ဆာ​လံ 37:40 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴⁰ ထာဝရဘုရား​သည် သူ​တို့​ကို​ကူညီမစ​၍ ကယ်တင်​တော်မူ​၏​။ သူ​တို့​သည် ကိုယ်တော်​၌​ခိုလှုံ​ကြ​သောကြောင့် ကိုယ်တော်​သည် သူ​တို့​ကို ဆိုးယုတ်​သော​သူ​တို့​၏​လက်​မှ လွတ်မြောက်​စေ​တော်မူ​၏​။ ကယ်တင်​တော်မူ​၏​။

Common Language Bible

⁴⁰ ကိုယ်​တော်​သည်​သူ​တို့​အား​ကူ​မ​တော်​မူ​၏။ ကယ်​မ​တော်​မူ​၏။ သူ​တို့​သည်​ကိုယ်​တော်​၏​ထံ​တော်​တွင် ခို​လှုံ​ကြ​သည်​ဖြစ်​၍​ကိုယ်​တော်​သည်​သူ​တို့​အား သူ​ယုတ်​မာ​များ​၏​လက်​မှ​ကယ်​တော်​မူ​၏။

Garrad Bible

⁴⁰ ထာ ဝ ရ ဘု ရား သည်၊ သူ တို့ ကို မ စ ကယ် နုတ်၍၊ ကိုယ် တော်၌ ခို လှုံ ကြ သော ကြောင့်၊ လူ ဆိုး တို့ လက် မှ ကယ် နုတ် လွတ် မြောက် စေ တော် မူ ၏။

Judson Bible

⁴⁰ ထာ​ဝ​ရ​ဘု​ရား​သည် သူ​တို့​ကို​မ​စ​ကယ်​တင်​တော်​မူ​မည်။ ယုံ​ကြည်​ခို​လှုံ​သော​ကြောင့်၊ မ​တ​ရား​သော​သူ​တို့​လက်​မှ နုတ်​ယူ​ကယ်​တင်​တော်​မူ​မည်။

ဆာ​လံ 37:40 Referencias Cruzadas

၁ ရာ​ချုပ် 5:20

သူ​တို့​သည် ဘုရားသခင်​ကို ယုံကြည်ကိုးစား​သဖြင့် စစ်တိုက်​သောအခါ ဘုရားသခင်​ထံ​အော်ဟစ်​ဆုတောင်း​လေ့​ရှိ​၏​။ ဘုရားသခင်​သည်​လည်း သူ​တို့​အသံ​ကို နားညောင်း​တော်မူ​၍ ဟာဂရိ​လူမျိုး​နှင့်​အပေါင်းပါ​အားလုံး​ကို သူ​တို့​လက်​သို့​အပ်​တော်မူ​၏​။

ဆာ​လံ 17:13

အို ထာဝရဘုရား​၊ ထ​တော်မူ​ပါ​။ သူ့​ကို​ထိပ်တိုက်ရင်ဆိုင်​၍ ညွတ်တွား​စေ​တော်မူ​ပါ​။ ကိုယ်တော်​၏​ဓား​ဖြင့် ဆိုးယုတ်​သော​သူ​၏​လက်​မှ အကျွန်ုပ်​၏​အသက်​ကို ကယ်တင်​တော်မူ​ပါ​။

ဆာ​လံ 27:2

ငါ့​ကို​ရန်ဖက်ပြု​သော​သူ​များ​နှင့် ငါ​၏​ရန်သူ​များ​ဖြစ်​ကြ​သည့် ဆိုးညစ်​သော​အမှု​ကို​ပြု​သော​သူ​တို့​သည် ငါ့​အသား​ကို​ကိုက်စား​ရန် ငါ့​ထံသို့​ချဉ်းကပ်​လာ​ကြ​သောအခါ ခလုတ်တိုက်​၍​လဲကျ​ကြ​လိမ့်မည်​။

ဆာ​လံ 34:20

သူ​၏​အရိုး​ရှိသမျှ​တို့​ကို​စောင့်ရှောက်​တော်မူ​၍ ထို​အရိုး​တစ်ချောင်းမျှ​ချိုးဖဲ့​ခြင်း​မ​ခံရ​။

သုတ္တံကျမ်း။ 20:22

“​မကောင်းမှု​ကို​ငါ​တုံ့ပြန်​မည်​”​ဟု မ​ဆို​နှင့်​။ ထာဝရဘုရား​ကို​သာ စောင့်မျှော်​လော့​။ သို့ပြုလျှင် ကိုယ်တော်​သည် သင့်​ကို ကယ်တင်​တော်မူ​လိမ့်မည်​။

