ဆာ​လံ 43:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ ကိုယ်တော်​၏​အလင်း​နှင့် ကိုယ်တော်​၏​သမ္မာတရား​ကို စေလွှတ်​တော်မူ​ပါ​။ ၎င်း​တို့​သည် အကျွန်ုပ်​ကို ကိုယ်တော်​၏ သန့်ရှင်း​သော​တောင်​တော်​သို့​လည်းကောင်း​၊ ကိုယ်တော်​၏​ကိန်းဝပ်​တော်မူ​ရာ တဲ​တော်​သို့​လည်းကောင်း ဦးဆောင်​လမ်းပြ​လျက် ခေါ်ဆောင်​သွား​ကြ​ပါစေသော​။

Common Language Bible

³ ကိုယ်​တော်​ရှင်​၏​အ​လင်း​တော်​နှင့် သစ္စာ​တ​ရား​တော်​ကို​စေ​လွှတ်​၍ ကျွန်​တော်​မျိုး​အား​ကိုယ်​တော်​ရှင်​၏​သန့်​ရှင်း မြင့်​မြတ်​သည့်​ဇိ​အုန်​တောင် သို့​လည်း​ကောင်း၊ ကိုယ်​တော်​ကိန်း​ဝပ်​ရာ​ဗိ​မာန်​တော်​သို့​လည်း​ကောင်း ပြန်​၍​ပို့​ဆောင်​စေ​တော်​မူ​ပါ။

Garrad Bible

³ အ လင်း တော် နှင့် သ မ္မာ တ ရား တော် ကို စေ လွှတ်၍၊ ကိန်း ဝပ် တော် မူ ရာ သန့် ရှင်း သော တောင် တော် သို့ လမ်း ပြ ပို့ ရောက် စေ တော် မူ ပါ။

Judson Bible

³ အ​လင်း​တော်​နှင့် သ​စ္စာ​တော်​ကို စေ​လွှတ်​တော်​မူ​ပါ။ သူ​တို့​သည်​လမ်း​ပြ၍ သန့်​ရှင်း​သော တောင်​တော်​သို့​လည်း​ကောင်း၊ တဲ​တော်​သို့​လည်း​ကောင်း အ​ကျွန်ုပ်​ကို ပို့​ဆောင်​ပါ​စေ​သော။

ဆာ​လံ 43:3 Referencias Cruzadas

၂ ရာ 15:20

သင်​သည် မနေ့​တစ်နေ့​က​မှ ရောက်လာ​သော​သူ​ဖြစ်၍ ယခု ငါ​တို့​နှင့်အတူ လှည့်လည်​စေ​ရ​မည်လော​။ ငါ​သည် ဘယ်​နေရာ​သွား​ရ​မည်​ကို​မသိ​သေး​ပါ​။ သင့်​အမျိုးသားချင်း​တို့​ကို ခေါ်​ပြီး ပြန်သွား​လော့​။ ကရုဏာ​တော်​နှင့် သစ္စာ​တော်​သည် သင်​တို့​နှင့်အတူ ရှိ​ပါစေသော​”​ဟု မိန့်ဆို​၏​။

၂ ရာ 15:25

ရှင်ဘုရင်​က ဇာဒုတ်​အား “​ဘုရားသခင်​၏​သေတ္တာ​တော်​ကို မြို့​ထဲသို့ ပြန်ပို့​လော့​။ ထာဝရဘုရား​သည် ငါ့​ကို​မျက်နှာသာပေး​၍ ငါ​ပြန်လာ​ရ​လျှင် သေတ္တာ​တော်​ကို​လည်းကောင်း​၊ ကိန်းဝပ်​တော်မူ​ရာ​အရပ်​ကို​လည်းကောင်း ဖူးမြင်​ခွင့်​ရ​ပါ​လိမ့်မည်​။

၁ ရာ​ချုပ် 16:1

သူ​တို့​သည် ဘုရားသခင်​၏​သေတ္တာ​တော်​ကို သယ်ဆောင်​လာ​ပြီး ဒါဝိဒ်​မင်းကြီး စိုက်ထူ​ထား​သော​တဲ​တော်​အတွင်း​တွင် ချထား​၍ ထာဝရဘုရား​ရှေ့​တော်​တွင် မီးရှို့ရာယဇ်​၊ မိတ်သဟာယယဇ်​တို့​ကို ပူဇော်​ကြ​လေ​၏​။

