ဆာ​လံ 40:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ အို အကျွန်ုပ်​၏​ဘုရားသခင် ထာဝရဘုရား​၊ ကိုယ်တော်​ပြု​တော်မူ​သော​အမှု​တည်းဟူသော ကိုယ်တော်​၏​အံ့ဖွယ်​သော​အမှု​များ​နှင့် အကျွန်ုပ်​တို့​အတွက် ကိုယ်တော်​၏​အကြံအစည်​များ​သည် များပြား​လှ​ပါ​၏​။ ကိုယ်တော်​နှင့်​နှိုင်းယှဉ်​ရ​မည့်​သူ​မ​ရှိ​ပါ​။ ထို​အမှု​တို့​ကို အကျွန်ုပ်​ထုတ်ဖော်​၍​ပြောဆို​သောအခါ ရေတွက်​မကုန်​နိုင်​အောင် များပြား​လှ​ပါ​၏​။

Common Language Bible

⁵ ကျွန်​တော်​မျိုး​၏​ဘု​ရား​သ​ခင်၊ထာ​ဝ​ရ​ဘု​ရား၊ ကိုယ်​တော်​ရှင်​သည်​ကျွန်​တော်​မျိုး​အ​တွက် များ​စွာ​သော​အ​မှု​တို့​ကို​ပြု​တော်​မူ​ပါ​ပြီ။ ကိုယ်​တော်​ရှင်​နှင့်​နှိုင်း​ယှဉ်​နိုင်​သူ​တစ်​ယောက် မျှ​မ​ရှိ​ပါ။ ကိုယ်​တော်​ရှင်​ကျွန်​တော်​မျိုး​တို့​အ​တွက် ကြံ​စည်​သော​အ​ကြံ​အ​စည်​တော်​တို့​သည် အံ့​သြ​ဖွယ်​ဖြစ်​ပါ​၏။ ထို​အ​မှု​အ​ရာ​တို့​သည်​များ​ပြား​လှ​သ​ဖြင့် ယင်း​တို့​ကို​မ​ရေ​မ​တွက်​နိုင်​ပါ။

Garrad Bible

⁵ အ ကျွန်ုပ် ဘု ရား သ ခင်၊ အို ထာ ဝ ရ ဘု ရား၊ ကိုယ် တော် ပြု တော် မူ ရာ အံ့ ဖွယ် မှု များ နှင့်၊ အ ကျွန်ုပ် တို့ အ တွက် ကြံ စည် တော် မူ ချက် များ သည် များ ပြား လှ၍၊ ရှေ့ တော်၌ စီ စဉ် မ ထား နိုင် ပါ။ ဖော် ပြ ပြော ဆို လို လျှင်၊ ရေ တွက်၍ မ ကုန် နိုင် ပါ။

Judson Bible

⁵ အ​ကျွန်ုပ်၏ ဘု​ရား​သ​ခင်​ထာ​ဝ​ရ​ဘု​ရား၊ အ​ကျွန်ုပ်​တို့​အ​ဖို့ ပြု​တော်​မူ​သော အံ့​ဩ​ဖွယ်​အ​မှု​တို့​နှင့် ကြံ​စည်​တော်​မူ​သော အ​ကြံ​အ​စည်​တို့​သည် များ​လှ​ပါ၏။ ရှေ့​တော်၌ အ​စဉ်​အ​တိုင်း လျှောက်၍​မ​ကုန်​နိုင်​ပါ။ အ​ကျွန်ုပ် ထုတ်​ဖော်​ကြား​ပြော​မည်​ဟု ဆို​သော်၊ ရေ​တွက်၍ မ​ကုန်​နိုင်​အောင်​များ​လှ​ပါ၏။

ဆာ​လံ 40:5 Referencias Cruzadas

ယောဘဝတ္တု။ 26:14

ဤ​အရာ​တို့​သည် ဘုရား​ပြု​တော်မူ​သော​အမှု​တို့​တွင် အရိပ်အမြွက်​မျှသာ ဖြစ်​၏​။ အသံ​တော်​ကို သဲ့သဲ့လေး​သာ ကြား​နေ​ရ​ခြင်း​ဖြစ်​၏​။ တန်ခိုး​တော်​ထစ်ချုန်းသံ​ကို မည်သူ​နားလည်​နိုင်​မည်နည်း​”​ဟု ဆို​လေ​၏​။

ယောဘဝတ္တု။ 5:9

ကိုယ်တော်​သည် ကြီးမြတ်​သော​အမှု​၊ စစ်​၍​မ​ကုန်​နိုင်​သော​အမှု​၊ မ​ရေတွက်​နိုင်​သော​အံ့ဖွယ်​အမှု​တို့​ကို ပြု​တော်မူ​၏​။