ဟေ​ရှာ​ယ 31:5

ကောင်းကင်​ဗိုလ်ခြေ​အရှင်​ထာဝရဘုရား​သည် ဂျေရုဆလင်​မြို့​ကို ကာကွယ်​တော်မူ​မည်​။ ရစ်ဝဲ​နေ​သော​ငှက်​ကဲ့သို့ ကာကွယ်​၍ ကယ်နုတ်​တော်မူ​မည်​။ ချမ်းသာ​ပေး​၍ လွတ်မြောက်​စေ​တော်မူ​မည်​”​ဟု ငါ့​အား မိန့်​တော်မူ​၏​။

ဟေ​ရှာ​ယ 46:4

ငါ​သည် သင်​တို့​အိုမင်း​သည့်​တိုင်အောင် ထိုသို့​ပြု​ပေး​မည့်​အရှင်​ဖြစ်​၏​။ သင်​တို့​ဆံပင်ဖြူ​သည့်​တိုင်အောင် သင်​တို့​ကို ချီပိုး​ထား​မည်​။ သင်​တို့​ကို ငါ​ဖန်ဆင်း​ခဲ့​ပြီ​။ သင်​တို့​ကို ငါ​ချီမ​ထား​မည်​။ ငါ​သည် သင်​တို့​ကို ထမ်းထား​မည်​။ ကယ်မ​မည်​။

ဒံ​ယေ​လ 3:17

အကျွန်ုပ်​တို့ ကိုးကွယ်​သော​ဘုရားသခင်​သည် မီးတောက်လောင်​နေ​သော​မီးပြင်းဖို​ထဲမှ အကျွန်ုပ်​တို့​ကို ကယ်တင်​နိုင်​ပါ​၏​။ အရှင်မင်းကြီး​လက်​မှ​လည်း အကျွန်ုပ်​တို့​ကို ကယ်တင်​တော်မူ​လိမ့်မည်​။

ဒံ​ယေ​လ 3:28

နေဗုခဒ်နေဇာ​မင်းကြီး​က​လည်း “​ရှာဒရက်​၊ မေရှက်​၊ အဗေဒနေဂေါ​တို့​၏​ဘုရားသခင်​သည် မင်္ဂလာ​ရှိ​ပါစေသော​။ သူ​တို့​သည် မိမိ​တို့​ဘုရား​မှတစ်ပါး အခြား​ဘုရား​ကို မ​ကိုးကွယ်​မ​ရှိခိုး​။ ဘုရင့်​အမိန့်​အား ဆန့်ကျင်​၍ မိမိ​တို့​အသက်​ကို​ပင် စတေး​ခဲ့​ကြ​ပြီ​။ ကိုယ်တော်​သည်​လည်း သူ့​ကို​ယုံကြည်ကိုးစား​သော သူ့​အစေအပါး​တို့​အား ကောင်းကင်တမန်​ကို စေလွှတ်​၍​ကယ်​တော်မူ​ပြီ​။

ဒံ​ယေ​လ 6:23

ထိုအခါ ရှင်ဘုရင်​သည် ဝမ်းသာအားရ​ဖြစ်​လျက် ဒံယေလ​ကို တွင်း​ထဲမှ​ထုတ်ယူ​ရန်​အမိန့်ပေး​သဖြင့် ဒံယေလ​ကို တွင်း​ထဲမှ ထုတ်ယူ​ကြ​၏​။ ဒံယေလ​သည် ဘုရားသခင်​ကို ယုံကြည်ကိုးစား​သောကြောင့် သူ​၌ ထိခိုက်ဒဏ်ရာ​တစ်စုံတစ်ရာ​မျှ မ​တွေ့​ရ​ပေ​။

၁ ယော 5:18

ဘုရားသခင်​ထံမှ​ပေါက်ဖွား​လာ​သော​သူ​သည် အပြစ်​ပြု​နေ​ခြင်း​မ​ရှိ​ကြောင်း ငါ​တို့​သိ​ကြ​၏။ ဘုရားသခင်​ထံမှ​ပေါက်ဖွား​လာ​သော​အရှင်​သည် သူ့​ကို​စောင့်ရှောက်​တော်မူ​သောကြောင့် မာရ်နတ်​သည် သူ့​ကို​မ​ထိခိုက်​နိုင်။