ဆာ​လံ 68:27 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ ထို​အရပ်​တွင် သူ​တို့​ကို​အုပ်စိုး​သည့် အသေးငယ်ဆုံး​သော​ဗင်္ယာမိန်​အနွယ်​ရှိ​၍ သူ​တို့​၏​အုပ်စု​ထဲတွင် ယုဒ​အနွယ်​၏​အကြီးအကဲ​များ​၊ ဇာဗုလုန်​အနွယ်​၏​အကြီးအကဲ​များ​နှင့် နဿလိ​အနွယ်​၏​အကြီးအကဲ​များ​ပါရှိ​ကြ​ပါ​၏​။

Common Language Bible

²⁷ ချီ​တက်​လာ​သော​ထို​လူ​စု​ထဲ​တွင်​ဦး​စွာ အ​ငယ်​ဆုံး​ဖြစ်​သော​ဗင်္ယာ​မိန်​အ​နွယ်​ဝင်​များ၊ ထို​နောက်​ယု​ဒ​ခေါင်း​ဆောင်​များ​နှင့်​အ​နွယ် ဝင်​များ၊ သူ​တို့​နောက်​မှ​ဇာ​ဗု​လုန်​နှင့်​န​ဿ​လိ ခေါင်း​ဆောင်​များ​နှင့်​အ​နွယ်​ဝင်​များ​လိုက်​ပါ ကြ​၏။

Garrad Bible

²⁷ အုပ် စိုး ရ သော သား ထွေး ဗင်္ယာ မိန် မှ စ၍၊ ယု ဒ၊ ဇာ ဗု လုံ၊ နဿ လိ မှူး တော် မတ် တော် များ စု ရုံး ကြ ပါ၏။

Judson Bible

²⁷ အ​စိုး​ရ​သော ဗင်္ယာ​မိန်​ငယ်​မှ​စ၍၊ မိ​မိ​အ​လုံး​အ​ရင်း​နှင့်​တ​ကွ ယု​ဒ​မင်း​များ၊ ဇာ​ဗု​လုန်​မင်း​များ၊ နဿ​လိ​မင်း​များ ပါ​ကြ၏။

ဆာ​လံ 68:27 Referencias Cruzadas

ကမ္ဘာ​ဦး 42:32

အကျွန်ုပ်​တို့​သည် ဖခင်​တစ်ဦးတည်း​မှ​ပေါက်ဖွား​သော​သား​များ​ဖြစ်​ကြ​၍ ညီအစ်ကို​တစ်ဆယ့်​နှစ်​ယောက်​ရှိ​ပါ​၏​။ တစ်​ယောက်​ကား မ​ရှိ​တော့​ပါ​။ အငယ်ဆုံး​ကား ယခု အကျွန်ုပ်​တို့​ဖခင်​နှင့်အတူ ခါနာန်​ပြည်​၌ နေ​ခဲ့​ပါ​သည်​’​ဟု လျှောက်​ကြ​ပါ​၏​။

၂ ရာ 3:19

အာဗနာ​သည် ဗင်္ယာမိန်​အမျိုးအနွယ်​တို့​နှင့်​လည်း တိုင်ပင်​ပြောဆို​ခဲ့​၏​။ ထို့နောက် အစ္စရေး​လူမျိုး​အပါအဝင် ဗင်္ယာမိန်​တစ်မျိုးနွယ်လုံး​၏​ကောင်း​သော​ထင်မြင်ချက်​အလုံးစုံ​တို့​ကို ဒါဝိဒ်​မင်းကြီး​အား တင်ပြ​ရန် ဒါဝိဒ်​မင်းကြီး​ရှိ​ရာ​ဟေဗြုန်​မြို့​သို့ သွား​လေ​၏​။

၁ ရာ​ချုပ် 12:16

အချို့​သော​ဗင်္ယာမိန်​အမျိုးသား​နှင့် ယုဒ​အမျိုးသား​တို့​သည်​လည်း ဒါဝိဒ်​ခိုလှုံ​ရာ​နေရာ​သို့ ရောက်လာ​ကြ​၏​။

၁ ရာ​ချုပ် 12:29

ယခင်က ရှောလု​အိမ်​တော်​သား​အပေါ် သစ္စာစောင့်သိ​သူ ဗင်္ယာမိန်​အနွယ် ရှောလု​၏​ဆွေမျိုးသားချင်း အယောက်​သုံး​ထောင်​၊

၁ ရာ​ချုပ် 15:3

ထို့နောက် ဒါဝိဒ်​မင်းကြီး​သည် သူ​ပြင်ဆင်​ထား​သော​နေရာ​သို့ ထာဝရဘုရား​၏​သေတ္တာ​တော်​ကို ယူဆောင်​လာ​ရန် အစ္စရေး​လူမျိုး​အပေါင်း​တို့​ကို ဂျေရုဆလင်​မြို့​သို့ စုဝေး​စေ​၏​။

၁ ရာ​ချုပ် 27:12

နဝမ​လ​တွင် တာဝန်​ထမ်းဆောင်​ရ​သော​နဝမ​တပ်ဖွဲ့​၏​တပ်မှူး​မှာ ဗင်္ယာမိန်​အမျိုး​၊ အနေသောသိ​လူမျိုး အဗျေဇာ​ဖြစ်​၏​။ သူ့​တပ်ဖွဲ့​တွင်​လည်း လူ​အယောက်​နှစ်​သောင်း​လေး​ထောင်​ပါ​၏​။

