ဆာ​လံ 39:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ “​ငါ​သည် နှုတ်​ဖြင့်​မ​ပြစ်မှား​မိ​စေရန် ငါ​၏​အပြုအမူ​အကျင့်အကြံ​တို့​ကို​စောင့်ထိန်း​မည်​။ ငါ​၏​ရှေ့​၌​ဆိုးယုတ်​သော​သူ​တို့​ရှိ​နေစဉ် နှုတ်စွပ်​တပ်​၍ ငါ့​နှုတ်​ကို​စောင့်ထိန်း​မည်​”​ဟု ငါ​ဆို​ခဲ့​၏​။

Common Language Bible

¹ ``ငါ​ပြု​သည့်​အ​မှု​အ​တွက်​ငါ​သ​တိ​ထား​မည်။ နှုတ်​ဖြင့်​မျှ​မ​ပြစ်​မှား​မိ​စေ​ရန်​ငါ​သည်​သ​တိ ပြု​မည်။ ဆိုး​ညစ်​သူ​တို့​အ​နီး​၌​ရှိ​စဉ်​ငါ​သည်​အ​ဘယ် စ​ကား​ကို​မျှ​မ​ပြော​ဘဲ​နေ​မည်'' ဟု​ငါ​ဆို​၏။

Garrad Bible

¹ ဝ စီ ကံ မျှ ပြစ် မှား ခြင်း မ ပြု မိ အောင်၊ ကိုယ့် ပြော ပုံ ကို စောင့် ထိန်း မည်။ ငါ့ ရှေ့၌ လူ ဆိုး တို့ ရှိ နေ စဉ်၊ ကိုယ့် နှုတ် ကို ချုပ် တည်း မည် အောက် မေ့ လျက်၊

Judson Bible

¹ ငါ​သည်​စ​ကား​ဖြင့်​မျှ မ​ပြစ်​မှား​မည်​အ​ကြောင်း၊ ကိုယ်​အ​ကျင့်​ကို သ​တိ​ပြု​မည်။ မ​တ​ရား​သော​သူ​သည် ငါ့​ရှေ့​မှာ​ရှိ​စဉ်၊ ငါ​သည်​ကိုယ်​နှုတ်​ကို ချည်​နှောင်​မည်​ဟု ငါ​ပြော​ထား၏။

ဆာ​လံ 39:1 Referencias Cruzadas

၃ ရာ 2:4

ထို့ပြင် ‘​သင်​၏​သားမြေး​တို့​သည် သူ​တို့​သွား​ရာ​လမ်း​တွင် စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့ သစ္စာရှိ​လျက် ငါ့​မျက်မှောက်​၌​အသက်ရှင်​လျှောက်လှမ်း​ရန် စောင့်ထိန်း​ကြ​မည်​ဆို​လျှင် အစ္စရေး​လူမျိုး​၏​ရာဇပလ္လင်​ပေါ်တွင် သင်​၏​မျိုးဆက်​မ​ပြတ်​ရ​’​ဟု ငါ့​အား ကတိထား​ခဲ့​သည့်​စကား​တော်​အတိုင်း ထာဝရဘုရား​ပြု​တော်မူ​မည်​။

၄ ရာ 10:31

သို့သော် ယေဟု​သည် အစ္စရေး​လူမျိုး​၏​ဘုရားသခင် ထာဝရဘုရား​၏​ပညတ်တရား​တို့​ကို စိတ်နှလုံး​အကြွင်းမဲ့ စောင့်ထိန်း​လို​စိတ်​မ​ရှိ​။ အစ္စရေး​လူမျိုး​ကို လမ်းမှား​စေ​သော ယေရောဗောင်​၏​အပြစ်​များ​ကို မ​စွန့်​ဘဲ​နေ​၏​။

၁ ရာ​ချုပ် 16:41

သူ​တို့​နှင့်အတူ ဟေမန်​နှင့်​ယေဒုသုန်​တို့​လည်း ပါရှိ​၏​။ ထာဝရဘုရား​၏​မေတ္တာကရုဏာ​တော်​သည် အစဉ်အမြဲ​တည်​သည်​ဖြစ်၍ ကျန်​နာမည်​နှင့်တကွ စာရင်းဝင်​ရွေးချယ်​ခံရ​သော​သူ​တို့​သည် ထာဝရဘုရား​ကို ချီးမွမ်းထောမနာ​ပြု​ရ​သော​သူ​များ​ဖြစ်​ကြ​၏​။

ယောဘဝတ္တု။ 2:10

ယောဘ​က သူ့​ဇနီး​အား “​သင်​သည် မိန်းမမိုက်​တစ်​ယောက် ပြော​တတ်​သကဲ့သို့ ပြော​ပါ​သည်​တကား​။ ဘုရားသခင်​ထံမှ အကောင်း​ကို​လက်ခံ​၍ အဆိုး​ကို လက်​မ​ခံ​ဘဲ​နေ​ရ​မည်လော​”​ဟု ပြန်ပြော​၏​။ ယောဘ​သည် ဤသို့​ကြုံတွေ့​ရ​သော်လည်း မိမိ​နှုတ်​ဖြင့်​မျှ မ​ပြစ်မှား​ဘဲ​နေ​၏​။