၁ ရာ​ချုပ် 16:39

ယဇ်ပုရောဟိတ်​ဇာဒုတ်​နှင့် သူ​၏​ဆွေမျိုးသားချင်း​ယဇ်ပုရောဟိတ်​တို့​ကို ဂိဗောင်​မြို့​၊ အထွတ်အမြတ်​ထား​ရာ​ကုန်းမြင့်​ရှိ ထာဝရဘုရား​၏​တဲ​တော်​ရှေ့​တွင် နေရာ​ချထား​၏​။

၁ ရာ​ချုပ် 21:29

ထိုစဉ်က တောကန္တာရ​တွင် မောရှေ​ဆောက်လုပ်​ခဲ့​သော ထာဝရဘုရား​၏​တဲ​တော်​နှင့်​မီးရှို့​ရာ​ယဇ်ပလ္လင်​တို့​သည် ဂိဗောင်​မြို့​ရှိ အထွတ်အမြတ်​ထား​ရာ​ကုန်းမြင့်​တွင် ရှိ​နေ​၏​။

ဆာ​လံ 119:105

ကိုယ်တော်​၏​နှုတ်ကပတ်တော်​သည် အကျွန်ုပ်​၏​ခြေ​အတွက် မီးခွက်​ဖြစ်ပြီး အကျွန်ုပ်​၏​လမ်းခရီး​အတွက် အလင်း​ဖြစ်​ပါ​၏​။

ဆာ​လံ 143:10

ကိုယ်တော်​၏​အလို​တော်​ကို​ဆောင်ရွက်​နိုင်​ရန် အကျွန်ုပ်​ကို​သင်ကြား​ပေး​တော်မူ​ပါ​။ အကြောင်းမူကား ကိုယ်တော်​သည် အကျွန်ုပ်​၏​ဘုရားသခင်​ဖြစ်​တော်မူ​၏​။ ကိုယ်တော်​၏​ကောင်းမြတ်​သော​ဝိညာဉ်​တော်​သည် အကျွန်ုပ်​ကို ညီညာ​သော​မြေပြင်​ပေါ်မှာ ပို့ဆောင်​တော်မူ​ပါစေသော​။

ဆာ​လံ 2:6

“​ငါ​၏​သန့်ရှင်း​သော​ဇိအုန်​တောင်​ပေါ်တွင် ငါ​၏​ရှင်ဘုရင်​ကို ငါ​ခန့်အပ်​ထား​ပြီ​”​ဟု မိန့်​တော်မူ​၏​။

ဆာ​လံ 3:4

ငါ​သည် အသံ​ကို​လွှင့်​၍ ထာဝရဘုရား​ကို​ခေါ်​သောအခါ ကိုယ်တော်​သည် မိမိ​၏​သန့်ရှင်း​သော​တောင်​တော်​ပေါ်မှ ငါ့​ကို​ထူး​တော်မူ​၏​။(​စေလာ)

ဆာ​လံ 36:9

အကြောင်းမူကား ကိုယ်တော့်​ထံ၌​အသက်​စမ်းရေတွင်း​ရှိ​ပါ​၏​။ ကိုယ်တော်​၏​အလင်း​တော်​ထဲ၌ အကျွန်ုပ်​တို့​သည် အလင်း​ကို​မြင်​ရ​ကြ​ပါ​၏​။

ဆာ​လံ 40:11

အို ထာဝရဘုရား​၊ အကျွန်ုပ်​အား သနားစုံမက်​ခြင်း​ကို ချုပ်တည်း​တော်​မ​မူ​ပါ​နှင့်​။ ကိုယ်တော်​၏​မေတ္တာကရုဏာ​တော်​နှင့် ကိုယ်တော်​၏​သမ္မာတရား​သည် အကျွန်ုပ်​ကို အစဉ်​ကာကွယ်​စောင့်ရှောက်​ပါစေသော​။

ဆာ​လံ 42:4

ဤ​အရာ​တို့​ကို​ငါ​အောက်မေ့​သောအခါ ငါ​၏​စိတ်ဝိညာဉ်​သည် ငါ့​အထဲ​၌​ယိုဖိတ်​လျက်​ရှိ​၏​။ အကြောင်းမူကား ငါ​သည် လူအုပ်ကြီး​နှင့်အတူ​လျှောက်သွား​၍ ပွဲတော်​ကျင်းပ​နေ​သည့်​ထို​လူအုပ်​နှင့်အတူ ကျေးဇူးတော်​ချီးမွမ်း​ခြင်း​အသံ​နှင့် ရွှင်လန်း​စွာ​ကြွေးကြော်​ခြင်း​အသံ​ဖြင့် ဘုရားသခင်​၏​အိမ်​တော်​သို့ တရွေ့ရွေ့သွား​လေ့​ရှိ​၏​။

