ဆာ​လံ 31:23 - မြန်​​​မာ့​​​စံ​​​မီ​​​သမ္မာ​​​ကျမ်း​​

²³ ထာဝရဘုရား​၏​သန့်ရှင်း​သူ​အပေါင်း​တို့​၊ ထာဝရဘုရား​ကို ချစ်​ကြ​လော့​။ ထာဝရဘုရား​သည် သစ္စာစောင့်​သော​သူ​တို့​ကို ကာကွယ်​စောင့်ရှောက်​တော်မူ​၏​။ မာန်မာန​ဖြင့်​ပြုမူ​သော​သူ​တို့​ကို​မူကား မလျှော့မပေါ့​အပြစ်ပေး​တော်မူ​၏​။

Common Language Bible

²³ ကိုယ်​တော်​အား​သစ္စာ​စောင့်​သူ​အ​ပေါင်း​တို့၊ ထာ​ဝ​ရ​ဘု​ရား​ကို​ချစ်​ကြ​လော့။ သစ္စာ​စောင့်​သူ​တို့​အား​ထာ​ဝ​ရ​ဘု​ရား​သည် ကွယ်​ကာ​စောင့်​ရှောက်​တော်​မူ​၏။ သို့​ရာ​တွင်​မာ​န​ကြီး​သူ​တို့​အား​ထိုက်​သင့်​သည့် အ​ပြစ်​ဒဏ်​ကို​ပေး​တော်​မူ​၏။

Garrad Bible

²³ ကြည် ညို သူ အ ပေါင်း တို့၊ ထာ ဝ ရ ဘု ရား ကို ချစ် ကြ လော့။ ထာ ဝ ရ ဘု ရား သည်၊ သ စ္စာ စောင့် သူ တို့ ကို စောင် မ လျက်၊ မာ န ကြီး သူ တို့ ကို၊ များ ပြား စွာ ဆပ် ပေး တော် မူ ၏။

Judson Bible

²³ ထာ​ဝ​ရ​ဘု​ရား၏​သန့်​ရှင်း​သူ​အ​ပေါင်း​တို့၊ ထာ​ဝ​ရ​ဘု​ရား​ကို ချစ်​ကြ​လော့။ ထာ​ဝ​ရ​ဘု​ရား​သည် သ​စ္စာ​ရှိ​သော​သူ​တို့​ကို စောင့်​မ​တော်​မူ၏။ မာ​န​ထောင်​လွှား​သော​သူ​တို့​ကို​ကား၊ အ​ပြစ်​များ​စွာ ဆပ်​ပေး​တော်​မူ​သ​တည်း။

ဆာ​လံ 31:23 Referencias Cruzadas

ဆာ​လံ 145:10

အို ထာဝရဘုရား​၊ ကိုယ်တော်​ပြုလုပ်​ဖန်ဆင်း​သော​အရာ​ရှိသမျှ​တို့​သည် ကိုယ်တော်​၏​ကျေးဇူးတော်​ကို ချီးမွမ်း​ကြ​ပါ​လိမ့်မည်​။ ကိုယ်တော်​၏​သန့်ရှင်း​သူ​အပေါင်း​တို့​သည်​လည်း ကိုယ်တော်​ကို ကောင်းချီးထောမနာ​ပြု​ကြ​ပါ​လိမ့်မည်​။

ဆာ​လံ 145:20

ထာဝရဘုရား​သည် မိမိ​ကို​ချစ်​သော​သူ​အပေါင်း​တို့​ကို စောင့်ရှောက်​တော်မူ​၏​။ ဆိုးယုတ်​သော​သူ​အပေါင်း​တို့​ကို​ကား ဖျက်ဆီး​တော်မူ​လိမ့်မည်​။

ဆာ​လံ 30:4

ထာဝရဘုရား​၏​သန့်ရှင်း​သူ​တို့​၊ ကိုယ်တော်​ကို သီဆိုချီးမွမ်း​ကြ​လော့​။ ကိုယ်တော်​၏​သန့်ရှင်း​သော​နာမ​တော်​အတွက် ကိုယ်တော်​၏​ကျေးဇူးတော်​ကို​ချီးမွမ်း​ကြ​လော့​။

ဆာ​လံ 34:9

ကိုယ်တော်​၏​သန့်ရှင်း​သော​သူ​တို့​၊ ထာဝရဘုရား​ကို​ကြောက်ရွံ့​ကြ​လော့​။ အကြောင်းမူကား ကိုယ်တော်​ကို​ကြောက်ရွံ့​သော​သူ​တို့​သည် ချို့တဲ့​နွမ်းပါး​ခြင်း​မ​ရှိ​ရ​။

ဆာ​လံ 54:5

ငါ​၏​ရန်သူ​တို့​အပေါ် မကောင်းမှု​အကျိုး​ကို ကိုယ်တော်​ဆပ်ပေး​ပါစေသော​။ ကိုယ်တော်​၏​သစ္စာ​တော်​နှင့်အညီ ထို​သူ​တို့​ကို ဖယ်ရှားသုတ်သင်​တော်မူ​ပါ​။

