ဆာ​လံ 37:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ ငါ​သည် လူငယ်​တစ်​ဦး​ဖြစ်​ခဲ့​ပြီး ယခု​အသက်ကြီး​လေ​ပြီ​။ သို့သော် ဖြောင့်မတ်​သော​သူ​သည် စွန့်ပစ်​ခြင်း​ခံရ​သည်​ကို​လည်းကောင်း​၊ သူ​၏​သားမြေး​တို့​သည် အစာ​တောင်းရမ်း​နေ​ကြ​ရ​သည်​ကို​လည်းကောင်း မ​တွေ့​မ​မြင်​ဖူး​ပေ​။

Common Language Bible

²⁵ ယ​ခု​အ​ခါ​ငါ​သည်​အ​သက်​ကြီး​ရင့်​လေ​ပြီ။ ငါ​သည်​ကြာ​ရှည်​စွာ​အ​သက်​ရှင်​ခဲ့​ပါ​ပြီ။ သို့​ရာ​တွင်​သူ​တော်​ကောင်း​အား​ထာ​ဝ​ရ​ဘု​ရား စွန့်​ပစ်​တော်​မူ​သည်​ကို​လည်း​ကောင်း၊ သူ​၏​သား​သ​မီး​တို့​တောင်း​စား​ရ​သည်​ကို လည်း​ကောင်း တစ်​ချိန်​တစ်​ခါ​မျှ​ငါ​မ​တွေ့​မ​မြင်​ခဲ့​ဘူး​ပါ။

Garrad Bible

²⁵ ဖြောင့် မတ် သူ သည် ကိုး ရာ မဲ့ လျက်၊ သူ့ သား မြေး တို့ လည်း တောင်း စား လျက် နေ ရ ကြ သည် ကို၊ ငယ် ရွယ် စဉ် မှ စ၍၊ ယ ခု အို မင်း သည့် ကာ လ တိုင် အောင်၊ ငါ မ မြင် ရ စ ဖူး။

Judson Bible

²⁵ ဖြောင့်​မတ်​သော​သူ​သည် စွန့်​ပစ်​ခြင်း​ကို​ခံ​ရ​သည်​အ​ကြောင်း၊ သူ၏​သား​မြေး​တို့​သည် တောင်း၍​စား​ရ​သည်​အ​ကြောင်း​ကို ငါ​သည် အ​သက်​ပျို​သည်​ကာ​လ​မှ​စ၍ အို​သည်​တိုင်​အောင် မ​မြင်​စ​ဖူး။

ဆာ​လံ 37:25 Referencias Cruzadas

ကမ္ဘာ​ဦး 17:7

ငါ​သည် သင်​မှစ၍ နောင်လာမည့် သင့်​သားစဉ်မြေးဆက်​၏​ဘုရားသခင်​ဖြစ်​မည့်​အကြောင်း ငါ​၏​ပဋိညာဉ်​ကို ငါ​နှင့်​သင်​ကြား​၌​လည်းကောင်း​၊ နောင်လာမည့် သင့်​သားစဉ်မြေးဆက်​ကြား​၌​လည်းကောင်း တည်​စေ​၍ သူ​တို့​၏​မျိုးဆက်​အစဉ်အဆက်​တို့​၌ ထာဝရ​ပဋိညာဉ်​ဖြစ်​စေ​မည်​။

ယောဘဝတ္တု။ 15:23

သူ​က ‘​အဘယ်မှာ​နည်း​’​ဟု ဆို​လျက် စားစရာ​ကို​လှည့်လည်​ရှာဖွေ​၏​။ မှောင်မိုက်​သော​နေ့ရက်​သည်​လည်း သူ​၏​လက်တစ်ကမ်း​တွင် ရှိ​နေ​ကြောင်း​ကို သူ​သိ​၏​။