ဆာ​လံ 119:9

လူငယ်​သည် မိမိ​၏​ဘဝလမ်း​ကို မည်ကဲ့သို့ သန့်ရှင်းစင်ကြယ်​စေ​နိုင်​ပါ​မည်နည်း​ဟူမူကား ကိုယ်တော်​၏​နှုတ်ကပတ်တော်​အတိုင်း စောင့်ထိန်း​ရ​မည်​ဖြစ်​၏​။

ဆာ​လံ 12:4

သူ​တို့​က “​ငါ​တို့​သည် ငါ​တို့​၏​စကား​ဖြင့်​အောင်နိုင်​မည်​။ ငါ​တို့​နှုတ်​ကို ငါ​တို့​ပိုင်​၏​။ ငါ​တို့​၏​သခင်​ကား အဘယ်သူ​ဖြစ်​မည်နည်း​”​ဟု ပြောဆို​တတ်​ကြ​ပါ​၏​။

ဆာ​လံ 141:3

အို ထာဝရဘုရား​၊ အကျွန်ုပ်​၏​နှုတ်​ကို ကင်းချ​ပေး​တော်မူ​ပါ​။ အကျွန်ုပ်​၏​နှုတ်ခမ်း​တံခါး​ကို စောင့်ကြပ်​တော်မူ​ပါ​။

ဆာ​လံ 34:13

မိမိ​လျှာ​ကို မကောင်းမှု​မှ​လည်းကောင်း​၊ မိမိ​နှုတ်ခမ်း​ကို လိမ်လည်လှည့်ဖြား​ပြောဆို​ခြင်း​မှ​လည်းကောင်း ကင်းဝေး​အောင်​စောင့်စည်း​လော့​။

ဆာ​လံ 62:1

ငါ​၏​စိတ်ဝိညာဉ်​သည် ဘုရားသခင်​၌​သာ ငြိမ်သက်ချမ်းသာမှု​ကို​ခံစား​ရ​၏​။ ငါ့​ကို​ကယ်တင်​ခြင်း​အကြောင်း​သည် ကိုယ်တော့်​ထံမှ​လာ​၏​။

ဆာ​လံ 77:1

ငါ​သည် ဘုရားသခင်​ထံသို့ အသံ​ကို​လွှင့်​၍ အော်ဟစ်​တောင်းလျှောက်​၏​။ ဘုရားသခင်​ထံသို့ အသံ​ကို​လွှင့်​သောအခါ ကိုယ်တော်​သည် ငါ့​ကို စူးစိုက်​နားထောင်​တော်မူ​၏​။

သုတ္တံကျမ်း။ 18:21

သေ​ခြင်း​နှင့်​အသက်ရှင်​ခြင်း​သည် လျှာ​၏​တန်ခိုး​အောက်​၌​ရှိ​သည်​ဖြစ်၍ လျှာ​ကို​ချစ်ခင်​သော​သူ​သည် ၎င်း​၏​အသီး​ကို​စား​ရ​လိမ့်မည်​။

သုတ္တံကျမ်း။ 21:23

မိမိ​နှုတ်​နှင့် လျှာ​ကို စောင့်ထိန်း​သော​သူ​သည် မိမိ​အသက်​ကို ဆင်းရဲဒုက္ခ​မှ စောင့်ထိန်း​သော​သူ​ဖြစ်​၏​။

အာ​မုတ် 5:13

ဤ​ကာလ​သည် ဆိုးညစ်​သော​ကာလ​ဖြစ်​သောကြောင့် ပညာသတိ​ရှိ​သူ​သည် နှုတ်ဆိတ်​နေ​လိမ့်မည်​။

ကော​လော​သဲ 4:5

အပြင်​လူ​တို့​ရှေ့တွင် ဉာဏ်ပညာ​ရှိ​စွာ​အသက်ရှင်​လျှောက်လှမ်း​၍ အချိန်အခါ​ကို ကောင်းစွာ​အသုံးချ​ကြ​လော့။

ဟေ​ဗြဲ 2:1

ထို့ကြောင့် ငါ​တို့​သည် လွဲချော်​မ​သွား​ကြ​စေရန် ကြား​ရ​သော​အရာ​တို့​ကို အထူး​အာရုံစိုက်​ကြ​ရ​မည်။

ယာ​ကုပ် 1:26

တစ်စုံတစ်ယောက်​သည် မိမိ​ကိုယ်​ကို ဘာသာ​တရား​ကိုင်းရှိုင်း​သူ​ဖြစ်​သည်​ဟု ထင်မှတ်​သော်လည်း မိမိ​လျှာ​ကို​မ​ချုပ်တည်း​ဘဲ မိမိ​စိတ်နှလုံး​ကို​လှည့်ဖြား​လျှင် ထို​သူ​၏​ဘာသာ​တရား​ကိုင်းရှိုင်း​မှု​သည် အချည်းနှီး​ဖြစ်​၏။