ဆာ​လံ 54:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ အမှန်စင်စစ် ကိုယ်တော်​သည် အကျွန်ုပ်​ကို ဆင်းရဲဒုက္ခ​အပေါင်း​တို့​မှ​ကယ်နုတ်​တော်မူ​ပြီ​ဖြစ်၍ အကျွန်ုပ်​၏​မျက်စိ​သည် အကျွန်ုပ်​၏​ရန်သူ​တို့​ကို အပေါ်စီး​မှ​ကြည့်မြင်​နိုင်​ပါ​ပြီ​။

Common Language Bible

⁷ ကိုယ်​တော်​ရှင်​သည်​ကျွန်​တော်​မျိုး​အား​ဆင်း​ရဲ ဒုက္ခ​အ​ပေါင်း​မှ​ကယ်​ဆယ်​တော်​မူ​ပါ​ပြီ။ ကျွန်​တော်​မျိုး​သည်​ရန်​သူ​တို့​အ​ရေး​ရှုံး​နိမ့် ကြ​သည်​ကို တွေ့​မြင်​ရ​ပါ​ပြီ။

Garrad Bible

⁷ ခပ် သိမ်း သော ဒု က္ခ တွင်း မှ ကယ် လွှတ် တော် မူ သ ဖြင့်၊ ရန် သူ တို့ ကို၊ ကိုယ့် မျက် စိ နှင့် စီး ကြည့်၍ အား ရ လေ ပြီ။

Judson Bible

⁷ အ​ကျွန်ုပ်​ကို ခပ်​သိမ်း​သော​ဒု​က္ခ​ထဲ​က ကယ်​နုတ်​တော်​မူ​သ​ဖြင့်၊ အ​ကျွန်ုပ်​သည် ရန်​သူ​တို့​ကို ကိုယ်​မျက်​စိ​နှင့်​မြင်၍ အား​ရ​ပါ၏။

ဆာ​လံ 54:7 Referencias Cruzadas

ကမ္ဘာ​ဦး 48:16

ဘေးအန္တရာယ်​အပေါင်း​မှ ငါ့​ကို​ရွေးနုတ်​တော်မူ​သော ကောင်းကင်တမန်​သည် ဤ​သူငယ်​တို့​ကို​ကောင်းချီးပေး​တော်မူ​ပါစေသော​။ သူ​တို့​ကို ငါ​၏​အမည်​ဖြင့်​လည်းကောင်း​၊ ငါ့​ဘိုးဘ​အာဗြဟံ​နှင့်​ဣဇက်​တို့​၏​အမည်​ဖြင့်​လည်းကောင်း မှည့်ခေါ်​ပါစေသော​။ သူ​တို့​သည် မြေကြီး​ပေါ်၌ အလွန်​ပွားများ​ကြ​ပါစေသော​”​ဟု ဆို​လေ​၏​။

၂ ရာ 4:9

ထိုအခါ ဒါဝိဒ်​မင်းကြီး​က ဗေရောသိ​လူမျိုး​၊ ရိမ္မုန်​၏​သား​ဖြစ်​သော ရေခပ်​နှင့်​ဗာနာ ညီအစ်ကို​တို့​အား “​ငါ့​အသက်​ကို ဘေးဒုက္ခ​အပေါင်း​မှ ရွေးနုတ်ကယ်တင်​တော်မူ​သော ထာဝရဘုရား အသက်ရှင်​တော်မူ​သည်​နှင့်အညီ

ဆာ​လံ 112:8

သူ​၏​စိတ်နှလုံး​သည် တည်ငြိမ်​သည်​ဖြစ်၍ သူ​သည် မိမိ​၏​ရန်သူ​တို့​ကို အပေါ်စီး​မှ​ကြည့်မြင်​ရ​သည်​အထိ ကြောက်ရွံ့​ခြင်း​ရှိ​လိမ့်မည်​မ​ဟုတ်​။

ဆာ​လံ 118:7

ထာဝရဘုရား​သည် ငါ့​ကို​ကူညီမစ​သော​အရှင်​အဖြစ် ငါ့​ဘက်​၌​ရှိ​တော်မူ​သည်​ဖြစ်၍ ငါ့​ကို​မုန်း​သော​သူ​တို့​ကို အပေါ်စီး​မှ ငါ​ကြည့်မြင်​ရ​လိမ့်မည်​။