ယောဘဝတ္တု။ 4:7

ယခု ဆင်ခြင်​ကြည့်​ပါ​လော့​။ မည်သူ​သည် အပြစ်​မ​ရှိ​ဘဲ ပျက်စီး​ဖူး​သနည်း​။ ဖြောင့်မှန်​သော​သူ​သည် အဘယ်မှာ ဖျက်ဆီး​ခံရ​ဖူး​သနည်း​။

ဆာ​လံ 109:10

သူ​၏​သားသမီး​တို့​သည် အရပ်ရပ်​လှည့်လည်​၍ တောင်းရမ်း​ကြ​ရ​ပါစေ​။ ပြိုပျက်​သော​မိမိ​တို့​နေရာ​များ​မှ​ထွက်​၍ အစာ​ကို​ရှာ​ကြ​ရ​ပါစေ​။

ဆာ​လံ 112:2

သူ​၏​သားမြေးစဉ်ဆက်​တို့​သည် ကမ္ဘာမြေကြီး​ပေါ်တွင်​ခွန်အားကြီး​သော​သူ​ဖြစ်​ကြ​လိမ့်မည်​။ ဖြောင့်မှန်​သော​သူ​၏​မျိုးဆက်​သည် ကောင်းချီးမင်္ဂလာ​ကို​ခံစား​ရ​လိမ့်မည်​။

ဆာ​လံ 25:13

သူ​၏​စိတ်ဝိညာဉ်​သည် ကောင်းမွန်​စွာ​နေထိုင်​ရ​၍ သူ​၏​သားစဉ်မြေးဆက်​တို့​သည် ပြည်​တော်​ကို​အမွေဆက်ခံ​ရ​ကြ​လိမ့်မည်​။

ဆာ​လံ 37:28

အကြောင်းမူကား ထာဝရဘုရား​သည် တရားမျှတမှု​ကို​နှစ်သက်​တော်မူ​၏​။ မိမိ​၏​သန့်ရှင်း​သူ​တို့​ကို​လည်း စွန့်ပစ်​တော်​မ​မူ​။ သူ​တို့​သည် အစဉ်အမြဲ​စောင့်ရှောက်​တော်မူ​ခြင်း​ကို ခံရ​ကြ​လိမ့်မည်​။ ဆိုးယုတ်​သော​သူ​၏​သားမြေး​တို့​မူကား ဖယ်ရှား​ခြင်း​ခံ​ကြ​ရ​လိမ့်မည်​။

ဆာ​လံ 59:15

သူ​တို့​သည် အစာ​အတွက်​လှည့်လည်​သွားလာ​ကြ​ပြီး အစာ​မ​ဝ​ပါက အော်မြည်​ကြ​ပါ​၏​။

ဆာ​လံ 71:18

အို ဘုရားသခင်​၊ ကိုယ်တော်​၏​ဘုန်းလက်ရုံး​တော်​အကြောင်း​ကို ဤ​မျိုးဆက်​အား​လည်းကောင်း​၊ ကိုယ်တော်​၏​အစွမ်းတန်ခိုး​တော်​အကြောင်း​ကို နောင်လာနောက်သား​အပေါင်း​တို့​အား​လည်းကောင်း မ​ပြောကြား​မီ​တိုင်အောင် အကျွန်ုပ်​သည် အိုမင်း​၍ ဆံပင်ဖြူ​လျက်​ရှိ​လျှင်ပင် အကျွန်ုပ်​ကို​စွန့်ပစ်​တော်​မ​မူ​ပါ​နှင့်​။

ဆာ​လံ 71:9

အကျွန်ုပ်​အိုမင်း​သောအခါ အကျွန်ုပ်​ကို​ပစ်ထား​တော်​မ​မူ​ပါ​နှင့်​။ အကျွန်ုပ်​၏​ခွန်အား​ကုန်ခန်း​သောအခါ အကျွန်ုပ်​ကို​စွန့်ပစ်​တော်​မ​မူ​ပါ​နှင့်​။

