ဆာ​လံ 44:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ကိုယ်တော်​သည် အကျွန်ုပ်​တို့​ကို တိုင်းနိုင်ငံ​တို့​အလယ်​တွင် လူ​အများ​ပြောစရာ​ဖြစ်စေ​ပြီး လူ​တို့​အလယ်​တွင် ဟားစရာ​ဖြစ်စေ​တော်မူ​၏​။

Common Language Bible

¹⁴ ကိုယ်​တော်​ရှင်​သည်​ကျွန်​တော်​မျိုး​တို့​အား လူ​မျိုး​တ​ကာ​တို့​မ​ထီ​မဲ့​မြင်​ပြု​စ​ရာ ဖြစ်​စေ​တော်​မူ​ပါ​ပြီ။ သူ​တို့​သည်​ကျွန်​တော်​မျိုး​တို့​အား​မ​ခိုး​မ​ခန့် ဦး​ခေါင်း​ညိတ်​၍​ပြ​ကြ​ပါ​၏။

Garrad Bible

¹⁴ လူ မျိုး ခြား တို့ ပုံ ခိုင်း ရာ၊ လူ မျိုး တို့ ခေါင်း ညိတ် ရာ ဖြစ် စေ တော် မူ ပါ၏။

Judson Bible

¹⁴ တစ်​ပါး​အ​မျိုး​သား​တို့​သည် အ​ကျွန်ုပ်​တို့​ကို​ပုံ​ခိုင်း​ရ​သော​အ​ခွင့်၊ လူ​စု​တို့​သည် ခေါင်း​ညိတ်​ရ​သော​အ​ခွင့်​ကို ပေး​တော်​မူ၏။

ဆာ​လံ 44:14 Referencias Cruzadas

၃ ရာ 9:7

အစ္စရေး​လူမျိုး​တို့​ကို ငါ​ပေး​ထား​သော​ပြည်​ပေါ်​မှ ငါ​ဖယ်ရှား​ပစ်​မည်​။ ငါ့​နာမ​အဖို့ ငါ​သန့်ရှင်း​စေ​သော​အိမ်​တော်​ကို​လည်း ငါ့​ရှေ့မှောက်​မှ ဖယ်ရှား​ပစ်​မည်​။ အစ္စရေး​လူမျိုး​တို့​သည် လူမျိုး​တကာ​တို့​အလယ်​တွင် ပုံခိုင်းစရာ​၊ ပြောင်လှောင်စရာ ဖြစ်​ရ​လိမ့်မည်​။

၄ ရာ 19:21

ထို​ဘုရင်​ကို​ရည်ညွှန်း​၍ ထာဝရဘုရား​က ‘​ဇိအုန်​သမီးပျို​သည် သင့်​ကို​မထီမဲ့မြင်ပြု​လေ​ပြီ​။ သင့်​ကို​ပြက်ရယ်ပြု​လေ​ပြီ​။ ဂျေရုဆလင်​သမီးပျို​သည် သင့်​နောက်မှ​နေ​၍ ခေါင်းခါယမ်း​လေ​ပြီ​။

၂ ရာ​ချုပ် 7:20

သူ​တို့​ကို ငါ​ပေး​ထား​သော​ပြည်​မှ ဖယ်ထုတ်​ပစ်​မည်​။ ငါ့​နာမ​အဖို့ ငါ​သန့်ရှင်း​စေ​သော​ဤ​အိမ်​တော်​ကို​လည်း ငါ့​ရှေ့မှောက်​မှ ဖယ်ရှား​ပြီး လူမျိုး​တကာ​တို့​အလယ်​တွင် ပုံခိုင်းစရာ​၊ ပြောင်လှောင်စရာ ဖြစ်​စေ​မည်​။

နေ​ဟ​မိ 2:17

ထို့နောက်မှ ငါ​က “​ငါ​တို့​ခံရ​သော​ဒုက္ခ​ကို သင်​တို့​တွေ့​ပြီ​လော​။ ဂျေရုဆလင်​မြို့​လည်း ပျက်စီး​ပြီ​။ မြို့​တံခါး​များ​လည်း မီး​လောင်ကျွမ်း​ပြီ​။ လာ​ကြ​။ နောက်ထပ် ကဲ့ရဲ့ရှုတ်ချ​မ​ခံရ​အောင် ဂျေရုဆလင်​မြို့ရိုး​ကို ပြန်လည်​တည်ဆောက်​ကြ​စို့​”​ဟု သူ​တို့​အား ဆို​၏​။

ယောဘဝတ္တု။ 16:4

ငါ​သည်​လည်း သင်​တို့​ကဲ့သို့ ပြော​တတ်​ပါ​၏​။ သင်​တို့​နေရာ​မှာ ငါ​ဖြစ်​လျှင် ငါ​သည် ခေါင်းခါ​လျက် ရေပက်မဝင်​အောင် သင်​တို့​ကို ပြန်ပြော​နိုင်​ပါ​၏​။