ဆာ​လံ 89:7

ဘုရားသခင်​သည် သန့်ရှင်း​သော​သူ​တို့​၏ အစည်းအဝေး​တွင် အလွန်​ကြောက်ရွံ့ရိုသေ​ခြင်း​ကို ခံရ​သော​အရှင်​ဖြစ်​တော်မူ​၏​။ ကိုယ်တော်​၏​ပတ်လည်​၌​ရှိ​သော​သူ​အပေါင်း​တို့​ထက် အံ့ဩ​ဖွယ်​ဖြစ်​တော်မူ​၏​။

ဆာ​လံ 94:2

ကမ္ဘာမြေကြီး​ကို​တရားစီရင်​တော်မူ​သော​အရှင်​၊ ထ​တော်မူ​ပါ​။ မောက်မာ​သော​သူ​တို့​အား အကျိုးအပြစ်​ကို ပြန်ပေးဆပ်​စေ​တော်မူ​ပါ​။

ဆာ​လံ 97:10

ထာဝရဘုရား​ကို ချစ်​သော​သူ​တို့​၊ မကောင်းမှု​ကို မုန်း​ကြ​လော့​။ အကြောင်းမူကား ကိုယ်တော်​သည် မိမိ​သန့်ရှင်း​သူ​တို့​၏​စိတ်ဝိညာဉ်​ကို စောင့်ရှောက်​၍ သူ​တို့​ကို ဆိုးယုတ်​သော​သူ​တို့​၏​လက်​မှ ကယ်နုတ်​တော်မူ​၏​။

ဟေ​ရှာ​ယ 38:10

“​ငါ​သည် အရွယ်ကောင်း​ချိန်​တွင်ပင် မရဏာနိုင်ငံ​တံခါး​ရှိ​ရာ​သို့ သွား​ရ​တော့​မည်​။ ကြွင်းကျန်​သော ငါ​၏​နှစ်လ​များ​ကို ငါ​ဆုံးရှုံး​လိုက်​ရ​လေ​ပြီ​။

ဟေ​ရှာ​ယ 56:6

ထာဝရဘုရား​၏​အမှု​တော်​ကို​ထမ်းဆောင်​၍ နာမ​တော်​ကို​ချစ်မြတ်နိုး​သော​ကိုယ်တော်​၏​အစေအပါး​ဖြစ်​ရန် ထာဝရဘုရား​၌​မှီဝဲဆည်းကပ်​သော တိုင်းတစ်ပါးသား​တို့​ကို​လည်းကောင်း​၊ ဥပုသ်နေ့​ကို​မ​ညစ်ညူး​စေရန် စောင့်ထိန်း​၍ ငါ​၏​ပဋိညာဉ်​ကို​စွဲကိုင်​ထား​သော​သူ​အပေါင်း​တို့​ကို​လည်းကောင်း

ယေ​ဇ​ကျေ​လ 37:11

ဘုရားရှင်​ထာဝရဘုရား​က “​အချင်း​လူသား​၊ ဤ​အရိုး​တို့​သည် အစ္စရေး​အမျိုးအနွယ် တစ်မျိုးနွယ်လုံး​ဖြစ်​၏​။ သူ​တို့​က ‘​ငါ​တို့​၏​အရိုး​သည် ခြောက်သွေ့​လျက်​ရှိ​၏​။ ငါ​တို့​၏​မျှော်လင့်ချက် ကုန်ဆုံး​ပြီ​။ ငါ​တို့​သည် ဖယ်ထုတ်​ခြင်း​ခံရ​လေ​ပြီ​’​ဟု ပြောဆို​တတ်​ကြ​၏​။

ရှင်မာကု 12:23

ရှင်ပြန်​ထမြောက်​ရာ​ကာလ​၌ သူ​တို့​ထမြောက်​ကြ​သောအခါ ထို​မိန်းမ​သည် မည်သူ​၏​မယား​ဖြစ်​ပါ​မည်နည်း။ အကြောင်းမူကား ခုနစ်​ဦး​စလုံး ထို​မိန်းမ​ကို မယား​အဖြစ် ပေါင်းဖက်​ခဲ့​ကြ​ပါ​သည်”​ဟု မေးလျှောက်​ကြ​၏။

တ​ရား​ဟော 10:12

အို အစ္စရေး​လူမျိုး​၊ သင်​၏​ဘုရားသခင်​ထာဝရဘုရား သင့်​ထံမှ မည်သည့်​အရာ​ကို​တောင်း​သနည်း​။ သင်​၏​ဘုရားသခင်​ထာဝရဘုရား​ကို ကြောက်ရွံ့​ရ​မည်​၊ လမ်း​တော်​ရှိသမျှ​ကို လိုက်လျှောက်​ရ​မည်​၊ ကိုယ်တော်​ကို​ချစ်​ရ​မည်​၊ သင်​၏​ဘုရားသခင်​ထာဝရဘုရား​ကို စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့​ဖြင့် ဝတ်ပြု​ရ​မည်​၊

