာယ်​အပေါင်း​မှ ငါ့​ကို​ရွေးနုတ်​တော်မူ​သော ကောင်းကင်တမန်​သည် ဤ​သူငယ်​တို့​ကို​ကောင်းချီးပေး​တော်မူ​ပါစေသော​။ သူ​တို့​ကို ငါ​၏​အမည်​ဖြင့်​လည်းကောင်း​၊ ငါ့​ဘိုးဘ​အာဗြဟံ​နှင့်​ဣဇက်​တို့​၏​အမည်​ဖြင့်​လည်းကောင်း မှည့်ခေါ်​ပါစေသော​။ သူ​တို့​သည် မြေကြီး​ပေါ်၌ အလွန်​ပွားများ​ကြ​ပါစေသော​”​ဟု ဆို​လေ​၏​။

၂ ရာ 23:17

“​အို ထာဝရဘုရား​၊ ဤ​အမှု​သည် အကျွန်ုပ်​နှင့်​ဝေး​ပါစေသော​။ ဤ​ရေ​သည် သူ​တို့​၏​အသွေး​ဖြစ်​ပါ​၏​။ သူ​တို့​အသက်​နှင့်​ရင်း​၍​ရ​လာ​သော​ရေ​ကို အကျွန်ုပ်​သောက်​ရ​ပါ​မည်​လော”​ဟု ဆို​လျက် ထို​ရေ​ကို​မ​သောက်​ဘဲ​နေ​လေ​၏​။ သူရဲကောင်း​သုံး​ဦး​တို့​သည် ဤသို့​စွမ်းဆောင်​ပေး​ခဲ့​လေ​၏​။

၂ ရာ 4:9

ထိုအခါ ဒါဝိဒ်​မင်းကြီး​က ဗေရောသိ​လူမျိုး​၊ ရိမ္မုန်​၏​သား​ဖြစ်​သော ရေခပ်​နှင့်​ဗာနာ ညီအစ်ကို​တို့​အား “​ငါ့​အသက်​ကို ဘေးဒုက္ခ​အပေါင်း​မှ ရွေးနုတ်ကယ်တင်​တော်မူ​သော ထာဝရဘုရား အသက်ရှင်​တော်မူ​သည်​နှင့်အညီ

ဆာ​လံ 116:15

ထာဝရဘုရား​၏​ရှေ့​တော်​၌ မိမိ​သန့်ရှင်း​သူ​တို့​၏​သေဆုံး​ခြင်း​သည် အဖိုးတန်​လှ​၏​။

ဆာ​လံ 130:8

ကိုယ်တော်​သည် အစ္စရေး​လူမျိုး​တို့​ကို သူ​တို့​၏​ဒုစရိုက်​ရှိသမျှ​တို့​ထဲမှ ရွေးနုတ်ကယ်တင်​တော်မူ​လိမ့်မည်​။

ဆာ​လံ 25:22

အို ဘုရားသခင်​၊ အစ္စရေး​လူမျိုး​ကို ခပ်သိမ်း​သော​ဆင်းရဲဒုက္ခ​ထဲမှ ရွေးနုတ်ကယ်တင်​တော်မူ​ပါ​။

ဆာ​လံ 69:18

အကျွန်ုပ်​၏​စိတ်ဝိညာဉ်​ထံသို့​ချဉ်းကပ်​၍ ရွေးနုတ်​တော်မူ​ပါ​။ အကျွန်ုပ်​၏​ရန်သူ​များ​ကြောင့် အကျွန်ုပ်​ကို​ရွေးနုတ်ကယ်တင်​တော်မူ​ပါ​။

တိ​တု 2:14

ခရစ်တော်​သည် ငါ​တို့​ကို ခပ်သိမ်း​သော​တရားမဲ့​ခြင်း​ထဲမှ ရွေးနုတ်​ကယ်တင်​ရန်​နှင့် ကောင်း​သော​အမှု​၌ စိတ်အား​ထက်သန်​သည့် မိမိ​ပိုင်​တော်မူ​သော​လူမျိုး​ကို မိမိ​အတွက်​စင်ကြယ်​စေ​ရန် ငါ​တို့​အတွက် မိမိကိုယ်ကို​စွန့်​တော်မူ​၏။

ဗျာ​ဒိတ် 17:6

ထို​မိန်းမ​သည် သန့်ရှင်း​သူ​တို့​၏​သွေး​နှင့် ယေရှု​၏​သက်သေ​များ​၏​သွေး​တို့​ဖြင့် ယစ်မူး​နေ​သည်​ကို ငါ​မြင်​ရ​၏။ ငါ​သည် သူ့​ကို​မြင်​ရ​သောအခါ အလွန်​အံ့ဩ​မိ​၏။

ဗျာ​ဒိတ် 19:2

အကြောင်းမူကား ကိုယ်တော်​၏​တရား​စီရင်​တော်မူ​ချက်​တို့​သည် မှန်ကန်​၍​ဖြောင့်မတ်​၏။ တရားနှင့်မညီ​မေထုန်ပြု​ခြင်း​အားဖြင့် ကမ္ဘာ​မြေကြီး​အား​ပျက်စီး​စေ​သည့် ပြည့်တန်ဆာမ​ကြီး​ကို ကိုယ်တော်​သည် စီရင်​တော်မူ​လျက် သူ​၏​လက်​၌​စွန်းထင်း​သော ကိုယ်တော့်​အစေအပါး​တို့​၏​သွေး​အတွက် လက်တုံ့ပြန်​တော်မူ​ပြီ”​ဟု ဆို​ကြ​၏။

၁ ရာ 26:21

ထိုအခါ ရှောလု​မင်းကြီး​က “​ငါ​အပြစ်ပြု​မိ​လေ​ပြီ​။ ငါ့​သား​ဒါဝိဒ်​၊ ပြန်လာ​ပါ​။ သင့်​ကို နောက်ထပ်​အန္တရာယ်​မ​ပြု​တော့​ပါ​။ ကြည့်ရှု​လော့​။ ငါ​သည် မိုက်မဲ​လျက် အမှားကြီးမှား​နေ​သော်လည်း ယနေ့​တွင် သင်​သည် ငါ့​အသက်​ကို တန်ဖိုးထား​လေ​ပြီ”​ဟု ပြန်​အော်ပြော​လေ​၏​။