ဆာ​လံ 46:4

မြစ်​တစ်​မြစ်​ရှိ​၏​။ ၎င်း​၏​ရေစီးကြောင်း​တို့​သည် အမြင့်ဆုံး​သော​အရှင်​၏ သန့်ရှင်း​သော​ကိန်းဝပ်​တော်မူ​ရာ​တဲ​တော် တည်းဟူသော ဘုရားသခင်​၏​မြို့​တော်​ကို ဝမ်းမြောက်​စေ​၏​။

ဆာ​လံ 57:3

ကိုယ်တော်​သည် ကောင်းကင်​မှ​စေလွှတ်​၍ ငါ့​ကို​ကယ်တင်​တော်မူ​လိမ့်မည်​။ ငါ့​ကို​နင်းချေ​သော​သူ​တို့​ကို ပြစ်တင်ဆုံးမ​တော်မူ​လိမ့်မည်​။(​စေလာ) ဘုရားသခင်​သည် မိမိ​၏​မေတ္တာကရုဏာ​တော်​နှင့် သမ္မာတရား​ကို စေလွှတ်​တော်မူ​လိမ့်မည်​။

ဆာ​လံ 57:4

ငါ​၏​စိတ်ဝိညာဉ်​သည် ခြင်္သေ့​တို့​အလယ်​၌​ရှိ​၏​။ အငမ်းမရ​ဝါးမျို​တတ်​သည့် လူသား​တို့​အလယ်​၌ ငါ​လဲလျောင်း​နေ​၏​။ သူ​တို့​၏​သွား​သည် လှံ​နှင့်​မြား​ကဲ့သို့​ဖြစ်​၏​။ သူ​တို့​၏​လျှာ​သည်​လည်း ထက်​သော​ဓား​ကဲ့သို့​ဖြစ်​၏​။

ဆာ​လံ 78:68

ယုဒ​အမျိုးအနွယ်​နှင့် မိမိ​ချစ်​တော်မူ​သော​ဇိအုန်​တောင်​ကို ရွေးချယ်​တော်မူ​ပြီး

ဆာ​လံ 84:1

ကောင်းကင်​ဗိုလ်ခြေ​အရှင်​ထာဝရဘုရား​၊ ကိုယ်တော်​ကိန်းဝပ်​တော်မူ​ရာ​တဲ​တော်​သည် နှစ်သက်ဖွယ်​ကောင်း​လှ​ပါ​၏​။

ဆာ​လံ 97:11

အလင်း​သည် ဖြောင့်မတ်​သော​သူ​တို့​အပေါ်​၌​လည်းကောင်း​၊ ဝမ်းမြောက်​ခြင်း​သည် စိတ်နှလုံး​ဖြောင့်မှန်​သော သူ​တို့​အပေါ်​၌​လည်းကောင်း ဖြာကျ​လျက်​ရှိ​၏​။

မိက္ခာ 7:20

ကိုယ်တော်​သည် ရှေးယခင်​ဘိုးဘေး​တို့​အား ကျိန်ဆို​တော်မူ​သည့်​အတိုင်း ယာကုပ်​အား သစ္စာ​တော်​ကို​လည်းကောင်း​၊ အာဗြဟံ​အား မေတ္တာကရုဏာ​တော်​ကို​လည်းကောင်း ပြ​တော်မူ​မည်​။

မိက္ခာ 7:8

အို အချင်း​ရန်သူ​၊ ငါ့​ကြောင့် သင်​ဝမ်း​မ​မြောက်​နှင့်​။ ငါ​သည် လဲကျ​သော်လည်း ပြန်ထ​မည်​။ မှောင်မိုက်​၌ နေ​ရ​သော်လည်း ထာဝရဘုရား​သည် ငါ​၏​အလင်း​ဖြစ်​တော်မူ​လိမ့်မည်​။

ရှင်ယောဟန် 1:17

အကြောင်းမူကား ပညတ်​တရား​ကို မောရှေ​အားဖြင့်​ပေး​တော်မူ​၏။ ကျေးဇူး​တော်​နှင့်​သမ္မာတရား​မူကား ယေရှု​ခရစ်တော်​အားဖြင့်​ဖြစ်လာ​၏။

ရှင်ယောဟန် 1:4

နှုတ်ကပတ်တော်​၌ အသက်​ရှိ​၍ ထို​အသက်​သည် လူ​တို့​၏​အလင်း​ဖြစ်​၏။