ဆာ​လံ 30:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² သို့ဖြစ်၍ အကျွန်ုပ်​၏​ဝိညာဉ်​သည် တိတ်ဆိတ်​စွာ​မ​နေ​ဘဲ ကိုယ်တော်​ကို​သီဆိုချီးမွမ်း​ပါ​မည်​။ အို အကျွန်ုပ်​၏​ဘုရားသခင် ထာဝရဘုရား​၊ အကျွန်ုပ်​သည် ကိုယ်တော်​၏​ကျေးဇူးတော်​ကို အစဉ်အမြဲ​ချီးမွမ်း​ပါ​မည်​။

Common Language Bible

¹² သို့​ဖြစ်​၍​ကျွန်​တော်​မျိုး​သည်​ဆိတ်​ဆိတ်​နေ​မည် မ​ဟုတ်​ပါ။ ကိုယ်​တော်​ရှင်​အား​ထော​မ​နာ​သီ​ချင်း​ဆို​ပါ​မည်။ အို ထာ​ဝ​ရ​ဘု​ရား၊ ကိုယ်​တော်​ရှင်​သည်​ကျွန်​တော်​မျိုး​၏​ဘု​ရား ဖြစ်​တော်​မူ​ပါ​၏။ ကျွန်​တော်​မျိုး​သည်​ကိုယ်​တော်​ရှင်​၏​ကျေး​ဇူး တော်​ကို အ​စဉ်​အ​မြဲ​ချီး​မွမ်း​ပါ​မည်။

Garrad Bible

¹² သို့ ဖြစ် ၍၊ အ ကျွန်ုပ်၏ဝိ ညာဉ် သည် ဆိတ် ဆိတ် မ နေ ဘဲ၊ ဂုဏ် တော် ကို သီ ချင်း ဖွဲ့ ဆို ပါ မည်။ အ ကျွန်ုပ်၏ ဘု ရား သ ခင်၊ အို ထာ ဝ ရ ဘု ရား၊ ကျေး ဇူး တော် ကို ကာ လ အ စဉ် ချီး မွမ်း ပါ မည်။

Judson Bible

¹² သို့​ဖြစ်၍ အ​ကျွန်ုပ်၏​ဝိ​ညာဉ်​သည် တိတ်​ဆိတ်​စွာ​မ​နေ။ ကိုယ်​တော်​ကို သီ​ချင်း​ဆို​ပါ​မည်။ အို​အ​ကျွန်ုပ်၏ ဘု​ရား​သ​ခင်​ထာ​ဝ​ရ​ဘု​ရား၊ ကျေး​ဇူး​တော်​ကို အ​စဉ်​အ​မြဲ​ချီး​မွမ်း​ပါ​မည်။

ဆာ​လံ 30:12 Referencias Cruzadas

ကမ္ဘာ​ဦး 49:6

သူ​တို့​သည် မိမိ​တို့​အမျက်​ဖြင့် လူ​ကို​သတ်​ကြ​၏​။ မိမိ​တို့​အလို​အတိုင်း နွား​တံကောက်ကြော​ကို​ဖြတ်​ကြ​၏​။ ငါ့​စိတ်ဝိညာဉ်​သည် သူ​တို့​၏​အစည်းအဝေး​သို့ မ​ဝင်ရောက်​ပါစေ​နှင့်​။ ငါ့​ဘုန်းအသရေ​သည် သူ​တို့​၏​အစုအဝေး​နှင့် မ​ပေါင်း​ပါစေ​နှင့်​။

ဧ​သ​တာ 8:16

ဂျူး​လူမျိုး​တို့​အဖို့ ထွန်းလင်းတောက်ပ​ခြင်း​၊ ဝမ်းမြောက်​ရွှင်မြူး​ခြင်း​၊ ဂုဏ်ကျက်သရေ​ရှိ​ခြင်း ဖြစ်​လေ​၏​။

ဧ​သ​တာ 9:22

ထို​နေ့ရက်​များ​သည် ရန်သူ​တို့​လက်​မှ ဂျူး​လူမျိုး​တို့ လွတ်မြောက်​သော​နေ့​ဖြစ်​၏​။ ထို​လ​သည် ဝမ်းနည်း​ရာ​မှ ဝမ်းမြောက်​ရ​သော​လ​၊ ငိုကြွေးမြည်တမ်း​ရာ​မှ ပျော်ပွဲ​ကျင်းပ​ရ​သော​လ ဖြစ်​၏​။ ထို့ကြောင့် ထို​နေ့​တို့​၌ စားသောက်ပွဲ​ကို ပျော်ရွှင်​စွာ​ကျင်းပ​ရ​မည်​။ အိမ်နီးချင်း​တစ်ဦး​ကို​တစ်ဦး စားသောက်ဖွယ်​ရာ​များ​ကို ပေးကမ်း​ဝေငှ​ရ​မည်​။ နွမ်းပါး​သူ​တို့​ကို ပေးကမ်း​စွန့်ကြဲ​ရ​မည်​ဟု ပါရှိ​၏​။