ယောဘဝတ္တု။ 17:6

ကိုယ်တော်​သည် ငါ့​ကို လူ​တို့​ပုံခိုင်းစရာ​ဖြစ်​စေ​ပြီ​။ ငါ့​မျက်နှာ​ကို တံတွေးထွေးစရာ​ဖြစ်​စေ​ပြီ​။

ဆာ​လံ 109:25

အကျွန်ုပ်​သည် သူ​တို့​အတွက် ကဲ့ရဲ့ပြစ်တင်စရာ​ဖြစ်​ပါ​၏​။ သူ​တို့​သည် အကျွန်ုပ်​ကို​မြင်​သောအခါ မိမိ​တို့​ခေါင်း​ကို​ခါယမ်း​ကြ​ပါ​၏​။

ဆာ​လံ 123:3

အကျွန်ုပ်​တို့​ကို​သနား​တော်မူ​ပါ​။ အို ထာဝရဘုရား​၊ အကျွန်ုပ်​တို့​ကို​သနား​တော်မူ​ပါ​။ အကြောင်းမူကား အကျွန်ုပ်​တို့​သည် မထီမဲ့မြင်ပြု​ခြင်း​ကို​ခံရ​သည်​မှာ လွန်စွာ​ငြီးငွေ့​လှ​ပါ​ပြီ​။

ဆာ​လံ 22:7

အကျွန်ုပ်​ကို​မြင်​သော​သူ​အားလုံး​သည် အကျွန်ုပ်​ကို​ပြက်ရယ်ပြု​၍ နှုတ်ခမ်း​မဲ့ရွဲ့​ကာ ခေါင်း​ကို​ခါယမ်း​လျက်

ဆာ​လံ 79:4

အကျွန်ုပ်​တို့​သည် အကျွန်ုပ်​တို့​၏ အိမ်နီးချင်း​များ ကဲ့ရဲ့ပြစ်တင်စရာ​၊ အကျွန်ုပ်​တို့​၏​ပတ်လည်​၌​ရှိ​သော​သူ​များ အထင်အမြင်သေးစရာ​၊ ပြက်ရယ်ပြုစရာ​ဖြစ်​ကြ​ပါ​ပြီ​။

ဟေ​ရှာ​ယ 37:22

ထို​ဘုရင်​ကို​ရည်ညွှန်း​၍ ထာဝရဘုရား​က ဇိအုန်​သမီး​ပျို​သည် သင့်​ကို​မထီမဲ့မြင်ပြု​လေ​ပြီ​။ သင့်​ကို​ပြက်ရယ်ပြု​လေ​ပြီ​။ ဂျေရုဆလင်​သမီးပျို​သည် သင့်​နောက်မှ​နေ​၍ ခေါင်းခါယမ်း​လေ​ပြီ​။

ယေ​ရ​မိ 24:9

မြေကြီး​ပေါ်ရှိ​တိုင်းနိုင်ငံ​အားလုံး​အတွက် ရွံရှာစရာ​၊ ထိတ်လန့်စရာ​ဖြစ်​စေ​မည်​။ ငါ​နှင်ထုတ်​၍ သူ​တို့​ရောက်လေရာ​အရပ်ရပ်​တို့​၌ ကဲ့ရဲ့စရာ​၊ ပုံခိုင်းစရာ​၊ ပြောင်လှောင်စရာ​၊ ကျိန်ဆဲစရာ ဖြစ်​စေ​မည်​။

မိက္ခာ 6:16

ဩမရိ​မင်းကြီး​၏​ဥပဒေသ​အတိုင်း​၊ အာဟပ်​မင်းမျိုး​၏​အပြုအမူ​အတိုင်း သင်​တို့ လိုက်လျှောက်​ကြ​၏​။ သူ​တို့​၏​အကျင့်အကြံ​အတိုင်း လိုက်လျှောက်​သောကြောင့် သင့်​ကို ပျက်စီး​ခြင်း​လက်​သို့ ငါ​ပေးအပ်​လိုက်​၏​။ မြို့သား​တို့​သည် ကဲ့ရဲ့စရာ​ဖြစ်​ရ​လိမ့်မည်​။ သင်​တို့​သည် ငါ့​လူမျိုး​တော်​၏​ကဲ့ရဲ့ပြစ်တင်​ခြင်း​ကို ခံရ​လိမ့်မည်​။”

တ​ရား​ဟော 28:37

သင့်​အား​ထာဝရဘုရား​နှင်ထုတ်​တော်မူ​သော​အရပ်​ရှိ လူမျိုး​အပေါင်း​တို့​တွင် သင်​သည် ထိတ်လန့်စရာ​၊ ပုံခိုင်းစရာ​၊ ပြောင်လှောင်စရာ ဖြစ်​လိမ့်မည်​။