ဆာ​လံ 26:12

အကျွန်ုပ်​၏​ခြေ​သည် ညီညာ​သော​အရပ်​၌​ရပ်​နေ​ပါ​၏​။ အကျွန်ုပ်​သည် လူထုပရိသတ်​ကြီး​အလယ်​တွင် ထာဝရဘုရား​ကို ကောင်းချီးထောမနာ​ပြု​ပါ​မည်​။

ဆာ​လံ 47:9

လူမျိုးတကာ​တို့​၏​မင်းအရာရှိ​တို့​သည် အာဗြဟံ​၏​ဘုရားသခင်​ပိုင်​တော်မူ​သော လူမျိုး​တော်​အဖြစ် စုဝေး​လာ​ကြ​၏​။ အကြောင်းမူကား ကမ္ဘာမြေကြီး​၏​ဒိုင်းလွှား​တို့​ကို ဘုရားသခင်​ပိုင်​တော်မူ​၏​။ ကိုယ်တော်​သည် ချီးမြှောက်​ခြင်း​ကို အထူး​ခံရ​တော်မူ​၏​။

ဆာ​လံ 60:7

ဂိလဒ်​ပြည်​ကို ငါ​ပိုင်​၏​။ မနာရှေ​ပြည်​ကို​လည်း ငါ​ပိုင်​၏​။ ဧဖရိမ်​ပြည်​သည် ငါ​၏​သံခမောက်​ဖြစ်​ပြီး ယုဒ​ပြည်​သည် ငါ​၏​ကျိုင်း​တော်​ဖြစ်​၏​။

ဟေ​ရှာ​ယ 11:13

ဧဖရိမ်​အမျိုး​၏​မနာလိုဝန်တိုစိတ်​သည် ပျောက်သွား​မည်​။ ယုဒ​အမျိုး​အား ရန်ပြု​သော​သူ​တို့​သည် ဖယ်ရှား​ခြင်း​ခံရ​မည်​။ ဧဖရိမ်​အမျိုး​သည် ယုဒ​အမျိုး​ကို မနာလို​မ​ဖြစ်​။ ယုဒ​အမျိုး​သည်​လည်း ဧဖရိမ်​အမျိုး​ကို ရန်​မ​ပြု​။

ဟေ​ရှာ​ယ 48:1

အို ယာကုပ်​အမျိုးအနွယ်​တို့​၊ နားထောင်​ကြ​လော့​။ သင်​တို့​သည် အစ္စရေး​ဟူသော​အမည်​ဖြင့် ခေါ်ဝေါ်​ခြင်း​ခံရ​သူ​၊ ယုဒ​စမ်းရေတွင်း​များ​မှ စီး​ထွက်လာ​သူ​၊ သစ္စာတရား​အားဖြင့်​မ​ဟုတ်​၊ ဖြောင့်မတ်​ခြင်း​အားဖြင့်​မ​ဟုတ်​ဘဲ ထာဝရဘုရား​၏​နာမ​တော်​ကို တိုင်တည်ကျိန်ဆို​သူ​၊ အစ္စရေး​လူမျိုး​၏​ဘုရားသခင်​ထံ ပတ္ထနာပြု​သော​သူ​၊

တော​လည် 34:21

ဗင်္ယာမိန်​အမျိုးအနွယ်​မှ ခိသလုန်​၏​သား ဧလိဒဒ်​၊

သူ​ကြီး 20:35

ထာဝရဘုရား​သည် ဗင်္ယာမိန်​အမျိုး​ကို အစ္စရေး​လူမျိုး​တို့​ရှေ့​၌ ရှုံးနိမ့်​စေ​တော်မူ​သဖြင့် ထို​နေ့​၌ အစ္စရေး​အမျိုးသား​တို့​သည် ဗင်္ယာမိန်​အမျိုး ဓားကိုင်သူရဲ အယောက်​နှစ်သောင်းငါးထောင့်​တစ်ရာ​ကို သတ်​လိုက်​လေ​၏​။

သူ​ကြီး 5:18

ဇာဗုလုန်​လူမျိုး​ကား မိမိ​တို့​အသက်​နှင့်​ရင်း​ပြီး​စွန့်စား​ခဲ့​ပြီ​။ နဿလိ​လူမျိုး​လည်း မြင့်သောအရပ်​၌ ထိုနည်းတူ ပြု​ခဲ့​ကြ​ပြီ​။

၁ ရာ 9:21

ရှောလု​က​လည်း “​အကျွန်ုပ်​အမျိုးအနွယ်​သည် အစ္စရေး​အမျိုးအနွယ်​တို့​တွင် အငယ်ဆုံး​ဖြစ်​သော​ဗင်္ယာမိန်​အမျိုးအနွယ်​မှ ဖြစ်​သည်​မ​ဟုတ်​လော​။ အကျွန်ုပ်​၏​မျိုးနွယ်စု​သည်​လည်း ဗင်္ယာမိန်​မျိုးနွယ်စု​အပေါင်း​တို့​တွင် အသိမ်ငယ်ဆုံး​မျိုးနွယ်စု ဖြစ်​သည်​မ​ဟုတ်​လော​။ ယခု အကျွန်ုပ်​အား အဘယ်ကြောင့် ဤ​စကား​များ​ကို​ပြော​သနည်း​”​ဟု ပြန်ပြော​၏​။