ယောဘဝတ္တု။ 9:10

စူးစမ်း​၍​မ​ကုန်​နိုင်​သည့် ကြီးမြတ်​သော​အမှု​များ​၊ ရေတွက်​၍​မ​ကုန်​နိုင်​သည့် အံ့ဖွယ်​သော​အမှု​များ​ကို ပြု​တော်မူ​၏​။

ဆာ​လံ 136:4

ကြီးမား​၍​အံ့ဖွယ်​သော​အမှု​တို့​ကို တစ်ပါးတည်း​သာ ပြု​တော်မူ​သော​အရှင်​၏​ကျေးဇူး​တော်​ကို ချီးမွမ်း​ကြ​လော့​။ အကြောင်းမူကား ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​၏​။

ဆာ​လံ 139:6

ထိုသို့သော​အသိပညာ​သည် အကျွန်ုပ်​အတွက်​အံ့ဩဖွယ်​ကောင်း​လွန်း​ပါ​၏​။ မြင့်မား​လှ​သည်​ဖြစ်၍ အကျွန်ုပ်​မ​မီ​နိုင်​ပါ​။

ဆာ​လံ 71:15

ကိုယ်တော်​၏​ဖြောင့်မတ်​ခြင်း​နှင့်​ကယ်တင်​ခြင်း​ကို အကျွန်ုပ် အကုန်အစင်​မ​သိ​နိုင်​သော်လည်း အကျွန်ုပ်​၏​နှုတ်​သည် ထို​အကြောင်း​တို့​ကို တစ်နေ့လုံး​ပြောကြား​ပါ​မည်​။

ဆာ​လံ 73:28

အကျွန်ုပ်​အတွက်​မူကား ဘုရားသခင်​ထံ​တော်​သို့​ချဉ်းကပ်​ခြင်း​သည် ကောင်းမြတ်​ပါ​၏​။ အကျွန်ုပ်​သည် ကိုယ်တော်​၏​အမှု​တော်​ရှိသမျှ​တို့​ကို ပြောကြား​ရန် ဘုရားရှင်​ထာဝရဘုရား​ကို အကျွန်ုပ်​၏​ခိုလှုံ​ရာ​ဖြစ်​စေ​ပါ​၏​။

ဆာ​လံ 92:5

အို ထာဝရဘုရား​၊ ကိုယ်တော်​ပြု​တော်မူ​သော အမှု​တို့​သည် ကြီးမြတ်​လှ​ပါ​၏​။ ကိုယ်တော်​၏​အကြံအစည်​တို့​သည် အလွန်​နက်နဲ​ပါ​၏​။

ထွက်​မြောက် 11:8

အရှင်​၏​အမှုထမ်း​အပေါင်း​တို့​သည် အကျွန်ုပ်​ထံသို့​လာ​၍ အကျွန်ုပ်​ရှေ့​၌ ပျပ်ဝပ်​လျက် ‘​သင်​နှင့် သင်​၏​နောက်လိုက်နောက်ပါ​အပေါင်း​တို့ ထွက်သွား​ကြ​ပါ​လော့​’​ဟု ပြောဆို​မှ အကျွန်ုပ်​ထွက်သွား​မည်​”​ဟု ဆို​ပြီးနောက် အမျက်​ပြင်းစွာ​ထွက်​လျက် ဖာရော​မင်းကြီး​ထံ​မှ ထွက်သွား​လေ​၏​။

ထွက်​မြောက် 15:11

အို ထာဝရဘုရား​၊ ဘုရား​တို့​တွင် အဘယ်မည်သော​ဘုရား​သည် ကိုယ်တော်​နှင့်​တူ​ပါ​သနည်း​။ သန့်ရှင်း​ခြင်း​ကြောင့် ဘုန်းကြီး​တော်မူ​သော​၊ ဘုန်းအသရေ​ကြောင့် ကြောက်ရွံ့ဖွယ်​ဖြစ်​တော်မူ​သော​၊ အံ့ဖွယ်​သော​အမှု​ကို​ပြု​တော်မူ​သော ကိုယ်တော်​နှင့် အဘယ်သူ​တူ​ပါ​သနည်း​။

ယေ​ရ​မိ 29:11

အကြောင်းမူကား ငါ​ထာဝရဘုရား​သည် သင်​တို့​အတွက်​ကြံစည်​ထား​သော အကြံအစည်​များ​ကို ငါ​သာလျှင်​သိ​၏​။ သင်​တို့​ကို ဒုက္ခ​ရောက်​စေ​မည်​မ​ဟုတ်​၊ ကောင်းစား​စေ​မည့် အကြံအစည်​ဖြစ်​၏​။ သင်​တို့​မျှော်လင့်​သော​အနာဂတ်​ကို ပေး​ရန်​အတွက်​ဖြစ်​၏​။