ဆာ​လံ 143:12

အကျွန်ုပ်​သည် ကိုယ်တော်​၏​အစေအပါး ဖြစ်​သောကြောင့် ကိုယ်တော်​၏​မေတ္တာကရုဏာ​တော်​အားဖြင့် အကျွန်ုပ်​၏​ရန်သူ​တို့​ကို ဖယ်ရှားသုတ်သင်​တော်မူ​ပါ​။ အကျွန်ုပ်​၏​စိတ်ဝိညာဉ်​ကို ရန်ဖက်ပြု​သော​သူ​အားလုံး​ကို​လည်း ဖျက်ဆီး​တော်မူ​ပါ​။

ဆာ​လံ 34:19

ဖြောင့်မတ်​သော​သူ​သည် ဒုက္ခ​များစွာ​ခံရ​သော်လည်း ထို​ဒုက္ခ​အားလုံး​ထဲမှ သူ့​ကို ထာဝရဘုရား​ကယ်နုတ်​တော်မူ​၏​။

ဆာ​လံ 34:6

အဖိနှိပ်​ခံရ​သော​ဤ​သူ ခေါ်​သောအခါ ထာဝရဘုရား​သည် နားထောင်​၍ သူ​၏​ဆင်းရဲဒုက္ခ​အပေါင်း​တို့​မှ သူ့​ကို​ကယ်တင်​တော်မူ​၏​။

ဆာ​လံ 37:34

ထာဝရဘုရား​ကို​စောင့်မျှော်​၍ ကိုယ်တော်​၏​လမ်း​ကို စောင့်ထိန်း​လော့​။ သို့ပြုလျှင် သင်​သည် ပြည်​တော်​ကို​အမွေဆက်ခံ​ရ​ရန် ကိုယ်တော်​သည် သင့်​ကို​ချီးမြှောက်​တော်မူ​လိမ့်မည်​။ ဆိုးယုတ်​သော​သူ​တို့​ဖယ်ရှား​ခြင်း​ခံရ​သည်​ကို သင်​မြင်​ရ​လိမ့်မည်​။

ဆာ​လံ 59:10

အကျွန်ုပ်​၏​မေတ္တာကရုဏာ​ရှင် ဘုရားသခင်​သည် အကျွန်ုပ်​ကို​ကြိုဆို​တော်မူ​လိမ့်မည်​။ ဘုရားသခင်​သည် အကျွန်ုပ်​အား ရန်သူ​တို့​ကို အပေါ်စီး​မှ​ကြည့်မြင်​ရ​သော​အခွင့်​ကို ပေး​တော်မူ​လိမ့်မည်​။

ဆာ​လံ 91:8

သင်​သည် ဆိုးယုတ်​သော​သူ​တို့​အပေါ် ကျရောက်​သည့်​ပြစ်ဒဏ်​ကို သင့်​မျက်စိ​ဖြင့်​ကြည့်​၍ မြင်ရုံ​မျှသာ​ဖြစ်​လိမ့်မည်​။

ဆာ​လံ 92:11

အကျွန်ုပ်​၏​မျက်စိ​သည် အကျွန်ုပ်​ရန်သူ​တို့​၏​အဖြစ်​ကို​မြင်​ရ​ပါ​၏​။ အကျွန်ုပ်​၏​နား​သည်​လည်း အကျွန်ုပ်​ကို​ဆန့်ကျင်​လျက်​ထကြွ​သည့် ဆိုးညစ်​သော​အမှု​ကို​ပြု​သော​သူ​တို့​၏​အဖြစ်​ကို ကြား​ရ​ပါ​၏​။

၂ တိ 4:18

သခင်​ဘုရား​သည် မကောင်း​သော​အမှု​အလုံးစုံ​တို့​မှ ငါ့​ကို​ကယ်နုတ်​တော်မူ​၍ အထက်​ကောင်းကင်​အရပ်​၌​ရှိ​သော မိမိ​၏​နိုင်ငံ​တော်​ထဲသို့ လုံခြုံ​စွာ​ပို့ဆောင်​တော်မူ​လိမ့်မည်။ ထို​သခင်​၌ ကမ္ဘာ​အဆက်ဆက်​ဘုန်း​အသရေ​တော်​ရှိ​ပါစေသော။ အာမင်။

၁ ရာ 26:24

ယနေ့ အရှင်မင်းကြီး​အသက်​ကို အကျွန်ုပ် တန်ဖိုးထား​သကဲ့သို့ ထာဝရဘုရား​သည် အကျွန်ုပ်​၏​အသက်​ကို တန်ဖိုးထား​တော်မူ​ပါစေသော​။ အကျွန်ုပ်​ကို​လည်း ဆင်းရဲဒုက္ခ​အပေါင်း​မှ ကယ်နုတ်​တော်မူ​ပါစေသော​”​ဟု ပြန်​အော်ပြော​လေ​၏​။