ဆာ​လံ 94:14

အကြောင်းမူကား ထာဝရဘုရား​သည် မိမိ​လူမျိုး​တော်​ကို ပစ်ပယ်​တော်မူ​မည်​မ​ဟုတ်​။ မိမိ​၏​အမွေ​တော်​ကို​လည်း စွန့်ပစ်​တော်မူ​မည်​မ​ဟုတ်​။

သုတ္တံကျမ်း။ 13:22

သူတော်ကောင်း​သည် သားမြေး​တို့​အတွက် အမွေ​ကို​ချန်ထား​တတ်​၏​။ အပြစ်ပြု​သော​သူ​၏​ဥစ္စာပစ္စည်း​မူကား ဖြောင့်မတ်​သော​သူ​အတွက် သိုမှီး​ထား​ခြင်း​ခံရ​၏​။

ဟေ​ရှာ​ယ 13:16

သူ​တို့​ကလေးငယ်​များ​သည် သူ​တို့​မျက်စိ​ရှေ့​တွင် ကိုင်ပေါက်​ခံရ​လိမ့်မည်​။ သူ​တို့​အိမ်​သည် တိုက်ခိုက်လုယက်​ခံရ​၍ သူ​တို့​မယား​သည်​လည်း အဓမ္မပြုကျင့်​ခြင်း​ခံရ​လိမ့်မည်​။

တမန်တော်ဝတ္ထု 21:16

ဆီဇာရီးယား​မြို့​မှ တပည့်​တော်​အချို့​တို့​သည်​လည်း ငါ​တို့​နှင့်အတူ​လိုက်ပါ​၍ ငါ​တို့​တည်းခို​ရန်​စီစဉ်​ထား​သည့် ကနဦး​တပည့်​တော်​ဖြစ်​သော ဆိုက်ပရပ်​ကျွန်းသား မနာသုန်​ထံသို့ ခေါ်သွား​ကြ​၏။

၂ ကော 4:9

ညှဉ်းဆဲ​ခြင်း​ကို​ခံရ​သော်လည်း စွန့်ပစ်​ခြင်း​ကို​မ​ခံရ။ အလဲထိုး​ခံရ​သော်လည်း ဆုံးရှုံး​ခြင်း​သို့​မ​ရောက်။

ဟေ​ဗြဲ 13:5

အသက်ရှင်​နေထိုင်​မှု​တွင် ငွေ​ကို​တပ်မက်​ခြင်း​မ​ရှိ​ဘဲ မိမိ​၌​ရှိ​သော​အရာ​နှင့် ရောင့်ရဲ​ကြ​လော့။ အကြောင်းမူကား “ငါ​သည် မည်သည့်​အခါ​မျှ သင့်​ကို​စွန့်ခွာ​မည်​မ​ဟုတ်။ မည်သည့်​အခါ​မျှ သင့်​ကို​ပစ်ပယ်​မည်​မ​ဟုတ်”​ဟု ကိုယ်တော်​မိန့်​တော်မူ​၏။

ယော​ရှု 1:5

သင်​အသက်ရှင်​သမျှ​ကာလ​ပတ်လုံး သင့်​ရှေ့​၌ မည်သူ​မျှ​ခုခံရပ်တည်​နိုင်​မည်​မ​ဟုတ်​။ ငါ​သည် မောရှေ​နှင့်အတူ​ရှိ​သကဲ့သို့ သင်​နှင့်အတူ​ရှိ​မည်​။ သင့်​ကို​ငါ​ပစ်​ထား​မည်​မ​ဟုတ်​၊ စွန့်ပစ်​မည်​မ​ဟုတ်​။

၁ ရာ 12:22

ထာဝရဘုရား​သည် ကြီးမြတ်​သော​နာမ​တော်​ကို ထောက်​၍ မိမိ​၏​လူမျိုး​တော်​ကို စွန့်ပစ်​မည်​မ​ဟုတ်​။ အကြောင်းမူကား ထာဝရဘုရား​သည် သင်​တို့​ကို မိမိ​လူမျိုး​တော်​ဖြစ်​စေဖို့ အလိုရှိ​တော်မူ​၏​။