ဆာ​လံ 68:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ သင်​တို့​သည် သိုးခြံ​ထဲ၌​အိပ်​ကြ​ရ​လျှင်ပင် ငွေ​ဖြင့်​ဖုံးအုပ်​ထား​သော​ချိုးငှက်​၏ တောင်ပံ​များ​ကဲ့သို့​လည်းကောင်း​၊ ရွှေ​ဖြင့်​တောက်ပ​လျက်​ရှိ​သော ထို​ငှက်​၏​အမွေးအတောင်​များ​ကဲ့သို့​လည်းကောင်း ဖြစ်​ကြ​၏​။​”

Common Language Bible

¹³ ယင်း​ပစ္စည်း​များ​မှာ​ရွှေ​ရောင်​ပြောင်​လက်​သော အ​မွေး​အ​တောင်​များ​ရှိ​သည့် ငွေ​ဖြင့်​ဖုံး​အုပ်​သော​ချိုး​ငှက်​ရုပ်​များ​ဖြစ်​သည်။ (သင်​တို့​အ​ချို့​သည်​စစ်​ပွဲ​ဝင်​သော​နေ့​တွင် အ​ဘယ်​ကြောင့်​သိုး​ခြံ​များ​၌​နေ​ခဲ့​သ​နည်း။)

Garrad Bible

¹³ သိုး ခြံ များ ရှိ ရာ တွင် ဝပ် နေ မည် လော။ ပျံ ဝဲ သော ချိုး ငှက် သည် ငွေ ရောင်၊ အ တောင် များ ရွှေ ရောင် ပြောင် လက် သော် လည်း၊

Judson Bible

¹³ သင်​တို့​သည် တောင်​ကြား​မှာ နေ​ရာ​ကျ​လျက်၊ ငွေ​နှင့် မွမ်း​မံ​သော ချိုး​ငှက်​အ​တောင်​ကဲ့​သို့​လည်း​ကောင်း၊ နီ​သော​ရွှေ​နှင့် မွမ်း​မံ​သော အ​မွေး​ကဲ့​သို့​လည်း​ကောင်း၊ ဖြစ်​ကြ​လိမ့်​မည်။

ဆာ​လံ 68:13 Referencias Cruzadas

ကမ္ဘာ​ဦး 49:14

ဣသခါ​သည် သိုးခြံ​များ​ကြား​၌​ဝပ်​နေ​သော သန်မာ​သည့်​မြည်း​ဖြစ်​၏​။

၄ ရာ 7:16

လူ​တို့​သည် ထွက်သွား​၍ ဆီးရီးယား​တပ်စခန်း​ကို သိမ်းယူ​ကြ​လေ​၏​။ ထာဝရဘုရား မိန့်​တော်မူ​ခဲ့​သည့်​အတိုင်း သူ​တို့​သည် မုန့်ညက်​တစ်​စေအာ​ကို တစ်​ရှယ်ကယ်​၊ မုယော​နှစ်​စေအာ​ကို တစ်​ရှယ်ကယ်​ဖြင့် ရောင်း​ကြ​လေ​၏​။

ဆာ​လံ 105:37

ထို့နောက် သူ​တို့​ကို ရွှေ​၊ ငွေ​နှင့်တကွ ထုတ်ဆောင်​တော်မူ​၏​။ ထိုစဉ် ကိုယ်တော်​၏​လူမျိုးစု​များ​တွင် အားနည်း​သော​သူ​တစ်ယောက်​မျှ​မ​ရှိ​ချေ​။

ဆာ​လံ 149:4

အကြောင်းမူကား ထာဝရဘုရား​သည် မိမိ​၏​လူမျိုး​တော်​ကို နှစ်သက်​တော်မူ​၏​။ ကိုယ်တော်​သည် စိတ်နှိမ့်ချ​သော​သူ​တို့​ကို ကယ်တင်​ခြင်း​နှင့်​တင့်တယ်​စေ​တော်မူ​၏​။

ဆာ​လံ 74:19

ကိုယ်တော့်​ချိုးငှက်​၏​အသက်​ကို သားရဲတိရစ္ဆာန်​အား ပေး​တော်​မ​မူ​ပါ​နှင့်​။ ကိုယ်တော်​၏​အဖိနှိပ်​ခံရ​သော​လူ​တို့​၏​အသက်​ကို အစဉ်​မေ့လျော့​တော်​မ​မူ​ပါ​နှင့်​။

ဆာ​လံ 81:6

“​ငါ​သည် ဝန်ထုပ်​ကို သူ့​ပခုံး​ပေါ်မှ​ဖယ်ရှား​ပြီ​။ သူ့​လက်​သည် ခြင်းတောင်း​သယ်​ရ​ခြင်း​မှ လွတ်မြောက်​ပြီ​။