ဆာ​လံ 13:6

ထာဝရဘုရား​သည် အကျွန်ုပ်​ကို ကျေးဇူးပြု​တော်မူ​သောကြောင့် အကျွန်ုပ်​သည် ကိုယ်တော့်​ထံသို့ သီချင်းဆို​ပါ​မည်​။

ဆာ​လံ 145:2

အကျွန်ုပ်​သည် ကိုယ်တော်​ကို နေ့စဉ်နေ့တိုင်း​ကောင်းချီးထောမနာ​ပြု​၍ ကိုယ်တော်​၏​နာမ​တော်​ကို ကာလ​အစဉ်အဆက် ချီးမွမ်း​ပါ​မည်​။

ဆာ​လံ 16:9

ထို့ကြောင့် ငါ​၏​စိတ်နှလုံး​သည်​ဝမ်းမြောက်​၍ ငါ​၏​ဝိညာဉ်​သည်​ရွှင်လန်း​၏​။ ငါ​၏​ကိုယ်ခန္ဓာ​သည်​လည်း ဘေးကင်းလုံခြုံ​စွာ​နေ​ရ​လိမ့်မည်​။

ဆာ​လံ 44:8

အကျွန်ုပ်​တို့​သည် ဘုရားသခင်​၌ တစ်နေ့လုံး​ဂုဏ်ယူဝါကြွား​၍ ကိုယ်တော်​၏​နာမ​တော်​ကို အစဉ်အမြဲ​ချီးမွမ်း​ကြ​ပါ​မည်​။(​စေလာ)

ဆာ​လံ 57:8

အို ငါ့​ဝိညာဉ်​၊ နိုးကြွ​လော့​။ စောင်းပြား​နှင့်​စောင်းကောက်​တို့​၊ နိုးကြွ​ကြ​လော့​။ ငါ​သည် အရုဏ်ဦး​ကို နိုးကြွ​စေ​မည်​။

ဆာ​လံ 71:14

အကျွန်ုပ်​မူကား ကိုယ်တော်​ကို အစဉ်မပြတ်​မျှော်လင့်ကိုးစား​၍ ကိုယ်တော်​၏​ဂုဏ်ကျေးဇူး​တော်​အပေါင်း​ကို ပို၍​ပို၍​ချီးမွမ်း​ပါ​မည်​။

ဆာ​လံ 71:23

ကိုယ်တော်​ကို​သီဆိုချီးမွမ်း​သောအခါ အကျွန်ုပ်​၏​နှုတ်ခမ်း​သည်​လည်းကောင်း​၊ ကိုယ်တော်​ရွေးနုတ်ကယ်တင်​တော်မူ​သော အကျွန်ုပ်​၏​စိတ်ဝိညာဉ်​သည်​လည်းကောင်း ရွှင်လန်း​စွာ​ကြွေးကြော်​ပါ​မည်​။

ဟေ​ရှာ​ယ 61:3

ငိုကြွေးမြည်တမ်း​နေ​သော ဇိအုန်​မြို့သား​တို့​အဖို့ ပြာ​အစား​ခေါင်းပေါင်း​၊ ငိုကြွေးမြည်တမ်း​ခြင်း​အစား ရွှင်မြူး​ခြင်း​ဆီ​၊ ညှိုးငယ်​သော​စိတ်​အစား ချီးမွမ်း​ခြင်း​အဝတ်​ကို စီရင်​ပေး​ရန် ငါ့​ကို​စေလွှတ်​တော်မူ​ပြီ​။ ဘုန်း​တော်​ထင်ရှား​စေရန် ထာဝရဘုရား​စိုက်ပျိုး​တော်မူ​သော ဖြောင့်မတ်​ခြင်း​ဝက်သစ်ချပင်​ဟု သူ​တို့​ကို ခေါ်ဝေါ်​ကြ​လိမ့်မည်​။

လုကာ 19:40

ကိုယ်တော်​က​လည်း“သင်​တို့​အား ငါ​ဆို​မည်။ ဤ​သူ​တို့​တိတ်ဆိတ်​စွာ​နေ​ကြ​လျှင် ကျောက်ခဲ​တို့​သည် ကြွေးကြော်​ကြ​လိမ့်မည်”​ဟု ပြန်​၍​မိန့်​တော်မူ​၏။

တမန်တော်ဝတ္ထု 4:20

အကျွန်ုပ်​တို့​သည် မိမိ​တို့​ကြား​ရ၊ မြင်​ရ​သော​အရာ​တို့​ကို မ​ဟောပြော​ဘဲ​မ​နေ​နိုင်”​ဟု သူ​တို့​အား ပြန်ပြော​ကြ​၏။

ဗျာ​ဒိတ် 7:12

“အာမင်။ ကောင်းချီး​မင်္ဂလာ၊ ဘုန်း​အသရေ၊ ဉာဏ်ပညာ၊ ကျေးဇူး​တော်​ချီးမွမ်း​ခြင်း၊ ဂုဏ်သရေ၊ တန်ခိုး​နှင့် အစွမ်းသတ္တိ​တို့​သည် ငါ​တို့​ဘုရားသခင်​၌ ကမ္ဘာ​အဆက်ဆက်​ရှိ​ပါစေသော။ အာမင်”​ဟု မြွက်ဆို​ကြ​၏။