တ​ရား​ဟော 30:16

သင်​သည် အသက်ရှင်​၍​တိုးပွား​မည့်​အကြောင်း​၊ သင်​ဝင်ရောက်​သိမ်းပိုက်​မည့်​ပြည်​၌ သင်​၏​ဘုရားသခင်​ထာဝရဘုရား​သည် သင့်​ကို​ကောင်းချီးပေး​တော်မူ​မည့်​အကြောင်း သင်​၏​ဘုရားသခင်​ထာဝရဘုရား​ကို​ချစ်​၍ လမ်း​တော်​သို့​လိုက်​လျက် ကိုယ်တော်​၏​ပညတ်ချက်​များ​၊ ပြဋ္ဌာန်းချက်​များ​၊ စီရင်ထုံးဖွဲ့ချက်​များ​ကို စောင့်ထိန်း​ရ​မည်​ဟု ယနေ့ သင့်​အား ငါ​မှာကြား​၏​။

တ​ရား​ဟော 32:41

လင်းလက်​သော​ငါ့​ဓား​ကို ငါ​သွေး​မည်​။ ထို​ဓား​ကို​ကိုင်​၍ တရားစီရင်​မည်​။ ငါ့​ကို​ရန်ပြုသောသူ​တို့​ကို​လက်စားချေ​မည်​။ ငါ့​ကို​မုန်းတီး​သော​သူ​တို့​ကို လက်တုံ့ပြန်​မည်​။

တ​ရား​ဟော 33:3

အကယ်စင်စစ် လူမျိုး​တော်​ကို​ချစ်​တော်မူ​၏​။ ကိုယ်တော်​၏​သန့်ရှင်း​သူ​အပေါင်း​တို့​သည် ကိုယ်တော့်​လက်​တော်​၌​ရှိ​ပါ​၏​။ သူ​တို့​သည် ကိုယ်တော်​၏​ခြေ​တော်​ရင်း​၌ ထိုင်​လျက် ကိုယ်တော်​၏​စကား​တော်​တို့​ကို ခံယူ​ကြ​ပါ​၏​။

၁ သက် 4:1

နောက်ဆုံး​အနေဖြင့်​ဆိုရလျှင် ညီအစ်ကို​တို့၊ သင်​တို့​သည် ဘုရားသခင်​ကို​နှစ်သက်​စေ​ရန် မည်ကဲ့သို့​အသက်ရှင်​လျှောက်လှမ်း​ရ​မည်​ကို ငါ​တို့​ထံမှ​နည်းခံ​ကြ​ပြီး ထို​အတိုင်း​အသက်ရှင်​လျှောက်လှမ်း​ကြ​သည့်​နည်းတူ ပို၍​ပြည့်စုံ​စွာ ကြိုးစား​အားထုတ်​ကြ​ရန် သင်​တို့​အား သခင်​ယေရှု​၏​နာမ​တော်​၌ ငါ​တို့​တိုက်တွန်း​နှိုးဆော်​လျက် တောင်းပန်​ကြ​၏။

ယု​ဒ 1:1

ယေရှု​ခရစ်တော်​၏​အစေအပါး၊ ယာကုပ်​၏​ညီ ငါ​ယုဒ​သည် ခမည်းတော်​ဘုရားသခင်​၏​ချစ်​ခြင်း​မေတ္တာ​ကို​ခံစား​ရ​၍ ယေရှု​ခရစ်တော်​၏​စောင့်ရှောက်​မှု​အောက်​၌​ရှိ​သော ခေါ်ယူ​တော်မူ​ခြင်း​ခံရ​သူ​တို့​ထံသို့ စာ​ရေး​လိုက်​ပါ​၏။

ဗျာ​ဒိတ် 18:6

သူ​ပေး​ခဲ့​သည့်​အတိုင်း သူ့​အား​ပြန်​ပေး​ကြ​လော့။ သူ​ပြု​သော​အမှု​များ​အပေါ် နှစ်ဆ​တိုး​၍​တုံ့ပြန်​ကြ​လော့။ သူ​ရောစပ်​ခဲ့​သော​ခွက်​၌ သူ့​အတွက်​နှစ်ဆ​ရောစပ်​ပေး​ကြ​လော့။

၁ ရာ 2:9

ကိုယ်တော်​သည် မိမိ​သန့်ရှင်း​သူ​တို့​၏​ခြေ​ကို စောင့်ရှောက်​ပေး​တော်မူ​၏​။ ဆိုးယုတ်​သော​သူ​တို့​မူကား အမှောင်​ထဲ၌ပင် နှုတ်ဆိတ်​နေ​ရ​လိမ့်မည်​။ အကယ်စင်စစ် လူ​သည် မိမိ​ခွန်အား​ဖြင့် မ​အောင်​နိုင်​ရာ​။