ထွက်​မြောက် 1:14

သူ​တို့​ဘဝ​ခါးသီး​ရ​လောက်အောင်​ပင် ကြမ်းတမ်း​သော​အလုပ်​များ​ဖြစ်​သည့် သရွတ်ဖျော်​လုပ်ငန်း​၊ အုတ်ဖုတ်​လုပ်ငန်း​၊ လယ်ယာ​လုပ်ငန်း​ရှိသမျှ​တို့​၌ ခိုင်း​စေ​၏​။ ခိုင်းစေ​လေ​သမျှ​တို့​၌​လည်း ရက်စက်ကြမ်းတမ်း​စွာ ခိုင်း​စေ​၏​။

ဟေ​ရှာ​ယ 33:23

သင်​၏​ကြိုး​တို့​သည် လျော့​၍ ရွက်တိုင်​ကို မြဲမြံ​စွာ​မ​ဆွဲ​ထား​နိုင်​၊ ရွက်​ကို​လည်း မ​ဖြန့်​နိုင်​။ ထိုအခါ သင်​တိုက်ခိုက်လုယူ​ထား​သည့် ဥစ္စာပစ္စည်း​များစွာ​တို့​ကို ခွဲဝေ​ယူ​ကြ​လိမ့်မည်​။ ခြေမသန်သူ​တို့​ပင် တိုက်ရာပါပစ္စည်း​ကို သိမ်းယူ​နိုင်​ကြ​လိမ့်မည်​။

တော​လည် 31:27

ထို​သိမ်းယူ​သော​ပစ္စည်း​တို့​ကို စစ်ထွက်တိုက်​သော​စစ်သည်​နှင့် လူထု​အပေါင်း​တို့​အား တစ်ဝက်​စီ​ခွဲပေး​လော့​။

လုကာ 15:16

သူ​သည် ဝက်​များ​စား​နေ​သော​ပဲတောင့်​များ​ဖြင့် မိမိ​ဝမ်း​ကို​ဖြည့်​ရန် တောင့်တ​ခဲ့​၏​။ သို့သော် မည်သူ​က​မျှ သူ့​ကို စားစရာ​မ​ပေး​ခဲ့​ချေ။

လုကာ 15:22

သို့သော် ဖခင်​သည် မိမိ​အစေအပါး​တို့​အား ‘အကောင်းဆုံး​သော​ဝတ်လုံ​ကို အမြန်​ယူခဲ့​၍ သူ့​ကို​ဝတ်​ပေး​ကြ​လော့။ လက်​၌ လက်စွပ်​ကို​စွပ်​ပေး​၍ ခြေ​၌ ဖိနပ်​ကို​စီး​စေ​ကြ​လော့။

၁ ကော 12:2

သင်​တို့​သည် ဘာသာခြား​ဖြစ်​ကြ​စဉ်​က စကား​မ​ပြော​နိုင်​သော​ရုပ်တု​များ​ထံသို့ တစ်နည်းနည်း​ဖြင့် ခေါ်ဆောင်​သွား​ခြင်း​ခံရ​၍ လမ်းလွဲ​ခဲ့​ကြ​သည်​ကို သင်​တို့​သိ​ကြ​၏။

တိ​တု 3:3

အကြောင်းမူကား တစ်ချိန်က ငါ​တို့​သည်​လည်း မိုက်မဲ​သော​သူ၊ နာခံ​ခြင်း​မ​ရှိ​သော​သူ၊ လမ်းလွဲ​သော​သူ​များ​ဖြစ်​ကြ​ပြီး အမျိုးမျိုး​သော တပ်မက်​ခြင်း​နှင့်​ကာမဂုဏ်​ခံစား​ခြင်း​တို့​၌​ကျွန်ခံ​၍ မကောင်းမှု​နှင့်​မလိုမုန်းထား​ခြင်း​တို့​၌​ကျင်လည်​ကြ​ကာ မုန်းတီး​ခြင်း​ခံရ​လျက် အချင်းချင်း​ကို​လည်း​မုန်းတီး​လျက်​နေ​ကြ​၏။

ယော​ရှု 10:16

ရှင်ဘုရင်​ငါး​ပါး​တို့​မှာ​မူ ထွက်ပြေး​၍ မက္ကဒါ​အရပ်​ရှိ လိုဏ်ဂူ​ထဲတွင် ပုန်း​နေ​ကြ​၏​။

သူ​ကြီး 5:16

သိုးခြံ​ထဲမှာ အဘယ်ကြောင့် ထိုင်​နေ​သနည်း​။ သိုးထိန်း​တို့​၏​ပလွေသံ​ကို နားထောင်​လို​သောကြောင့်​လော​။ ရုဗင်​အမျိုး​ထဲတွင် အကြီးအကျယ်​ဝေခွဲမရ ဖြစ်​လေ​ပြီ​။

သူ​ကြီး 5:19

ရှင်ဘုရင်​တို့​သည်​လာ​၍ စစ်တိုက်​ကြ​၏​။ ခါနာန်​ဘုရင်​တို့​သည် တာနက်​မြို့​၊ မေဂိဒ္ဒေါ​အိုင်​နား​၌ စစ်တိုက်​ကြ​၏​။ တိုက်ခိုက်​လုယူ​သော​ငွေ​ကို မ​ယူသွား​ကြ​။